الظل: غموض و إثارة - الحلقة الثامنة
- هههههههههههههههه أظن كنت منتظر رد تاني إنت.
= بصراحة اه و لو إن ده الرد الطبيعي، حسب كلامك إن تحليل ال DNA مطابق .. بس بما إنها قضية معقدة فحاولت أفكر برا الصندوق شوية و انتا عارف إن الإحتمالات كلها واردة بس شكلي فشلت.
= إحنا بنعمل اللي علينا يا باشا و إيد علي إيد و رأي علي رأي بيساعد و بنكمل بعض .. أنا كنت شغال في القضية دي لوحدي و حتي لما إتقفلت و إتقيدت ضد مجهول ما يأستش .. فما بالك وإحنا اتنين، و ماشين بشكل غير رسمي يعني مفيش ضغوط علينا بالعكس .. حاسس إن في تحدي وهنشجع بعض لغاية ما نوصل للحقيقة.
- بإذن الله هتتحل .. المهم دلوقتي تعالي نشرب فنجانين قهوة عشان أنا مصدع ومحتاج أفوق شوية .
= يلا بينا.…
____________________________________________
- " أيوة يا عمر .. عامل إيه .... دايما ً يارب بخير .... أنا بخير اهو .. بقولك إيه مش كان في عروض في الشركة عن رحلات لقبرص ..اه .. العروض عجباني فعلا ً و عايزة أطلع .. تمام ظبط وقولي طيب في أقرب وقت .. يلا سلام...."
*مكالمة بين مي و زميلها عمر مشرف الرحلات.
__________________________________________
- محمد عايزك في مكتبي حالا ً.....
(ألو .... أنسة مي .... مقدم وليد معاكي .... أسف علي الإزعاج لو اتصلت في وقت مش
مناسب ...أهلا ً بيكي .. بكلمك بخصوص الموضوع اللي كنتي كلمتيني فيه.... اه عرفنا شوية، تفاصيل فيه و كنت محتاج أقعد معاكي و أسالك في كام حاجة كدة .... إيه ؟ .. مسافرة! فين؟.... مممممممممممم تمام .... إسبوع و هترجعي .. تمام مافيش مشاكل .... رحلة سعيدة، و نتقابل لما ترجعي .. لا لا مفيش حاجة .... بالنسبة للقضية بعرفك بس إنها صعب تتفتح تاني من غير دليل مادي واضح .... تمام …. أشوفك لما ترجعي بالسلامة .... مع السلامة ....).
- اتفضل يا محمد باشا .... ها طمني وصلت لحاجة؟
= طبعا يا وليد باشا .... البنت اسمها فدوي احمد عبد السلام .. 33 سنة .. المهنة ممرضة .. و العنوان المكتوب في البطاقة لما رحناه موصلناش لحاجة .. شكله كده وهمي .. لو تفتكر وقتها لما تحرينا عن البيانات دي طلع برضه إننا بنجري ورا سراب .. بس لسة عايزين نتفائل شوية .... أنا كلمت واحد من زمايلنا في إسكندرية و إديته البيانات و ربنا يسهل أتمني يوصل لحاجة ....
- جميل .... و انا هسيبك أسبوع بحاله أهو تتحري براحتك .... هاخد أجازة .. و هسافر.
= مسافر!....مسافر فين؟!!!.
- قبرص ....
___________________________________________
(أيوة يا دكتور .. خالد معاك.... العملية لازم تتعمل في أقرب وقت ممكن .... تمام .. ماشي ....
هتكون جاهز إمتي ؟؟؟ يومين مش أكتر من كدة يا دكتور .... تمام .... مع السلامة....".
- ها يا حبيبتى مبسوطة؟
= طبعا ً كفاية إنك هترجع تشوفني تاني .... بجد .... كفاية بقي .. ٣ سنين و انتا مش شايفني و أنا مش مرتاحة .. و اللي مصبرني علي كدة انتا .. و حبك ليا و وجودنا مع بعض ...
- وحشتيني .. هههههههه ....هي دي الجملة اللي بيقولوها : بتوحشيني وإنتي معايا ....
= ههههههههه تصدق صح ....بتفكر نرجع؟؟؟
- مش هينفع أجاوب دلوقتي.... ياريت نأجل كلام في الموضوع ده.
= ومش هينفع نفضل طول عمرنا بُعاد .. أفتكر بعد العملية كل حاجة هتنتهي ومش هيبقي في أي مانع يمنعنا من الرجوع .... بس حاضر يا حبيبي .... زي ما تحب ....
____________________________________________
النقيب محمد يتسلل لعيادة الدكتور.
" أحلي حاجة في شغلانتنا دي إنك بتتعلم من الحرامية حاجات عمرك في حياتك ما كنت هتتعلمها في الكلية.... يارب بس نكون ماشيين صح .... أهم حاجة ألاقي اللي بدور عليه وسط الملفات دي كلها .... ممممممم يا تري هتطلع شريف يادكتور و لا الواحد هيندم إنه بقي حرامي .... ههههههههههههههه.. حلو أوي ده .... نور محمود أحمد- 23/2/2012 .... جميل أوي .... شكرا ً يا دكتور .... ههههههههههههههههههه"
-----------------------------------------------------
