اغرب تجارب علمية علي البشر واكثرهم جنونا!

مش كل القصص المرعبة مرتبطة بالخوارق والعفاريت ، لأن ممكن تكون التجارب على البشر مُخـ،يفة أكتر..

- تجربة النوم الروسية

في اوائل الخمسينات علماء سوڤـ،يت قرروا يعملوا تجربة سرية على مجموعة من الأشخاص عشان يختبروا تأثير منع النوم لفترة طويلة وعشان يختبروا غاز بيحفز العقل انه يفضل صاحي دايمًا

اختاروا مجموعة من السجنـ،اء السياسيين وعرضوا عليهم إن يتم عليهم التجربة لمدة لا تتخطي ال٣٠ يوم مقابل حريتهم بعد إنتهاء التجربة

جهزوا غرفة زجاجية فيها اكل وشرب وكتب وكل لوازم الحياه والأهم هو وجود غاز محفز لعدم النوم وحطوا فيها السجـن،اء الي هيتم تنفيذ التجربة عليهم وبدأت التجربة وبدأوا يراقبوا سلوكهم

في أول ٣ أيام كانت الامور طبيعية جدًا ، الناس بتاكل وبتشرب وبتهزر ، لكن في اليوم الرابع كانت الأمور بدأت تتغير ..

الناس بدأت تكلم نفسها زي المجاذيب او الي بيعانوا من أمراض نفسية ،في اليوم السادس واحد منهم فضل يصر،خ بطريقة هستيرية لحد ما الموضوع وصل إن احباله الصوتية اتقطـ..عت وفقد النطق من بعدها

وفضلت الاوضاع على كده لحد اليوم التاسع والي حصل فيه حاجة غريبة ، وده لأن كل الي في الغرفة كانوا في حالة هدوء تام ، محدش بيتكلم ، محدش بيتحرك ، العلماء الي بيتابعوا التجربة مكنوش بيسمعوا غير بعض الهمسات والتمتمات الغير مفهومة

لكن الرعب الحقيقي والكا.رثة حصلت في اليوم العاشر ، وده لما لاحظوا إن واحد منهم عمال يقطـ..ع في اعضاءه وجسمه بـ آلة حا..دة ، الموضوع موقفش لحد هنا ، لأن المرعب ان الناس ديه بدأت تاكل في بعض زي الحيوانات المفتـ.رسة

الاوضة لما اتفتحت كان حيطانها ملطخـ،ة بالد..م والاعضاء البشـ.رية في كل حته ، الاكتر رعب ان فيه عدد كبير منهم ما..ت وحتي الي فضل تم قتـ.له بسبب انهم فقدوا السيطرة عليهم.

- الوحدة 731 في اليابان

واحدة من اكتر التجارب الطبية البشعة الي اتعملت على البشر على مدار التاريخ ، الوحدة ٧٣١ هو وحدة بحث عسكري سري تابعة للجيش الياباني ، الهدف المعلن عنها هو ابحاث طبية، لكن في الحقيقة كانت معسكر ضخم لعمل تجارب على البشر

كانوا مجهزين مكان مخصص للتجارب عبارة عن معامل وأماكن احتجاز وغرف تعذ..يب ، الحكاية بدأت سنة ١٩٣٥ لما كان محتجز في المكان ده اسري صينين وكوريين و روس وكمان بعض المدنين وكانوا بيطلقوا على الاسري اسم "ماروتا"  وديه كلمة معناها خشب ، وكأنهم مش بشر هما مجرد الواح خشبية بيتم عمل تجارب عليهم

ومن ضمن التجارب الي اتعملت على الناس ديه هو تشر،يحهم بدون بنج بدون اي تخدير ، والغرض من التشر .يح وهما أحياء عشان يشوفوا اعضاءهم بتشتغل ازاي ، شافوا حركة القلب والكبد ..بل وكمان بعضهم كانوا بيفتحوا دماغه وهو صاحي

عملوا كمان تجربة التجميد ، وديه كان بيتم غمس الاشخاص في ميه باردة وتلج لحد ما يتجمدوا تمامًا وبعدين يجييبوا شكوش ويفضلوا يضر..بوهم بيه عشان الناس تتكـ..سر زي الازاز ، وكان الغرض من التجربة ديه أنهم يشوفوا تأثير البرد القارص على الجسم

الموضوع موقف لحد هنا ، ده كان بيتم نشر الاوبئة بين الأسري زي الطاعون والكوليرا ويسيبوهم يمو..توا عشان يشوفوا ويدرسوا الاعراض الي بتظهر عليهم ، الموضوع وصل لحرمانهم من الاكل والشرب لفترة طويلة عشان يجربوا اقصي ما يتحمله الجسـد قبل المو..ت

ده غير حاجات كتير حصلت في الوحدة 731 ابش..ع بكتيـر وكلها كانت تجارب  غير ادمية على البشر ، اتقال ان عدد ضحايا التجارب ديه بيتراوح من ٣٠٠٠ لي ١٢٠٠٠

الموضوع انتهي بحماية أمريكية لليابان من المحاسبة على الجر..ايم ديه مقابل ان اليابان تبعتلهم نتايج التجارب ديه وكمان بعتت الاطباء الي شاركت فيها عشان تشتغل في المعامل والمختبرات هناك

- مشروع mk ultra

وده كان برنامج سري أطلقته المخابرات الأمريكيةCIA

وده كان الهدف منه التحكم في عقل الإنسان ، بمعني ازاي تقدر تخليه يغير رأيه،يعترف بحاجة هو معملهاش او حتي ينفذ اوامر بدون إرادته، كانوا عاوزين يعملوا غسيل كامل للدماغ

التجارب الاولية بدأت على بعض المساجين والمرضي في المستشفيات وكمان الموظفين ، كانوا بيدوهم عقار بدون علمهم وده كان وظيفته انه يجبر الشخص على الطاعة والتحكم في الادارك والكلام ، لكن نتايج العقار على كل الي خدوا كانت كارثـية

لأن معظم الي خده اتجـ..نن وعدد كبير منهم انتحـ..ر وعدد تاني كان بيهلوس طول الوقت بكلام مش مفهوم ،بدأو يستخدموا شئ اسمه التنويم المغناطيسي وبطريقة معينة بعد ما جلسة التنويم تخلص والشخص يفوق  بيكون مبرمج بطريقة معينة انه ينفذ اي شئ يتطلب منه

الموضوع وصل ان فيه عالم في الجيش الأمريكي خد العقار بدون علمه وبعدها بفترة قصيرة دخل في حالة اكتئاب وانتـ.حر على اثرها

المرعب أنهم فعلا قدروا يغسلوا مخ بعض الناس الي تمت عليهم التجربة ديه وخلوا عقلهم فاضي تماما من اي ذكريات وده تم عن طريق تشغيل تسجيلات صوتية اثناء النوم وكمان صعـ.ق كهربائي ، وبعد ما يخلوا مخه فاضي يبدأوا إعادة برمجته

كانوا بيعزلوا الناس الي بيتم عليها التجارب في غرف مفيهاش اي اضاءة لمدة ايام متتالية وحرمانهم من النوم وتشغيل اصوات صر..اخ عالية جدًا ،كل ده عشان يوصلوا الشخص لقمة الانهيار النفـ.سي وبعدها يبرمجوا مخه زي ما هما عايزين

لحد ما تيجي سنة ١٩٧٥ وبعد تسريب الوثائق عن المشروع السري ويفتح بعدها الكونجرس تحقيق رسمي ويتم الكشف عن ٨٠ مؤسسة تم تنفيذ التجربة على الناس الموجودة فيها من ضمن المؤسسات ديه ، جامعات،مستشفيات،سجون

التجربة ديه اتعمل من قصتها اكتر من فيلم مشهور ويقال ان هي شغالة لحد دلوقتي وبيطوروا فيها بطريقة سرية تحت مسمي تاني مختلف.

#يحدث_ليلاً
#اسماعيل_ناجي