الرقم 504...ونا النوته،،حكايتي مع العالم الاخر
كنت بفكر اكتب مقاله جديده
فاجاه جالي تعليق علي فيديو قديم
ينوته لو قلبك جايبك اتصل علي رقم 504 الساعه 3و9 دقايق
انا قولت اي العبيط ده كمان ناقصه عبط علي المسا
بس يصاحبي معرفش لي الرقم مسك في دماخي وعلق معايا
قومت كده من علي الكرسي واتعدلت الدنيا ضلمه وهاديه بشكل غريب
لقيت تلفوني بيرن وطلع صاحبي عبدو
الو يلا يعبدو يخربيت امك انت فين يلطخ
ايوه ينوته موجود والله يصديقي انت الي مختفي
اخلص يعبدو هات الي في بطنك مش نقصاك الساعه دى
اتقل علينا يعم نوته الا صحيح قريت التعليق الي جالك
تعليق اي
بتاع الرقم 504
انت متصل بيا عشان تقولي ان جالي تعليق انت مشرف القناه يعني منا عارف يعم اعمله اي ده هطل يسطا
لا ينوته حاسب عندك الرقم فعلا بوابه لفتح عالم زى ده
ازاي يعني
ابحث وانت تعرف او جرب
طب اقفل بقي ومتصدعش امي
خلصانه ينوته عايز حاجه يحبيب اخوك سلام يابا
وقفل عبدو
انا الفضول لعب في عبي اكتر
بعد ما الولا عبدو قفل طلعت تلفوني وكتبت 504 واتصلت
رنه
بعدين صوت
مش صوت ده همس اكن حد بيكلمني من جوه بير
بعدين صوت بنت هادي جدا قالتلي
احنا شايفينك
قمت قافل وقولت هي ناقصه عبط ودخلت نمت
قمت من النوم بعد الضهر كده ببص في المرايه حاسس ان ده مش انا قولت بيتهيقلي لس صاحي مش مشكله
بعد مفوقت كده قولت البس واروح علي الدرس اي ده انا باصص في المرايه دي مش نظراتي انا بحرك عيني لاكن عيني في المرايه مش بتتحرك
فاجاه لاقيت نفسي يضحك ونا مضحكتش جريت طياران من قدام المرايه ونا حرفيا جسمي تلج من كتر الرعب
عدى اليوم
الليله التانيه
الساعه 3و9دقايق تلفوني رن ببص لقيت الرقم 504 انا رميت الفون علي الارض من كتر الرعب
وطيت جبته ونا حرفيا ايدى بتترعش من كتر الرعب
ومردتش
انا بكتبلك الكلام ده عشان 504 باب فعلا لبوابتهم انا سبت جزء من روحي جوه المرايه لحد انهرده ودايما بشوف شخص تاني فيها وحاليا بتعالج بي الروقيه بسبب الي عملته
قبل متجرب حاجه حط كل المخاطر قدامك لان في حاجات مينفعش نيجي يمتها
حكاوى النوته
