حورية الرعدي بقلمي هدير علي

حورية الرعدي بقلمي : هدير علي

الفصل الأول

قبل ما نبدأ قصتنا يلا بينا نصلي على الحبيب فابالصلاة على الحبيب قلبك يطيب اللهم صلاة وسلاما عليك يا حبيبي يا رسول الله

 خبط رعد البنت بعربيته  وقعت على الأرض

رعد نزل من عربيته يطمن عليها انتي كويسه ايه اللي جابك قدام عربيتي؟!

حور :كويسه ايه ! انت دوست على صباعي انت ضربتني بعربيتك يا حيوان ولا انت مفكر أن عشان عندك عربية من حقك تخبط الناس براحتك

لو مكانش عندي مقابلة دلوقتي مكنتش هسيبك غير فى القسم حسبي الله ونعم الوكيل فيك يا شيخ

رعد : انتي واحده قليلة الذوق وبعدين ايه ده كله راديو اتفتح لو سكتي دقيقة هياخدوكي غياب انا لسه بطمن عليك انفجرتي فى وشي

حور : ولو مبعدتش من قدامي دلوقت هطلع عفاريتي عليك يا بتاع باباه وماماه انت اللي زيك مولود فى بقه معلقه دهب

قبل ما يرد رعد عليها كانت سابته ومشيت

رعد :ركب عربيته وهو متعصب جدا وعينه بطق شرار وناره ممكن تحرق بلد بحالها 
استوب

قبل ما نكمل خلونا نتعرف على أبطال قصتنا

رعد المنصوري : صاحب أكبر شركة عقارات بمصر كلها وشركته ليها فروع كتير جدا ابن أكبر رجال الأعمال المنصوري ومن أغنياء القوم حرفيا يبلغ من العمر ٣٠ سنه وسيم جدا وعيونه خضراء

حور : فتاة شابة جميلة جدا ذات بشرة بيضاء صافية وعيونها زرقاء ملونه بلون السماء وذكية تبحث عن عمل تكره الأغنياء وتراهم مغرورين

 ولكنها فتاة طيبة عندها عزة نفس وكرامة ولا تسمح لأحد أن يقلل منها من أسرة بسيطة جدا تبلغ من العمر ٢٥ سنه

فلاش باك

اتجه رعد إلى شركته وهو فى قمة غضبه من هذه الفتاة ويحدث نفسه قائلا: بقى أنا رعد المنصوري حته بت زي دي تكلمني كده وتمشي وتسبني كمان قبل ما أرد عليها حتى 

أما لو شفتها هعمل منها بطاطس محمره صبرك عليا بس😈

وصل رعد إلى الشركة وأول ما دخل كله قام وقف بسرعه واستقبلوه وهو داخل شايط مش معبر حد ولا بيرد على حد وراح على مكتبه وهو بيزعق كل واحد يشوف شغله بسرعه وأنت يا حسام هاتلي فنجان قهوه على غرفة المكتب بسرعه

بعد دقيقه دخل عليه صاحب عمره وشريكه  ماجد الفيومي

ماجد لرعد : في ايه يا بني مالك داخل عامل زي زعابيب امشير كده ليه لا كلام ولا سلام في ايه ايه اللي معصبك على الصبح كده

رعد : اسكت يا ماجد حصل معايا موقف النهارده خلاني هطق من جنابي عملت حادثه 
ماجد:حادثه يا نهار أزرق ازاي وايه اللي حصل طب أنت كويس فى حد جراله حاجه؟!

رعد : ايه يا عم انت كمان راديو واتفتح اهدى ما أنا زي القرد قدامك أهو ومفيش حد جراله حاجه متقلقش

ماجد:حرام عليك يا شيخ نشفت ريقي

رعد:اسمع بس أنا خبط واحده بالغلط بس هي كويسه المهم لسه جاي أنزل أقولها أنتي كويسه لقيت بلاعه اتفتحت فى وشي

 ومسكتني نفختني أنا رعد المنصوري اتهزأ من واحده زي دي لأ وكمان خلصت تهزيئ فيا

 ومشيت وسابتني من غير حتى ما أرد وأخد حقي هتجن

ماجد: يا أخي اِحمِد ربِنا إنها ملطشتكش بالقلم ولا خدتك على أقرب قسم

 يعني خابطها بالعربية وعايزها تاخدك بالحضن مثلا

رعد: بقى أنا رعد اللي كل البنات يتمنوا بس نظرة مني حته البت دي تعمل فيا كده أشوفها بس ومش هسيبها هعملها بوفتيك😈

ماجد: طيب سيبك من الهبل ده بقى وركز معايا في موضوع مهم اوي عاوزك فيه

رعد باهتمام : موضوع ايه

ماجد : المناقصة اللي كانت المفروض ترسي علينا أمجد الشناوي بيحاول ينافسنا عليها وعاوز ياخدها ولازم نتصرف بسرعه

رعد: ياخدها ده بعده دي أهم مناقصة فى حياتي ويا أنا يا هو سيبلي الموضوع ده أنا  هتصرف فيه

بس دلوقتي خلينا فى الانتر فيو مش في النهارده انترفيو لمساعد رئيس مجلس الإدارة اللي هو انا بدأتوا  ولا لسه؟

ماجد:ياااه بدأنا من بدري ال HR شغال متشغلش بالك بالموضوع ده

رعد: لأ انا مش بتفاءل باختيارات الزفت اللي اسمه مجدي ده 

خليه يحولي ملفات الناس اللي مقدمه ويرشحلي أفضلهم وأنا هعملهم الانتر فيو بنفسي

ماجد: حاضر هخليه يبعتهم  حالا سلام

وطلع ماجد وبعت مجدي بالملفات لرعد 

وبدأ رعد الانتر فيو

رعد ينظر للملف على مكتبه_ بس الملف مكنش فيه الصورة  الشخصية _بدأ يسأل البنت من غير ما يبصلها

رعد: عرفي نفسك ؟

حور : حور السيد فتحي ٢٥ سنة خريجة ليسانس حسابات ومعلومات بتقدير عام امتياز

 وواخده دبلومه فى السكرتيرة وأمور الإدارة

رعد: بدأ ينبهر بثقتها فى نفسها ومؤهلاتها

 ولسه بيعرف عينه عشان يبصلها بإهتمام

وقال : أنتي!!!!
وهي قالت له:  أنت!!!!

أنت ايه اللي مقعدك على كرسي رئيس مجلس الإدارة !!

 وايه اللي جابك هنا؟!

 أنت جاي ورايا بقى وقبل ما تلبخ اكتر من كده

 دخل حسام وقاله اتفضل القهوة يا رعد بيه

حور فتحت بقها من الصدمه وبعدين فاقت من صدمتها 

وقالت : رعد بيه يا نهار أزرق أنت صاحب الشركة

رعد بغرور :قالها اه تخيلي

حور : اه أنا كده اترفدت من قبل ما أتعين سلام عليكم بقى ولسه جايه تطلع

 قالها :استني عندك

حور قالت له:  ايه خلاص مش عاوزه أشتغل معاك يا عم

 أنا ماشيه وأسفه مكنتش أعرف إنك صاحب الشركة

 بس حتى لو …… أنت اللي غلط معايا والبادي أظلمأنا  كنت باخد حقي مش اكتر

رعد: بس بس اسكتي شويه ايه راديو واتفتح لو سكتي شوية هياخدوكي غياب

حور سكتت وبصتله وقالت : نعم اتفضل حضرتك عاوز ايه

رعد : اقعدي 
حياة سمعت الكلام وقعدت

قالها : انتي دلوقت فى انترفيو شغل ورعد المنصوري مبيدخلش مشاكله الشخصية فى الشغل 

واضح انك ذكية ومؤهلاتك كويسه وده بالظبط اللي أنا محتاجه هتشتغلي معانا من بكره

حور بفرحه :بجد يعني أنا اتقبلت

رعد : اه هتروحي لمجدي  HR وهيمضي معاكي العقد

بس الأول لازم تعرفي الشغل مع رعد المنصوري مش سهل

 عاوز إلتزام وتنفذي كل اللي يطلِب مِنك بدون نقاش

 وطبعا الامانة ثم الامانة الخائن ملوش مكان بينا

حور : طبعا طبعا إن شاء الله هكون عند حسن ظنك

 أسفه مرة تانيه على الموقف البايخ اللي حصل مني انا دائما لساني متبري مني شبرين 😅

رعد : قالها لأ وحياتك ده عشر أشبار😂

 يلا اتفضلي روحي خلصي ورقك ومن بكره الصبح إن شاء الله تكوني فى المكتب قبل مني

حور :حاضر إن شاء الله سلام عليكم

رعد:وعليكم السلام ورحمه الله وبركاته

رعد بعد ما طلعت حياة بيقول لنفسه : انتي مفكراني هعدي اللي عملتيه ده بالساهل مبقاش أنا رعد أما علمتك الادب يا ست حور

خرج رعد من الشركة واتجه إلى القصر الذي يعيش فيه مع عائلته

دخل رعد رحب به أمه وأبوه

الأب : حمد لله على السلامه يا بني 

الأم : حمد لله على السلامه يا  حبيبي  يلا عشان نتغدى

قعدوا مع بعض لتناول الغداء وانضم لهم ادم اخو رعد الأصغر وعمره ٢٤ عام وبعد الإنتهاء 

الأب : تعالى يا رعد نتكلم فى المكتب عاوزك فى موضوع

الاب : بص يا ابني أنا كبرت ومعدتش أقدر ادير الشركة

وقررت اديك فرصة تستلم كل حاجه 

وأنا مسافر أنا وأمك شهر أريح أعصابي شوية

بس خلال الشهر ده عاوزك تثبتلي إنك تستاهل رئاسة مجلس الإدارة

رعد : متقلقش يا بابا كله هيبقى زي ما حضرتك سلمتهاني واحسن إن شاء الله

الاب: وده عشمي فيك يا بني متخذلنيش وتخلي بالك وتحافظ على شقايا وتكبره

رعد: حاضر يا بابا متقلقش

حور خلصت ورقها وروحت بيتها اول ما دخلت

حور : السلام عليكم

الام: وعليكم السلام يا بنتي عملتي ايه طمنيني

حور  : اطمني يا ست الكل وحطي فى بطنك بطيخه صيفي كمان انا اتعينت وكتبت العقد كمان

 وهبدأ شغل من بكره إن شاء الله فى أكبر شركة فى البلد وبراتب حلو اوي

الأم : ربنا يسعدك يا بنتي ويوفقك ويصلح حالك

 انتي طيبة وتستاهلي كل خير داعيالك دائما يا بنت بطني

حور بفرحه :ربنا يخليكي ليا يا احلى ام فى الوجود أما ادخل افرح بابا بقى

بابا بابا انا اتعينت

الاب : الف مبروك يا حبيبة بابا ربنا يوفقك ويسعدك يا بنتي 

حور : ربنا يخليك لينا ويبارك لنا فى عمرك يارب

الأب :السيد فتحي موظف على المعاش راجل بسيط متدين ومحترم وطيب

الأم:ربة منزل طيبة جدا وحنونه وبتحب  بنتها  حور جدا ومتدينة

تاني يوم 

 صحيت حور من بدري وجهزت

 مامتها قالتلها : مش هتفطري يا بنتي

حور : معلش يا ماما النهارده أول يوم فى الشغل مش عاوزه اتأخر ويتاخد عني انطباع الإهمال

الأم: طب خدي السندوتشات دي معاكي افطري بيها لما تفضي

حور : تسلم ايدك يا ست الكل  ربنا ما يحرمني منك وباست أيدها وراحت على الشركة

 ودخلت مكتب رعد قبل ما يوصل

 وبدأت تظبطله الملفات المهمه

 وراحت على مكتبها وبدأت شغلها على الكمبيوتر

وصل رعد الشركة وهو مستحلف لحور

وشكله مش ناوي على خير ابدا

يا ترى ايه اللي هيحصل ورعد هيعمل ايه مع حور؟

والمناقصه  هترسي على مين ؟

وهل امجد هيسيب رعد ياخدها ببساطه كده ؟

لو عاوزين تعرفوا كل الحاجات دي استنونا فى الحلقة الجاية

 متنسوش تعملوا لايك و كومنت و subscribe على قناتي على اليوتيوب https://www.youtube.com/@hadeerabdallah2272 
#انتظروا فيديو الرواية قريبا جدا

وتابعوني أيضا على صفحتي على الفيس بوك

https://www.facebook.com/profile.php?id=61550876046586&mibextid=9R9pXO 

باي باي 😉👋