أسيرة الحب يارا تزوجت من دون اخد رأيها
أسيرة الحب💙
دخلت اوضتي اعيط كالعادة محدش بيسمعني أو بيفهمني انا لوحدي
فتحت الفيس وفضلت اقلب شويه لحد ما لقيت حد بعتلي على الماسنجر
وانا محدش بيعبرني اساسا
فتحت ولقيت مكتوب
لا تحزني ساظل بجانبك ابتسمي فابتسامتكِ تنير الكون
معرفش بس ابتسمت حسيت للحظه ان حد مهتم بيا بس قولت بعدين انه
اكيد شخص بيعاكسني
قفلت الفون وحطيت راسي على المخده عشان انام او عشان اهرب
من كل اللي بيحصلي
.................................................................................................
صحيت تاني يوم علي صوت زعيق امي
قومي اعمليلك مصلحه موركيش الا النوم
كنت عايزة اعيط أنا اقل كلمه بقت بتزعلني قومت وغسلت
المواعين اللي هي شي اساسي في حياتي ولقيت امي جت وقفت جنبي
الام:بقولك ايه يا يارا
بضيق:نعم
ابوكي بيقولك اجهزي كده عشان فيه ضيوف جايه لنا
يارا:ضيوف مين
بزعيق:متساليش كتير واخلصي يا يارا
اتنهدت بتعب بجد انا تعبت من كل ده دخلت اوضتي وبدأت اكتب شويه
كالعاده ديه الحاجه الوحيده اللي بتريحني خلصت وبدات اذاكر وبعدين
مسكت الفون تاني لقيت رساله
كل الوجع هينتهي
بصيت للرساله وقفلت الفون وقومت لبست
بعد ساعتين
خرجت بره لقيت بابا وماما وشاب وفيه واحد قاعد
مصطفي: يارا بنتي اهي يا سيف
بصيت لهم وقولت:هو فيه ايه
ناهد:ده سيف الدين
يارا:اهلا وسهلا خير
مصطفي:هيتجوزك يا يارا وده الماذون
بصيت لهم كلهم وسكت انا بس تعبت بيختاروا كل حاجه
بالنيابه عني وانا تعبت
سيف:اكتب يا شيخنا
بصيت لهم كلهم وضحكت ولقيت الشاب بصلي وابتسم
يارا:انا مش عارفه اقولكم ايه
في اللحظه ديه فاض بيا وتعبت من كل اللي كان بيحصل بصيت لكاسات العصير ومسكتها
وكسرتها
يارا بزعيق ودموع:انا خلاص تعبت انتوا ايه
لقيت الشاب قام وقف وبصلي بنظرات غريبه
مسكت سكينة وجرحت ايدي ومحستش خلص
كنت كل مره افتح عيني اشوفه قدامى وبيعيط وصوت جامد أوي
لحد ما فتحت عنيا اخر مره ولقيت نفسي في المستشفي وهو
نايم على الكرسي جنبي
بصيت له بهدوء وانا مستغربة هو ليه هو اللى هنا مش اهلي
قومت وكنت همشي بس اول ما فتحت الباب سمعت صوته
رايحة فين يا يارا
من غير ما الف قولتله وانت مالك
لم أشعر إلا وهو بيشدني في حضنه وقولتله بزعيق
انت مجنو ن ابعد عني ازاي تمسكني كده
رجع شعرى لورا وقال بهدوء بعد اللى عملتيه امبارح اتجوزتك
ووالدك كان وكيلك
بصيت له بعدم تصديق وانا بهز راسي بلا
سيف: انتى دلوقتى مرات الرائد سيف الناصري با يارا
بعد عنها وقال اجهزى ورجع بصلها قبل ما يخرج وقال
واللى عملتيه هعا قبك عليه يا يارا
خرج وانا كنت واقفه مكانى مصدومه من كل ده ليه ممو.تش
غيرت هدوم المستشفي ولبست فستان ازرق سماوي لقيته علي
الكنبة وخرجت لقيته واقف
بصلها بهدوء وشالها وقال مسمعش صوتك يا يارا انا مش طايق نفسي
يارا استسلمتله وسكتت وهو حطها جنبه في عربيته وطلع على شقته
في شقه سيف
سيف حط يارا علي السرير وبصلها بهدوء وقال ليه
يارا رفعت راسها وقالت هو ايه اللي ليه
سيف وهو بيقرب منها وبزعيق ليه عملتى كده ليه اذيتي نفسك
يارا دموعها نزلت وسيف اتعصب منها وقال بزعيق:بتعيطي ليه
هو انا قربت منك ولا عملتلك حاجه ارفعى راسك وانا بكلمك
يارا رفعت راسها وغمضت عيونها ودموعها نازله وهو اتنهد بضيق
ونظر لملامحها ومسح دموعها واخدها في حضنه وهى بقت تعيط
سيف بندم حقك عليا انا اسف اسف يا يارا بس انا زعقت من خوفي عليكى
يارا جت تبعد عنه شدها ليه وقال على فين
يارا بتوتر شيل ايدك
سيف ابتسم لها وقال متقلقيش انا مستحيل اقرب منك يا يارا طول ما انتى رافضه
