قصه جريمه خطف

لما كنت طفلة كانت امي بتبعتني اقضي حاجات من البقال كان تحت بيتنا علي طول كنت تقريباً في ٣ ابتدائي يوميها نزلت قضيت الحاجات اللي كانت كتبهالي في ورقه وجيت وانا مروحة وطالعه علي السلالم لاقيت راجل طالع ورايا معرفهوش وشكله غريب عن العمارة محطتش في بالي وقولت يمكن طالع لحد من السكان فضلت طالعه وهو طالع ورايا لحد ما بين الدور الاول والتاني وانا كنت ساكنه في التالت لاقيته وقفني قالي يا آنسه بصوت كدة لطيف بصتله لاقيته مبتسملي وبيحاول ميخضنيش 
ساعتها قالي انتي ساكنه هنا قولتله اه قالي تعرفي ؟ 
انا دكتور بتاع اطفال صغيرين وبطلع وبختار الاطفال عشان اكشف عليهم لو تعبانين او حاجة انا ساعتها معرفتش ارد اقول ايه انا كنت عايزة اطلع وبس لاني كنت خايفه من انه شخص غريب معرفهوش 
قالي تعالي اكشف عليكي ونزل علي ركبته وبدأ يحط ايده علي بطني 
في الوقت دة انا فكرت اني اعمل حاجة..وهي اني اصوت واقول الحقوني بس جه في بالي انه ممكن يقتلني لو عملت كدة وفي خلال ما انا بفكر كان بدأ ينزل ب ايده تحت شوية عن مكان بطني وهنا وفجأه باب الجيران اللي ف الدور الاول فتح كان ابن الجيران نازل ولحسن حظي حس بحركه علي السلم من فوق مكان ما كنت واقفه انا والراجل الغريب دة وفضل واقف ويبص من تحت بس للأسف مأخدش باله لان كانت الدنيا مضلمه المكان بعيد عن الشمس وبعد ما ابن الجيران نزل الراجل الغريب سابني وراح طلع يجري علي السلم اول ما نزل طلعت بسرعه البيت خبطت علي الباب بخوف جدا امي فتحتلي الباب قالتلي مالك في ايه خايفه من ايه ؟!
قولتلها في واحد وقفني علي السلم وقالي انه بيكشف علي الاطفال الصغيرين وحط ايده علي بطني من تحت بس طلع يجري بعد كدة لما ابن الجيران فتح الباب ساعتها ابويا قام من مكانه اتعصب وامي حبطت علي وشها ب ايديها الاتنين وابويا قالي شكله ايه بسرعه وكان لابس ايه فضلت اوصفله شكله وهما بيلبسوا بسرعه هو وماما وكان لابس لون ايه بالظبط نزل ابويا وامي الشارع فضلوا يدوروا عليه في كل حته واتفرقوا هما الاتنين عشان اللي يلاقيه الاول وفضلوا ف الشارع لحد بليل وراحوا لاماكن بعيده عشان لو مشي بعيد بس للأسف محدش لاقاه خالص من يوميها وامي بتخاف جدا انها تنزلني لوحدي ولو حصل ونزلت بتفضل وقفالي في الشباك تبص عليا واول ما اجي عند البوابة بتفضل وقفالي علي السلم 
بعد فترة اطول يمكن سنه بدأت اني خلاص انزل الشارع لوحدي تاني من غير قلق وانزل والعب مع صحابي كمان مره رحت اشتري حلويات من محل كان في الشارع اللي ورانا وقفني راجل طويل وعريض قالي ازيك عامله ايه وقف بكل قوة ومكنتش خايفه ساعتها خالص وحطيت ايدي في وسطي وقولتله ماما قولتيلي مترديش علي حد متعرفهوش 
قالي بس انا اعرفك قولتله لا متعرفنيش  
قالي لا اعرفك تعالي معايا اجبلك شيكولاته معرفش ليه الحقيقه فضلت آخد وادي معاه ف الكلام بس كنت عايزة اعوض اللي معرفتش اعمله المره اللي فاتت مع الراجل الغريب واني اتكلم ومسكتش 
ساعتها قولتله طب انت تعرف بابا اسمه ايه؟ 
ورد عليا رد استغربته جدا 
لانه قال اسم ابويا الحقيقي قالي ابوكي اسمه محمد قولت خلاص يبقي يعرف بابا بدل هو قال اسمه ويعرفني ورحت معاه نجيب الشيكولاته مسك ايدي وفضلت ماشيه معاه ودخلنا محل الحلويات وجابلي شيكولاته فعلاً بس حصل بعد كدة حاجة خلتني اخاف باقي حياتي كلها 
بعد ما جابلي الشيكولاته وطلعنا من المحل فضل ماشي معايا لحد اول الشارع ووقفنا وكنت مش خايفه لان القهوة اللي بابا بيقعد فيها قريبة جدا من المكان والناس كلها تعرفني ومن الواضح ان الراجل دة معروف في المكان كمان لان كان في ناس بتسلم عليه مش حد غريب مثلاً فضلنا واقفين علي اول الشارع وبعدين جت عربية لاقيته شالني مره واحدة ودخلني فيها قولتله اتصدمت ساعتها وفضلت اصوت وهو حط ايده علي بوقي عشان محدش يسمع وطلعت العربية بسرعه ومشيت…. باقي القصه غدا بإذن الله تابع حسابي