رواية عشق الزين الفصل الاول

.
.
🔴🔴🔴🔴🔴🔵🔵
الحلقة 1 
.
.
ف مكتب رئيس مجلس ادارة شركات الجارحى

: زين باشا

زين :امممممم

سهيله سكرتيرة زين : فى واحد عاوز يقابل حضرتك اسمه عم حسن

زين :دخليه فورا

سهيله :امرك

استووووووووووب 
زين الجارحى عمرة ٣٠ سنه من اغنى اغنياء مصر  يمتلك ثروة كبيرة جدا  شاب وحيد  والدة ووالدته اتوفوا  وجدته ربته عايش لوحدة  زين طويل شعرة اسود وكثيف و وعيونه عسلى وله دقن خفيفه وسيم  وبيهتم بجسمه ورياضته جدا  ناجح ف شغله  الجميع بيعمله الف حساب ذكى جدا وقدر يكون امبراطوريه الجارحى من جهدة وتعبه 
********
زين :عم حسن وحشتنى يا راجل يا طيب اخبارك ايه ؟

عم حسن : انت الى وحشتنى يا زين الرجال

زين : يااااه ياعم حسن انت عمرك ما هاتتغير وهاتفضل تقولى زين الرجال

عم حسن : انا عمرى ما هاتغير وعمرى  ماهاقولك غير زين الرجال

زين: ايه بقا قررت تيجى تعيش معايا انا مش عارف ليه عاوز تقعد ف الشرقيه

عم حسن : بيتى وحياتى هناك يا زين ....المهم انا كنت عاوز اطلب منك طلب

زين: انت تطلب وانا انفذ على طول  انا تحت امرك انا عمرى ما انسى فضلك عليا  ابدا

عم حسن : اهدى يابنى مش يمكن ترفض الطلب صعب مش  سهل توافق بسرعه

زين :قول ياعم حسن الى انت عاوزو ومن غير مقدمات  قولتلك قبل كدا انت  غلاوتك  عندى كبيرة  والى انت عاوزو  هايتنفذ

عم حسن : دا العشم بردوا .... الحكايه وما فيها  ان انا ليا جار مهندس محترم ومراته ست محترمه اتوفوا وسابوا بنت  والدة المهندس ربتها وكبرتها وعلمتها  المشكله ان  الست مرضت وتعبت واتوفت بعد وفاتها ولادها عاوزين يجوزها لابن واحد فيهم عشان ورثها البنت ضعيفه ملهاش حد قعدت ترفض وتحجج اخر ما زهقوا منها قرروا يكسروها ويجوزها  لراجل كبير من سينا ف يوم كتب الكتاب هربت وجتلى  وانا جبتها على هنا  اهلها دول يا زين يابنى زرعه شيطانى  واكيد دلوقتى قالبين  الدنيا عليها

زين :كمل ياعم حسن  انت طالب منى ايه

عم حسن : طالب منك تاخدها تعيش عندك وتكمل دراستها هنا  هى فى كليه هندسه  وتعيش تحت حمايتك  اظن ان زين الجارحى محدش يقدر يقرب منه ولا من بيته ولا من حاجة تخصه  انا كنت ممكن اجر شقه ليها تقعد فيها بس زى ما قولتلك اهلها دول زرعه شيطانى هايوصلوا ليها ف اى وقت

زين : طب هى فين ؟

عم حسن : استنى يا زين قبل ما تسال عليها  انا لسه مخلصتش كلامى. ....  انا كنت عاوزك تتجوزها

زين : نعم اتجوزها ليه هو انت مش واثق فيا ولا ايه

عم حسن : لا واثق يابنى  بس انا طلبت منك تقعد ف بيتك وعشان الحرمانيه بس

زين : عم حسن انا بيتى في ناس بتشتغل  ياعنى مش هاكون انا وهى لوحدنا

عم حسن : يابنى انا واثق فيك والله بس  معلش ريحنى عشان  اكون مطمن انك عمرك ما هاتخذلنى وتبطل تحميهاا

زين : ماشى يا راجل يا طيب

عم حسن : تسلم يا زين الرجال .... انا كنت عاوزها تشتغل عندك تكسب ثقه ف نفسها البنت ضعيفه وبتخاف من اى حاجة وبردوا عشان عزة نفسها

زين : ماشى ياعم حسن هى فين

عم حسن : تحت يابنى قاعدة هى متعرفش لسه حاجة  عن اتفاقنا  انا هانزل  افهمها براحة وربنا يهدى الامور من عنده

زين : انزلها  وخد وقتك انا هاخلص شويه ورق. وانزلك نتمم الموضوع

عم حسن : انا مغلطتش ابدا لما فكرت فيك
**********
ف الاستقبال

نلاقى بنت قاعدة على كراسى مخصصه لاستقبال الوافدين

هى دى بطله قصتنا

ليليان عمرها ٢٠ سنه طولها متوسط وعيونها خضرة  وبيضه شعرها كنستنائى اللون  وطويل جدا  محجبه  جميله ملاحمها هاديه جدا  بتدرس ف كليه هندسه  وف خدها الايمن فيه غمازة بتظهر لما بتضحك

عم حسن : ليليان انتى فين  عمال اكلمك وانتى مبترديش

ليليان : معلش عم حسن  ماخدتش بالى كنت سرحانه

عم حسن : اسمعى يا بنتى. مفيش وقت  انتى لما جتيلى  عشان انقذك منهم كنتى واثقه فيا

ليليان : ايوا طبعا  تيته الله يرحمها قالتلى عمك حسن هو الوحيد الى تثقى فيه  وانا بحبك جدا عشان كدا جتلك من غير ما افكر

عم حسن : بصى يا بنتى  انتى لازم تختفى من انظارهم لاجل غير مسمى عشان كدا جبتك القاهرة لزين الجارحى انا الى مربيه  وعارف قد ايه  محترم وراجل  وزين الرجال  انا عاوزك تتجوزى زين وتعيشى معاه  معاه ف  بيته  وانا قولتله يخليكى تشتغلى وتكملى دراستك ف الجامعه هنا  المهم يابنتى تكونى فى حمايته واهلك بس لو عرفوا انك ف حمايه زين الجارحى مش هايقدروا يقربوا منك

ليليان : هو دا الحل ياعم حسن مفيش حل غير دا طب انا ممكن اقعد ف شقه لوحدى مش لازم الجواز ...طب اهله يقولو ايه عليا

عم حسن : اه دا الحل ومفيش وقت ولازم توافقى بسرعه ... ومتخافيش مالوش اهل عايش لوحدة .... وبعدين ياستى دا جواز على الورق  بس لغايه ما نشوف موضوع اهلك هايوصل لفين

ليليان : ماشى ياعمو انا واثقه ف حضرتك

جة عليهم زين

زين : عم حسن

عم حسن لف لزين : زين تعال سلم على ليليان

زين باصلها لقاها جميله لا دى جميله جدا باين على وشها انها معيطه وتعبانه شكلها رقيق جدا
زين شد عم حسن بعيد عنها

زين: عم حسن هى بتعيط  ليه انت غصبها على حكايه الجواز دى انا لسه عند وعدى هاحميها من غير جواز

عم حسن : لا يابنى هى بتعيط على حالها وكسرة نفسها  يالا يابنى

عم حسن اخد ليليان ومشى وراه زين ليليان بصت لاقت رجاله حراسات كتير وعربيات خافت منه  هو اه جميل بس ملامحه جادة اوى عيونه قاسيه  خافت تبصله عيونه حست انها اخترقتها  وواثق من نفسه اوى

بعد فترة  تم الجواز

زين : انت لسه عاوز تسافر خليك معايا انهاردا

عن حسن : مينفعش لازم  اسافر لازم اعمام ليليان ميحسوش بحاجة ..... ليليان اسمعى كلام زين  هو يابنتى حمايتك وسندك
*********
وصلوا عند برج كبير على النيل نزل زين وليليان معاه ركبوا الانساسير 
وصلو اخر دور وكان مصمم بطريقه عصريه وجميل  جدا  وكان عبارة عن طابقين الطابق الاول  فيه غرف الخدم  وغرفه المكتب  وغرفه الجلوس وحمام سباحه 
طابق الثانى خاص بزين فيه غرفه نوم واحدة وغرفه رياضه  وغرفه جلوس خاصه بزين فيها مكتبه كبيرة فيها كتب كتير  
وطابق دا ممنوع اى حد يتخطاه

زين : دادة سميحه

دادة سميحة : ايوا يا زين

زين : اعرفك دى ليليان مراتى.

دادة سميحة بصدمه : مراتك احم اهلا يابنتى

ليليان : اهلا بحضرتك

زين : لو سمحتى دادة جهزى الغدا

دادة سميحة : حاضر

زين : احم تعالى معايا المكتب  عاوزك ف شويه كلام لازم نتكلم فيه

ليليان بخوف : حاضر 
*********
ف محافظه الشرقيه

راجل كبير باين على ملامحه القسوة والاجرام

الشيخ : والله ما هارحمك ياعاصم مش الشيخ عزت الى. يتعمل فيه كدا ومين الى يضحك عليه واحد زيك

عاصم  عم ليليان :  اهدى بس يا شيخنا  والله انا ما اعرف هى راحت فين  .... بس متقلقش هجيبها

الشيخ : متنساش ياعاصم الفلوس الى دفعها فيها  لو  انت متعرفش تجيبها اجيبها انا

عاصم : لا لا هى ملهاش حد اصلا احنا هانسال عليها عند كذا حد  ادينى بس مهله وانشاء الله هاجيبهالك لغايه عندك

مشى الشيخ هو ورجالته

شاكر عم ليليان : انت ليه موافقتش يدور عليها معانا

عاصم :  هاتفضل طول عمرك اهبل  ولما يلاقيها ويتجوزها واحنا مش موجدين انت ناسى ان لازم الهانم  تمضى على كل حاجة الاول قبل الجواز

شاكر : هاتكون راحت فين  وقدرت تعمل كدا ازاى

عاصم : هلاقيها دى بت خايبه وملهاش حد وهاتقع تحت ايدى ووقتها والله ما هارحمها 
.
🔴🔴🔴🔴🔴🔴🔴🔴🔴🔴🔴🔵🔵
الحلقة 2 
.
.
فى بيت زين الجارحى  وتحديدا ف اوضه المكتب .

زين : بصى انا وافقت عم حسن علشان الراجل دا افضاله عليا كتيرة بس لازم تفهمى شويه حاجات اولا الجواز على الورق ثانيا مينفعش حد يعرف انك مراتى. انا رجل اعمال وليا مكانتى  مينفعش  اطلع كدا اقول ان اتجوزت......  عم حسن طلب منى انك تكملى دراستك وتشتغلى فى الشركه عندى  انا قررت اشغلك سكرتيرتى الشخصيه  تنظمى مواعيد وتحضرى اجتماعات و تسافرى معايا ومتخافيش لو الشغل هايعارض دراستك يبقا الدراسه فى المقام الاول

ليليان :  عمو حسن كان قالى انى هاكمل الدراسه هنا وانا ورقى ف الجامعه لسه  هناك فى الشرقيه

زين : دى كلها امور بسيطه ...... زى مالحظتى البيت هنا دورين  دور الى احنا قاعدين فيه وطبعا مفيهوش اوضه ليكى ودور فوق دا جناحى خاص بيا انا مبحبش حد يدخله دادة سميحة الى بس مسمحولها تدخله وانتى كمان هايبقا مسمحولك لانك هاتعيشى معايا فيه و  انا شخص بحب النظام بكرة الفوضى

ليليان : انا ممكن انام مع دادة سميحة

زين : بصى زى ما انا فهمتك انك مش مسموح حد برا يعرف انك مراتى  على العكس هنا طبعا  كلهم عرفوا  هنا فى البيت انك مراتى   ومينفعش مرات زين الجارحى تنام مع اى حد من الى بيشتغل عندى  ... مفهموم

ليليان بضيق منه  : مفهوم

زين : طيب يالا اطلعى الجناح فوق زمان دادة سميحه  رتبت  هدومك  
******************
فى الشرقيه

عاصم عم ليليان : ياعنى ايه  مش لاقيها هاتروح فين دى ملهاش حد الا احنا  مفيش غيرة حسن الزفت هو  الى هربها اكيد

يوسف ابن عاصم : انا هاموت يابابا قلبت الدنيا عليها  ...... كل ما افتكر انها خلاص راحت منى اتقهر

عاصم : وحياتك عندى لاجبهالك واخليك تكسرها وفلوسها كلها هاتبقا لينا وبس

يوسف: فلوسها بس وجمالها يابابا  بس انا مش هارتاح الا لما الاقيها  واكسر نفسها وبعد كدا نبقا نرميها لشيخ عزت

عاصم:  والنبى متفكرنيش بالزفت عزت ...... ركز بس معايا انت انا عاوزك تراقب حسن  دا وتبلغنى بكل  حاجة الصغيرة قبل الكبيرة

يوسف : انا مش عارف انت ليه شاكك دا راجل خايب ميقدرش يعملها

عاصم : انت الى خايب محدش يعرفوا قدى

يوسف :متقلقش يابوص

********************
فى مكان تانى فى الشرقيه

حسن : الحمد لله يا توحيدة قدرت اوصلها لزين

توحيدة زوجه حسن :  الحمد لله يا ابو ايمان البت طيبه والله  بس انا خايفه عليها من زين الجارحى دا راجل طبعه صعب وشديد والبت غلبانه ومش قدة

حسن : متقلقيش زين عمرة مايأذيها ابدا  هو الوحيد الى يقدر يحميها منهم ومن شيطانهم  ..... المهم لو حد سالك قولى معرفش هى فين حتى بنتك  اوعى تتكلمى مع حد

توحيدة :  حاضر من عنيا 
***************
فى القاهرة. تحديدا فى بيت الجارحى
‏ 
ليليان واقفه ف الجناح  وتايهه متعرفش هى بتعمل ايه هنا دا مش مكانها ولا دى حياتها حست انهامخنوقه لا هى عاوزة ترجع بيتها هى حاسه دخلت فى عالم مش بتاعها عالم كبير عليها  بصت حواليها لقت الجناح كبير جدا فيه سرير وف مكتبه فيها كتب وتلفزيون و غرفه ملابس وف ركن خاص بمفاتيح  عربيات كتيرة شكله مهووس بالعربيات   واخيرا لقت هدومها

زين : بتفكرى فى ايه

ليليان : يالهووووووى ...... احم اتخضيت

زين : اتخضيتى  !!!!!!!! الجناح  هنا مبيدخلوش حد الا انااا  فامتتخضيش  كتير

ليليان : حضرتك هو انا هنام فين

زين شاور على السرير :  هتنامى هنا

ليليان بتوتر : وحضرتك هتنام فين

زين : هنا بردوا

زين اخد نفس وببرود : بصى انتى لازم تستحملى الوضع لغايه ما ابقا اشوف  مهندس يوسع الجناح ويعملك اوضه

وسابها وخرج

ليليان فى نفسها : اوووووف عليك انسان  ياشيخ تقول كلام وتمشى ميستناش ارفض ولا اوفق

ليليان دخلت الحمام واخدت شاور ولبست سدال وخرجت من الحمام

زين : انتى لابسه طرحه ليه ؟  اقلعيها دا بقا بيتك خلاص

ليليان بارتباك :  احم انا كدا هاكون مرتاحه

زين :  امممم  بصى انا اكتر حاجة بتعصبنى اقول كلمه ومحدش ينفذها  .... اظاهر انك مش فاهمه ليه عم حسن كتب الكتاب واصر على كدا عشان انتى تبقى براحتك وانا كمان محسش انى مجبور ف بيتى ان اتحرك بحذر وبعد كدا متستنيش منى انى  ابررلك اى حاجة الى اقولو ياريت تنفذى على طول

زين سابها و خرج

ليليان فى نفسها لا ياربى كدا كتير  ليه كدا ياعم حسن تجوزنى لواحد زي دا دا زين الرجال دا وحش الرجال تنين الرجال

****************
على السفرة

زين : دادة  ليليان طبعا هاتعيش معايا ف جناحى ياريت تفهميها طبعى

دادة سميحه : حاضر يابنى ...... بسم الله مشاء الله

زين استغرب وبص ناحيه السلم لاقاها نازله  لابسه بجامه جميله من اللون الروز الى ماشى مع بشرتها وفردت شعرها

زين  فى نفسه الله يخربيتك ياريتنى ما قولتلك اقلعى الطرحه

زين بهدوء:  ورقك اتحول لجامعه القاهرة

ليليان  متوترة من نظراته ليها  :  يااه بالسرعه دى انا فكرت  هاياخد على الاقل شهر

زين باصلها وبعد كدا بص على الاكل وبدء ياكل بهدوء هو شاف انه يتجاهلها احسن علشان كل لما بتتكلم بيبقا مجبور يبص عليها وبتجيله افكار غريبه  لا   لازم يحاول يسيطر على نفسه اكتر من كدا

***********************
الساعه ٣ الفجر فى بيت الجارحى 
‏
‏ليليان بتتحرك على السرير بعنف وبتعيط : بابا لا لا متسبنيش ماماااااااا الحقينى هاقع ف الحفرة  لا بابا الحقووونى 
‏
‏زين قام من النوم مفزوع وقرب منها : ليليان اهدى اصحى دا كابوس 
‏
‏ليليان بتعيط وبتشد فى نفسها وصوتها  بدء بيعلى 
‏
‏زين قرب منها جامد واخدها فى حضنه وضامها وبدء يهديها ويطبطب عليها. لغايه ماهديت ونامت 
‏
‏زين فى نفسه : باين عليكى حكايتك لسه فيها حاجات كتير معرفهاش
‏*****************
‏صباحا فى بيت  الجارحى 
‏
ليليان قامت من النوم على صوت منبه مزعج فتحت عينها لقت زين ف وشها وملامحه هاديه وجميله وشعره مش مترتب  تنحت شويه فيه وبعد كدا فاقت لنفسها وافتكرت هى فين وهو فين حتى هى بفلوسها متجيش حد في بيته وشركته حاجة  ومسيرو  يزهق ويسيبها 
‏
زين فتح عيونه من حركاتها ف السرير 
‏
‏ليليان :  احم انا اسفه انا اكيد دايقتك بكابوس ومسكت فيك اكيد مقصدتش
‏
‏زين : لا عادى مفيش مشكله 
‏
‏قام وسابها دخل الحمام 
‏
‏ليليان لنفسها:  انتى هبله بطلى بقا تتعاملى مع الناس بسرعه كدا وتاخدى عليهم  لا بس انا ادايقت دا رد يردوا عليا لا عادى يرد كدا بس  والنبى انه بارد 
‏
‏زين واقف وراها : شكرا 
‏
‏ليليان : احم انا انا 
‏
‏زين : بلاش كلام كتير على الصبح دى تانى قاعدة ليكى 
‏
‏ليليان بابتسامه صفرا : ماشى 
*****************
فى الشرقيه 
ايمان بنت عم حسن بتكلم فى تليفون  :  معرفش هى فين ياحبيبى دا حتى بابا ميعرفش هى فين 
‏ 
‏المتصل : ازاى انا متاكد ان ابوكى يعرف مكانها
‏
عم حسن دخل عليها فاجاه 
ايمان  بتوتر : ماشى يا سهى اشوفك بقا  فى الجامعه ......سلام

عم حسن بشك : بتكلمى مين

ايمان بتوتر : مانت حضرتك سمعت سهى

عم حسن مش مصدقها  بس حاول انه يصدقها بنته الى مربيها استحاله  تهز ثقته فيها :  امممممم حاولى تبعدى عن البنت دى عشان انا مبحبهاش ..... يالا عشان اوصلك

ايمان : حاضر يابابا

عم حسن خرج  وايمان اخيرا عرفت تتنفس:. يالهوى لو عرف   دا يقتلنى 
.
🔴🔴🔴🔴🔴🔴🔴🔴🔴🔴🔴🔵🔵
الحلقة 3 
.
الجزء 3
فى بيت الجارحى

زين قاعد على السفرة وليليان جت وقعدت وبدات تمثل انها بتاكل

زين : انتى مش بتفطرى ليه

ليليان : مبحبش افطر

زين بجديه : لا كدا غلط وافطرى كويس واشربى كوبايه اللبن دى

ليليان بتهكم : انا اشرب اللبن انت بتكلمنى انا

زين ساب الاكل وبتحدى : اه اشربى اللبن واه بكلمك انتى

ليليان : لا انا مبحبوش شكرا بجد لاهتمامك

زين : لا العفو .... اشربى يالا

ليليان : ههههههه انت بتتكلم جد اشرب ايه هو انا رايحة مدرسه

زين : انا مبهزرش وهاتشربى اللبن وايه رايك بقا مرة بليل ومرة الصبح ومن غير نقاش

ليليان : بص انا ممكن اسمع كلامك فى اى حاجة الا دى

زين بخبث : تمام انتى كدا حكمتى على نفسك

ليليان : حكمت فى ايه مش فاهمه

زين : اصل انا عندى قانون ماشى على الكل الى مينفذش كلامى يتعاقب وانتى حكمتى انك تتعاقبى

ليليان: ماشى اتعاقب بس ماشربوش معدتى. بتقلب منه

زين : تمام اوى مطيعه انتى يا ليليان ..... تعالى بقا قومى كدا زى الشاطرة وتعالى اقعدى على حجرى وبوسينى

ليليان كانت بتشرب ميه ولما سمعت كلامه شرقت جامد ووشها جاب ميه لون

زين : ايه دا مالك هاتموتى ولا ايه

ليليان وهى بتكح جامد : حرام ....عليك ايه الى الهزار دا

زين بحدة : وانا فى بدايه الكلام قولت مبهزرش انا مش عيل عشان اقعد اهزر معاكى ..... واخلصى بقا اخرتينى

ليليان مسكت كوبايه كلها وشربتها مرة واحدة

زين: شاطرة احبك انا كدا ..... انتى مش قد زين الجارحى 
....... يالا خلصى قومى فى سواق تحت اسمه كريم هايوصلك الجامعه وهايكون معاكى فى كل مكان

ليليان لسه هاتعترض بصلها بحدة فضلت السكوت عشان هى مش قدو فعلا
*****************
فى العريش

الشيخ عزت لواحد من رجالته: ها بشرنى عرفتوا حاجة

.:: احنا قلبنا الدنيا مختفيه .... واعمامها بيدورو عليها

الشيخ عزت : خلاص اهرب من وشى حالا

الشيخ عزت لنفسه : ياترى انتى فين يا بنت ال.....الله فى سما مانا سايبك وهاجيبك

*******************

ف الجامعه القاهرة وتحديد كليه الهندسه

ليليان ماشيه تايهه بصت ف ايديها وضحكت وافتكرت وزين وهو بيديها الجدول فى الانساسير وكميه الغرور اللى هو فيها واستغرابها وقتها انه ازاى لحق يعمل كل وازاى قعد يديها وصايا ومنهم ملهاش

دعوة  بحد دا و فاجاه خبطت فى حد

ليليان : اسفه مقصدتش

: عادى يا قمر محصلش حاجة انتى شكلك جديد ولا ايه تايهه كدا ليه

ليليان : اه فعلا انا نقلت من جامعه الزقازيق وجيت هنا ... انتى اسمك ايه ؟

: اسمى سارة فى كليه هندسه ورينى كدا الجدول دا وانا افيديك

ليليان: اتفضلى

سارة : ايه دا انتى طلعتى نفس الدفعه لا بقا دة احنا نبقا اصحاب

ليليان : اه ياريت طبعا انا اسمى ليليان

سارة : امممم اسم جميل ......سيبك انتى من جو التعارف دا وتعالى نلحق اول محاضرة اصل دكتورها رخم دكتور نادر النوادر

ليليان : هههه‍هههه مين نادر النوادر دا

سارة : لا تعالى احكيلك بقا واحنا رايحين

استووووووب

سارة بنت محجبه وجميله جمالها هادى قميحه وعيونها عسلى واسعين شعرها اسود وقصير عايشه مع مامتها بابها فى دبى مدير بنك واخوها بيشتغل مع ابوة وهى طيبه وبتحب الهزار وعنيدة جدا

***************

فى شركه الجارحى

سهيله : احم هو انا حضرتك قصرت فى حاجة

زين : لا مقصرتيش ...... بس مزاج وخلاص

سهيله : امرك يا باشا ..... طب هى الاستاذه محدش قالها على مواعيد العمل

زين بحدة : لا بقولك ايه الزمى حدودك كويس ........ هى تيجى فى الى وقت الى هى عاوزة. وتمشى بردوا براحتها انشالله متجيش خالص محدش له دعوة ...... وحسك عينك اعرف بس ان فى حد فى الشركه حاول يدايقها والله هافرموا بايديا

تليفون زين قعد يرن كتير واخيرا زين افرج على السكرتيرة الى كنت هاتموت من الرعب منه ورد على المتصل

زين : الو .. السلام عليكم

عم حسن : وعليكم السلام يابنى .......... ازيك يا زين الرجال وليليان اخبارها ايه

زين: كويس الحمد لله ...... وهى كمان كويسه مش موجودا فى كليتها ...... متقلقش عليها

عم حسن : عارف يابنى مش قلقان خلى بالك منها ومتقولهاش انى اتصلت بيك عاوزها تنسانا خالص مش عاوزها تحن تانى يابنى ...... ليليان قلبها طيب وحياتها بسيطه ووممكن تخاف منك ومن طباعك وحياتك فتفكر تحن وانا عاوز اطمن عليها

زين : متقلقش قولتلك انت لما جتلى كنت واثق فيا وانا لايمكن اخذلك

عم حسن : معلش يا زين حطيتك فى وضع صعب بس اعمل ايه

زين : مالك ياعم حسن .... انت تعبان ولا ايه

عم حسن : لا تعب ايه بس انا تمام وزى الفل متقلقش عليا المهم حافظ على الامانه

زين : حاضر ياعم حسن

*****************
فى الجامعه

ليليان : ياااااه اخيرا خلصنا

سارة : هههههه وجع دماغ صح مش قولتلك دا نادر النوادر المهم تيجى نشرب اى حاجة

ليليان افتكرت اللبن وبخفوت : ربناا يسامحك يا شيخ

سارة :. بتقولى ايه مش سامعه

ليليان : لا بقولك مش هاقدر اشرب وبعدين لازم امشى عشان الشغل

سارة : انتى بتشتغلى ... وبتشتغلى فين

ليليان: فى شركه الجارحى

سارة : يابنت الايه وصلتى ازاى هناك دا مش اى حد يقدر يتعين. هناك

ليليان حبت تتهرب عشان سارة متسالهاش اكتر من كدا

ليليان : بعدين هابقا احكيلك اشوفك بكرا

*************
فى الشركه

ليليان وصلت وركبت الانساسير. ولقت شخص كمان معاها

: انتى طالعه فين ياعسل

ليليان : نعم حضرتك بتكلمنى انا

: لا بكلم الى وراكى

ليليان لقته بيتريق سكتت ومردتش

: هو انا مش بكلمك الانساسير دا خاص بس لرؤساء الاقسام وانا اول مرة اشوفك

ليليان : انا سكرتيرة زين باشا

باب الانساسير فتح وليليان سالت على مكتب رئيس مجلس الادارة وراحت

ليليان : لو سمحتى انا ليليان ممكن تقولى لزين باشا ان انا جيت

سهيله بقرف : اممممم هو انتى بقا السكرتيرة الجديدة .... ادخلى مستنيكى

ليليان فتحت الباب وجت تدخل بس سبقها الشخص الى معاها فى الانساسير ودخل قبلها

زين : اهلا مراد تعال .... ايه المشروع تمام

استوووووووب
مراد الالفى صديق زين المقرب طويل جدا وبشرته بيضه وعيونه رمادى من الاخر هو وسيم جدا جدا بس غير زين بتاع بنات و بيحب الهزار وله اسهم ف شركات الجارحى وله سر فى حياته هانعرفه بعدين

مراد : اه طبعا رسيت انت شاكك فى قدراتى

زين : تمام

زين بص على ليليان الواقفه وبتسمع الحوار ولقاه مراد بيبص باعجاب

مراد : مش تعرفنا يا زين

زين : اه طبعا ليليان الجارحى مراتى ...... ليليان دا مراد الالفى صاحبى وشريكى

مراد بصدمه : مراتك .... انت اتجوزت من ورايا

زين : ليليان لو سمحتى ادخلى الاوضه الى هناك وفيه شويه ايميلات ترجميهم

ليليان : حاضر

ليليان راحت على مكتبها وقفلت الباب

مراد : انت بتشتغلنى ولا ايه مراتك ولا بتشتغل عندك

زين :. لا هى مراتى وبتشتغل سكرتيرتى الشخصيه .... قبل ما تفتح وتقعد تتكلم انا هاحكيلك

وحكاه لمراد كل حاجة باستثناء الجواز على الورق معرفش ليه عمل كدا بس عاوز يمحى من دماغ اى حد انه يفكر فيها

مراد :بردوا عرفنى انا صاحبك يا شيخ

زين بهدوء :. انت كنت مسافر عشان المشروع اعرفك ازاى ..... بقولك الموضوع تم بسرعه

مراد بتهكم : لا كتر خيرك

مراد حب يدايقه سكت شويه وبعدين اتكلم

مراد بمكر : ماشى ابقا قولها بقا انا مين عشان متتخضش وانا بكلمها

زين :. وانت كلمتها فين

مراد : فى الانساسيىر

زين فهم ان مراد بيدايقه :. عادى يا مراد انت اخويا وبعد انا مرضاش اقوم ارزعك قلمين عشان اطفلت وكلمتها مرة بس اوعدك المرة الجايه هاديك العلقه التمام

مراد :. هههههههه يخربيتك مش سهل حد يدايقك يا شيخ

************
فى الشرقيه

عاصم : مفيش اى  
.