مراتي باعتني عشان الفلوس
الجزء الثالث
رد عليا أبو هالة بكل تكبر وغرور وقال بنبرة كلها احتقار'' اه عايز مهلة عشان تقدر توفر طلباتنا يعني انت جاي فاضي ما حلتكش حاجة''
رديت عليه وقلت'' صدقني يا عمي انا عند كلمتي وهوفر كل الي طلبتو بس انا عايز منك بس مهلة ووعد انو هالة ليا''
رد عليا بلا مبالاة وقال '' اسمع لو انت محتاج وقت عشان تضبط وقتك مافيش مشكلة طالما في الأخر هتوفر كل الي نحنا عايزينه أنا عشان مظلمكش هديك مهلة سنتين تلاتة بس مش هقدر اديك وعد انو هالة ليك لأني مقدرش اربط بنتي بواحد لسة بيكون نفسه لأنو ده ممكن يضيع عليها فرص احسن ومن دلوقتي بقلك خلال فترة المهلة ديه لو جه لهالة عريس جاهز يقدر يوفر كل طلباتنا هوافق عليه لأني مش هوقف حياة بنتي ومستقبلها على واحد ماحلتوش حاجة''
رجعت البيت يومها وانا مكسور بس كنت رغم كل ده مصمم علي في دماغي ورافض اني اتخلى عن هالة ابدا وامي كانت متضايقة قوي من موقفي ده ولقيتها بتقولي'' لسة متمسك بالبنت ديه بعد كل الي سمعتو منها ومن أهلها تصدق انا دلوقتي فهمت البنت ليه بالطمع ده في النهاية هي تربية اتنين طماعين وطبيعي انها تطلع كده انت ليه مش عايز تفهم انو الناس دول ناس جيعانين كل الي همها الفلوس وبس ليه مش عايز تفهم انهم بيشترو جيب الراجل مش بيشترو اخلاق الراجل ليه مش عايز تفهم انو البنت ديه ملهاش امان لا هي ولا أهلها وممكن يبيعوك في أي لحظة لو لقو الي احسن منك او بالأحرى لو لقو الي اغنى منك انت فاكر انو الي اسمها هالة ديه بتحبك ديه ما بتحبش غير الفلوس حتى لو كانت بتحبك مستحيل تحطك فوق مصلحتها الي لو لقيتها مع واحد تاني هتجري عليه وتسيبك يا ابني صدقني ديه واحدة مالهاش امان ممكن في أي لحظة تبيعك لو لقت الاغنى منك يا ابني اسمع كلامي وسيبك منها وخليني ادورلك على بنت حلال من توبنا واحدة بنت أصول متربية على القناعة والنفس الراضية تعيش معاك مهما كانت ظروفك واحدة تشاركك المر قبل الحلو وتقف معاك في الوحش قبل الكويس واحدة هي وأهلها بيشترو راجل مش بيشترو جيب الراجل زي الناس دول صدقني يا ابني الحب مش كل حاجة أحيانا الواحد احسنلو انو يتجوز واحدة اصيلة متربية على الأصول ومبيحبهاش أحسن من انو يتجوز واحدة بيحبها بس طماعة ومالهاش أمان الحب لوحدو مش كل حاجة يا ماجد ملايين الأزواج الي بيتجوزو عالحب بيوصلو في النهاية للطلاق بسبب عدم التفاهم والتكافئ والبنت ديه انت مش هتتفاهم معاها أبدا لأنكو مش متكافئين في حاجة لا في الشخصية ولا في الطبع ولا في طريقة التفكير ولا حتى في الرضا يعني جوازتك من البنت ديه عمرها قصير مهما طالت واظن انو قعدتنا مع أهلها خلتك تفهم هي بتفكر ازاي''
وبالرغم انو كلام أمي كلو كان صح بس حبي لهالة وقتها كان عاميني عن كل ده وقلت'' لا يا ماما حبي لهالة هيقدر يغيرها واكيد مع الوقت هقدر اصلح طريقة تفكيرها وأخليها زيي أكيد بعد الجواز لما تشوف حبي ليها وحنيتي عليها هتفهم انو اهم حاجة في الجواز المودة والرحمة وانو الزوج الحنين رزق ونعمة من عند ربنا''
ردت عليا امي بكسرة وقلة حيلة وقالتلي
