خواطر من قلب الذكريات ج7
فى المقالات السابقة اعزائى القراء تم سرد بعض الكلمات والخواطر ضمن سلسلة خواطر من قلب الذكريات
واليوم سوف نستكمل مع حضراتكم الجزء السابع من السلسلة كما وعدناكم اتمنى ان تنال اعجابكم ..
ملكيش عزيز
ملكيش عزيز ولا ليكي غالي
واحب اطمنك انتي مش في بالي
وقولت من البدايه اللي يحب بسرعه
لازم ينسي في ثانيه خلاص عموما انتي حره
اللي يريحك اعمليه واللي يريحني انا هعمله
انا قلبي غالي عندي من النهارده مش هتعبه
دا مكنش حب سنين يعني دا حب ابن يومين
وضحكتين وكلمتين حلوين اتقالوا واتنسوا في غمضه عين
تقولي خان تقولي باع
هقولك كلمه اخيره وداع وداع
…………………………
من غير ما اكلمها
لا بينا كلام ولا اشاره من بعيد لبعيد
ولا حتي نظره عين او سلام بالايد
لكني حبيتها وعشت في هواها وحيد
من غير ما اكلمها انا قلبي حبها
ويا ريته فهمها باللي حاسه في حبها
كان صمتي هوه رد فعلي
كان سبب لعذابي وحزني
ولومت علي نفسي ياما اني ما صارحتهاش
كان نفسي تحس بيا وتعرف حبي ليها
وتعرف اني فعلا مليش حبيب بعديها
صحيح ما قولتش اي حاجه حبيت يا قلبي في صمت
بس حبي عايش حبي لسه باقي حبي ما انتهاش
انا لومت علي نفسي ياما اني ما صارحتهاش
معقول في حد يحب حد للدرجه ديا
شايله في قلبه كل الشوق ده والحنيه
حتي لو من غير كلام حتي لو معرفوش
وما يحسش بحبه ولا حتي نبض قلبه
والحزن اللي ساكن فيه في بعد حبيبه عنه
غريبه والله يكون ده حاله مع كل الحب ده
متلومش يا قلبي غير نفسك ما هو صمتي كان المشكله
وداع يا حب عمري … وداع يا نبض قلبي
وداع ومع السلامه .. بتمني ليكي الخير
لو حبك سجن فعلا.. اتمني اكون اسير
…………………………
يا خسارة صدقتك
يا خساره صدقتك
وانت عديم الامانه
مش هرضي اعيش مخدوع
ولا اقبل بالخيانه
ودعتك خلاص يا حبيبي
ونهيت اللي بينا
انسي اسمي خلاص
واي حاجه ما بينا
كنت فاكرك يوم ملاك
قولت هبني طريقي معاك
قولت روحي وعمري فداك
يا ريت بجد تنساني وصلتني للهلاك
سوف نكمل اعزائى القراء باقي السلسلة من الكتابات في المقالات القادمة .اسعد الله اوقاتكم بكل خير.
