قصة مين حط الشطة فى الاكل
بسم الله الرحمن الرحيم
الفصل الاول:-
كان ياما كان ما يحلى الكلام الا بذكر النبى عليه الصلاة والسلام
كان فى بنت اسمها جميلة وهى كمان كانت جميلة زى اسمها كانت مؤدبة جدا وحبوبة جدا كان شعرها طويل ولونه اصفر زى لون الشمس وعنيها زرقاء زي لون البحر وشفايفها حمرا زى لون الفراولاية …..كانت جميلة يتيمة مش معا ماما ولا بابا وكانت عايشة لوحدها فى بيت صغنون كانت عايشة فى مملكة بيحكمها ملك معاه ابنه الامير كانت بتشوفه دايما بالحصان بتاعه بيلف ف المملكة وكانت نفسها قوى تشوفه مرة كدة من قريب …..و كانت جدتها عايشة بعيد عنها وكانت بتمر عليها من وقت للتانى البنت الشابة كانت بتحب تطبخ وتعمل فطاير وحلويات كانت بتعمل اكل وتبيعه للمحلات اللى حواليها وتبيع لجرانها ومعارفها وكان بيعجبهم اكلها خالص و كانت مشهورة اكتر حاجة بعمل البطاطس والفطير والمسقعة كانت بتبيع وتصرف على نفسها وعلى بيتها البسيط .
زى ماكان الاكل هو لقمة عشها واللى بتسترزق منه كان كمان هو شغفها ومتعتها ف الحياه و كانت بتفنن ف الاكل وتبدع ف التقديم
رغم ان حياتها بسيطة و على قدها لكن كانت بتحب تعزم جرانها وحبايبها و تذوقهم اكلها الذيذ
الفصل اثانى:-
كان امير المملكة اللى عايشة فيها جميلةله زوق مختلف وغرب ف الاكل بتاعه و مش اى اكلة تعجبه لا دة بيحب حاجة معينة كان بيتعب اوى لما الطباخ اللى بتاعه اللى متعود على اكله يمشىاو يسيب القصر لاى سبب لحد ما يلاقى طباخ تانى يحب اكله ويتعود على نفسه ف الطبيخ .
مرة من المرات الكتيرة اللى حصلت تعب الطباخ الخصوصى بتاع الامير طبعا بقت حالته صعبة وبطل ياكل خالص وبطل كمان يشتغل و بقى لا بيخرج زى الاول ولابيلف بالحصان بتاعه حوالين المملكة ولا بيقابل حد و طول الوقت حزين .
ابوه الملك عرف بحالته دى طبعا ماقدرش يسكت على كدة وهو شايف ابنه مش عارف ياكل ولا هو زى زمان و كان ديما يقوله يابنى يا حبيبى مينفعش كدة كل اى حاجة لحد منلاققى طباخ جديد يريحك انت كدة هتموت وطلع الملك من حجرة الامير وهو حزين على ابنه وبيفكر يعمل ايه عشان يلاقى الطباخ دة بسرعة.
قرر الملك بعد ماشاف حالة ابنه انه يعلن عن مسابقة طبخ يجي فيها كل طباخين المملكة بشرطحسن الكفائة وويكون معاه شهادات من الصحة و ورق معين وفحوصات ويكون كمان اشتغل قبل كدة طباخ و اللى هيكسب فى المسابقة هيبى هو طباخ الامير الخصوصى و بعت منادى ينادى ويلف المملكة كلها ويسمع كل اهل المملكة وهو بيلف سمعته مين…..سمعته جميلة وفرحت خالص لانها نفسها تشوف الامير من زمان وتدخل القصر الملكى ولان كمان الطبيخ دة لعبتها بس فى مشكلة مش هينفع تبقى طباخة فى القصر الملكى لانها مشتغلتش طباخة قبل كدة عند حد ولا حتى معاها شهادة صحة ولا ولا اي حاجة من شروط المسابقة قعدت تفكر تدخل القصر ازاى لحد ما خطرت على بالها فكرة . فى يوم المسابقة اتفقت مع صاحبة ليها من اللى كانو بيشتروا منها اكل صحبتها دى عندها قريبتها بتشتغل فى القصر مشرفة على الخدم اتفقت معاها ان هى اللى هتدخلها فى وسط الطباخين من غير ما حد يحس ودة لانها واثقة فيها وفى نظافتها وفى اكلها الحلو بجد وانها ممكن تكسب المسابقة بس للاسف ماعندهاش الشروط المطلوبة ….جيه وقت المسابقة ودخلت جميلة ومعاها ادواتها و كل بهارتها الخاصة .,وبدأت فعمل عمل اكتر اكلة بيحبها الامير بعد ما سألت مشرفة الخدم عن اكتر اكلة بيحب ياكلها…………………………..يا ترى بعد ماتطبخ ايه اللى هيحصل..؟؟؟
استنونى المقالة الجاية…….دمتم فى رعاية الله وامنه
("و ما توفيقى الا بالله عليه توكلت واليه انيب")
