والده الطفل المثالي

                الطفل المثالي part1

 ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏

رواية “الطفل المثالي”  

 الساعه اللي بيدق، الساعه دلوقت ١٢ منتصف الليل، بدأت اسمع صوت بكاء الطفل زي كل يوم،  في الحقيقة أنا مش عارفه ايه مصدر الصوت ده ولا مين الطفل اللي بيبكي، قومت من علي السرير وأنا بداعب بطني واطمن علي الجنين …

الصوت كان بيقطع قلبي وديما عندي إحساس أنها طفله حقيقية صوتها في خوف ويائس وكأنها بتطلب النجدة، لكن في الواقع مش قادره احدد اذا كان الصوت ده حقيقي أو لا

اول م بدأت اسمع الصوت كنت بصحي جوزي عشان خايفه، بس ديما بيقولي إن مفيش اي صوت وأنه مجرد صوت في دماغي بس وأن يمكن دي ضغوط أو إرهاق بسبب انتقالنا للبيت الجديد أو من خوفي لأن البيت كبير وفي مكان فاضي مفيش اي بيوت جمبنا هو قالي أنه بمجرد م هاخد علي المكان أكيد مش هيكون في خوف ومش هرجع اسمع الصوت ده تاني 

لكن كانت الأمور بتزيد سوء لدرجة اني مبقتش بقدر انام لأيام طويله 

طلعت من غرفتي وعيني علي ورق الحائط والديكور، الصور اللي كانت متعلقة بالترتيب كانت صور جوزي عادل من أيام الطفولة لحد اما اتجوزنا، واللي كان بيميزهم عينه الواسعه اللي لونها ذهبي في الحقيقة برغم أنه لون غريب وعمري م شوفت عين كده بس كان جميل حبيتهم لدرجة أن كل جدران البيت عليها صورته

كنت باخد نفسي بصعوبه وانا نازله المطبخ، في الحقيقة كل مره كان بيحصل كده كنت بنزل المطبخ اكل واستسلمت لحقيقة أن الصوت مجرد وهم في دماغي رغم اني أوقات كتير بتصعب عليا البنت اللي بتصرخ وببقي نفسي اساعدها لدرجه ان دموعي نزلت بسبب صوتها   

خلصت اكل ورجعت كل حاجه مكانها واتجهت علي غرفتي بعد خطوات بسيطة حسيت بشخص بيقرب مني ..!!

صوت خطواته بتقرب اكتر، بسرعه ألتفت لكن هجم عليا وغطي فمي بأيده عشان يمنعني اطلع صوت، لف أيده علي بطني وبدأ يسحبني 

 

حاولت اصرخ واضرب برجلي في الأرض بس صوتي مكنش بيخرج، كنت في حالة ذهول ومرعوبه وانا بحاول بكل قوتي احرر نفسي منه بدون إيذاء طفلي

كان بيسحبني في اتجاه القبو وانا ببكي وبحاول استغيث بجوزي اللي كان نايم في الطابق التاني لحد اما فقدت الامل اني اعرف أقاوم 

صحيت في مكان كله ظلام دامس ومفيش غيري انا والغريب اللي كان بيقولي 

- لا تصدر صوت 

ساعتها أدركت أنها ست مش راجل وشكلها متعرفش عربي بس برضه ده مقللش حجم الخوف اللي جوايا معرفش مين هيا ولا أعرف عايزه مني ايه ..!؟

حسيت أن المكان مألوف بالنسبالها لأنها كانت بتتحرك بسهوله في الظلام، نورت مصباح صغير كان موجود بجانب سرير 

بدأت تفكني وتشيل اللي علي فمي وهيا بتقولي "لا تصرخ" 

خدت نفس قوي ورفعت راسي عشان اتمكن من رؤيتها، كانت طويلة بشرتها سمراء، شكلها بتعاني من سوء التغذية، عندها نظره حاده مزعجه 

= عشان خاطري بلاش تأذيني أو تأذي الطفل وانا هعمل كل اللي انتي عايزاه 

- لا لا تخاف 

حسيت انها مصابه بالجنون كانت عينها سريعه بتبص في كل مكان اعتقد انها خايفه ..

مشيت وراحت تشوف حاجه في صندوق خشبي في المكان، عقلي بدأ يفكر في محاولة الهروب منها أو اني اصرخ بصوت عالي بس مقدرتش اعمل كده خوفت تأذي طفلي

جابت صندوق صغير وبدأت تفرغ محتوياته قدامي كانت عباره عن صور كانت بترتبها جمب بعض بطريقه منظمه لحد م رتبتهم 

استخدمت صباعها وكانت بتشاور علي الصور عشان ابص عليهم 

ومع اول صوره بدأت أحس بقشعريره في جسمي كله مش قادره اصدق اللي بشوفه …

رواية ""الطفل المثاليpart2"

مشيت وراحت تشوف حاجه في صندوق خشبي في المكان، عقلي بدأ يفكر في محاولة الهروب منها أو اني اصرخ بصوت عالي بس مقدرتش اعمل كده خوفت تأذي طفلي 

جابت صندوق صغير وبدأت تفرغ محتوياته قدامي كانت عباره عن صور كانت بترتبها جمب بعض بطريقه منظمه لحد م رتبتهم 

استخدمت صباعها وكانت بتشاور علي الصور عشان ابص عليهم 

ومع اول صوره بدأت أحس بقشعريره في جسمي كله مش قادره اصدق اللي بشوفه …

رفعت راسي وبصتلها بعيون واسعه وفم مفتوح، مش ممكن يكون اللي بشوفه حقيقي، مش قادره افهم أو استوعب 

كان عبارة عن ١٢ صوره كل صوره لامراه حامل تقريباً زيي بالظبط مش هو ده الغريب، الغريب أن كان مع كل واحده منهم نفس الراجل عادل جوزي ..!!

مش فاهمه حاجه ومش قادرة اتكلم بصيت عليها وانا في حاله ذهول والدموع نزلت علي خدي 

مين الستات دي .!!؟ عادل عمره م قالي اي حاجه مش قادره الاقي تفسير مناسب للصوره .!!؟ نفسي الاقي تفسير لكل ده او أني اشك في صحه الصور دي ..

قررت ارجع الغرفه وبدأت فعلا احرك رجلي ناحيه السلم  

شدت ايدي وهزت راسها بشكل متكرر كانت خايفه وبتترعش وبدأت تتكلم ""أذا لم يكن الطفل المثالي، لقد قتله..!!" 

مسكت ايدي وشدتني بأصرار اني اروح معاها، مكنتش عايزه اروح معاها كنت عايزه ارجع اتكلم مع عادل ..

طلعت صوره من الصور وهيا بتبكي، أدركت أنها هيا اللي كانت موجودة في الصوره لكن كان شكلها مختلف كتير  وقالت بصوت مرتجف ""اهرب، اهرب، خطر “”

مكنتش قادره افهم حسيت قد ايه انا غبيه ازاي كنت عايشه مع واحد لمده سنه ونص وقبلها كنا مخطوبين ومكنتش عارفه عنه حاجه، كان اكتر انسان حبيته في حياتي 

مسكت أيدي وراحت في اتجاه باب خشبي صغير كان بيخرج من ضهر البيت، كان واضح أن في حاجات غريبه كانت بتحصل هنا ومعرفش عنها حاجه  

الباب بيخرج وسط أرض زراعية ورا البيت، قلبي كان بينبض بسرعه والهوا الخارج من أنفي سخن، مسكت بطني بأيدي مكنتش قادره اخد نفسي 

- توقفي، توقفي " نزلت دموعي" توقفي لا أستطيع

= لا أنه يقتل ، يجيب أن تنظري ..

- علي ماذا أنظر  

كانت بتشاور علي حاجه بإصرار شديد، بس أنا مش شايفه غير الأشجار اللي بتتحرك بسرعه بسبب الرياح

دخلت بين الأشجار وراها في محاولة أني اشوف هيا عايزاني اشوف ايه وفعلا شوفت اصعب حاجه ممكن اتخيلها في حياتي كان ١١ قبر ، معني كده أن كلامها صح ١٢ سيده واللي واقفه قدامي هيا أخر واحده منهم مش باقي غيرها 

اللي بيحصل ده أكيد حلم أو كابوس مزعج مش قادره أفوق منه ، قعدت علي ركبتي وأنا ببكي من شده الألم اللي جوايا مش قادره اتنفس ولا عارفه استوعب اللي بيحصل، عادل كان راجل صالح وحنين مش متخيله أنه يقدر يعمل كده  

بدأت تتكلم بلغه مش قادره افهمها

- أنا - لا أفهم". -. أنا لا أفهم ما تقولين

= اهرب، إذا لم يكن الطفل مثالياً، "وبدأت تشاور علي بطني" انت وهو سوف تموت

حسيت بإحباط شديد وأنا مش قادره افهم منها حاجه ولا عارفه اشرحلها بالعربي بس كان لازم أسألها اذا كان كل ده حقيقه فين الطفل 

- إذا اين طفلك ..!!؟ هل لا يزال علي قيد الحياة..!؟ 

“بدأ الحزن يظهر عليها والدموع تنزل”

= ليس مثالياً 

،

"قالتها بحزن شديد وكأنها بتموت وبدأت تشاور علي طريق" 

= اذهب 

بدأت تدفعني بأيدها في اتجاه الشارع ومصرة أني امشي بسرعه 

- لا أستطيع

= لا أذهب أذهب 

كانت بتحاول بكل الطرق أني امشي واهرب بس مكنتش قادره اخاطر بحياتي وحياه طفلي في طريق مش عارفه عنه حاجه 

فجأه شوفت ظل بيخرج من ورانا  ... ييتبع 

انتظرونا في part3الي اللقاء 🤍✨

 

‏‏