خواطر من قلب الذكريات ج6
فى المقالات السابقة اعزائى القراء تم سرد بعض الكلمات والخواطر ضمن سلسلة خواطر من قلب الذكريات
واليوم سوف نستكمل مع حضراتكم الجزء السادس من السلسلة كما وعدناكم اتمنى ان تنال اعجابكم ..
لازم اندم قلبك
احزان ولا ليها أخر هقصر واجيب من الاخر
انسان وعايش على الامل فى الانتصار
انسان ورافض ينهزم واهو خد قرار
لازم اندم قلبك يوم لازم اهد الفرح فى عينيك
لازم تعرف كل الناس نهيت اللى ما بينى وبينك
قولت اتحدى الدنيا عشانها
وهكمل معاها مشوار
قولت لا عمري فى مرة هخونها
من جوايا دا كان اصرار
ليه وفجأة كلامها اتغير
واتبدل من غير اعذار
لا والاصعب خانت الوعد من غير سابق ولا انذار
لازم اندم قلبك يوم لازم اهد الفرح فى عينيك
لازم تعرف كل الناس نهيت اللى ما بينى وبينك
ليه جزائى يكون خيانة ياريت تقولى وبالامانه
علقتى قلبى بوهم ليه قولتيلى كمل وانا وياك
مهما طال بيك الطريق كمل كمل مش سيباك
اديتى قلبى فرصه ليه وفى النهاية دوستى عليه
وما نابنى منك غير ندامة
على القلب الكبير الطيب
اللى عمره ما خان حبيبه
على اللى شاف الويل والقسوة
والفرحه معرفتش طريقه
لازم اندم قلبك يوم لازم اهد الفرح فى عينيك
لازم تعرف كل الناس نهيت اللى ما بينى وبينك
كان لازم اعرف من البداية
كل حاجة وليها حاجه
ازاى يعيش غير مستواه
كان لازم افهم فى النهاية
كل فرح نهايته أه أه أه أه أه أه
…………………………………
لو ليا نصيب فيكى
ليه نبكي وليه نحزن ونضيع عمرنا ببلاش
والايام بتفوت وتمر زي القطر ما تستناش
عيش واحلم في حياتك عمر الحلم ما كان له حدود
لو صممت هتوصل توصل لو كان طريقك مسدود
انا هاوعدك عن حياتي وجوه قلبي ما هبعدك
لو ليا نصيب فيكي انا هعمل المستحيل عشان اسعدك
من يوم ما عرفتك وانا حاسس وكإنك حته مني
انا شوفت الدنيا جميله ونسيت انا حتي همي
ما نسيتش حاجه واحده
ما نسيتش معاكي حلمي
هتسأليني حلمي ايه
واللي نفسي اوصل ليه
لو صبرتي ثانيه واحده
كنت هاقولك عليه
حلمت ابقي جنبك
ما تسيبش ايدي ايديكي
ما تفارقش عنيا عنيكي
وانسي كل حاجه
وافكر بس فيكي
حلمت ربنا يديني علي قد اللي في ضميري
وتكوني من نصيبي واعيش العمر جنبك لاخر سنيني
عيش واحلم في حياتك عمر الحلم ما كان له حدود
لو صممت هتوصل توصل لو كان طريقك مسدود
سوف نكمل اعزائى القراء باقي السلسلة من الكتابات في المقالات القادمة .اسعد الله اوقاتكم بكل خير.
