قربان ابليس الجزء الخامس والأخير
*قصة قربان ابليس 5والاخير*
"قربان ابليس" الجزء الاخير
باب المكتب يخبط فجأه ويدخل امين شرطه
امين الشرطه يأدي التحيه العسكريه
ايمن: خير يابني
امين الشرطه: العيال اللي حضرتك طلبت مني اعين قدام كل بيت واحد فيهم مخبر يرا*قب تحركاته
ايمن: مالهم اخلص
جاتني اخباريه من المخبرين اللي بيراق*بوهم ان العيال دول كلهم اتحركوا من بيوتهم وراحوا لبيت واحد منهم وحالياً هما موجودين فيه وكان معاهم شنط شكلهم مسافرين
قام ايمن مفزوع من مكانه وهو بيقول اجمعلي قوه دلوقتي حالا هنروح نجيبهم
امين الشرطه: امرك يافندم
اتحرك ايمن ومعاه عربيتين شرطه وقوه كبيره واتحرك في طريقه للقبض علي المشتبه فيهم
حرفيا الطريق كان زحمه بشكل لا يوصف ولكن مع تشغيل انذارات الشرطه كانت كل العربيات بتعدي الطريق وربع ساعه بالظبط وكانت الشرطه امام بيت عمر زكريا منصور ودا كان بيت متطرف علي البحر يخص عمر لوحده وكان بيقضي فيه سهراته اياها وما شابه
خبط الباب واللي فتحت كانت الشغاله
الشغاله:مين حضراتكم
ايمن: مباحث وحط ايمن صباعه علي بوقه وكان بيقول للشغاله ششش اسكتي
واتحرك ايمن بعد ما شاور للقوه تحصله للداخل وبدأ يتتبع الصوت اللي كان جاي من غرفه داخل البيت، كان صوت زي قراءه كلام غير مفهوم ولما ايمن تأكد من مصدر الصوت فتح الباب
كان عمر ويوسف واحمد ومريم قاعدين علي الارض ومعاهم راجل تاني لابس اسود في اسود وكانت الاوضه مضلمه ومفيش غير الشموع المولعه في المكان وريحة البخور
ايمن بأستهزاء: ايه يا جماعه الشموع دي كلها انتو عندكم عيد ميلاد ولا ايه
عمر: انت ازاي تدخل هنا بدون استأذان
ايمن: انا جاي علشان اخدك معايا يا عمر يا حبيبي انت وكل اصحابك والراجل الكباره دا كمان هيشرف معانا وشاور علي الشخص اللي كا لابس اسود في اسود
بص ايمن علي ركن من اركان الغرفه ولاحظ وجود شنط سفر وقال: ايه دا شكلكم كنتوا رايحين مكان صح
عمر: بتوتر ايوه كنا هنسافر يومين نريح اعصابنا، عند حضرتك مانع
ايمن: لا مفيش مانع ولا حاجه بس انا هخليكم تريحوا اعصابكم عندنا اصل عندنا خدمات لازم تجربوها، شاور ايمن للقوه وهو بيقول هاتوهم
وبالفعل القوه هج*مت علي الجميع وبدات تق*بض عليهم وركبوهم البوكس هما الخمسه عمر ويوسف واحمد ومريم والراجل اللي معاهم واللي كان ساكت تماما ومش بيتكلم
الكل كان بيعترض ولكن مريم كانت شبه انهارت وبدأت في البكاء
وقبل ايمن ما يركب عربيته نادي علي احد امناء الشرطه وقاله: اطلع علي مستشفي اسكندريه العام واسأل عن الدكتور علي الطيب وقوله المقدم ايمن باعتني علشان اخد نتيجة فحوصات المعمل
امين الشرطه: امرك يا فندم، ونزل من العربيه واتحرك علي المستشفي
وايمن اتحرك بالقوه اللي معاه علي قسم الشرطه
وبمجرد ما دخل كان هاشم مستنيه في المدخل
هاشم: ايمن بيه كنت فين
ايمن: يشاور علي المشتبه فبهم ويقول: كنت بجيب العيال دي، دول كانوا مجهزين شنطهم وهيه*ربوا
هاشم: كويس انك قبضت عليهم علشان حتي لو مكنتش قبضت عليهم كنت هتعمل كدا بعد ما تشوف تسجيل الكاميرا اللي لقيتها
ايمن: هاشم نزلي العيال دول الحجز وحطلي كل عيل فيهم في الانفرادي مش عايزهم يتكلموا مع بعض ابداً، وبعد كدا تعالي المكتب ووريني الكاميرا دي مسجله اي
وايمن طلع مكتبه ودقايق وحصله هاشم واتحرك ناحية شاشه المكتب وحط الفلاشه واشتغل الفديوا
في البدايه بنلاحظ وجود عربيه بينزل منها شخص لابس بدله سوده ويسلم علي طلعت وبعدها بيطلع العماره
ايمن: رجع الشريط يا هاشم كدا ايوه كمان كمان اوقف هنا اعمل زوم علي وش الراجل دا ، ايوه الراجل دا هو هو اللي كان موجود مع المتهمين في بيتهم وقبضت عليه معاهم
هاشم: ودا ايه علاقته بالجر*يمه
ايمن: هنعرف دلوقتي مشي الشريط كمل
بعدين في عربيتين بيركنوا امام العماره وبينزل من العربيه الاولي عمر ومريم وملك والعربيه التانيه بينزل منها احمد ويوسف وبيتحركوا ناحيه العماره وبنلاحظ ان طلعت البواب بيوقفهم وبيسلم عليهم وبنلاحظ ان عمر بيحط ايده في جيبه وبيطلع فلوس وبيدها لطلعت واللي بمجرد ما اخدها بدأ يعدها بنهم
طلعوا للعماره وبعد ساعه ونص بالظبط بنلاحظ نزول يوسف وعمر واحمد ومريم وهما بيتحركوا بسرعه
والغريبه ان بعد دقايق الراجل اللي لابس بدله سوده دا نزل ووقف شويه مع طلعت وبعدها مشي بعربيته وكان واضح انه قلقان من حاجه
وبعدها بنص ساعه يرجع عمر واللي معاه وهما شايلين في ايديهم 3 جراكن وبيطلعوا العماره وتعدي ربع ساعه ونشوف ان مريم نازله تجري من العماره وهي بتبكي ووراها نازل يوسف وعمر واحمد وطلعت البواب وكان صحاب مريم بيحاولوا يهدوها بس الغريب ان طلعت نازل من فوق طيب كان بيعمل ايه معاهم والغريبه انه مسك في عمر قبل ما يمشوا وكان واضح انهم بيتخانقوا ولكن عمر طلع فلوس من جيبه وادها لطلعت وركبوا عربياتهم واتحركوا
ايمن: الموضوع كدا بان واضح ان العيال دول هما اللي عملوها، بس السؤال هنا ايه السبب اللي يخليهم يعملوا كدة ايه الدافع
هاشم: كمان طلعت ليه ياخد منهم فلوس وليه لما سألناه قال انه ميعرفش حاجه .؟!!
لعلمك يا فندم انا تحفظت علي طلعت وهو مرمي في الحجز الانفرادي تحت
ايمن: كويس جداً، هاتلي يا هاشم الراجل اللي كنت جايبه معايا ولابس اسود في اسود
هاشم : امرك يا فندم
خرج هاشم ودخل امين الشرطه وهو بيقول: دا التقرير يا ايمن بيه اللي الدكتور علي اداه ليا
اخد ايمن التقرير ورفع سماعة التليفون وقال: عايز حد من المعمل الجنائي يجي لعندي حالاً
خرج امين الشرطه ودخل هاشم ومعاه الراجل دا
ايمن: اسمك وسنك
الراجل: عبد الرحمن شكري 53 سنه
ايمن: بتشتغل ايه وايه علاقتك بالعيال دي
عبد الرحمن: بشتغل معالج روحاني شغلي هو التحدث مع الناس ومحاولة حل مشاكلهم، ودا اللي كنت بعمله مع الناس اللي حضرتك قبضت عليهم وعليا
ايمن: دكتور نفسي يعني
عبد الرحمن: مش بالظبط بس تقدر تقول كدا
ايمن: تعرف ايه عن ملك احمد المنيري..؟
عبد الرحمن: معرفش عنها حاجه
ايمن: العيال اللي كنت معاهم متهمين في قضية قت*ل
عبد الرحمن: وانا مالي يا فندم انا شغلتي اقعد معاهم واحل مشاكلهم وبس
ايمن: تمام خده علي الحجز يا هاشم وهاتلي باقي العيال من تحت وهاتلي طلعت معاهم
دقايق ودخل هاشم ومعاه عمر واحمد ويوسف ومريم وطلعت
ايمن: يقوم من علي كرسي المكتب ويتحرك ببطئ امام المتهمين واللي كانوا واقفين في صف واحد في صمت تام بأستثناء بكاء مريم اللي كان واضح للجميع
ايمن: ها مش عايزين تعترفوا ليه.؟!
عمر: نعترف بأيه يافندم.؟!
ايمن: بقت*لكم لملك ياعمر
يوسف: احنا مقت*لناش حد ومنعرفش مين ملك دي
ايمن: متعرفوهاش ازاي وكل اللي معاكم في الجامعه بيقولوا انها كانت صحبتكم، ايه هتتبروا منها.؟!
احمد: هي فعلا كانت بتحاول تتصاحب علينا بس احنا مكناش قابلين دا
بص ايمن ليوسف وقال: يعني طلعتوا تعرفوها اهو، بصوا احسنلكم تعترفوا علشان سواء انهارده ولا بكره فصدقوني كل حاجه هتبان وهتاخدوا جزائكم
باب المكتب يخبط ويدخل عسكري ويقول، في حد من المعمل الجن*ائي عايز حضرتك يا فندم
ايمن: خليك هنا يا هاشم لحظات وهرجعلك
مسك ايمن التقرير اللي بعته علي وخرج للشخص اللي من المعمل الجن*ائي وقاله: عايزك تطابق ليا البصمات دي بالبصمات اللي كانت موجوده في مسرح الجر*يمه اللي تخص ملك احمد المنيري وتبلغني بالنتيجه، معاك ساعتين بالظبط والنتيجه تكون علي مكتبي
دكتور المعمل: تمام يا فندم بعد اذنك
دخل ايمن للمكتب وو*لع سيجاره وقال: هاا حد منكم افتكر اي حاجه.؟!!
محدش كان بيرد
ايمن: وانت يا طلعت مش عايز تقول حاجه
طلعت: حاجة ايه يا بيه انا مش عارف انا هنا ليه
ايمن: هتعرف دلوقتي متستعجلش، خدهم يا هاشم بيه علي الحجز وحطلي كل واحد في انفرادي لوحده لما نشوف اخرتها معاهم ايه، هم هاشم بالخروح ولكن ايمن نادي عليه وطلب منه يقرب علشان يقوله حاجه، وقاله بهدوء، اطلب دكتور المعمل وخدلي بصمات العيال دي وطابقهالي بالبصمات اللي في المعمل الجنائي ومتنساش تاخدلي بصمه الراجل اللي اسمه عبد الرحمن دا وشوفلي ليه بصمات في المكان ولا لا
هاشم: تمام يا ايمن بيه
تليفون ايمن يرن
ايمن: اذيك يا دكتور علي
-بخير الحمد لله انا بتطمن ان التقرير وصلك وكنت بسألك هل في جديد في القضيه ولا لسه
ايمن: دا في جديد وجديد كمان يا دكتور اسمع يا سيدي
دامت مكالمة المقدم ايمن والدكتور علي لمدة نص ساعه والمقدم ايمن شرح للدكتور علي كل حاجه
وتمر ساعتين ويدخل مكتب المقدم ايمن دكتور المعمل الجنائي وفي ايده تقرير
ايمن: ها يا دكتور طمني
الدكتور: بص يا ايمن بيه
في البدايه حضرتك اديتني تقرير فيه عينات وانا نزلت اخدت بصمات الناس اللي في الحجز بأمر هاشم بيه ولما طابقت البصمات مع بعض طلعت كالاتي
اولاً عينة الجلد والبصمه اللي بعتهملي يتطابقوا مع بصمات واحد اسمه " عمر زكريا منصور"
ايمن: يبقي اثار الجلد والبصمات الناتجه عن الاعت*داء الج*نسي ترجع كلها لعمر تمام كمل يا دكتور
والبصمه اللي كانت مبهمه في تقرير المستشفي دي ترجع لواحد اسمه "طلعت"
كمان يا فندم يوسف ومريم واحمد دول بصماتهم متطابقه مع البصمات اللي كانت في مسرح الجر*يمه
ايمن: في واحد اسمه عبد الرحمن هل ليه اي بصمات في المكان.؟؟
الدكتور: لا يا فندم ملهوش، كمان كان فيه زجاجه خ*مره مركزه وكان عليها بصمتين والبصمتين دول فيهم بصمه ترجع للم*جني عليها وبصمه بعد تطابقها اكتشفت انها تعود للمدعو عمر زكريا، ودا تقربر يا فندم بكل حاجه
ايمن بأبتسامه انتصار: تمام يا دكتور اشكرك
مسك ايمن تليفونه وطلب هاشم وقاله تعالي فوراً
ودقايق وكان هاشم في المكتب
هاشم: خير يا فندم.؟!
ايمن: العيال بصماتهم متطابقه مع البصمات اللي كانت في مسرح الجر*يمه وكمان عمر زكريا بصماته واضحه علي جسد البنت ويبدوا انه اعت*دي عليها حن*سياً، هاتلي العيال دي بسرعه يا هاشم وهاتلي طلعت علشان طلعت دا حكايته حكايه دا طلع ليه بصمه كمان لا ومش اي بصمه دي بصمه كانت علي جسد المج*ني عليها يعني مشترك اساسي في الجر*يمه العيال دي لازم تتواجه بكل حاجه العيال دي لازم تنهار علشان تعترف
هاشم: تمام دقايق ويكونوا في مكتبك
وبالفعل ربع ساعه وكان هاشم داخل المكتب ومعاه يوسف وعمر واحمد ومريم وطلعت
ايمن: اهلا اهلا اتفضلوا
قولي يا طلعت هما دول العيال اللي اجروا الشقه منك وكانوا بيجوا وبعملوا اصوات غريبه والناس كانت بتشتكي منهم.؟!
بص طلعت للي حواليه وقال في تردد مش فاكر يا بيه
هاشم بعصبيه: مش فاكر ايه يا راجل انت مش انت لسه من شويه قولتلي انك لو شوفتهم هتقدر تتعرف عليهم
طلعت: مش فاكر يا بيه اي هتفكروني غص*ب عني يعني ولا هي قضيه مش قادرين تجيبوا اللي عملها فعايزين تلبسوها لواحد غلبان زي حالاتي
ايمن: صح، انت بتتكلم صح، احنا بنتبلي عليك، بص بقي معايا علي الفديو القمر ده، مش انت اللي واقف مع العيال دول وبتاخد منهم فلوس بزمتك يا شيخ في حد بينسي شكل حد اده فلوس.؟!!
فجأه ايمن زعق وقال: هتتكلم يا روح امك ولا اخليك تتكلم بطريقتي.؟!!
سكت طلعت ومتكلمش وايمن تجاهله وراح ناحيه عمر وقال
وانت يا عمر كنت بتقول انك متعرفش ملك دي ولا عمرك شوفتها قبل كدا طيب انا بقي عايز اقولك ان الطب الشرعي لاحظ ان البنت تم الاعت*داء عليها جن*سياً ولما رفعوا البصمات اللي علي جسمها وطابقوها ببصماتك طلعت نفس البصمات، وكمان لقيوا اثار لجلد تحت ضوافر البنت ولما طابقوها معاك اكتشفوا انها تعود ليك انت، معني كدا ان البنت انت اعتد،يت عليها جن*سياً وهي كانت بتق*اوم ودا واضح من اثار الجلد اللي تحت ضوافرها، دا حتي لقينا زجاجه خم*ره مركزه غير كل انواع الخ*مره اللي في المكان وبرضوا لقينا بصمتين علي الزجاجه بصمه تعود للمج*ني عليها وبصمه تعود ليك انت يا عمر، ايه لسه مقتنع انك معملتش حاجه.؟!!
وكمل ايمن كلام وقال اما يوسف واحمد ومريم فبرضوا بصماتهم كانت في مسرح الجر*يمه
من الاخر انتوا لابسينها لابسينها
فجأه بدأت مريم تبكي بهستريا وهي بتقول خلاص كل حاجه اتكشفت انا هقول علي كل حاجه يا باشا
ايمن: خرجلي يا هاشم كل العيال دي بره وسيب بس مريم محتاج اتكلم معاها شويه
وبالفعل خرج هاشم بالمتهمين وساب مريم وايمن
ايمن: اقعدي يا مريم واحكيلي كل حاجه بالتفصيل
مريم: احنا اللي قلت*ناها بس والله مكناش قاصدين نمو*تها ولا مكناش نقصد
ايمن: امال كنتوا تقصدوا ايه احكيلي
مريم: ملك كانت صحبتنا من 4 شهور وقبل الاربع شهور مكنتش تعرفنا، احنا شباب بنحب نقرأ عن الجن وخدماتهم وعن ملوك الجن واستحضارهم، وكنا نعرف واحد بقالنا سنه هو اللي بيعلمنا كل حاجه تخص المواضيع دي وكان بيقولنا ان الجن لما يرضي عننا بيدينا قوه روحيه محدش يقدر عليها ولكن كل دا بيحصل بمقابل والمقابل دا بيكون تقديم القرابين ومش اي قرابين دي بتكون قرابين بشريه
ايمن: مين الراجل دا
مريم: عبد الرحمن الراجل اللي كان معانا في بيت عمر ساعة ما قبضتوا علينا
في يوم كنا قاعدين انا ويوسف وعمر واحمد وبنفكر في كلام دكتور عبد الرحمن في اننا لازم علشان نحصل علي قدرات قويه ونحصل علي خدمات الجن لازم نقدم قربان بشري ولازم تكون بنت، وفي الوقت دا كنا قاعدين في الكليه ودخلت علينا ملك، وكانت بتسأل عن موعد محاضره معينه، وقتها قلنا ليه منفكرش في الموضوع ونضمها لشلتنا وتكون هي القربان والصراحه دي كانت فكرة عمر وعلشان ملك كانت منجذبه لعمر فكانت مهمة عمر هو انه يتعرف عليها ويجر رجلها لسكتنا، والحقيقه ان عبد الرحمن كان مفهمنا ان مهمة القربان هو تسليم جسده فتره معينه علشان يكون تحت سيطرة الشيطان من الاخر الشيطان دا بيحضر في جسد القربان
وبالفعل بعد اسبوعين كانت ملك معانا وبقت مهتمه بعلومنا وباللي احنا كمان كنا مهتمين بيه لدرحه اننا قلنا انها بقت واحده مننا ومش لازم تكون هي القربان لحد ما عرف دكتور عبد الرحمن وقال لا هي دي القربان الجن عايزها هي ولازم تبقي هي هما اختاروها خلاص مفيش رجوع في الكلام والا كلنا هنت*أذي
مكنش قدامنا اي حل تاني
ايمن: يعني علشان تحصلوا علي خدمات الجن والعبط دا تقت*لوا بنت غلبانه صح
مريم وهي بتبكي: مش معني اننا هنقدمها قربان يبقي هنق*تلها، لا، هنقدمها قربان يعني هنخليها خاض*عه لأوامر الجن، في طلسم معين بيترسم وبيتم استحضار الجن الموكل بيه في الجسد اللي تم رسم الطلسم عليه والجن بيحضر في الجسد دا وخض*وع صاحب الجسد وخضو*عنا وطاعتنا هما دول في حد ذاتهم القربان
ايمن: طيب قت*لتوها ليه
مريم: يوم الحا*دثه اتفقنا اننا هنتقابل في شقة كان مأجرها دكتور عبد الرحمن واتحركنا انا وعمر وملك واحمد ويوسف علي الشقه وكنا مفهمين ملك ان علشان تكون معانا لازم تخ*ضع لجلسه تطهير وطبعا احنا كنا بنكدب عليها
ايمن: وطلعت ليه اخد منكم فلوس وليه انكر انه ميعرفكمش
مريم: لا يعرفنا ويعرف دكتور عبد الرحمن لأنه اصلا دكتور عبد الرحمن كان قاعد فوق مستيننا في الشقه وطلعت طلب فلوس علشةن ميتكلمش وعمر اداه
ايمن: ها كملي كملي
مريم: طلعنا الشقه ولقينا دكتور عبد الرحمن مستنينا وسلم علينا وعلي ملك، وعبد الرحمن هو اللي هيرسم الطلسم ويقرأ تعويذه الاستحضار علي ملك
قعدنا وقام عمر داخل جاب بي*ره وادا كل واحد فينا واحده وملك اداها واحده تانيه كان لونها احمر ودي كان تركيزها اعلي وقصدنا انها تشرب منها علشان متحسش بحاحه خصوصاً وقت رسم الوشم لأنه هيتم رسمه بالابره يعني هيكون صعب وم*ؤلم
وبالفعل عمر مسك زجاجه الخم*ره وشرب هو منها وشربت ملك وبدأت ملك تغيب عن الوعي وكان يوسف مشغل اغنيه متعودين نشغلها في سهراتنا اللي بنقعد نتكلم فيها عن الجن، هي موسيقي ليها تأثير علي العوالم دي
وقتها ملك غابت عن الوعي وعبد الرحمن طلب من عمر يدخلها اي اوضه لحد ما نجهز المكان
وعمر خدها ودخل الاوضه وفضل معاها جوه ربع ساعه واحنا مكناش فاضين علشان حتي ننادي عليه
ايمن: قصدك ان اعت*داء عمر الج*نسي علي ملك حصل في الوقت دا.؟؟!
مريم: معرفش
ايمن: تمام كملي
مريم: في الوقت دا انا جبت شمع وول*عته في شكل دائري وناديت علي عمر علشان يجيب ملك واللي جات فعلا ولكن كان لبسها متبهدل واحنا عرفنا ان عمر عمل حاجه مش كويسه في البنت بس مكنش وقته اننا نتخانق
كشفت انا منطقه الصدر وبدأ عبد الرحمن في نقش الطلسم بالابره والحبر ووقتها ملك كانت بتتأ*لم ولكن تأ*لم خفيف علشان اللي كانت شرباه كان مخدرها
وعمر كان ماسك بعض الاوراق اللي عليها الطلاسم وبيحطها بشكل دائري حوالين ملك ولكن اللي مكناش حاسبين حسابه هو ان لما بدأ عبد الرحمن في نقش الطلسم علي الفخذ بدات ملك تتأ*لم بصوت عالي وبدأت تفوق وتص*رخ
حاولت انا اسكتها ولكن مكنتش بتسكت وفجأه عبد الرحمن طلع من جيبه س*ك*ي*ن صغيره وفجأه د*ب*ح ملك وقتها انا صر*خت واغمي عليا ولما فوقت كان د*م ملك مغرق الارض وكمان مغرق الورق اللي حواليها
وقتها صر*خت ومسكت في عبد الرحمن وقلتله قت*للتها ليه: رد وقالي دي قربان وكان لازم يحصل كدا الجن مبيحضرش الا بال*دم
جري عليه عمر وقاله: بس احنا متفقناش علي كدا، صر*خ فيه عبد الرحمن وقال وبرضو متفقناش انك تعمل القرف اللي عملته جوه مع البنت
يوسف صر*خ وقال انا ماشي انا مليش علاقه بالليله دي وقال احمد وانا كمان احنا متفقناش علي ق*تل
صر*خ فيهم عبد الرحمن وقال: كلكم مسؤلين زيي بالظبط والمارد حضر وقريب هيظهر ليكم ولو مكنتوش مطيعين ليا وليه هيخ*لص عليكم واحد واحد دخول الحمام مش زي خروجه ودلوقتي لازم تخل*صوا من الج*ثه دي
يوسف: ودي هنخ*لص منها ازاي انت متخيل اننا في مكان سكني وفي ناس اكيد هتشوفنا وهنروح في ستين داهيه
عبد الرحمن: ومين قالكم انكم هتروحوا في داهيه انا هكتبلكم اسامي مواد هاتوها وفضوها في بانيو الحمام وبعدها حطوا فيها الج*ثه وساعه بالكتير والبنت دي هتكون شويه عضم وهتقدروا تتخل*صوا منهم بسهوله
صر*خت وقلت: دا انت قت*ال قت*له بقي وعارف انت بتعمل ايه كويس
عبد الرحمن تجاهل كلامي وكتب ورقه واداها لعمر وقاله هاتوا الحاجات دي بسرعه
خرج عمر ويوسف واحمد وانا قلتلهم استنوا متسيبونيش لوحدي مع الراجل دا
ايمن: بس غريبه ازاي عبد الرحمن يكون عمل كدا وملقيناش وجود لاي بصمه تخصه في المكان
مريم: كان لابس جوانتي في ايده مش بيقلعه مش بقولك عارف بيعمل ايه كويس
ايمن: بس اللي د*ب*ح مريم مكنش متمرس بالعكس كان عنده رعشه في ايده ودا باين من طريقه ال*د*ب*ح
مريم بابتسامه غريبه: ابقي بص يا فندم علي ايد عبد الرحمن اليمين هتلاقي انها بتترعش علطول اصلا ودا مرض عنده باين
ايمن: تمام كملي
مريم: بعد شويه رجعنا وطلعنا الشقه ولكن عبد الرحمن مكنش موجود فص ملح وداب وفجأه لقينا طلعت ورانا وبيبص للمصيبه اللي في الشقه وبيقول: الله يخربيوتكم ايه اللي عملتوه دا هتودونا في مصيبه وقرب من البنت وحط ايده علي وشها وقال ليه عملتوا كدا
جري يوسف عليه وقاله انت لابس معانا في الموضوع هتفتح بوقك هتروح في ستين داهيه معانا
دخل يوسف واحمد دخلوا الجراكن في الحمام
ودخل طلعت الشقه ولكن سمعنا رنة تليفون طلعت ولما قال الو فجاه ارتبك وقال: في واحد من السكان بلغ الشرطه وقالهم ان في اصوات عاليه وازعاج جاي من الشقه دي والبوليس زمانه جاي رحنا في داهيه
فجأه عمر ويوسف جريوا لتحت وانا واحمد حصلناهم وورانا طلعت واللي مسك في خناق احمد علي السلم وقاله انه كدا هيروح في داهيه ولكن عمر جري عليه واداله فلوس وقاله متتكلمش وقول انك مشوفتش حاجه واي فلوس تاني هتحتاجها هديهالك
سبنا طلعت وركبنا عربياتنا وجرينا، وتاني يوم الصبح راح عمر يتطقس في المنطقه ويعرف اللي حصل وعرف ان الشرطه وصلت وشافت الج*ثه
ايمن: يعني قت*لتلوا صحبتكم علشان النجاسه والك*فر دا، انتوا باللي عملتوه دا كفر*توا بربنا سبحانه وتعالي وقت*لتوا واغتص*بتوا،
مريم: مكناش نقصد قت*لها والله ما كنا نقصد
ايمن يرفع سماعة التليفون ويقول: هاشم دخلي الكل وبما فيهم عبد الرحمن
دخل الجميع وبدأ ايمن يتكلم وهاشم يتكلم وفضلوا ساعه ومع تضارب كلام المتهمين ومواجهتهم بالفديوا اللي مصوراه ليهم الكاميرا وبمواجهتهم ببصماتهم اللي في مسرح الجر*يمه اعترف يوسف واحمد وعمر وفضل عبد الرحمن وطلعت بينكروا
ايمن: يا طلعت انت الوحيد اللي عقا*بك هيكون مخفف فيهم اعترف وقول الحقيقه وقول علاقتك ايه بعبد الرحمن والاهتت*عاقب نفس عقا*بهم
طلعت وقتها اعترف بكل اللي بينه وبين عبد الرحمن واعترف باللي شافه ووقتها عبد الرحمن سكت وبانت عليه الهزيمه
وقتها هاشم قرب ناحيه عبد الرحمن وبص لأيده اليمين ولاحظ انها بتترعش وقال: الف سلامه علي ايدك يا دكتور، وعدت ربع ساعه وكان عبد الرحمن هو كمان معترف بكل اللي عمله
ايمن: خدهم يا هاشم علي الحجز وزي ما هما في الانفرادي
يطلع ايمن تليفونه ويقول: دكتور علي القضيه اتحلت والمتهمين اعترفوا انت لو موجود في المستشفي هعدي عليك انت لازم تعرف اللي حصل
العاشره مساءاً "مستشفي اسكندريه العام"
كنت قاعد في مكتبي وفجأه الباب خبط
-اتفضل
مساء الخير
-مساء النور يا سياده المقدم اتفضل تشرب ايه
ايمن: لا منا بقيت صاحب بيت بقي وقبل ما ادخل طلبت اتنين قهوه ليا وليك وزمانهم علي وصول
ضحكت وانا بقول: كويس يا ايمن بيه بتاخد علي الاماكن بسرع
ايمن: بسرعة ايه دا احنا بقالنا سنه شغالين مع بعض انت نسيت ان بقضية ملك يبقي كملنا مع بعض 3 قواضي بنحلهم سوا
-طيب طمني ايه اللي حصل
فضل ايمن وعلي ساعه كامله بيتكلموا وايمن بيحكي لعلي كل اللي حصل بالتفصيل
قلت: يعني كل القضيه دي والجر*يمه اللي حصلت دي سببها شويه عيال اتضحك عليهم واتعملهم غسيل مخ من منظ*مات منعرفش مصدرها ايه، يقت*لوا روح علشان معتقداتهم المريضه دي
ايمن: ليس بعد الك*فر ذنب يا دكتور الناس دي من اول لحظه تعاونت فيها مع الشيطان فهما باعوا روحهم ودينهم
-طيب والعيال دول فين دلوقت
ايمن: الصبح هيترحلوا للسجن وهيتم تحديد جلسه للنطق بالحكم قريب
-اتمني العيال دي تاخد جزائها
ايمن: متقلقش مش هيفتلوا من الاع*دام، اسيبك انا بقي وهبقي اكلمك اعرفك بأي جديد السلام عليكم
سلمت علي ايمن وهو خرج وسابني وانا مش متخيل هو معقول بني ادم عاقل يبيع نفسه بكل سهوله للشيطان.؟؟!
عدي يومين وكان المتهمين تم ترحيلهم للسجن العمومي وتم تحديد جلسة النطق بالحكم
يوم 1/مارس/ 2019
كنت قاعد في مكتبي في المستشفي وتليفوني يرن وكان المتصل المقدم ايمن
-اذيك يا سياده المقدم
ايمن: بخير يا دكتور الحمد لله انا بكلمك علشان اعرفك ان بكره الساعه 9 صباحا هتكون جلسه النطق بالحكم علي المتهمين بق*تل ملك المنيري هشوفك في المحكمه اكيد ولا ايه
-ايوه طبعاً ان شاء الله
قفلت مع ايمن وكلمت دكتوره امل ودكتور طه وعرفتهم بموعد الجلسه لإنهم طلبوا مني قبل كدا انهم يحضروا الجلسه
الثامنه والنصف صباحا "محكمة جنا*يات الاسكندريه"
كنت قاعد في باحه المحكمه في انتظار المقدم ايمن وامل وطه
شوفت من بعيد دكتور طه ودكتوره امل وهما جايين شاورت ليهم بأيدي وبعد ما شافوني جو ناحيتي سلمت عليهم ووقفنا لحظات قبل ما اشوف عربية جايه ميزت انها عربيه المقدم ايمن
نزل منها المقدم ايمن ومعاه الملازم هاشم
سلمت عليهم قلت: اهلا يا سياده المقدم اهلا يا سياده الملازم
ايمن: لا بقي ملازم ايه اظن بعد القضيه دي هاشم هيكون رائد قرار ترقيته يادوبك بيتمضي في الوزاره
-مبروك يا هاشم بيه تستاهل كل خير
طه: ايوه هما يترقوا واحنا يطلع عين اللي خلفونا فحوصات وتش*ريح ود*م وج*ثث وحتي مرتبنا مش بيزيد ربع جنيه
ايمن: بتقول ايه .؟!
تداركت الامور وقلت لا لا مش بيقول حاجه يلا يادوب نلحق الجلسه هتبدأ يلا يا طه الله يخربيتك
واحنا في طريقنا للدخول للجلسه لاحظنا هيصه وزحمه كبيره ورانا ولما التفتنا عرفنا ان عربيه المتهمين وصلت وان الصحافه اتلمت عليهم
سبناهم ودخلنا قعدنا في تاني صف وكنت قاعد انا وجنبي طه وامل والمقدم ايمن الملازم او نقدر نقول الرائد هاشم
كانت القاعه بتعج بالناس كميه عظيمه من الحضور والصف الامامي كله كان عباره عن كونسلتوا من المحامين اللي جايين يترافعوا عن المتهمين بأستثناء محامي واحد كان خاص بالم*جني عليها
ايمن غمز ليا وقالي شايف الراجل والست دول
-ايوه شايفهم مين دول
ايمن: دول والد ووالدة المج*ني عليها
-استرأفت بحالهم واضح عليهم الكسره وواضح انهم مش مهتمين بشئ فلو حكموا علي المتهميش بالاع*دام او البراءه فدا مش هيرجعلهم بنتهم اللي ما*تت
فجأه دخل حاجب المحكمه وقال : محكمه.....
الجميع وقف ودخل القاضي والمستشارين وبعدها امر القاضي بالجلوس
الحاجب: جلسة النطق بالحكم في قضية قت*ل ملك احمد ياسين المنيري" ضد كلا من
عمر زكريا منصور، يوسف احمد الدمرداش ،احمد عيد عبد الرحمن، مريم احمد عبد القدوس، عبد الرحمن توفيق شكري، طلعت سيد عبد الكريم
القاضي: محامي المج*ني عليها يتفضل
اتقدم شاب لم يكمل ال 30 سنه وبدأ في التحدث وبدأ في شرح ملابسات القضيه بكل تفاصيلها وفضل نص ساعه حتي انتهي
بعدها القاضي قال: محامي الدفاع يتفضل
وقتها كان كل متهم موكل محامي وجميع المحامين اتفقوا ان اللي هيتكلم مكانهم وبالنيابه عنهم هو محامي واحد
وبالفعل قام محامي واحد ودا كان موكله والد عمر، ودا كان اكبر واقوي محامي فيهم وفضل يتكلم لمده نص ساعه اخري حتي انتهي
بعدها القاضي قال: الحكم بعد المداوله وفجأه ظهر صوت الحاجب وهو بيقول محكمه ويخرج القاضي والمستشارين
عدت ربع ساعه ورجع نفس الصوت الجهور الخاص بالحاجب وقال" محكمه" والجميع وقف ودخل القضاه
القاضي: بسم الله الرحمن الرحيم "وَإِذَا حَكَمْتُمْ بَيْنَ النَّاسِ أَنْ تَحْكُمُوا بِالْعَدْلِ" صدق الله العظيم، بعد الاطلاع علي ملابسات القضيه والنظر الي اقول الشهود واعترافات المتهمين، والنظر الي الادله والبراهين والعمل بمبدأ ان الاعتراف هو سيد الادله
حكمت المحكمه حضورياً علي " طلعت سيد عبد الكريم" بالس*جن لمدة عشر سنوات مع الشغل والنفاذ
وحكمت المحكمه حضورياً علي " عبد الرحمن توفيق شكري" بالاعد*ام شن*قاً نظراً لأنه هو المدبر الرائيسي للجر*يمه والمنفذ لها
وقد رات هيئيه المحكمه ان كلا من
عمر زكريا منصور
يوسف احمد الدمرداش
احمد عيد عبد الرحمن
مريم احمد عبد القدوس
بأنهم ايضا يستحقون حكم الفاعل الاصلي للج*ريمه لما قام به من استدراج المج*ني عليها وغسل دماغها بأفكا*رهم المس*مومه والاعت*داء عليها جن*سياً واغتص*ابها وتد*نيس كل ما قام الله تعالي بتطهيره
ولهذا وبأجماع الاراء فقد حكمت المحكمه حضورياً
علي كلا من، عمر زكريا منصور
يوسف احمد الدمرداش
احمد عيد عبد الرحمن،
مريم احمد عبد القدوس، بالاعد*ام شن*قاً رفعت الجلسه...
بدأت المحكمه تدج بالتعليل والتكبير وبدأ المتهمين بالصر*اخ وبدأ منهم اللي يغمي عليه زي احمد ومريم وكمان كان منهم اللي ساكت تماما زي عمر وعبد الرحمن وكان منهم اللي بيص*رخ وبيقول بر*ئ زي يوسف وطبعا طلعت لما شاف الاحكام دي حمد ربنا انها جات علي قد عشر سنين وبس
بدأنا نخرج ولكن استوقفنا صوت بيقول" انتوا فاكرين انكم هتفلتوا من اللي عملتوه، "طهيم" حضر والطقس كمل والبوابه اتفتحت ومش هتفلتوا من العقاب، كان اللي بيتكلم هو عبد الرحمن
بصينا لبعض انا والمقدم ايمن وكنا ساكتين تماما وكملنا طريقنا للخارج
سلم عليا المقدم ايمن وشكرني وقال: انهارده اهل البنت هيجوا يستلموا الج*ثه لدفنها اتمني تسهل ليهم اجراءت الخروج
-بأذن الله متقلقش
ركبت عربيتي وركبت معايا امل وطه واتحركنا علي المستشفي
ساعه بالظبط وكان اهل البنت وصلوا للمستشفي وبيطلبوا انهم ياخدوا الج*ثه
نزلت المش*رحه انا واتنين ممرضين تاني طلعنا الج*ثه وسط بكاء والدة ووالد البنت حطيت البنت علي السرير وكشفت وشها ولكن المره دي كان عندي شعور مختلف،
المره دي مش شايف ان البنت بريئه زي كل مره، بالعكس شايف ان البنت مذنبه وهي كمان اخدت جزائها
مذنبه لأنها سمحت لنفسها تصاحب عيال مش كويسين وسلو*كهم من*بوذ
مذنبه لأنها قررت تسيب دماغها لكل اللي بيوسوس ليها
مذنبه لأنها مفكرتش ولا ميزت بين الصح والخطأ
مذنبه لأنها قررت تمشي ورا الدجل والشعوذه وتمشي ورا اللي عايزنا نخسر دينا ونخسر دنيتنا واخرتنا
في القضيه دي الجا*ني والمج*ني عليه كلاهما مذنب وكلاهما استحق ما حل به
سلمت الج*ثه لأهل البنت وطلعت مكتبي ومفيش غير سؤال واحد بس شاغل بالي مش لاقي ليه اي إجابه
هي ليه البنت كانت بتظهرلي وبتظهر لعم محمود وليه ظهرت لطه..؟!!
طيب كانت عايزه مننا ايه، هل كانت بتحاول تساعدنا ولا بتحاول تعطلنا
افتكرت كلام عبد الرحمن في المحكمه لما قال ان الشيطان حضر وان البوابه اتفتحت، هو معقول يكون طول الفتره دي الشيطان موجود في جسد ملك وكل دا بيحاول يعطلنا علشان منكشفش الحقيقه ونخاف ونسيب القضيه
طيب هو ايه حكايه البوابه اللي اتفتحت دي.؟!!
كل دي اسأله كانت بتدور في بالي ومكنتش لاقي ليها اي إجابه
وعدي اسبوع وقررت خلاص اني هتجوز وحددت ميعاد الفرح واخدت دعوه ورحت بيها للمقدم ايمن هو والرائد هاشم وعزمتهم علي الفرح اللي كمان يومين
اخدت اجازه من الشغل 10 ايام وتم الفرح علي خير وكل شئ تمام وعدي علي جوازي 8 ايام وفي اليوم الثامن وصلني تليفون من مدير المستشفي اللي انا شغال فيها
الو: اذيك يا دكتور
-بخير يا دكتور الحمد لله
طيب انا بتأسف عن المكالمه في الوقت دا بس الدكتوره امل اللي كانت ماسكه مكانك حصل معاها ظرف طارق ومشيت وحاليا في ج*ثه تم ابلاغ المستشفي بيها وهتوصل خلال ساعه ولازم الطبيب الشرعي هو اللي يستلم الج*ثه فلو سمحت تيجي المستشفي دلوقتي
-تمام يا دكتور مسافة السكه
قفلت معاه ولبست هدومي وتجاهلت كل كلام مراتي وهي بتقول انت رايح فين دلوقتي .؟!!
اكتفيت بالرد وقلت: عندي شغل مهم
نزلت وانا ببرطم وبقول حتي في اسبوع العسل اليت*يم اللي اخدته تطلعلي ج*ثه.؟!!!
ركبت عربيتي في طريقي للمستشفي وانا بسأل نفسي سؤال واحد بس
يا تري الج*ثه الجديده لمين ويا ترا ايه اللي وراها وياترا مخبيه ايه.؟؟؟!
تمت.…
بس كدا و اشوفكم في قصص تانيه كتير سلام ❤❤
