هل النداهة من الجن؟

النداهة هي أسطورة من ضمن اساطير التراث الشعبي المصري، ويُقال إنها تظهر في القرى والأماكن الريفية ليلًا وتنادي على الناس بأصوات مألوفة لهم، تجذبهم إلى أماكن منعزلة حيث تختفي وتتركهم هناك. تصف الأساطير النداهة بأنها تظهر غالبًا في شكل امرأة جميلة أو كائن غريب يثير الفضول والخوف معًا. تستخدم الحكايات حول النداهة لتحذير الناس من المخاطر المحتملة في الأماكن المظلمة والمهجورة..

الأساطير الشعبية والقصص الخرافية توجد في مختلف الثقافات حول العالم، وعادة ما تكون وسيلة لنقل قيم معينة أو تفسير ظواهر طبيعية غير مفهومة في ذلك الوقت. لذا، النداهة تعتبر جزءًا من التراث الثقافي وليس من الحقائق العلمية.الجمال الملفوف بسحر الغموض الذى يجبرك على الاقتراب أكثر مهما كررت لنفسك أن كل سنتيمتر تقطعه تجاهها هو خطوة تجاه الموت، الأسطورة التى توارثناها جيلًا بعد آخر، وورثنا معها الخوف من الغواية وتتبع شغفنا والتضحية بالأمان فى سبيل المتعة المجهولة أسطورة «النداهة» التى تناقلها المصريون همسًا فى الليالى الباردة الممزوجة بالرعب تحكى عن الأحمق «اللى ندهته النداهة وراح وراها» وتجاهل تحذيرات الأجداد واندفع وراء غرامه بالجنية الحسناء حتى سلبته حياته، وفى أحسن الأحوال تسلبه عقله.

زى (الشفاط).. تسحبك ناحيتها.. ولو سيبت نفسك ليها.. تتبلع وتغرق..

عاملة زى البئر السحيق.. لو وقعت فيه.. تنسى نفسك.. وتنعزل عن العالم!

زى الكهف المظلم.. زى البحر الغميق.. زى القبر..

النداهة عاملة زى الرحم.. بتنده عليك كل ما الدنيا تصعب.. كل ما المسئولية تزيد.. كل ما الصراعات تحتد.. تغريك وتغويك وتقولك: تعالى.. أنا هنا.. أنا الأمان الدائم والاسترخاء المطلق..

عارف إيه أقوى وأكبر وأقدم نداهة؟

إيه الحاجة اللى بتسحبك لتحت كل شوية.. وتبقى عايزة تشفط طاقتك وحيويتك وعنفوانك؟

الحاجة اللى عاملة بالظبط زى الجاذبية الأرضية.. واللى انت محتاج تقاومها طول الوقت علشان تفضل واقف على رجليك؟

أقوى وأكبر وأقدم نداهة على وجه الأرض هى: اللاوعى.. عدم الوعي.. انك تكون مش واعي..

أبسط وأول شكل لعدم الوعي هو النوم.. اللى حضرتك بتستسلم ليه كل يوم بالليل.. وتغرق.. وتغيب.. لغاية ما تستجمع طاقتك وتسترد وعيك تانى يوم الصبح..

طيب وانا صاحى؟

انك تفصل.. تسرح.. تتوه وتغيب وانت مفتح عينيك.. وكأن فيه حاجة ساحباك وسارقة وعيك.. كلنا جربنا ده..

وإيه كمان..

انك تيأس.. انك تستسلم.. انك تسيب دفة حياتك.. انك تتخلى عن مسئوليتك ناحية نفسك وناحية غيرك..