قصة تاريخية قديمة قصيرة
زمان كانت في بنت غجرية حلوة تلعب بجانب الاشجار؛ وجية احد الوزراء ف شافها ووقع في حبها وطلب منها الزواج والعيش معه في قصره.فقالتله: لا يا سيدي انت مترضاش ب بنت غجرية فقيرة زيي. لكنه صمم علي الي هو عاوزه ف خطفها ايوة خطفها واخدها قصره ولما جبها القصر امه مرضتش ب الجوازه دي قلتله : انت لازم تقتلها ف الغابة البعيده وتقلعها كل هدومها وتسيبها عاريه زي ما امها ولدتها وتجيلي بهدومها وقلبها معاك.
الوزير وافق ع الكلام دا وقال لامه: حاضر انا هعمل كدا بس بعد اسبوع !.. البنت المسكينة فضلت اسبوع ف القصر وكانت بتشتغل زي الخدم وكان الوزير يغتصبها يوميا. وبعد ما عدا الاسبوع اخد الوزير البنت الغجرية في الغابة وكانت الغابة دي من الطراز القديم وفيها حيوانات كتيرة مفترسة ولما دخل الغابة قلها: انا لازم اقتلك دلوقت واقلعك هدومك وارجع ل امي ب الهدوم وقلبك كمان عشان اوريهم ل امي.
بس البنت فضلت تتوسله عشان ميقتلهاش وقالتله:فيه ف الغابة دي قطة قلبها شبه قلبي ب الظبط . خد قلبها وانا هديك هدومي كلها وب الطريقة دي امك هتتاكد انك قتلتني زي مكانت عاوزه.
الوزير وافق ب كدا وفعلا اخد هدومها وسابها ومشي . وبعد شوية كان ماشي ب الصدفة شاب وسيم ب الحصان . البنت حست ب الخوف فكرت ان الوزير رجع عشان يقتلها .. سمع الشاب صوت ورا الشجرة وقال بصوت عالي : لو كنت شبح انصرف. ولو انت بني ادم اتكلم.
البنت المسكينة قالتله انا بني ادمه زيك بس ارجوك متقربش عشان انا عارية تماما ..
الشاب طلع شهم ف خلع الجكت بتاعه ورماه قدام الببنت المسكينة وعطاها ظهره بحيث تلبسه وهو ميشوفش حاجة محترم جدا.
بعدها اخدها علي حصانه ومشي ومكنش بنهم اي كلام حتي وصلو لقصر الملك . البنت الغجرية قالت لية جبتني القصر الملكي . ف قالها: انا امير البلاد تعالي معاية ومتخافيش.
دخلت معاه البنت القصر وامه فرحت لما شافته مع امرأه حسناء يتدلي شعرها ب الاسود الجميل علي ظهرها في جدائل طويلة؛ ودي كان لازم اكتبها ب الفصحي :D
اخدتها ام الملك واهتمت بيها ولبستها لبس كويس من النوع الفاخر لما بقت اجمل سيده في البلاد. طلبت ام الملك من الغجرية انها تتجوز ابنها لانها اجمل بنت في المملكة ومن العادات القديمة ام الملك يتجوز اجمل بنت في المملكة الي بيحكمها
فعلا الملك دعي كل سكان المملكة عشان يحضره زفافه
ف كل الناس جات من جميع الفئات ومن بينهم الوزراء الي فيهم مين ؟ الوزير الي خطف البنت المسكينة.وامه كمان كانت موجودة . وامه كانت خايفة جدا انها تحكي الي عملوه مع البنت للملك
وفقال الملك الي عندو حكاية مسلية يحكيها .ف حكا بعض الحاضرين حكايات مضحكة ومسلية
ف طلبت البنت الغجرية من الملك انه تحكي قصة فقال الملك: تفضلي يا فتاتي الجميلة.
حكت البنت وقالت : كان فية بنت غجرية بتلعب جنب الشجر خطفها احد الوزراء الاغنياء واختصبها وبدلا من ان يستر عرضها رماها ف الغابه واخذ ملابسها وتركها عارية.
دي قصه حقيقية بس مكملتش. بعد كدا شاورت علي الوزير وامه وقالتلهم احكولنا بقيت القصة عشان الكل يعرف الي عملتوه ف البنت الغجرية المسكينه.
عرف الملك دلوقت لية لقي زوجته عارية ف الغابه فقبض علي الوزير وامر بشنقه عشان يكون عبرة لاي رجل يتعرض لاي بنت. وكانت القوانين زمان تمنع اعدام الستات فأمر الملك بسجن والدة الوزير مدي الحياه ومن اللحظة دي ام الوزير ماشفتش الشمس تاني . وعاشت البنت الغجرية مع زوجها وامه الطيبة في سعاده وفرح تام.وبس خلصت القصة.♥
