حكايتي مع المراية في البيت القديم

حكايتي⁠⁠⁠⁠⁠⁠⁠⁠مع المرايا في البيت القديم 
أناسارة بنت عشرينية عايشة في محافظة بعيدة عن اهلي وكنت في سكن جامعي خلصت جامعة وبحضر ماجستير ولظروف معينة قررت اسيب السكن واستقل بنفسي وكنت بدور على بيت سعره رخيص على قد الفلوس اللي معايا   لقيت  إعلان على النت بيت قديم معروض للإيجار و بصراحة السعر كان مغري جدًا فرحت اوي و قررت أشتريه بسرعة قبل ما حد تاني ياخده 

لما دخلت البيت حسيت بشعور غريب و مش مريح الأبواب كانت بتعمل صوت مزعج لما فتحتها والجدران كانت مليانة بالتراب بس قررت أخده ما انا مش هلاقي زيه بالسعر ده

بس الجيران اللي شافوني بنقل عشان اسكن في البيت كانت نظراتهم غريبة مش عارفة إذا كانت خوف وللا ذعر وللا انا بيتهيألي كأنهم كانوا عايزين يحظروني من حاجة بس خايفين وسمعت واحد واقف بعيد بيقول هي هتسكن في البيت المسكون ده إزاي عديت الكلام وكأني مسمعتش 

الليلة الأولى 

سمعت أصوات غريبة افتكرت إنهم شوية هوا بس لما دخلت غرفة النوم عشان انام شفت خيال بيتحرك في المراية اترعبت و مقدرتش أنام بس حاولت اقنع نفسي انه بيتهيألي

وفي الليلة التانية 
روحت المكتبة أقرأ عن تاريخ البيت لقيت إن البيت كان ملك لعيلة قديمة وماتوا كلهم في حادثة مروعة بدأت أعتقد إن البيت مسكون بالفعل

في الليلة الثالثة

سمعت صوت بيناديني. "سارة... سارة..." كان الصوت خافت، بس كنت واثقة إن سمعته. بصراحة خفت دخلت الاوضة اشوف مين اللي ب يناديني عديت من قدام المرايا ، اتخيلت اني شوفت وش حد عدى بسرعة ملحقتش اشوفه خدت حاجتي ومشيت فورآ

هربت من البيت ومرضيتش أرجع روحت قعدت عن بنات اصحابي في سكن الجامعة و بعد أسبوع لقيت رسالة جاية على موبايلي من رقم غريب “ ليه هربتي وسيبتي البيت احنا منتظرينك” 

بصراحة خفت بس قولت يمكن حد من أصحابي بيهزر معايا و مقدرتش احكي لحد

حاولت أتجاهل الرسالة اللي لقيتها  بس مقدرتش أتخلص من الشعور إن في حاجة بتراقبني وماشية ورايا في كل مكان بدأت ألاحظ حاجات غريبة بتحصلي ف حياتي  الأبواب كانت بتتفتح وتتقفل لوحدها وأحيانًا كنت بسمع صوت خطوات في السكن 

قررت أروح ل فريد زميلي من ايام ثانوي هو مهتم بالأمور  الغامضة دي حكيتله كل حاجة  وسمعني بإهتمام قالي لازم نروح البيت القديم و نكتشف إيه اللي بيحصل

 

لما وصلنا البيت كان هادي وضلمة دخلنا وبدأنا نفصح كل غرفة في غرفة النوم لقينا مراية قديمة وكنت اول مرة اشوفها مع اني سكنت في البيت اكتر من يومين المراية كان التراب مغطيها بالكامل مسحناها وشوفنا حاجة رعبتنا اكتر شوفنا وش حد بيبصلنا كان وشه شاحب

فجأة، سمعنا صوت بيناديني. "سارة... سارة..." كان الصوت واضح المرة دي بصيت ل فريد وكان مرعوب قالي لازم نخرج من البيت فورًا

هربنا من البيت ومرضيناش نبص ورانا  بعد كده  قررت أروح لشخص روحاني وحكيتلوا كل حاجة قالي لازم أتخلص من البيت القديم وإلا هيكون مصيري زي العيلة القديمة.

قررت أأجر البيت لحد تاني  بس فشلت  محدش رضي يسكن فيه اصلآ الناس كانت بتخاف تعدي من جنبه ف قررت ارضى بالأمر الواقع واستني لحد مدة عقد الإيجار ما تخلص وفي الوقت ده كنت في السكن عند اصحابي بس كنت لوحدي في الليلة دي شفت نفس الوش الشاحب اللي شوفته انا و فريد وكان بيبتسملي ابتسامة غريبة انا اترعبت مكونتش عارفة اعمل ايه

فضلت حابسة نفسي في السكن كام يوم واتجنبت الخروج  تمامآ بس في يوم  لقيت رسالة تانية اتبعتتلي من رقم غريب  "إحنا منتظرينك... تعالى البيت القديم

حسيت إنها النهاية وقررت أروح البيت القديم  لما وصلت كان البيت ضلمه بس الباب كان مفتوح دخلت وشوفت نفس الوش الشاحب بيبصلي من المراية

"أهلا يا سارة... إحنا منتظرينك." قالها بصوت خافت وبدأت المراية تتكسر حسيت إن في حاجة بتشدني ناحية المرايا كأنها عايزة تدخلني جوا  المراية  ومقدرتش أتحرك

فضلت واقفة مش قادرة أتحرك المراية كانت بتتكسر والوش الشاحب كان بينظر لي بابتسامة غريبة فجأة سمعت صوت خطوات بتقرب مني

"سارة... تعالى معانا." قالها بصوت خافت. حسيت إن في حاجة بتجذبني ادخل المراية حاولت أتحرك بس رجليا كانت متجمده

بدأت المراية تتكسر أكثر والوش الشاحب كان بيقرب مني حسيت إن في حاجة بتغطي عيني ومقدرتش أشوف حاجة

لما فتحت عيني لقيت نفسي في مكان غريب كان ضلمة بس كنت قادرة أشوف أشكال بتتحرك حواليا سمعت صوت نفس عميق وحسيت إن في حد قاعد بجانبي

"أهلا يا سارة... إحنا منتظرينك." قالها بصوت خافت حسيت إن في حاجة بتلمس كتفي ومقدرتش أتحرك

بدأت أفتكر كل حاجة حصلت لي البيت القديم المراية الوش الشاحب... كل حاجة كانت ترعب انا قاعدة في بيت مسكون 
و شوفت العيلة القديمة اللي كانوا ساكنين في البيت قبلي كان شكلهم مرعب و في دم كتير مغطيهم

فجأة سمعت صوت صريخ عالي اوي ومقدرتش أتحمله حسيت إن في حاجة بتجذبني خارج المكان الغريب دا

لما فتحت عيني لقيت نفسي في المستشفى كنت نايمة على السرير والدكاترة كانوا بيحاولوا يفوقوني

"سارة... إحنا لقيناكي مغمى عليكي في الشارع قالها الدكتور حسيت إن في حاجة غلط
البيت القديم... المراية... الوش الشاحب...

ولقيت نفسي بقول "لا... لا... لا..." قلتها بصوت عالي ومقدرتش أتحمل أكثر من كدة تعبت

فضلت في المستشفى فترة طويلة وحاولت اتخلص من الذكريات اللي كانت بتطاردني وانا صاحية وانا نايمة  كنت دايمًا بسمع الصوت اللي سمعته وانا هناك واشوف نفس الوش الشاحب وكنت دايمًا بشوف المرايا القديمة في أحلامي

في يوم  قررت إني لازم اتخلص من كل حاجة كانت بتفكرني بالبيت القديم. جمعت كل حاجتها  وخرجت من المستشفى.

بس لما رجعت السكن عند اصحابي لقيت المراية القديمة موجودة جوا الاوضة اللي بنام فيها  كنت هتجنن مين اللي جابها هنا فضلت بصالها بذهول كانت بتفكرني بكل اللي عيشته اللي انا بحاول انساه

فجأة، سمعت صوت الوش الشاحب. "سارة... إحنا منتظرينك."  بصوت خافت.

حاولت اهرب  بس كانت رجليا تقيلة و متجمده في الارض المراية كانت بتتكسر والوش الشاحب كان بيقرب مني

ولقيت نفسي بتشد ل جوا المراية كأني بدخل جواها

و أخيراً قدرت ا تتحرر واحرك نفسي من التجميد وجريت على المراية  شوفت  نفسي فيها وشوفت الوش الشاحب ورايا

بسرعة، قدرت اجيب حاجة و اكسر المراية واتخلص من الوش الشاحب كنت فاكرة اني بكدة بتخلص منه للأبد  بس لما بصت ورايا لقيت نفسي في المراية

المراية كانت البوابة ، وانا كنت الضحية الجديدة

. انصحك   بلاش تشتري بيت بسعر رمزي لأنه هيكون مسكون