أحببت قاتلي | الجزء الثاني من القصة بقلم ليلي مظلوم
*الـجـزء الـثـانـي.*
ببيت امجد وسامر
امجد واقف عالمراية عم يلبس تيابو
وعم يتطلع عالحروق بجسمو
رجعت فيه ذاكرتو لزمااان
لما كان نزار يعذبو
كان يحمي السكين بالنار ويلزقها بجسمو،،
امجد: رح حاسبك على كل حرق ووجع تسببتلي فيه
ورحمة امي يلي حرمتني منها كل علامة تركتها بجسمي رح ردلك ياها
،،،،،،،،
راح امجد على شغلو وكان قاعد بمكتبو
اندق الباب
امجد: تفضل
بتدخل لعندو صبية حلوة كتير وعيونها خضر
نايا: مرحبا حضرتك الاستاذ منصور
امجد حاطت راسو بالاوراق
بيرفع راسو وبيتطلع فيها نظرات غريبة
امجد: اي انا منصور تفضلي شو بتريدي
نايا: انا نايا بنت نزار بيك بعتني لعندك البابا لانو في شوية ملفات لازم تطلع عليهن
امجد بيتفاجئ كتير وبيحكي بقلبو: بنتو للبيك لكن اي شوعليه ،
امجد: اهلا وسهلا ياانسة نورتي يابنت الغالي
نايا: شكرا
،،،
نايا بنت عمرها ٢٣ سنة مخطوبة و درست بكلية الفنون الجميلة
وهي رسامة شاطرة كتير ،
وبنفس الوقت بتساعد ابوها بشغل الشركة
نايا بنت نزار امها توفت من لما كانت صغيرة
وضلت هي عايشة مع ابوها نزار يلي هو بيعتبرها اغلى من روحو
،،،،،،
خلصت شغلها نايا وطلعت من عند امجد
وامجد براسو افكار كتيرة ومشوشة
ياترا شوفي براس امجد؟؟
،،،،،
بالليل امجد قاعد مع سامر
امجد: سامر احزور اليوم مين شفت
سامر:مين انجلينا جولي؟
امجد: مشتهي شي مرة احكي معك بموضوع ماتاخدو بمسخرة
سامر: طيب اسف قلي مين شفت
امجد: شفت بنتو لنزار.
سامر: عنجد؟ وكيف شفتها حلوة
امجد: انت هاد الي هامك الحق عليي انا عم احكيلك
سامر: خلص ولو عم نمزح ، طيب قلي شوناوي تعمل
امجد: في براسي موال كبير
سامر: شوهو
امجد: بعدين بتعرف
،،،،،،،،،،،
بمكان تاني نايا قاعدة مع خطيبها بمكان عام
نايا: منيح والله يلي تزكرت تجي وتشوف خطييتك
عصام: اسف حبي بس بتعرفي شغل كتير
نايا: وانت دائما مفضل شغلك عليي لك شتهيت شي مرة تتصل فيني وتقول اشتقتلك حبيبتي
عصام: نايا وبعدين معك لسا طول الوقت مو عاجبك شي هي ليكني جيت وليكنا قاعدين لبعض مافي داعي للمشاكل
نايا: .....
،،،،،،،،،،،،،،،،،،،،،،
باليوم التاني نايا بالشركةومعها فنجان قهوة وماشية ومو منتبها شوفي قدامها
بتصتدم باامجد وبتكب عليه فنجان القهوة
نايا: اسفة مو بقصدي والله
امجد بيتطلع عليها بخبث
امجد: ولايهمك بتموني
نايا: عنجد انا اسفة والله ماكنت منتبهة
امجد: ماصار شي مو مشكلة
نايا: صرلك شي
امجد: لا انا منيح روقي ياحلوة
،،،،،،،،،،،،،،،،،،،،،،،،،،،،،،،،،،،،،،،،،،
امجد: نزار بيك في شوية اوراق وشغلات مهمة بدي ياك تتطلع عليهن بس هون مارح نلحق
شورايك تتفضل اليوم لعندي عالبيت منشتغلهن على رواق
نزار: اوراق مستعجلة يعني؟
امجد: اي كتيير لازم تتوقع اليوم
نزار: طيب مافي مشكلة اي وقت بيناسبك
امجد: بتشرفنا بااي وقت
نزار: طيب عالتسعة. المسا بكون عندك
،،،،،،،،،،،
المسا بييت نزار نايا قاعدة على كرسيتها وعم ترسم
كل شوي تصفن ووتزكر الموقف يلي صار معها مع امجد و توقع منها الريشة
نايا: ياربي شو صايرلي اليوم
بيدخل لعندها ابوها
نزار: كيفها اميرتي الحلوة
نايا: اخ يابابا اميرتك الحلوة ماعم تعرف تعمل شي
نزار: له له ، اي نيالو يلي شاغل بالك
نايا:شو مين بدو يشغل بالي بتعرفني انت بابا ماحدا بيقدر يشغلي بالي
نزار: هههه دخيلو بابا انا هلق رايح عندي مشوار ضروري
بس ارجع منقعد سوا
نايا: طيب بابا دير بالك على حالك
نزار: بأمرك ياحبيبة قلبي
،،،،،،،،،،،،،،،،،
ببيت امجد وسامر
امجد عم ينتظر نزار ع احر من الجمر
امجد: كانو تأخر
سامر: اهدا هلق بيجي
امجد: جهزت كل شي؟
سامر: كل شي جاهز ،،
بعد شوي بيندق الباب
امجد: فتحلو يمكن اجا
بيروح سامر بيفتح الباب لنزار
سامر: اهلا وسهلا يابيك تفضل امجد جوا عم يستناك
امجد: اهلا وسهلا بالبيك نورت
نزار:اهلين فيك
امجد: شو بتحب تشرب
نزار: قهوة سادة ،
امجد بيغمز سامر ليروح يبلش شغلو
بيروح سامر عالمطبخ وبيعمل قهوة
وبيحط بفنجان حبة مخدر
وبيروح بيقدمو لنزار
بيشرب نزار من الفنجان وشوي شوي بيبلش يفقد الوعي
امجد: هي اندفس جيب الحبل خلينا نربطو
سامر: امجد تركو بلكي رجالو كانو بيعرفو انو هو عندك واذوك
امجد: لا اطمن اجا لحالو بسرعة جيب الحبل ،
بيجيب سامر حبل وبيبلشو هو وامجد يربطو نزار
امجد: ههههه ياحرام بكرا رح يفيق ويلاقي حالو مربط
سامر: بدك تقتلو؟
امجد: لا لا موهلق بكييير كتير
،،،،،،،،،،،،
باليوم التاني
ببيت نزار
نايا: ام عادل عملي قهوة الي ولبابا
ام عادل: بس ياخانم البيك مانو هون
نايا: كيف يعني مانو هون لكن وين راح
ام عادل: ياخانم البيك مانام بالبيت اليوم
نايا: شووو لكن وين نام
ام عادل: والله مابعرف البيك من وقت ماراح المسا مارجع ،
نايا بتحس بالقلق على ابوها
نايا: يعني وين بدو يكون راح بابا مالو بالعادة ينام برا البيت دخيلك خالة ام عادل بابا وينو
ام عادل: طولي بالك يابنتي
شالله هلق مابتشوفيه الا اجا
،،،،،،،،،،،،،،،
ببيت امجد
نزار صحي وعم يصرخ ويستنجد
نزار: لك وين انا ليش مربطيني شوبدكن مني
امجد: انت باايادي امينة يااابيك
نزار: منصور هاد انت ليش عامل فيني هيك شوبدك مني
امجد: بدي كم شغلة بسيطة بس
امجد بيفك ازرار قميصو ليورجيه الحروق يلي بجسمو لنزار
نزار بيشوف الحروق بجسم امجد وبيستغرب
امجد: شبك ليش هيك عم تتطلع
تزكرتني ولا لسا
امجد: اطلع بالحروق منيح بتتزكرني
نزار بيصفن واخيرا بيتزكر كيف كان يعذب امجد ويحرقلو جسمو
نزار: هاد انت
امجد: لك اي هاد انا انا امجد ابن سناء وزيد
انا ابن المراة يلي قتلتها ونهبت املاكها منها
انا الولد الصغير يلي قتلتلو امو ويتمتو وزتيتو بالشارع
وهدول الحروق بجسمي انت يلي عملتلي ياهن
نزار: شوبدك مني
امجد: بدي حاسبك على كل شي عملتو
نزار: امجد تركني روح بعطيك شو مابدك
امجد: مافشرت رح اتركك لتموت من القهر والذل ولسا ماشفت شي ياواطي ،،،،،
،،،،،،،،،،،،،
يتبع......
