يوميات زوج هيطأ الحلقة الأولى
يوميات زوج هيطأ
الحلقة الأولى
ظهيرة يومًا ما عاد الفتى من الجامعة مبتهج وكأن الدنيا لا تتسع لفرحته ولا ليومه هذا.
بدأ في تقبيل يد والدته و رأسها وأخذ يحتضنها بشدة ويدور بها.
- ماذا بك يا فتى ؟
- أحمل سعادة لا توصف يا أمي .
- ما السبب؟
- قابلت الفتاة التي تعجبني وصرحت لها بحبي وبدأت الابتسامة تعلو وجهه.
- أهذا هو السبب وراء سعادتك – تغيرت معالم وجهها – ظننتك حصلت على الدرجات النهائية.
- ما الذي تقولينه يا أمي ؟ نحن في أول العام الدراسي ،ازاي تكون النتيجة.
- ومادام احنا في اول العام رايح تحب ليه مش تستنا لما تخلص جامعة الأول
- أمي أنا في السنة النهائية ويمكن ذلك وليس هذا فقط بل كنت أسعى للتقدم لخطبتها وبدأت الابتسامة تزدهر أكثر على وجهه.
- وكأن الخبر نزل كالصاعقة على والدته ، تتقدم لمين أن بتاخد القرارات من نفسك ، أنت معندكش حد تاخد رأيه ؟
أنا لما يجي أبوك هيعرف شغله معاك !!
كانت تتحدث بتلك النبرة لإخافته حتى يرجع عن ما يدور في رأسه.
أيوه يا ماما ونبي فاتحيه أنتِ بالموضوع دا ، علشان أنا بلغتها أننا هنتقدملها الأسبوع القادم ، وعايزك تحددي ميعاد أنتِ وبابا علشان نروح لهم.
- وكانت صرخة من أمه ايييه أنت بتقول أيه أسبوع أيه إللي هنروح لهم في أنت اتجننت يا واد جرى أيه لمخك أنت بتاخد قرارات من نفسك وكمان بـتدبسنا فيها .
بعدين تعالى هنا أنت تعرف تصرف على نفسك علشان تجيب واحدة تتجوزها؟!!
- يا ماما ايه اللي جاب سيرة الجواز دلوقتي أنا بقول نتقدم لها نتقدم لهااا يا ماما .
ونحدد خطوبة سنتين ،و في الوقت دا هكون اشتغلت وجهزت نفسي وكل حاجاتي .
- أنت مجنون يا أبني أنت عارف يعني أيه سنتين ، تجهز فيهم نفسك ليه هتضرب في الأرض هتطلع بطيخ؟!!
- لا يا ماما ، أنتِ ناسية أني هتخرج بإذن الله السنة دي وأنا درجاتي كويسة وهنجح كمان السنادي ان شاء الله .
وهشتغل على طول حتى لو مجتليش النيابة أنا هشتغل في المحاماة بمجرد ما أتخرج ، وهعرف اكون نفسي متقلقيش .
ومتقلقيش كمان جمب المهنة هدي كورسات للطلبة اللي في سنة أولي وهعمل قرشين كويسين خلال وقت قصير متخافيش.
- يا سلاااام ومين اللي هياخد كورس مع عيل زيك؟!
- أيه يا ماما الأسلوب دا عيل أيه بس أنتِ متعرفيش أبنك أيه مستواه العلمي ولا أيه أنا جيد جدًا على مدار 3 سنين متتالية دا مش شوية يا ماما
و أن شاء الله السنة دي هجيب جيد جدًا كمان.
- هو بالدرجات يا أبني ؟!
أنت كنت من أمتي بتعرف تدرس أنت؟!
- يا ماما بقيت بعرف بقيت بعرف ولو مبعرفش هعرف يا ماما في أييه أنتِ مالك في أيه عايزة تطيري الفرحة مني ولا أيه؟!
- لا يا أبني أفرح واتهني أنا بس عشان شيفاك سرحت بخيالك لفوق خااااالص لما هيجيلي شلل أطفال منك يا حبيبي.
- أيه يا ماما اللي بتقوليه دا؟!!
- يا حبيبي بفوقك يا عنيا انت لو قلت لأبوك حاجة زي كدة هيطبق في زمارة رقبتك ويعد يزمر بيها للصبح – وبدأت تضحك –
- يا ماما في ايه متخوفنيش بقى.
- لا يا حبيبي مبخوفكش بس قولي هتقول لأبوك أيه بقى عشان تقنعه؟!
- مهو أنتي حسك معانا بقي يا ماما – وأبتسم بخجل –
- نــــعم يا حبيبي لا أنا حسي أتقطع خلاص .
- أنا هقولك حاجة أحسن أنت قوله وأنا هدعيلك – وضحكت –
- يا ماما لو سمحتي ساعديني.
- يا حبيبي عنيا بس قوله أنت بس ، بس قولي انت هتجيب تخطب منين يا عنيا.
- يا ماما أمال أنا هكلم بابا ليه هو هيديهم كلمة وأن شاء الله هنربط الكلام على كلمة بابا – وابتسم بفخر –
- عليه العوض ياااارب أنت يابني عايز تشل أبوك كمان لله الأمر.
- - يُتـــــــــــــــــــــــبــــع -
