مشهد مستقبلي (خيال كاتبه🤍✨)
مشهد مستقبلي (خيال كاتبه🤍✨)
دخل كريم مكتب زهره وكانت بتلف حوالين نفسها وماسكه في شعرها
كريم: في ايه مالك مشيتي فجأه من الاجتماع
وقفت زهره وبصتله بشر جديد عليه: عايزه افهم ايه الحصل ده!!
كريم ببراءه: يوه ايه الحصل؟!
زهره: هتستهبل!!
كملت زهره دوران حوالين نفسها وهي حاطه اديها علي بوقها بتحاول تهدي وكريم حاطت ايده في جيبو بيتفرج عليها باستمتاع
وقفت زهره فجأة وقالت وعنيها بطلع نار: هي ..هي البت الملزقه الحضرت الاجتماع ده جبتها منين مشوفتهاش قبل كده في الشركه؟!
رفع كريم كتفه وقال: مش انا العينتها ده اياد انا اول مره اشوفها بردو بس اياد بيقول ممتازه في الشغل ،وكمل بخبث: وانا بردو شايف كده
زهره بهمس لنفسها: طبعا لازم تشوف كده مهي كانت نقصلها تكه وتقعد علي حجرك
كريم: بتقولي حاجه؟
تجاهلته زهره وللمره الالف رجعت تلف في المكتب تاني
كريم: يا بنتي خيلتيني انا مش فاهم هي مضايقاكي في ايه!!
زهره : مضيقاني في اييه!! ده بتستهبل..ده ملزقه وبتكلمك بمحن اوي .. ده كانت هتقعد علي حجرك يا اخي...ده..ده..ده بتقولك يا حبيبي!!!
ومع اخر كلمه نطقتها لفت لقت كريم في وشها مسكها من وسطها جامد وتقريبا كده دخلها في حضنه وبصلها بحنيه
كريم بنبره رجوليه جذابه: تؤ..انا حبيبك انتِ بس
رمشت زهره كذه مره بسرعه بعدين قالت بتوهان: ه..ها..
باسها كريم جنب شفايفها فغمضت عنيها وحست انه هيغمي عليها ، وكرر كلامه بتأكيد وبتقطع :انا..حبيبك..انتِ..بس
زهره متنحه لانها متوقعتش الموقف ده يحصل معاها ومع مين..كريم !!
كريم شدها اكتر له وقال: كريم المليجي بتاع زهره
زهره عقلها بيقولها زقيه وابعدي متسمحلهوش بعد العرفتيه عنه يعمل كده!!..وقلبها بيرفرف لان ده يعتبر اعتراف منه بحبه..
وقطع اللحظه ده قبل ما تكمل زياد..
~~~~~~~~~~~~~~~~~~~~~~~~~~~~~~~~~~
مساء الخير 🌚❤️
ده مشهد مستقبلي تعويض عن بارت امبارح محبتش انزل في ميعاد غير ميعادي عشان ميحصلش لغبطه
علي ميعادنا ان شاء الله يوم التلات وهيكون بارت كبير زي ما متعودين❤️✨
