قصة دار المسنين الجزء الثاني
لما فوقت لقيت نفسي ف اوضتي ؟
ومغاوري فرد الامن واقف قدامي وبيقولي :
الساعه 7 وربع صباحاً انت متأخر ربع ساعه ولسه ده اول يوم ليك يعني على ما تغسل وشك وتلبس وتنزل فيها ربع ساعه كمان وده مش مسموح بيه هنا ف المكان
اتفضل اغسل وشك وانزل روح للمديره علشان عايزاك !
قولتله مديره ايه عم طاهر الراجل اللي جمبي مشنوق ف اوضته وانا حد خبطني على دماغي بحاجه امبارح
بصلي ب استغراب كده وقالي : انت خرجت من اوضتك امبارح بعد ما النور قطع ؟
قولتله اه سمعت صوت عم طاهر بيطلع ف الروح قولت اشوفه وحصل اللي حكيته ليك ده ب الحرف !
ضحك بصوت عالي وقالي
لا لا لا اتطمن مفيش حاجه من اللي انت شوفتها دي حصلت دي كلها تهيؤات متخرجش تاني من باب اوضتك لما النور يقطع
قولتله فلنفترض اني جالي تهيؤات وشوفت حاجه مش حقيقيه !
طيب الخبطه اللي خلتني افقد الوعي دي ؟
لقيته اتعصب وهو بيقولي : وبعدين بقى عدي ربع ساعه ف الكلام الفاضي قوم البس وانزل قابل المديره
وسابني ومشي!
عادي كده.
اللي هو كل اللي انا قولته ده مش مهم انه يتسمع اصلا!
قومت ب الفعل اخدت دش ولبست( اليوني فورم ) وكلمه مستغرب من اللي حصل دي كلمه قليله بس لازم هفهم !
نزلت للمديره اللي واضح انها كانت على اخرها مني بسبب التأخير حكيتلها اللي حصل
لكنها غضبت اكتر وقالتلي ان ده كلام فاضي واتهمتني اني بتعاطى حاجه !!!
وان احسن ليا اقول راحت عليا نومه احسن من اني اقدم مبررات زي دي !!!!!
كنت ناقص احلف على مصحف اني مش بكدب لكن مفيش فايده !
اعتذرت وقولتلها مش هتتكرر تاني واستأذنت
رحت علشان اشوف شغلي اللي بصراحه كان مُتعه
شكل الشمس مع الزرع مع الشجر حاجه كده قمه ف الروعه 🏞🏕
المنظر لوحده يشيل من جواك اي طاقه سلبيه
بدئت الاول ب اني أقص الشجر والفروع الزياده وبعد كده اسقيه والورد برده نفس الموضوع لكن طبعا بخلاف ان الورد مش بيتقص
كنت واقف شغال لحد ما دخلت واحده بعربيتها عندها تقريبا 25 سنه ف العمر ده يعني
مغاوري اول ما شافها قام وقف مره واحده ودخلها العربيه وقعد يمسحها وعرفت ان البنت دي هتجيب ابوها هنا وجايه تشوف الاجرئات والمصاريف وكده
ده طبعا ف الاول لكن بمجرد ما بيجيبوا اهاليهم محدش بيسأل فيهم بعد كده!!
كنت بقول لا حول قوه الا ب الله بقى بنت من العيله دي وعربيه مشاء الله بشئ وشويات وعايزه تجيب ابوها ترميه هنا !
اعوذ ب الله من غضب الله !!
كنت مستغرب جدا ايه المبرر الي يخلي بنت تجيب ابوها هنا وخصوصا انهم مرتاحين ماديا
وده الواضح
البنت وهي ماشيه طلعت شويه فلوس حوالي 600 جنيه واديتهم ل مغاوري علشان مسح ليها العربيه !!!
وعرفت ب الطريقه من مغاوري انها هتجيب ابوها هنا بكره الصبح
اتجمعنا علشان الغداء خصوصا اني فاتني الفطار لاني صحيت متأخر وعلى ما اتكلمت مع مغاوي واخدت دش ولبست كان فاتني الفطار
واحنا بناكل مكنتش لاقي عم طاهر معانا على السفره ودي حاجه كانت عملالي قلق
ف سالت عليه واحنا بناكل ؟
علشان اتفاجئ ان كلهم بصولي بنظره مرعبه
عنيهم كانت كلها شر وغل ورعب
ومغاوري اتكلم وهو بيقول ليا : اخر مره تتكلم وانت على الاكل ..
سكت وقولت والله ل اعلموا الادب بعد الغداء هو ازاي اصلا يكلمني ب الطريقه دي
وبعدين هو مش ممنوع الكلام طيب ما هو اتكلم هو كمان اهو !!
ده حته فرد امن مش متعلم ملهوش لازمه انا هعرفوا مقاموا …
خصلت اكل وبعدين قومت غسلت ايدي ورحت علشان اعمل كوبايه شاي عندي ف الاوضه واخدها وانزل
وبالفعل عملت كوبايه شاي وانا نازل قولت اما ابص ف الاوضه على عم طاهر
اي حد مكاني كان هيعمل كده خصوصا بعد اللي شوفته امبارح !
خبطت على الاوضه خبطتتين كده وفتحت الباب
اول ما فتحت الباب لقيته قاعد بيقرء ف كتاب وقاعد في البلكونه ومنسجم اخر انسجام
قولتله منزلتش تتغدى معانا ليه يا عم طاهر
ابتسم وقالي : لا انا باكل مره واحده ف اليوم على العشاء بس
استغربت اكتر !!
ف قالي انا راجل عجوز بقضيها ب علبه زبادي وباكو بسكويت وعلبه عصير
قولتله ربنا يديك الصحه يا عم طاهر
اداني الكتاب اللي كان بيقرء فيه وقالي شيله ف الدولاب بتاعي
ولما تحتاجه ابقى تعالى خده ؟
قولتله هحتاجه ف ايه يا عم طاهر
قالي الفراغ اقوى عدو للانسان لازم تقتل فراغك بحاجه تكون صح
زي الرياضه والقرايه وحاجات تانيه كتير
قولت ف بالي طيب ما انا ممكن اقتل فراغي بردو ب الصلاه وذكر الله ما علينا.
شيلت الكتاب عنده ف الدولاب وشوفت حاجه غريبه
اي ده ؟
انا شوفت ف الدولاب بتاعه حبل ؟
نفس حبل المشنقه اللي شوفته مشنوق بيه امبارح
وكمان شوفت عصايا وعليها دم
مش فاهم حاجه ؟
دي العصايا اللي اتخبطت بيها على دماغي امبارح ؟!!
عم طاهر قالي انه داخل الحمام
قولتله استنى عندك هنا ايه دول ؟
لكنه قالي انه ميعرفش عنهم حاجه !!
سابني وخرج من الاوضه علشان يروح الحمام زي ما بيقول
ولقيت مغاوري داخل عليا الاوضه وانا قاعد مش فاهم اي حاجه
وقالي : انت سايب شغلك وقاعد هنا بتعمل ابه
قومت علشان اوريله الحبل بتاع المشنقه والعصايا
لكني اتفاجئت ان مفيش حاجه ف الدولاب
الدولاب فاضي !!
حتى الكتاب اللي انا لسه راكنه ب ايدي مش موجود!!
ف قولتله لا مفيش حاجه ده انا مستنيك وبتلكك ليك علشان تجيلي
ممكن اعرف اي الطريقه اللي انت بتتكلم بيها معايا دي
انت مالك سايب شغلي ليه ؟
ولا بتكلم على الاكل ليه ؟
انا اعمل اللي انا عايزو وانت هنا مجرد فرد امن
ابتسم ابتسامه بارده وقالي انا بنفذ الاوامر ومتأسف تقدر تعمل اللي انت عايزه
سابني ومشي
وانا كمان نزلت علشان اكمل شغلي وعدى اليوم واتعشينا بس بردو لاحظت ان كل كبار المُسنين قاعدين الا عم طاهر !!
استنيت لما خلصنا اكل وبعد ما غسلت ايدي واسناني سألت مغاوري هو عم طاهر مش هيتعشا انهارده ؟
مغاوري بصلي وقالي اكتر حاجه كانت هتخليني افقد الوعي حرفيا
يادي عم طاهر مين عم طاهر ده ؟
مفيش حد هنا اسمه عم طاهر
والاوضه اللي جمبك دي مفيش حد فيها
علشان كده الصبح كنت بضحك عليك
وتلاقي المديره هزئتك لو كنت قولتلها الكلام الفارغ ده !!
قولتله انت بتقول ايه ؟
عم طاهر ده انا لسه كنت قاعد معاه من شويه
خبط كف على كف وقالي يمين ب الله ما فيه حد هنا اسمه عم طاهر …
سبته وانا عقلي شبه مُغيب ومش مستوعب اللي اتشرح ليه ؟
ازاي مفيش حد اسمه عم طاهر ؟
ونا طالع قبل ما ادخل اوضتي دخلت الاوضه اللي المفروض هو قاعد فيها
وب الفعل الاوضه كانت فاضيه مفهاش اي حد فتحت الدولاب لقيت فيه الكتاب
اخدت الكتاب ده ودخلت اوضتي
غيرت واخدت دش ولبست البجامه ونمت على السرير ومسكت الكتاب مكانش فيه غلاف عليه
لكن اول صفحه مكتوب فيها.
( مذكرات قتيل )
النور قطع ك العاده
قولت كملت
مذكرات قتيل والنور قطع لا انا لازم انام
كانت عيني لسه هتروح ف النوم لكني سمعت حد بيخبط عليا وبيقولي افتح بسرعه يا علي انا عمك طاهر ..…
#يتبع
رأيكم وتوقعاتكم للي جاي لان ده بيفرق معايا جدا.
