قصه الموووت للكبار فقط

#ما_وراء_العائله
كنت بسمع كتير عن الجن والعفاريت وعن الناس الملبوسه والأعمال لاكن مكنتش مؤمن بوجودهم كنت فكراهم مجرد خرافات لحد ما شوفت بعيني 
أنا كمليه طالبه في كلية تربيه 
في يوم كنت خارجه أنا و ابن عمي الي هو خطيبي و في وصت الكلام قالي  تعالي اتغدي معانا  بكره واقضي اليوم معانا رفضت اني اروح عندهم وقلتلو مش هاجي  بسب أن مامته واخته كانو رافضين الجوازه بس عمي الله يرحمه اجبرهم 
ادهم الي هو خطيبي زعل بس قلي ماشي وروحنا البيت طلعت ونمت لأنه كان يوم صعب ومليان محاضرات 
صحيت تاني يوم علي مكالمه من مرات عمي رديت عليها لقتها بتقولي يلا يا كوكي انزلي علشان هنقضي اليوم النهارده سوه استغربت اوي لأنها مش بتحبني 
بس قولتلها ماشي لأني كان نفسي يبق لي أهل بزورهم وبيزروني بعد موت بابا وماما الله يرحمهم  نزلت تحت عند مرات عمي وبنتها استقبلتني كويس ودخلتني ادهم كان برا مكنش في البيت ولم سألت عليه قالولي شوي وجاي قعدنا نتكلم شويه وفجأه بنت عمي قالت لأمها ادخلي في الموضوع علي طول بصيت لمرات عمي وقلتلها موضوع ايه قالتلي بصي يابنتي انتي وادهم بقالكو سنتين مع بعض وطول السنتين دول كنتي عارفه اني مش موافقه علي الجوازه والوقتي الموضع لازم ينتهي وتسيبو بعض 
ابتسمت ابتسامه خفيفه وقلتلها كنت عارفه أن ورا المقابله  الحلوه دي في حاجه، اطمني يا طنط أنا وادهم بنحب بعض والي انتي عايزاه مش هيحصل وجيت امشي لقيتها هي وبنتها قامو وقالو الزوق مينفعش يبق بالعافيه مسكتني مرات عمي وكتفتني ولقيت بنت عمي جايه وقصت حتي من شعري الغريبه أن هي قصت حت صغيره مبوظتش شعري مفهمتش ايه العافيه في كده  قمت بعد مخدت حت من شعري وبصتلها بستهزاء وقلتلها عايزه افهم ايه العافيه في كده وسبتها وطلعت ومعرفتش ادهم حاجه 
عدي يومين علي الموضوع وفي اليوم التالت ابتدت القصه 
صحيت من النوم دخلت اخد شور لقيت المياه قطعه مع أن المياه مقطعتش في البيت من زمان قلت مش مهم مكنش في أي مايه غير في التلجه جبت شويه وغسلت وشي وانا برفع وشي ابص في المرايا لقيت مكتوب عليها بلون الأحمر  You Went In The Woods Away Alone معناه 
انتي دخلتي أعمق الغابه واحيده قعدت اضحك وفكرته مقلب وفلحظه الضحكه الي علي وشي اتقلب وبق صدمه لأني افتكرت اني عايشه لوحدي مين هيعمل فيا مقلب وعلشان اطمن نفسي قلت ممكن أكون رجعت أمشي وانا نايمه تاني وعملت كده وانا نايمه بلروج الأحمر  لأني وانا صغيره كنت بمشي وانا نايمه بس كنت اتعلجت ولم ولما لمسته لقيت أن ده دم مش روج اتخضيت اوي لدرجة أن ايدي كانت بترتعش بس قولت ممكن مياه والوان من الخوف  خرجت اجيب شويت مياه من التلاجه علشان امسح الي علي المرايا لأني مش هقدر اسيب المنظر ده لحد ما المياه تيجي ولم رجعت الحمام تاني ملقتش حاجه علي المرايا وكانت نضيفه نبضات قلبي ذادت من الخوف كنت متأكده أن الي كان مكتوب حقيقي مش تهيؤات بس في نفس الوقت قلت لأ عادي ممكن تهيؤات بس مش اكتر بس الأكدلي أن الي شوفته حقيقي أني لم شوفت الي مكتوب علي المرايا لمسته وكانت ايدي اتوسخت منها ولما جيت ابص علي ايدي لقيت في دم 
طب ازاي ازاي تهيؤات وانا ايدي عليها دم 
غسلت ايدي وخرجت برا قعدت استغفر ربنا واستعيز بالله من الشيطان لحد ما هديت 
قلت اقوم البس واسرح شعري وانزل 
وانا بفتح الدولاب علشان اطلع الهدوم لقيت الهدوم مش مترتبه وكل طقم في مكان  قلت مش مهم ممكن أكون عملتها كده ونسيت لبست وانا بغير هدومي حسيت بوجع جامد في كل أنحاء جسمي جيت ابص لقيت جسمي كله مليان كدمات وخربشه معرفش اي سببها عقلي كان واقف عن التفكير ايه الي عمل في جسمي كده وشوهو بالشكل ده
هنا مكنتش عارفه اطلع مبرر زي ما بقيت ابرر الحجات الي حصلت الأول
بقيت البس بسرعه علشان أخرج وخلص من الرعب ده لبست هدومي وخلصت واخدت المشط علشان اسرح وانا بسرح لحظت أن شعري بيقع بطريقه فظيعه استغربت جدآ لأن شعري طول عمره تقيل ومش بيقع بس كملت تسريح علشان أخرج وفجأه القي راسي بتوجعني جامد وبتجيب دم قعدت احسس في راسي واشوف إذا كانت متعوره ولا لأ بس الغريب اني ملقتش اي تعويره فيها طب الدم ده بينزل منين وازاي جيت ابص علي راسي في المرايا بتاعت الأوضه يمكن يكون في تعويره وانا مش واخده بالي شوفت حاجه عمري متوقعتها صورتي سبته ايوا أنا بتحرك بس في المرايا سبته العيون بس الي بتتحرك في المرايا قررت اني اتصل علي ادهم بسرعه علشان نخرج واخلص من الي أنا فيه لأني مكنش عندي محاضرات في الجامعه اتصلت علي ادهم مردش عليا  كانت اول مراه ميردش عليا قلت اكيد مشغول لأنه دكتور وبيبق معظم الوقت شغال  بعتله رساله وقلتله فيها (اذيك يا أدهم عامل ايه،ممكن تيجي تخدني دلوقتي ونخرج علشان في حاجه عايزه اقولها لك ضروري )شاف الرسايل ومردش ابتديت اشوك هو ليه مش بيرد مع أنه لو مشغول مش هيشوف الرسايل خالص 
اتصلت علي ميار اخت ادهم  هي عايشه في شقه بعيد عن أهلها وهي صحبتي وبتحبني مش زي مامتها واختها  وقلتلها اني هروحلها ولم روحتلها طريقتها معايا كانت غريبه يعني مكنتش فاكره اي حاجه عني زي أنا في جامعة ايه او بشتغل ولا لأ 
قلت يمكن تكون نسيت لأننا بقالنا فاتره متقبلناش 
وقولتلها بضحك انتي بقيتي بخيله كده ليه مسألتنيش تشربي ايه قالتلي تشربي ايه اتحرجت منها لأنها مضحكتش وخدت كلامي جد قلتلها قهوه قالتلي سكرك كام استغربت اوي لأن ميار كانت دايمآ بتفتكر التفاصيل الصغيره معقول نسيت سكري 
عديت الموضوع ومبينتلهاش اني زعلانه وقولتلها مظبوط  دخلت المطبخ عملت القهوه وخرجت قعدت معاها شويه شربنا القهوه وبعدين قالتلي انها هتيجي تقعد معايا في البيت كام يوم قلتلها تنوري 
بصتلي بصه مش قدره افهمها ومردتش عليا 
وبعدين قولتلها يلا هاتي حجتك وتعالي علشان نمشي قالتلي يلا نمشي 
بصتلها وقلتلها طب وهدومك وحجتك 
قالتلي بطريقه غريبه قولت يلا نمشي 
قولتلها ماشي ركبنا العربيه وطول الطريق وهي بتبصلي بصات غريبه وعينها متشلتش من عليا وصلنا البيت وهي فتحت باب العربيه ونزلت طلعت قبلي من قبل ما اقولها اطفضلي حتي واتفاجئت لم طلعت وكنت مفكره أنها هتبقي مستنياني قدام الباب بس ملقتهاش قولت ممكن تكون عدت علي مامتها واخواتها تحت بس ازاي وهي مش بتكلمهم ورجعت قلت ممكن يكون اتصلحم جي في بالي حجات كتير وانا وقفه علي السلم وقلت مش مهم شويه وهتيجي ام ادخل بقي مش هفضل وقف كده ولم فتحت الباب ودخلت هنا كانت الصدمه اصعب بكتير ********* يتبع 
قولولي رأيكم علشان انزل بارتي 2 والأخير