الظل: غموض و إثارة - الحلقة العشرون
النقيب محمد بيسمع تسجيل خطير جدا ما بين نور و الدكتور ماهر.
- أنسة نور ؟! هو النهاردة إيه؟؟ معاد جلستك لسـ....
= بكرا .. عارفة .. عارفة يا دكتور .. يمكن أكون مريضة .. بس لسة في بقايا إنسانة واعية جوايا.... إيه مرحبتش بيا كالمعتاد يعني .. للدرجة دي بتتصدم لما حد يجيلك العيادة في غير مواعيد جلساته؟
- لالا أبدا ً.... إتفضلي إرتاحي .. أتمني تكوني بخير .
= خير؟! .... مش هتفرق كتير .. اللي يفرق دلوقتي هو الموضوع اللي جيالك فيه .
- خير يا نور .. اتكلمي.
= مرض الوهم اللي عندي يعتبر جنون؟ و لا في فرق بين الحالتين؟
- لا طبعا ًمش جنون .. إنتي إنسانة عاقلة جدا ً .. أما مرضك ده فهو قطعا ً له علاج .. و إحنا
ماشيين فيه أهو .. أعتقد كمان في تحسن ملحوظ دلوقتي.
= تمام أنا عارفة إنك إستخدمت معايا أُسلوب متطور في العلاج .. إنتا شخصت حالتي و أثبت فعلا ً إن في شبيه ليا عايش معايا .... بشوفوه في كل مكان .. و الأهم إنك حبيت تحسسني إنك مصدقني لما الشبيه ده ظهرلي هنا قدامك في آخر جلسة و شوفناه سوا .... بس تعرف إنك فوقتني .. دايما ً في شعرة بين الحقيقة و الجنون .... و إنت هزيتها عندي جامد .. كوني بشوف و بتخيل حاجات ده مرض مش حقيقة .. لكن لما الخيال يتحول بجد و إن يكون في إنسان .. بني آدم حي يُرزق شبيه ليا قاعد قدامي و قدامك و بيتكلم .... هههههههههههههههههههه فلتت منك دي يا دكتور .
- أنسة نور .. أنا مش فاهم ممكن توضحي أكتر؟
= أنا مريضة اه .... مجنونة لأ ... أنا مكنتش بعتمد علي جلساتنا في العلاج بس عشان أتخلص من اللي أنا فيه .. أنا كنت بسجل جلساتنا كلها من أول جلسة صوت و صورة .... عشان أحاول أشتغل علي نفسي .... و أتخلص من المرض ده .. ففهمت كل حاجة.
فهمت و راقبت العيادة من يوم ما كنت عندك آخر مرة من أسبوعين و عرفت الحقيقة ... كان ممكن توهمني إنك بتشوفها معايا .... كنت هصدق .... عمرها ما ظهرتلي و حد معايا ... مفيش غيرك اللي ظهرت في وجوده .... و جمعت الخيوط كلها .... يعني أنا حالتي اتحسنت و بعد ما كنت الله بشوفه وهم انتا خليتني أشوف بجد و بتقنعني بيه .. لا انتا كدة فوقتني ..
- أنسة نور إنتي.
= أخررررس .... كُل جلساتي عملت منها نسخ ملهاش عدد مع كذا حد عشان لو حصلي حاجةتتقدم للنيابة .. و إنتا تقعد دلوقتي زي الكلب تسمع و بس و بعد ما هخلص تتكلم وتقول اللي أنا محتاجة أسمعه و بس... إنتا هتقولي كل حاجة و بالتفصيل عن البنت اللي شبهي دي .... جبتها منين؟ وليه أوهمتني بده ؟
وعلي فكرة لو رفضت الكلام .... أنا مش هنزل .. هفضل قاعدة .. مش هتحرك من هنا إلا بعد ما تتكلم و تعترف بكل حاجة أنا عايزة أعرفها .. و بالتالي هتأخر .... و لو اتأخرت أكتر من اللازم .... في واحدة زميلتي عارفة إني هنا .. و هتبلغ الشرطة و هتقولهم إني مخطوفة هنا عندك .. و هتديهم التسجيلات ... فمن مصلحتك تخلص و تتكلم....".
" - يااااااااااااااااااااااه .... يا ولاد الكلب .... كل ده علي حساب مين ؟ أنا؟! ليه؟ .. ليه كدة؟! إتدفعلك كام ؟!!!!.
للدرجة دي بلغ بيك الإستهتار إنك تلعب بعقول المرضي اللي عندك .... دي جريمة .... و هي..
هي كمان طلعت مريضة .... مضطهدة من أهلها؟؟ طب ليه؟ ليه كدة؟؟ و إنتا ؟ وهمتها بإيه خلتها
كدة .... تغير شكلها.. و أنا .... أنا ....
ههههههههههههههههههههههههههه....
أنا اللي إتحكم عليها تقضي حياتها غير البني أدمين ... أنا
بس لا .. أنا مش هستسلم لا ليك ولا لغيرك .. يأسي وضعفي مش هيكسروني .... خلاص مابقاش ليا حد في الدنيا ... اللي كان ليا سافر .... ولا عايزة يكونلي أهل .... و دلوقتي إنتا هتسمع اللي هطلبه منك و تنفذه بالحرف .... وقصاده هديك فرصة تضمن بيها بقية مستقبلك واللي باقي من عمرك .... و مفيش حد هيعرف اللي حصل .... و اللي هطلبه منك تقدر تساوم بيه لو خالفت إتفاقي معاك.
- إيه المطلوب؟
= زي ما كنتوا راسمين بالظبط .... أنا مسافرة الفيوم أغير جو.
- و بعدين؟
- فدوي .. هتقنعها تسافر مكاني مع مي وتنتحل شخصيتي .. أظن مش صعب عليها .... و لا صعب عليك تقنعها .. و كمان هيكون مفيد لعلاجها؟ و أنا هكمل مكانها.
- إيه؟
- مش من حقك حتي تستغرب و لا تسأل .... إنتا هتنفذ اللى طلبته منك بالحرف و ده مقابل إنك تشتري حياتك .... أنا واحدة يائسة خلاص .. مابقاش يفرق معايا حاجة .. عشان كدة قررت أغير حياتي .. و بالطريقة اللي إنتا ليك الفضل فيها يا دكتور .... بس مع التعديل هههههههههههههههههه
.... و زي ما إتفقنا.. سرك في بير .... أما أنا فهرمي نفسي في رحلة مجهولة
الزمان والمكان .... رحلة اللا عودة ....
إنتا هتساعدني أوصل لخالد ده .... و أنا هعرف أكمل و ....
لما أموت كل مُهمتك إنك تغطي ورايا و تثبت إني مُت فعلا ً و ....
إتفضل إمسك ....
- إيه ده؟!!!!.
- هههههههه عشان تبقي قبضت مني أنا كمان .... دا مبلغ حوالي 200000 جنيه سرقتهم من المستشفي اللي شغالة فيها .... عارفة إنها ماتساويش اللي بطلبه منك .... بس أهي حاجة تقدر
تساومني بيها لو في يوم إتكشفت و إتسألت " .
