قصة رعب حقيقية حدثت في مصر ف الفيوم

انا اسمي محمود 

وحكايتي بدات وانا عندي 12 سنه واول حاجه بدات معايا ف قصتي كانت الجاثوم مر عليا حوالي 3 شهور  وكان الجاثوم يجعل نهاري ليل وليلي نهار بسبب عدم قدرتي علي النوم  لان اول اما احط راسي علي المخدة الجاثوم ياتي ولااستطيع التخلص منه وعشان كده كنت بفضل سهران طول الليل وانام بالنهار بعد ماارجع من المدرسة في الوقت ده يعتبر كانت الحياة بدائية باالنسبة لقريتنا البيوت كانت كلها دور واحد وقليل من الناس الي كانو مدخلين الكهرباء ف بيتهم ومكنش في تلفزيونات غير عند ناس جدا قليلة والي كان يبقي عنده تليفيزيون كان يعتبر من الاغنياء ف الفترة دي بقي انا كنت من محبين الاستماع الي قصص  الجن والعفاريت وكنت ببقي مستمتع جدا وانا بسمعها وطبعا من كتر القصص الي بسمعها كان عندي خلفية عن الجن وازاي الشيخ بيخرج الجن من الملبوس ف انا بقي مكنتش لاقي حل للجاثوم الي كان بيجيلي بقاله 3 شهور ف خطر ف دماغي قصة واحد كان الشيخ بيضربه عشان يخرج الجن منه ف قولت ف نفسي يمكن المكان ال انا بنام فيه ده يكون فيه جن او حاجه من الحجات دي وباالفعل مسكت خرطوم جامد وفضلت اضرب مكان نومي واانا بقرء الفتحة والمعوذتين وعمال اقول اخرج يلله من هنا امشي يلعن ابوك دي كانت محاولة مني وانا مش مقتنع ان هي هتغير حاجه وكلها كام ساعة ودخل الليل ومعاد نومي جه ف انا عشان عارف ايه الي هيحصل ف كده كده مش هنام عشان الجاثوم ميمسكنيش لكن حطيت دماغي ع المخدة وفاجئة لقيت نفسي دوخت وروحت ف النوم ونمت نوم عميق جدا منمتوش بقالي كتيرر اوي ومعرفش ازاي ده حصل صحيت الصبح وكنت مستغرب من الي حصل جدا وقولت ف دماغي باين ان المكان ده كان فيه حاجه فعلا قعدت سنتين ومحصليش فيهم اي حاجه خالص وفاجئة بعد السنتين لقيت نفسي دخلت ف دور تعب شديد جدا  عبارة سخونة ف كل جسمي وصداع شديد وروحت للدكتور وكتبلي حاجات للسخونية وفيتامينات لكن كان بلا اي جدوي وغيرت كذا دكتور وبردو كانت نفس النتيجة ولاحظت انا واهلي ان التعب الغريب ده مكنش بيجيلي غير بعد اذان العصر يوميا ومكنش بيبقي في فيا اي تعب نهائي اروح المدرسة وارجع البيت اغير هدومي اول لما العصر يدن بعد الاذان علطول الاقي التعب الغريب ده جالي علطول وانا كنت متعود ان انا اول لما اجي من الممدرسة اقعد اتغدي ولما العصر ياذن انزل العب مع اصحابي لحد المغرب وطبعا عشان احنا قرية ريفية كان بعد المغرب متلاقيش اي حد ف الشارع بس طبعا بعد التعب معنتش بخرج نهائي والتعب ده فضل ماسكني فنترة لحد مااتاقلمت عليه وكنت بفضل مستنبه واول لما التعب يحل عليا كنت بفضل نايم ع السرير لحد الصبح واول لما اقوم بلاقي نفسي كويس وفضلت علي الحال ده لمدة 8 شهور كاملين وخلال الفترة دي كنت كل اسبوع عند دكتور شكل ومفيش اي حاجه جابت نتيجة وف يوم من الايام ف اخر ال 8 شهور والدتي طلبت من ابن عمتي ان هو يجيلي ويروح المسجد ويكسر حتة خشبة صغيرة جدا من النعش الي بيشيلوه فيه الموتي ونبهت عليه ان محدش يشوفه خالص وباالفعل ابن عمتي راح المسجد وجه وهو جايب معاه حتة خشبة صغيرة وانا وقتها كنت راقد تعبان لقيت والدتي جابت الفحم وولعته وقالتلي تعالي اقف فوقيه وبعد ماوقفت رمت حتة الخشبة ف الدخان وطلع منه دخان كتير جدا وكان كل الدخان طالع عليا زي البخور كده وقرات الفتحة وفي الوقت ده حسيت ان جسمي كله بيقشعر خلصت واانا نمت علي السرير وصحيت وروحت المدرسة وجيت وعملت واجبي زي كل يوم وعدا كام سنة لحد مابقي عندي 18 سنه وفي الفترة دي انا كنت مهتم ب مظهري اكتر من اللازم وعدي شهر ورا التاني وفاجئة بدات احس بحاجات غريبة كنت قاعد ف اوضي وبدات اشوف خيالات غريبة وشوفت ايد محروقة محطوطة علي بطني اتخضيت جدا وقومت اجري وازعق روحت وفتحت انور عشان اشوف ملقيتش اي حاجه ف قولت لنفسي اكيد كنت بتخيل قومت مشغل قراءن وفضلت سهران لحد اذان الفجر وبعد يومين باالظبط من الموقف ده روحت انام لقيت كيان مرعب واقف قدامي شكله مخيف جدا عينه كلها ابيض وجسمه احمر ولزج وليه قرون ورجله شبه حوافر المعيز اتخضيت من المنظر ووقعت علي ارض وصرخت لقيته فاجئه بقي ف وشي وبيقولي اخرس ياانسي ياحقير