روايه نباش الجثث
مش سهل على الانسان مننا إنه يشوف ميتين كل يوم ويقرب منهم, او يلمسهم, الموت له رهبة, وكل واحد فينا له معاد وفكرة انك تشوف ميت قدامك ده يخليك تحاسب نفسك الف مرة, انا بقى بحكم شغلانتي كل يوم بشيل ميتين وبجهزلهم التُرب, وبدفنهم, علشان كده اتعودت, وبقيت فاهم يعني ايه انسان يموت .
انا الحج توفيق السيد احمد عمري 50 سنة ساكن في بيت قديم وسط المقابر, ما هو انا ابقى التُربي اللي ماسك المنطقة دي, مفيش دفنة ولا ميت يتدفن إلا على إيدي, ربنا يرحمنا جميعا يارب, من صُغري وانا متربي هنا وسط المقابر, ما انا ابويا الله يرحمه كان تُربي, وانا ورثت عنه الشغلانة طلعت للدنيا لقيتني بشتغلها وكبرت فيها, واتشهرت بأسم توفيق التُربي, ابويا مات وسابلي البيت اللي انا ساكن فيه, ما انا مليش مكان تاني, عايش فالبيت ده انا ومراتي وعيالي وأمي ربنا يديها الصحة, انا بقالي في شغلانتي فالتُرب فوق التلاتين سنة, وياما شوفت فيها عجايب, شوفت اللي يفوق من الموت, وهو متكفن, وشوفت اللي اتدفن حي, وخرجناه من القبر,وشوفت اللي شمتان فالموت وفاكرها دايمة له, كله كوم والميتين اللي بتدفن ونرجع نخرجها تاني علشان تتعرض مرة واتنين على الطب الشرعي دي كوم تاني لوحدها
لكن حكاياتي في التُرب بدأت في يوم كنت رايح اوضب دفنه, ما انا قبل ما ادفن الميت بفتح القبر يتهوى, وأساوي الرمل, واقعد استنى الدفنة لحد ما تيجي, باخد الجثة من النعش وبنزل بيها القبر, بيبقى معايا الولا "ناصر" الصبي بتاعي, المهم فاليوم ده روحت وفتحت القبر وروقته ,شوفت من بعيد هناك راجل لابس جلابية ودقنة طويلة خرج من قبر, والقبر ده مدفون فيه بنتين اطفال توأم.
استغربت اوي ايه اللي يخلي راجل ينزل قبر بالشكل ده, ده حتى الساعة كانت اتنين الضهر ومفيش مخلوق يوحد ربنا, مشيت ناحيته وانا بندهله:
_يا حج... يا حج بتعمل ايه عندك……
قراءة روايه نباش الجثث لأشرف السيد : https://drive.google.com/file/d/1-Mvq2ptUYNfOLmnffe24Yz6jPpxm7wu7/view?usp=drivesdk
تحميل روايه نباش الجثث لأشرف السيد : https://mega.nz/file/QlgwlBbZ#pSftdkZfCBjxTEDTT3BsC5Jq8Hz11_zTPD-2DcEm9bk
