رواية حورية الرعدي بقلمي هدير علي الفصل الثاني
حورية الرعدي بقلمي هدير علي
الفصل الثاني
دخل رعد غرفة المكتبة لقى كل أوراقه وملفاته منظمه عرف إنها حور بس برضو كان ناوي يكرهها فى اليوم اللي إتولدت فيه
رعد بزعيق : أنتي يا اللي أسمك حور أنتي يا هانم
حور : نعم يا فندم خير حضرتك بتزعق ليه🤔
رعد : انتي جاية تشتغلي مش تنامي هنا 😡
حور ببرود وثقة : اتفضل يا فندم اديني المهام بتاعي وانا أعملها 😎
رعد : اوك يلا أول مهمه ليكي ورقة وقلم بسرعه واكتبي ورايا كل اللي أقوله وممنوع تنسي حرف أو حتى توقفيني وتقولي مسمعتش
حور : حاضر
وجابت دفتر وقلم وبدأت تكتب وراه ورعد كان بيمليها بسرعه أوي وهو قاصد ده عشان يمسكلها أي غلطه يهينها بيها .......
خلص رعد وقالها كتبتي كل اللي قلته
حور : اه يا فندم هطلع أعيد الكتابة بشكل منسق وأجيبه لحضرتك
رعد قالها: تمام وأنا مستني بس عارفه لو نسيتي حرف من اللي قلته يومك مش هيعدي
حور بثقة : متقلقش يا فندم
بعد ربع ساعه فى مكتب رعد
حور : اتفضل يا رعد بيه اللي طلبته
رعد وهو ينظر للورق بإندهاش : برافو عليكي بس ازاي أنا كنت بتكلم بسرعه جدا
حور : حضرتك أنا عرفت إنك هتعمل كده عشان تمسكلي غلطه فسجلت لحضرتك على فوني واللي مكنتش بلحقه بفوته
ورجعت شغلت التسجيل وكتبت كل اللي فاتني 😁
رعد : لأ طلعتي شاطرة وذكية ومش سهله خالص
حور : ده مدح ولا ذم 🤔
رعد بشرود : ها لا خالص ولا ده ولا ده اتفضلي على مكتبك
خرجت حياة ورعد لقى نفسه سرحان فى هذه الفتاة الجميلة الذكية وبسرعه نفض هذه الأفكار من رأسه
قائلا : لأ يا رعد مش معقول انت المفروض عاوز تعلمها الادب مش تقع انت فى شباكها
وعدى أول يوم بسلام ورجعت حياة لمنزلها وهي فرحانه جداً
حور : السلام عليكم
ازيك يا ست الكل وحشتيني
الأم : الحمد لله شكلك فرحانه فرحيني معاكي
حور : الحمد لله اول يوم شغل عدى كويس جدا وأثبت جدارتي
الأم : الحمد لله يا نور عيني ربنا يوفقك يارب
يلا يا حبيبتي عشان نتغدى كلنا سوا
حور : يلا يا أمي هنادي على بابا ونتغدى مع بعض
في مكان أخر فى شركة أمجد
كان أمجد يتحدث مع شخص مجهول على التليفون: بقلك ورق المناقصه كله يبقى عندي النهارده فاهم ولا لأ وانا هديك المبلغ اللي انت عاوزه
الشخص المجهول : اطمن يا باشا هيكون عندك النهارده على مكتبك بس جهز الشيك والمناقصة هتبقى بتاعتك
أنهى أمجد المكالمه وقال لنفسه : وريني بقى هتعمل ايه يا رعد بعد ما أخد منك أهم مناقصة فى حياتك
لازم أنتقم من ابوك بس فيك أنت ولسه الجاي أكتر
فى قصر المنصوري :
كانت العائلة كلها تجلس يتناولون العشاء
ثم تحدث الأب قائلا : احنا هنسافر النهارده إن شاء الله وزي ما فهمتك يا رعد أنت مكاني دلوقت أتمنى أرجع ألاقي الشركة أحسن من الأول
رعد : اطمن يا بابا وراك رجاله 😉😁
آدم : وأنا فين بقى يا سي بابا ما أنا كمان موجود اهو
الأب : أنتوا الإتنين سندي بس أنت لسه مش اتعلمت أصول الشغل رعد هو الكبير وبعدين أشتغل معاه واتعلم من اخوك الكبير
آدم بهزار : تمام يا فندم 😁
ضحك الجميع وانتهى اليوم
في صباح اليوم التالي
ماجد اتصل على رعد اللي كان لسه نايم على السرير : انت لسه نايم اصحى بسرعه في مصيبة حصلت
رعد بصدمه : مصيبة ايه اللي على الصبح دي 🤦
ماجد : تعالى بسرعه على الشركة وهتعرف كل حاجه مينفعش بالتليفون
رعد : طيب يلا انا جاي حالا سلام
ماجد : سلام
فى شركة رعد
رعد بزعيق : ازاي ده يحصل ومين اللي عمل كده ازاي الورق بتاع المناقصة اختفى من مكتبي بالسهولة دي
ماجد : اهدى بس يا رعد لازم نفكر بهدوء ونعرف مين اللي ورا الموضوع ده
رعد : انا عارف مين
ماجد بفضول : مين ؟!
رعد : أمجد طبعا مين غيره عاوز يضيع مني الفرصة دي ويأذيني فى شغلي
ماجد : صح بس ميعرفش يعمل كده لوحده لازم يكون حد ساعده من هنا أكيد في خاين وسطنا
رعد بينادي بزعيق : حوووور انتي يا زفته تعالي بسرعه
حور دخلت مكتب رعد اللي كان شايط وقالتله بعصبية : نعم وحضرتك بأي حق بتشتمني مسمحلكش
رعد بعصبية : انتي الخاينة اللي فى وسطنا بعتينا لأمجد المنشاوي بكام يا هانم
حور بعصبية : ايه اللي انت بتقوله ده
رعد : محدش غيري انا وانتي معاه مفتاح المكتب ده واول يوم شغل ليكي الورق يروح لأمجد يبقى ده ايه
حور : انت ازاي تفكر فيا بالطريقة دي انا عمري ما اخون المكان اللي بشتغل فيه أو ابيعه لحد تاني عشان خاطر القرش حتى لو انا فقيرة ومحتاجه ده مش معناه اني اعمل اي حاجه عشان الفلوس
رعد : بطلي بقى الحوارات اللي بتعمليها دي انتي خلاص اتكشفتي ومش بعيد يكون أمجد اللي باعتك هنا أصلا عشان توصليله اخباري
حور بزعيق : لحد هنا وكفاية اوي وشغل عند شخص حقير زيك بيحكم على الناس بالسوء بس لمجرد أنهم فقراء
شايف إنهم عشان محتاجين يبقوا معندهمش شرف ولا أمانه ولا ضمير
لكن أحب أقلك إن اللي معندهمش ضمير هم أنتم وأكيد اللي خانك حد قريب منك جداً
رعد لسه هيرفع أيده عشان يضربها ماجد مسكه وقاله : انت اتجننت وبعدين اهدى شويه انت بتتسرع ليه يمكن تكون بريئة متحكمش عليها غير لما تتأكد
حور : شكرا يا أستاذ ماجد حضرتك انسان عاقل ومتأني مش زي البني ادم ده اللي مبيفكرش أنه ممكن يظلم حد
وكملت بدموع ويجرح مشاعره ببساطه كده ويهينه
ووجهت كلامها لرعد وقالت استقالتي هتكون على مكتبك خلال ١٠ دقايق ومش هتشوف وشي فى الشركة تاني
وخرجت وسابته
رعد لما شاف دموعها حاسه ان قلبه وجعه مش عارف ليه بس حاول ميبينش ويتجاهل إحساسه ومصمم برضو أن هي السبب
فى اللحظة دي جت مكالمة لرعد من أمجد المنشاوي
بيقوله : مش هتقولي مبروك يا رعد ولا ايه المناقصة رسيت علي 😈😜
رعد : انت اخدتها بالسرقة والنصب بدون نزاهه أو شرف
وأنا مش هسيبك يا أمجد مبقاش رعد المنصوري وهردهالك قريب أوي
والخاينة اللي أنت حطيتها وسطنا عرفتها وطردها والدور الجاي عليك 😈😎
أمجد : تؤ تؤ تؤ ليه بس كده حرام عليك قطع العيش عشان شك وهمي البنت دي مالهاش علاقة
وانا فعلا دراعي اليمين عندك فى الشركة وحد انت عمرك ما تتخيله وقفل السكه فى وشه
هنا رعد عرف أنه قلب وجعه لما شاف دموعها عشان هو فعلا ظلمها وكان حاسس انها مش هي بس قصد يجرحها ويفرغ عصبيته فيها
رعد : ماجد مطلعتش هي أمجد قالي كده
ماجد: قلتلك بطل تسرع بطل تحكم على الناس من غير ما تتأكد
هنا دخلت حور حطت الاستقالة وجاية تمشي
رعد : استني
حور : نعم لسه في حاجه كمان عاوز تقولها نسيت تجرحني بيها
رعد. : استقالتك مرفوضة مش هتسيبي الشغل
حور : بس انا مش عاوزه اشتغل معاك انت اهنتني وجرحت كرامتي
رعد : انا عرفت أنه مش انتي ( كان نفسه يقولها اسف سامحيني بس كبرياؤه منعه وبوظ الدنيا اكتر )
وقالها ... العقد بتاعك في شرط جزائي مشفتيهوش ولا ايه لو مشيتي بدون موافقة مني لازم تدفعيلي نص مليون جنيه 😎
حور بدموع : حرام عليك أنت أكيد شيطان يعني حتى بعد ما عرفت إني مظلومة بتجبرني على حاجه مش عايزاها
بتلوي ذراعي حسبي الله ونعم الوكيل وطلعت تجري من المكتب وطلعت بره الشركة كلها وروحت على بيتها
ماجد بيقول لرعد : ايه اللي انت هببته ده جيت تكحلها عميتها يا اخويا 🤦
رعد : مش عارف أنا عملت كده ازاي بدل ما اقولها انا اسف قلت كلام زي السم انا دائما دبش كده 🤦🤦
ماجد : يلا بقى اهو اللي حصل بس حاول تعدل اسلوبك مع البنت دي شوية حرام عليك دي مجتهده وذكية وشايفه شغلها
رعد: إن شاء الله هحاول بس خلينا فى المهم احنا لسه مش عارفين مين هو عين أمجد اللي هنا في الشركة
خبط الباب
دخل آدم وقال لرعد : طب ايه مش هنروح بقى ولا هنبيت هنا 🤷😂
رعد : لأ يا اخويا هنروح يا لمض يلا بينا
رعد : سلام يا ماجد اشوفك بكره أن شاء الله
ماجد: أن شاء الله سلام
اتجه رعد وادم إلى القصر وتناولوا العشاء سويا ثم ذهب كلا منهم إلى غرفته
في صباح اليوم التالي
في شركة رعد
رعد بيكلم شخص فى التليفون بزعيق : أنت كداب مستحيل
الشخص المجهول : لو مش مصدقني اعمل ....................... وأنت هتتأكد
يا ترى مين اللي باع رعد ؟ ومين الشخص المجهول ده؟
وقال ايه لرعد عصبه كده ؟
وايه الخطة اللي رعد هينفذها؟
طب وحور هتسامح رعد على جرحه ليها ؟!
وأمجد المنشاوي بينتقم من رعد ووالده ليه ؟!
استنوني فى البارت الجاي لسه في أحداث كتير ومفاجآت أكتر
انتظروا فيديوهاتنا قريبا على قناتي على اليوتيوب وده اللينك
https://youtube.com/@hadeerabdallah2272?si=Tnv6NSw7HhU3s-fD
متنسوش تعملوا subscribe للقناة وفعلوا زر الجرس عشان يوصلكم كل جديد
وتابعوني على البيدج https://www.facebook.com/profile.php?id=61550876046586&mibextid=ZbWKwL
اعملوا follow ,share
وده لينك صفحتي على الواتبادhttps://www.wattpad.com/1380444134?utm_source=android&utm_medium=whatsapp&utm_content=share_published&wp_page=create_on_publish&wp_uname=Thelife1927&wp_originator=B5YRUM%2FLQU8YYEQcOgc93UsMYCCgcJivq7FCJmbN6HN15NtnCO6ZdXX%2FtusFxgWJ7KuGcY3yq3sZDjMdC49sOmEo7kr4FVkVkcdaS5HnCOIPXC55ZfiZ2tpOWLWy4Q5A
باي باي 😉👋

