قصة حقيقية عن العالم الآخر

 

قصة حقيقية عن العالم الآخر 

كان في شاب اسمه أحمد "كان دايمًا مهتم بالعالم الآخر والماوارئيات كان بيقرأ كتير عن الموضوع ده وبيشوف فيديوهات على اليوتيوب كان عنده فكرة إن العالم الآخر موجود وإن في ناس بتروح هناك

أحمد" كان عنده صديق اسمه مازن" كان هو كمان مهتم بالعالم الآخر كانوا دايمًا بيتناقشوا عن الموضوع ده وكانوا بيخططوا إنهم يعملوا تجربة للتواصل مع العالم الآخر 
وحابين ينقلوا تجربتهم دي لأصحابهم وينشروها علي وسائل التواصل الاجتماعي

في يوم قرر ( أحمد و مازن) إنهم يعملوا التجربة جمعوا كل الأدوات اللي كانوا محتاجينها وراحوا لبيت قديم مهجور اختاروه للمهمة دي

اول ما دخلوا البيت كان مظلم وكئيب وكان فيه ريحة غريبة (أحمد و مازن) كانوا خايفين بس كانوا عازمين على إنهم يكملوا التجربة

بدأوا يرسموا الدايرة السحرية ويحطوا الشموع في كل ركن زي الأفلام بالظبط أحمد" كان بيقرأ التعاويذ ومازن" كان بيصور كل حاجة

فجأة حسوا بسخونة غريبة وبدأوا يسمعوا أصوات زي خبط وتكسير وخطوات حد بيتحرك في الغرفة 
(أحمد و مازن) ابتدوا يخافوا بجد وعرفوا إن الموضوع قلب جد مش هزار بس كانوا مصممين يكملوا

بدأ الصوت يعلى و(أحمد و مازن) كانوا بيحسوا إن في حد بيقرب منهم فجأة انطفت الشموع والغرفة أصبحت مظلمة تمامًا

(أحمد و مازن) كانوا بيصرخوا من الرعب والصدمة بس محدش طبعآ سمعهم لأنهم يعتبروا في مكان مقطوع محدش بيقرب منه فجأة سمعوا صوت واضح بيقولهم "انتوا ايه اللي دخلكم هنا "

وهنا( أحمد و مازن) قرروا يهربوا ويسيبوا كل حاجة ويجروا يا روح ما بعدك روح. 
حاولوا يهربوا بس الباب اتقفل عليهم زي ما يكون حد قفله من برا مع انهم لما دخلوا سابوه مفتوح فجأة سمعوا صوت خطوات بتقرب منهم وهوا شديد حواليهم

والصوت اتكلم تاني "إيه اللي جابكم هنا؟" صوت كئيب وضخم ومرعب

أحمد "حاول يتكلم بس مقدرش. مازن" كان بيحاول يصور بس الكاميرا كان مفيهاش بطارية ومعرفش يصور اي حاجة

فجأة سمعوا صوت ضحك عالي وشوية وسمعوا صوت زمجرة وغضب

(أحمد و مازن) كانوا بيصرخوا عشان حد يلحقهم ويفتح الباب بس محدش سمعهم فجأة انطفى النور والغرفة أصبحت مظلمة تمامًا

لما رجع النور( أحمد و مازن) لقيوا نفسهم في مكان غريب غير البيت القديم اللي هما دخلوه كانوا بيبصوا للفراغ وكأنهم في حلم

بصوا لبعض ومستغربين وبقوا يسألوا بعض "إيه اللي حصل؟ احمد سأل مازن احنا فين؟؟

مازن" بص له "مش عارف... بس إحنا مش في العالم ده"

أحمد" حاول يتكلم بس مقدرش فجأة سمعوا صوت صريخ عالي بيرج المكان كان صوت عالي جدآ مكانوش قادرين يتحملوه وفجأة كل حاجة سكتت ولما فاقوا لقيوا نفسهم في الشارع والناس حواليهم بيحاولوا يساعدوهم ويفهموا هما مين وايه اللي رماهم في منطقة مقطوعة بالشكل ده 
الناس بتسأل

ايه اللي حصل؟ 

(أحمد و مازن) بصوا لبعض ومش عارفين يقولوا للناس ايه كل اللي بيقولوه "مش عارفين... بس إحنا شوفنا العالم الآخر."

الناس بقوا يبصوا لبعض باستغراب طبعآ محدش مصدقهم واحد رد عليهم وقالهم "العالم الآخر؟ إيه ده؟" انتوا شاربين حاجة يابني انت وهو؟

(أحمد و مازن) بصوا لبعض "مش عارفين... بس إحنا شوفناه بعنينا " 

⁠⁠⁠⁠⁠⁠⁠نصيحة العالم الآخر موجود بلاش تقرب منه