بيت السلخانه ج2
فا عن طاهر بصلي وقالي
عم طاهر.: ششششش اسكت بقا واكتم خليني اقولك هتحاسب على المشاريب اللي عليك ازاي ويبقه معاك فلوس كمان وتبقى بني آدم بقا زي الناس فا اسكت؟
بعدها عم طاهر مد ايدو في جيبو وطلع مفتاح وادهولي وقالي؟!
عم طاهر : امسك ده مفتاح بيت في المعادي في حدائق المعادي هوصفلك عنوانه بظبط وهديك رقم ناس هيروحو يقبلوك هناك وهيتفرجو على البيت ولو البيت عجبهم هيشترو ولو اشترو البيت هيبقي ليك عموله كويسه جدا في البيعه دي وهي رزقك ونصيبك لان انا تعبان ومش قادر اطلع الطلعه دي؟
طبعا انا كا شعبان كنت طاير من الفرحه خلاص بقا فرجت وجالنا مصلحه اهو قومت جري على عم طاهر وبوست راسو وقلتلو؟
شعبان؛ ينصر دينك يا عم طاهر ياشيخ سماسره المنطقه طب عليه الطلاق انت اجدع من ابويا نفسو؟
بصلي من فوق لي تحت وقالي؟
عم طاهر :طلاق مين ياض انت اتجوزت من ورايا وانا معرفش؟
المهم في الوقت ده دخل علينا الواد ريشا وحط الشاي ومشي بسرعه فاخت كوبايه الشاي مسكتها وباخذ منها بق وبقول لي عم طاهر؟
شعبان: اتجوز منين بس يا عم طاهر هو انا لاقي اكل؟
فا عم طاهر بصلي وقالي؟
عم طاهر؛ ماشي يا عم الغلباوي اشرب بقا الشاي بتاعك علشان اديك عنوان البيت واديك رقم الراجل علشان تروح تقابلهم واطلع طيران على البيت لأن الراجل مستني مني تلفون!
وفعلا شربت الشاي واخت منو رقم الراجل وبعد ما كلمو وقالو ان انا اللي هروح افرجو على البيت وبعدها خت منو العنوان وطلعت على موقف الميكروباصات اللي في منطقتي اللي هي في دار السلام علشان اروح المنطقه اللي فيها البيت اللي هي في حدائق المعادي البيت اللي هنشوف فيه الرعب كلو؟
المهم مجرد ما ركبت الميكروباص وانا ماشي في الطريق بصيت في الشباك وسرحت في حياتي والدنيا وهمومها!! اووف دخلت في القصه على طول منغير ما اعرفكو بي نفسي؟!
انا شعبان رمضان عندي 30 سنه من منطقه شعبيه عايش لوحدي في شقه صغيره كده إيجار قديم بعد ما ابويا وامي ماتو وسابوني عايش فيها لوحدي معايا دبلوم صنايع وحاولت اشتغل بيها في وظيفه محترمه او اي مكان عدل بس معرفتش واشتغلت سمسار يعني اللي عندو بيت أو شقه عايز يبيعهم بيجيلي وانا بشوفلو مشتري وباخد عمولتي بس هنعمل اي في ضيق الحال السوق بقالو فتره نايم ومحدش بيبيع والا يشتري المهم؟!
وصلت البيت الللي بتبدأ عندو الحكايه تاخد شكل مرعب كان انو سبب في فتح عليا بوابه من أبواب جهنم حرفيا؟!
وقتها اول ما وصلت البيت بصتلو بأستغراب انا مختش وقت علشان اوصل لان عم طاهر كان مديني العنوان بظبط بس الغريب في البيت بقا والحاجه اللي خلتني واقف مستغرب كده هو منظرو كان بيت من دورين ومساحتو كبيره والباب بتاعو حديد ومقفول بي قفل كبير بصيت على القفل كده وانا ماسك المفتاح بي أيدي وقبل ما أقرب من البيت طلعت موبايلي من جيبي ورنيت على الراجل اللي هيشتري؟!
الووو ايوه يا استاذ حسن انا واقف قدام البيت اهو؟!
رد عليا وقالي؟!
استاذ حسن: تمام يا استاذ شعبان انا بلبس ونازل اهو تلت ساعه بظبط وهكون عندك؟!
فارديت عليه وقلتلو؟
شعبان : تمام طلامه انت لسه قدامك تلت ساعه انا هفتح البيت و هستناك جوه وانت اول ما توصل ادخل على طول على البيت هتلاقيني جوه؟
فا قالي؟
استاذ حسن : تمام يا استاذ شعبان!..
قفلت مع الراجل وفتحت الباب ودخلت البيت وابتديت بقا ابص يمين وشمال وزي ما قولتلكو البيت من دورين كل دور شقه كبيره اللي في الدور الأول بابها كان مفتوح
؟ 
دخلت وانا بتفحص المكان وبكتشفو لقيت التراب مالي الأرض والعنكبوت فارد خيوطو على جميع الحيطان فا اعدت اسال نفسي المكان ده مهجور ومقفول كده من أمته وبعدين هو في حد يسيب بيت واسع وكبير زي ده؟!
الله واعلم بحال الناس وفضلت اكلم نفسي لحد ما وصلت عند باب اوضه من الاوض بابها مان متشال وكانت ضلمه جدا وقربت منها وطلعت موبايلي ونورت الكشاف علشان اشوف المفتاح بتاع اللمبه علشان تنور الكحل اللي انا فيه ده ومجرد ما نورت الكشاف ووجهتو جوه الاوضه حسيت ان في واحد جري من قدامي بسرعه وقفت مذهول لي ثواني وانا مش مستوعب اللي حصل ده زي ما يكون بني آدم وجري من اول الاوضه لي آخرها ودخل جوه الحيطه واختفي؟!
أعوذ بالله من الشيطان الرجيم البيت ده مسكون والا اي والا انا اللي متهيقلي المهم !!
اتمالكت اعصابي وحاولت اهدي علشان ابقي ثابت قدام الراجل ومسكت الفون كويس وفضلت ادور على مفتاح النور لحد ما لقيتو ورحت نحيتو ودوست عليه مره x التانيه x التالته وبرضو ضلمه مفيش حاجه خالص وانا واقف في كحل حرفيا……. يتبع….
