ام اتهمت ابنها في موت اخوه ج 1
انا ال اتهمت ابنى فى اخوه وخسرته..ولما فوقت لنفسى كان فات الاوان
شاديه الام قالت في ايه
وايه اللمه دي كلها ايه اللي بيحصل
جارتها قالت لاحول ولاقوه الا بالله ربنا يصبر قلبك ياحببتي
شاديه قالت ربنا يصبر قلبي ليه فيه ايه ايه اللي حصل
اوعو اوعو وسعو وروني في ايه
الكل وسع ليها وشافت ابنها اسر الصغير وهو ميت وسايح ف دمه
شاديه رمت اللي ف اديها واترمت على ابنها قالت يالهوي
اسر ابني ايه اللي حصل
ياقلب ماما مين اللي عمل كدا فيه ازاي دا حصل
حبيبي قوم
قوم يا ابني متوجعش قلبي عليك
جه الاب ومسك مراته وقومها بعيد عن الولد
شاديه قالت
يااشرف الحقني يا اشرف ابني مات
اسر مات يا اشرف اسر خلاص راح مننا
اشرف قال دا قضاء ربنا ياشاديه
بلاش الكلام ده
شاديه بعدت عن ابنها الصغير ودخلت البيت
وبعد كام ساعه
كانت واقفه قدام ابنها الكبير معاذ واللي عمره 7 سنين
قالت بجمود ايه اللي حصل ازاي اخوك وقع من على السطح
معاذ كان خايف اوي من نظرت امه ليه قالها
انا معملتش حاجه هو وقع لواحده ياماما
شاديه قالت وقع لواحده ازاي ومين اللي خلاه يطلع السطح ومين فتحله باب السطح من اساسه
محدش يعرف مكان المفتاح دا غيرك
ومحدش كان غيرك ف البيت ابوك كان ف الشغل وانا كنت ف السوق
يبقى ازاي طلع فوق
معاذ قال
مؤمن نده عليا قالي في حمامه طارت عندنا وطلب مني اجبهاله و طلعت ومسكتها وكنت نازل فجأه لاقيت اسر قدامي وعمال يرجع لورا
كان عايزني العب معاه بس هو
جري لاخر السطح ووقع لواحده
انا ندهتله ياماما بس هو مسمعش كلامي
الام قالت انت كداب انت قتلته قتلت اخوك من زمان وانت بتغير منه
من زمان انت مجرم اما هتصل بالبوليس يجي ياخدك ويرميك ف الاحداث انا مش عايزاك انا بكرهك
انت مجرم
معاذ عيط جامد وقال
لا ياماما متجبيش البوليس انا معملتش حاجه والله هو اللي وقع لواحده انا ماليش دعوه
شاديه قالت طب تعال معايا
وخدت الام ابنها وطردته برا الشقه وقالت انت من النهارده مش ابني وملكش مكان ف وسطينا
الولد بكى وقال
يابابا يابابا الحقني يابابا
وفضل يخبط عالباب
اشرف طبطب على معاذ وقال
متخافش ياحبيبي ادخل اوضتك انت دلوقتي وانا هاجيلك و ماما زعلانه شويه هصالحها و انزل تحت
معاذ كان بيعيط وجسمه كله بيترعش خوف من امه وبياخد نفسه بالعافيه
خد بعضه ومشي
اشرف قال جرا ايه يا شاديه متجمدي اومال مش كدا
انتي هتعترضي على امر ربنا ولا ايه
شاديه قالت دا مش امر ربنا يا اشرف ابني اتقتل ابني مات مقتول
ايوا معاذ هو اللي قتله انا متأكدا
انا مره دخلت عليهم الاوضه لاقيته ماسك مخده وبيكتم نفسه
معاذ طول عمره بيغير من اسر اوي
بس مكنتش اعرف ان الغيره دي اخرها هتبقى القتل
لو كنت اعرف كدا كنت مشيته من البيت من زمان
اشرف قال لا انتي باين عليكي اتجننتي عالاخر
جرا ايه انتي الشيطان خلاص اتمكن منك استغفري ربنا بقى حرام عليكي
ربنا اخد منك امانه وسابلك التانيه
ولسه هديكي تاني وتالت ربنا عنده كتير
شاديه قالت بس اسر مش هيرجع تاني عمره ماهيرجع
انا خلاص مبقتش طايقه اشوف معاذ قدامي تاني خدو من وشي وديه اي مكان ان شاء الله ترميه ف ملجأ وتصرف عليه بس دا مش ابني
انا خلاص كرهتو مش عايزه اشوفه
ونزلت ف الارض وقعدت تعيط
اشرف قال خلاص خلاص اهدي
انا هعمل اللي انتي عاوزاه انا هاخده
لأخويا عبد الرحمن ف البلد
ووقت ماتكوني عايزه تشوفيه قوليلي
معاذ كان واقف وشايف وسامع كل اللي قالوه وكان عمال يعيط اوي
اشرف نزل لابنه معاذ، تحت وقعد معاه ف اوضته
قاله احكيلي يا معاذ، ايه اللي حصل ياحبيبي
الولد قال حاضر يابابا هاحكيلك
الحكايه بدأت لما كنت انا واسر كنا بنلعب ف الاوضه
فجأه صاحبي مؤمن نده عليا
يا معاذ يا معاذ
رديت عليه ايوا يامؤمن في ايه
مؤمن قاله
الحقني يا معاذ الحمامه بتاعتي جت عالسطح عندكم والنبي تطلع تجبها احسن بعدين اخويا الكبير يزعقلي
قولتله حاضر يا مؤمن هاطلع اجبهالك
قربت من اسر وقولتله اسر بقولك ايه
انا هطلع السطح واجي عالطول
اوعى تعمل حاجه غلط
قالي لا انا عايز اجي معاك ماليش دعوه
قولتله يا اسر اسمع الكلام انا اكبر منك احسن بعدين ماما تيجي تزعق اقعد هنا وانا هاجي عالطول
اسر ضحك عليا قالي طيب ماشي روح وتعال بسرعه
مشيت وسبته ف الاوضه وطلعت السطح واسر طلع ورايه من غير ما اخد بالي
مسكت الحمامه ولسه هنزل روحت لاقيتته واقف وبيضحك
قولتله انت ايه اللي جابك هنا يااسر انزل يالا بسرعه
اسر كان بيرجع لورا وعمال يضحك ويقول
لاأ مش نازل لو جدع امسكني
وفضل يرجه لورا ومش بيبص وراه
