متمرده تسللت لداخل روحي وسكنتها
(محبوبتي المتمرده)
البارت الأول
شخص ما :صباح الخير
- اي دا إلحقي يا نور
نور: يلاااهوي خلاص هشيل السنه انا عارفه، عليه العوض فيا
شذى: كان لازم تتسحبي من لسانك وتهزقي الراجل، اهو طلع معيد في الجامعه وعلينا كمان منك لله يا وش المصايب انتي
نور: اه والله مني لله، بس فكك مش هو الي خبط عربيتي
شذى: بس انتي هزقتيه جامد يا نور يارب ما ياخد باله مننا
الاتنين الي بيتكلموا ورا دول قوموا اقفوا (المعيد)
نور: روحنا ف داهيه روحنا
المعيد: 😏😏😏😏الله منوره ي ست هانم أهلا بيكي اسمك اي بالكامل
نور بطريقه وحشه: دا نورك😏اسمي نور معتز شاهين
المعيد: اوك اتفضلي اطلعي بره انتي والسلعوه الي كانت بتتكلم معاكي دي
المدرج كله ضحك على كلمة المعيد
نور: حضرتك مالكش اي حق انك تقول عليها كده ثم ان هي معملتش ف حضرتك اي حاجه يعني ولا هي تلاكيك هى مغلطتش ف جلالة حضرتك🙄
المعيد: انتي مالك انتي لسانك طويل ليه دا هي حتى مردتش على كلامي مع ان هي الي ليها حق ترد مش انتي، انتي محاميه ولا اي
نور: لأ انا مش محاميه انا الدكتوره نور
المعيد : طب اتفضلي بره ي دكتوره نور
نور: طالعه قال يعني هفهم حاجه لما اقعد
المعيد: لأ المشكله في دماغك هى الي قفل شويه
شذى: خلاص يا جماعه يلا ي نور نطلع من هنا
نور: مش طالعه هو انا قاعده ف بيته
المعيد: انتي بنت مش محترمه اطلعي بره
نور: محترمه غصب عنك، واخدت نور شنطتها وجت تطلع هى وشذى وقفهم المعيد
المعيد: استنوا عندكوا، المتخلفه دي بس هي الي تطلع وشاور على نور
شذى: لأ انا هطلع مع نور
المعيد: يلا بدل ما كانت واحده بس الي ساقطه بقوا اتنين يلا ف داهيه انتي كمان معاها
خرجت ونور وشذى وسط ذهول الطلاب
نور: اي الشخص الزباله دا مش فاهمه بيتكلم معانا كده ليه أبو شكله
شذى: اهدي بس وهنشوف هنعمل اي في المصيبه دي
نور: فكك منه تعالي نفطر
شذى: ههههه بطنك أهم انا عارفه
المعيد: منا هطفحهولها
لفت نور وشها وقالت بخضه: انت اي الي جابك هنا تاني عاوز مننا اي سيبنالك المدرج كله جاي ورانا ليه
المعيد: لا منا مش جاي علشان خاطر جمالك انا جاي علشان أربيكي
نور: تصدق انك انت الي عاوز تتربى وانك مش محترم
المعيد: بت انتي انا ساكتلك لمي نفسك وقدامي على العميد يلا
نور: لا ي باباااا الشويتين دول مبياكلوش معايه مبتهددش
المعيد: طب قدامي على مكتب العميد
نور: طب اسبقني انت وانا هفطر وأحبس بقهوه وأحصلك
المعيد وهو يكتم الضحك: دمك مش خفيف امشي قدامي للعميد يلا
شخص ما: في اي ي نور اي الي بيحصل
نور: انا مش عارفه ايه العميد الي جايبينه دا عمال يرازي فيا وشايف نفسه علينا اوي
الشخص: في اي حضرتك هى عملتلك حاجه؟
المعيد: بعيد عن اي حاجه انا حاسس اني شوفتك قبل كده
الشخص: شوفتي فين
المعيد: مش فاكر بس شوفتك ما علينا المهم الست نور هى الي قلت ادبها عليا ولازم تتربى
نور: على فكره انت الي عاوز تتربى وانا مغلطتش فيك انت الي خطبت عربيتي وشتمتني والله دا الي حصل يا على تقصد (الشخص)
المعيد: طب م تقولي انا شتمتك ليه؟
نور:……….
علي: ساكته لي ي نور؟
المعيد : اقولك انا الهانم قالتلي انت احول ولا مبتشوفش اول م نزلت بس من عربيتي اشوف في اي واطمن عليها وعربيتها هجمت عليا زي الحربوءه
قطع كلامهم صوت رن موبايل نور فتحت نور الخط نور بصدمه ودموع:…………..
________________________________________________________________________________________________________
انتظروا البارت التاني
شخصيات البارت الأول
نور معتز شاهين:
بنت ف رابعه طب، بشرتها بيضا عيونها بني وعندها غمازات وطويله ومحجبه،عنيده وشخصيتها قويه جدا، مبتحبش حد يسيطر عليها، بتحب تكون ناجحه وهى دايما ناجحه تتواجه مشاكل كتير ف حياتها.
شذى المتولى:
صاحبة نور بتحب نور واتعرفوا على بعض في الجامعه وبقوا اقرب اتنين لبعض وشخصيتها زي شخصية نور بس شذى خوافه شويه😂،بشرتها قمحيه وعيونها عسلي وقصيره ومحجبه بردو.
المعيد/ باسل علم الدين
شخصيه قويه ومعروفه بين الكل مسيطر جدا وبيحب كلامه يتنفذ بدون مناقشه، عنده دقن وشعر بني ، عيونه عسلي وجسمه رياضي وطويل وعنده 27 سنه.
علي الدمنهوري:
شاب ف كلية الطب أكبر من نور بسنتين ف سادسه طب، جسمه رياضي وبشرته بيضا وشعره بني غامق وعيونه خضرا، شخصيته قويه بيحب نور ويفكر يعترف ليها بحبه، بس وراه سر كبير ودا الي هنعرفه في باقي الروايه…..
