رواية حورية الرعدي للكاتبة هدير علي
رواية حورية الرعدي للكاتبة هدير علي
الفصل الثالث
رعد فى التليفون : أنت كداب مستحيل
الشخص : لو مش مصدقني أعمل ............................ وأنت هتتأكد بنفسك سلام
قفل رعد معاه وقعد يفكر معقول يكون بجد ويطلع هو خلينا ننفذ الخطة ونتأكد
دخلت حور مكتب رعد : اتفضل حضرتك ده الملف اللي أنت طلبته
رعد : حور أستني عاوزك دقيقة
حور : نعم خير في أي اتهامات جديدة؟
رعد : أنا أسف اني ظلمتك بس كبريائي كان منعني اني أقولها
حور فاتحه فمها بصدمه : هو حضرتك بتكلمني أنا 😳
رعد : أيوة بكلمك أنتي هو في حد غيرنا فى المكتب هكون بكلم الكرسي مثلا 😒
حور : أصل دي أول مرة من يوم ما اتقابلنا تكلمني كويس كده
رعد : طيب متخليهاش أخر مرة بقى واقفلي فمك اللي لم الذباب ده 😂
حور بعد ما اخدت بالها عدلت حالها
وقالت : ها طيب حصل خير يا فندم وأنا كمان بعتذر منك أنا زودتها شوية مكنش ينفع اكلم حضرتك كده
رعد : وأنا مسامحك يا ستي المهم أنا عاوز منك خدمة
حور بلهفه : طبعا طبعا أتفضل
رعد : أنا عاوزك تشتركي معايا عشان نكشف الشخص ده اللي باعنا لأمجد المنشاوي
حور : وأنا مستعده هنعمل ايه
رعد : هقولك .................................
عند أمجد بيتكلم فى التلفون مع شخص : فعلا يعني مش طرد البنت طيب حلو اوي كده ابعتلي رقمها وعنوانها وكل تفاصيلها
الشخص بطاعه: تحت أمرك يا باشا سلام
أمجد :سلام
أمجد محدثاً نفسه : شكل البنت دي مهمه اوي عند رعد عشان كده مطردتهاش وصدقني ببساطه إنها مش هي اللي ادتني ورق المناقصه مش فكر لحظة إني ممكن أكون بخدعه مثلاً
ده معناه إنه مهتم بالبنت دي وكان نفسه فى أي كلمة تثبت برائتها
تمام أوي كده شكل اللعبه هتحلو يا رعد المنصوري وعرفت هكمل انتقامي منك ازاي
فى شركة رعد
ماجد : رعد أنت متأكد إن الخطة دي هتنجح
رعد : والله خلينا نحاول ونشوف ايه اللي هيحصل هيبلع الطعم ولا لأ ؟!
حور فى مكتب آدم : اتفضل يا أستاذ أدم أستاذ رعد بعتلك الملف ده وبيبلغ حضرتك إن ده ملف المناقصة الجديدة وعاوزك تراجعه
آدم : تمام اتفضلي أنتي
حور : عن إذن حضرتك
وخرجت حور وراحت لمكتب رعد
خبطت على الباب وبعدين دخلت
حور : تمت المهمه بنجاح يا رئيس مجلس الإدارة
رعد : اوعي يكون شك فى حاجه
حور : لأ طبعا عيب عليك ده أخده فى ثانية زي ما يكون مستنيه
رعد بحزن : يارب يكون مش هو وتطلع مكالمه من واحد عاوز يوقع بيني وبين أخي مش أكتر
حور : متزعلش ربنا هيبين الحقيقة ويكتب اللي فيه الخير
رعد : إن شاء الله
رعد : ماجد أهم حاجه تخلي عينك عليه ميغبش عن عينك دقيقة وزي ما اتفقنا مكالمات مكتبه تتسجل
وانتي يا حور مهمتك الأساسية هتبدأ حالا
حور : أكيد أنا عارفه أنا هعمل ايه
ماجد : وأنا هروح أخد آدم أعزمه على فنجان قهوه لحد ما تخلصوا بس بسرعه
حور ورعد : تمام
وفعلا ماجد خرج هو وآدم واتجهت حور لمكتب آدم
وبدأت تزرع كاميرات وأجهزة تصنت وتسجيل
عشان أي حاجه تحصل فى المكتب تظهر صوت وصورة على اللاب توب تبع رعد وتتسجل
خلصت حور ورجعت مكتبها بسرعه
ورجع آدم على مكتبه
ودخل ماجد مكتب رعد وقال : ها عملتوا ايه ؟!
رعد : كله تمام البت حور دي طلعت عفريته شاطرة وذكية جدا🤩
ونادى رعد على حور : يا حووور تعالي لو سمحتي
خبطت حور ودخلت
وقالت : نعم حضرتك طلبتني
رعد : قوليلي حطيتي الكاميرات فى أماكن مخفية
حور : طبعا عمره ما يقدر يشوفها أنا خبيتها بطريقة تخلي الجن الأزرق نفسه ميعرفش مكانها😁😎
رعد: برافو عليكي يا حور لأ طلعتي شاطرة بجد وبعد ما القصة دي تخلص هيبقى ليكي مكافأة
حور : إن شاء الله أنا معملتش غير شغلي وبس عن إذنكم
ماجد : اه يا بنت اللعيبة وكنت عاوز تمشيها حرام عليك دي جوهرة ودماغها شغاله حلو اوي وكمان جميلة جدا😉
رعد وحس بغيرة : اتلم وركز فى الشغل ومالكش دعوه بحور يا ماجد
ماجد : اوبااا احنا وقعنا ومحدش سمى علينا ولا ايه انت بتغير عليها يا رعد
رعد : بطل هبل غيرة ايه وبتاع ايه انا مستحيل أحب واحده بتشتغل عندي أنا يمكن معجب بذكائها مش أكتر وعاوزك تركز فى شغلنا وفى المصيبة اللي احنا فيها دي مش وقت نحنحه يا اخويا😏
ماجد بخبث : اه شغل طيب يا بتاع الشغل أنت أنا رايح مكتبي بقى سلام عليكم
رعد : وعليكم السلام يا اخويا وخد الباب وراك وأنت طالع
رعد سرح فى حور وبعدين قال لنفسه معقول أكون حبيتها فعلا
طب ليه حسيت إني شايط لما ماجد قال عنها جميلة وكنت عاوز أكسر دماغه
نفض الأفكار دي من دماغه وبيكابر على مشاعره
وقال : لأ لأ هو إعجاب بذكائها وأمانتها فى الشغل وبس ومفيش غير كده
بعد شوية شاف آدم فى الكاميرا مسك التليفون هيكلم حد
لبس السماعات بسرعه وشغل التسجيل ومن جواه عمال يدعي إن شكه يكون خطأ ويطلع أخوه بريئ من القصة دي
آدم بيكلم الشخص التاني: عندي ليك خبر بمليون جنيه
الشخص : بس كده اخليهم ٢ مليون عشان خاطرك بس ياريت يكون خبر يستحق
آدم : هقولك ..........................................................
يا ترى ايه اللي هيحصل هل هو آدم فعلا الخاين؟!!! ولا في حد تاني ؟!
ويا ترى آدم اتصل على مين فى التلفون ؟!
وايه هو الخبر اللي هيبلغوا بيه ؟!!
وهل رعد فعلا بيحب حور!!! ويا ترى قصتهم هتكمل 🤷
ده اللي هنعرفه مع بعض فى البارت الجاي
عاوزه تفاعل بقى جامد عشان البارت الجاي قوي جدا وفي مفاجآت كتير وأحداث غير متوقعه هتقلب قصتنا رأسا على عقب
انتظروا فيديوهاتنا قريبا على قناتي على اليوتيوب وده اللينك
https://youtube.com/@hadeerabdallah2272?si=Tnv6NSw7HhU3s-fD
م
تنسوش تعملوا subscribe للقناة وفعلوا زر الجرس عشان يوصلكم كل جديد
وتابعوني على البيدج https://www.facebook.com/profile.php?id=61550876046586&mibextid=ZbWKwL
اعملوا follow ,share
باي باي 😉👋

