قصه نباش المقابر
قصة رعب النباش الجزء الأول
عمري مفكرت اني هييجي يوم واحكي فيه اللي حصلي انا شغال شغلانه هي بتتحدد اول مبتولد وزي موالدي وافق بيها كان لازم انا كمان اوافق بيها ( اهي شغلانه الحمدلله والسلام) ايه الشغلانه اللي بتتحدد من قبل متولد.. انا شغال تربي بس ايه....... تربي ابا عن جد متجوز ومخلف ربيع وزي منا مكانش ليا راي في الدراسه قررت اني هعلمه واخليه يطلع معاه شهاده كبيره بس هو محبش العلام وطلع منه وقرر انه يشتغل شغلانه ابوه.
فيوم كنا قاعدين انا وام ربيع وربيع بالساعه 2.30 بالليل مره واحده سمعنا الباب بتخبط بس لخبطه كانت شديده شويتين قومت بسرعه وبقول مين اللي جاي دلوقتي يمكن حد عايزني افتح التربه عشان فيه دفنه الصبح لقيت مراتي بتقولي خير خير فتحت الباب وشفت شخص كان لابس شيك جدا وكان معاه ناس كتير وكلهم كانو واقفين زي صف بس…. ورا الراجل اللي لابس شيك وفي تابوت قدامهم لقيته بيقول تربة جلال قولتله مالها قالي هنزل فيها الامانه ديه
قولتله ازاي محدش اتصل بيا من كام ساعه عشان افتح التربه وتتهوي قالي مفيش حد كان معاه رقمك طلبت اشوف التصريح بتاع الدفن لكنه حط ايده في جيبه وطلع رزمه فلوس كتير اوي وقالي احنا عينينا ليك بس نخلص النهارده والحاجه تنزل سكت الصراحه منظر الفلوس يخلي الجبل يتحرك
قصه ررعب النباش االجزء التاني
روحت عند التربه اللي قال عليها وفتحتها وطلبت منهم انهم يستنوا عقبال منزل انضف التربه من اي عضم.... وانا نازل سالت هي الجثه راجل ولا حرمه بس ملاقيتش حد من اللي واقفين معاه رد لقيته بيقول راجل نزلت عند عين الرجاله وابتديت انضف خلصت وطلعت عشان ننزل الجثه ساعدوني ونزلناها المفروض اول مبتنزل بنرخي الكفن عند منطقه الراس لكن وانا بعمل كده كلهم سابوني وطلعو فكيت الكفن بسرعه وطلعت عشان احاسبهم وبعد كده انزل اكمل توضيب الجثه
لكن لما طلعت ملاقيتش ولا واحد المكان كان هوس هوس ولا كأن كان فيه اكتر من عشرين واحد دلوقتي لقيتني بقول ولاد الكلب كلو عليا حق الدفنه بس هعرف اخد حقي ازاي نزلت تاني التربه وطلعت الكشاف وروحت عند الجثه بقيت اشوف صوابعها لابسه خاتم لقيت خاتم شكله فخم جدا كان معصلج جدا قعدت.. اخبط بالكشاف علي ايده لحد مالخاتم ابتدا يطلع من صباعه وانا بمش الكشاف علي وشه لقيت في حاجه بتلمع لما رجعت الكشاف لقيت حاجه غريبه اوي سنتين دهب كانو السنتين الاماميين طلعت الظرديه من جيبي (الظرديه بتكون معانا علي طول واحنا رايحين نفتح تربه عشان لو القفل كان معصلج نكسره
