ازاي كانت حياة المصري القديم؟
خلينا نشوف مع بعض ازاي المصري القديم كان عايش يومه ازاي ؟
مظاهر الحياة المصرية القديمة :
√√ الحياة والاقتصادية
√√ الحياة الاجتماعية
√√ المعتقدات والدين
√√ الفن والكتابة
√ √ الزراعة والحياة الاقتصادية
اعتمد المصري القديم علي نهر النيل ,فكان مصدر الخير والرزق .زرع القمح والشعير وصنع ادوات للحرث والري.الزراعة مكانتش بس مصدر طعام ,لكنها كمتن اساس الاقتصاد.
√√ الحياة الاجتماعية
المجتمع المصري القديم كان مترابط .الاسرة هي الاساس ,والمراة كان ليها مكانة مهمة في البيت والمجتمع ,وكانت احيانا بتشارك في التجارة والميراث والزوج والزوجة بيبنوا بيت مستقر ,والابناء بيساعدوا في الزراعة والحرف .والمراة المصرية القديمة كان ليها حقوق (الزواج ,الطلاق ,الميراث) . شاركت في التجارة ,وكان لها احترام كبير ,والدليل تماثيل ونقوش كتير بتظهرها بجانب الرجل .والتعليم كان مهم ,خاصة لابناء الكتبة والكهنه ,واتعلموا الكتابة الهيروغليفية والحساب وفي نفس الوقت اولاد الفلاحين اتعلموا الزراعة والصناعات اليدوية .
المجتمع كان متدرج :
الفرعون ←الكهنه←الموظفين←الجنود←الحرفيين←الفلاحين .
رغم التدرج ,كل طبقة كان ليها دور مهم في استقرار الدولة .
المصريين القدماء كانوا بيحبوا الغناء والموسيقي والرقص ,استخدموا الات زى العود والناي والطبول ,والاحتفالات والمهرجانات الدينية كانت جزء من حياتهم .ومن العادات والتقاليد للمصريين القدماء احترام الكبير والتجمع العائلي ,والاحتفال بالاعياد الدينية والوطنية (عيد الفيضان).
√√ المعتقدات والدين
الدين كان جزء اساسي من حياة المصري القديم . عبد الهة متعددة زي رع الة الشمس ,وايزيس رمز الامومة ,واوزيريس اله البعث ,وحورس اله الحماية والملوك.اعتقادهم في الحياة بعد الموت خلاهم يهتموا بالتحنيط وبناء المقابر الضخمة . الكتب المقدسة كان عندهم “كتاب الموتى”وهو مجموعة من التعاويذ ونصوص دينية بتتكتب علي جدران المقابر او على ورق البردي علشان ترشد الروح في العالم الاخر . المعابد مش بس مكان عبادة ,لكنها كانت كمان مركز للتعليم والاقتصاد والسياسة مثل معبد الكرنك ,وابو سمبل. الكهنة كان ليهم دور كبير جدا في قيادة الطقوس الدينية وتفسير ارادة الالهة وادارة المعابد اللي كانت زى مؤسسات ضخمة.المهرجانات والطقوس كان في موسيقي ورقص وتقديم قرابين للالهة .
√√ الفن الكتابة
الفن كان مش مجرد جماليات، لكنه وسيلة للتعبير عن الدين والحياة اليومية. الرسم على الجدران كانوا بيرسموا مناظر الزراعة، الصيد، الاحتفالات، والحياة الأسرية.
كانوا بينحتوا تماثيل ضخمة زي تمثال أبو الهول، وتماثيل دقيقة جدًا لملوك وكهنة. المجوهرات والحُلي استخدموا الذهب والأحجار الكريمة بدقة عالية.الموسيقى والرقص كانوا
جزء من الاحتفالات والمناسبات الدينية. الفن عندهم كان له قواعد ثابتة: الشخصيات الكبيرة (زي الفرعون) مرسومة بشكل أكبر من باقي الناس علشان يوضحوا أهميته.
اخترعوا الكتابة الهيروغليفية (رسوم وصور بتمثل أصوات أو كلمات).استخدموا الكتابة في النقوش على جدران المعابد والمقابر ,وتسجيل القوانين والمعاملات ,كتابة النصوص
الدينية زي "كتاب الموتى". مع الوقت ظهر نوعين آخرين من الكتابةهما الهيراطيقية ( أبسط من الهيروغليفية، استخدمت في الحياة اليومية),و الديموطيقية كانت أسرع وأكتر
عملية في التجارة والمعاملات. المصري القديم كمان أول من استخدم ورق البردي، وده ساعدهم يوثقوا علومهم وأفكارهم.
