مراتي باعتني عشان الفلوس الجزء الخامس

الجزء الخامس 

عشان اكمل باقي التشطيبات واجمع فلوس الشبكة والمهر وفعلا كنت بدأت اشتغل في شركة صاحب بابا واشتغل على الإنترنت ده غير طبعا اني كنت لسه بدرس ومش محتاج اوصفلكم المرمطة يلي كنت فيها ما بين جامعة ومذاكرة وشغل في الشركة و شغل عالانترنت بكنتش برتاح أبدا حتى النوم مكنتش بنام غير تلات واربع ساعات بس كنت بشتغل ليل نهار عشان اوفر طلبات هالة وأهلها وكنت بذاكر بجد عشان اجيب مجموع عالي وابقى معيد في الكلية لأنو ديه حاجة هتساعدني انهم يوافقوا عليا مكنتش بهدا ولا برتاح وكل قرش كنت بكسبو كنت بحوش منو وادخل جمعيات والباقي كنت بكمل بيه الشقة والحمد لله بعد سنتين قدرت أكمل تشطيبات الشقة وخليتها بالمواصفات الي هالة طالباها وجمعت تمن الشبكة الي أهلها عايزنها ده غير اني كنت اتخرجت وقتها وكنت الأول على الدفعة واتعينت معيد في الجامعة ده غير طبعا شغلي في شركة انكل علي الي قدرت في سنتين أكبر مكانتي فيه وأكيد دلوقتي بعد تخرجي مكانتي ومرتي هيزيدو أكتر وأكتر حسيت ساعتها أني عملت أهم حاجات عايزينها هالة وأهلها وقررت أروح واخطبها تاني وهبقى هكمل اجمع مبلغ المهر الي هما عايزينو خلال فترة الخطوبة.

وفعلا رحت مع أمي وطلبتها تاني بس المرة ديه رحت وأنا رافع رأسي ومتأكد انهم هيوافقو عليا بعد ما يشوفو انا عملت ايه ووصلت لإيه بس لتاني مرة اتفاجئت برد ما كنتش أتوقعو لما لقيت أبوها بيقولي'' اسمع يا ابني حقيقي انت الي عملتو خلال السنتين دول يثبتلي فعلا انك راجل قد المسؤولية ويعتمد عليه كل الي انت حققتو لغاية النهار ده يأكدلي انك فعلا بتحب هالة بنتي وأنك بجد شاريها بس لا مواخذة يعني أنا مش هقدر أديك بنتي إلا وأنا مطمن عليها وحافظلها كل حقوقها وأنت لغاية دلوقتي ما عندكش أهم حاجة تضمن حقوقها وهو المهر ده غير انو وضعك المادي لسه ما بقاش زي ما نحنا عايزين مضبوط انت بقيت معيد في الكلية وبتشتغل في شركة بس يا ترى الكم ألف الي انت بتقبضهم دول هيقدرو اعيشو بنتي عيشة مرتاحة زي ما نحنا عايزين ولا تقدر تكون قد تكلفة القايمة الي نحنا عايزنها''

وبرغم من صدمتي من ردو بس حاولت اني أداري صدمتي ديه بس عشان هالة رغم اني كنت متضايق جدا بس مسكت أعصابي وقلت'' طبعا يا عمي انا مش بقول انو نحنا نتجوز بكرة انا كل الي طالبو انو نحنا نعمل خطوبة كدة او حتى قراية فاتحة على ما أكون أنا جمعت المهر الي انتو طالبينو وان شاء الله مع الوقت شغلي ومرتبي يكبر ووضعي المادي يتحسن أكتر ساعتها بقى نبفى نتجوز''

رد عليا بإستهزاء وقالي'' امتى بقى أن شاء الله بعد تلات أربع خمس سنين كده تكون بنتي بارت وضاع عليها فرص الجواز بسببك''

رديت وقلت'' لا يا عمي أنا بس محتاج سنتين كده أكون جمعت فيهم المهر وحسنت وضعي المادي وأطن اني الي عملتو السنتين الي فاتت يثبتلك اني قد كلمتي واني استاهل تديني فرصة ووقت عشان أعمل الي انتو عايزينو أنا كل الي طالبو اننا نعمل خطوبة وان شاء الله خلال فترة الخطوبة ديه اجمع المهر وأحسن وضعي المادي''

صدمني أكتر لما لقيتو بيقولي'' أنا اسف مش هقدر أوافق انها تتخطبلك لأنو ده ممكن يضيع عليها فرص جواز أحسن