لغز الغموض :قلادة سيوة الملعونة
أنا عارفة يا دكتور أنا غلطانة إني دورت ورا الحاجات دي من الأول أه صح نسيت أعرفك بيا أنا إسمي " مي" عندي 25 خريجة كلية آثار وأنا بعشق التاريخ والرعب وبتفرج علي كل أفلام الرعب وقريت روايات رعب كتير , بتكتب ورايا يا دكتور سامح ؟!
د/ سامح : أكيد بكتب وراكي يا أستاذة مي
مي : تمام بص بقي يا دكتور الأحداث بدأت من يوم ما طلعت بعثة تنقيب في سيوة أول ما رحنا مكان التنقيب كانت في رسومات غريبة وأهل القرية اللي هناك محدش رضي يتعاون معانا المهم الأيام عدت واحنا بنلاقي حاجات بسيطة زي مثلا أواني فخار متكسرة ترجع للأسرة 18 وأنا كنت بنقب وبدور لقيت قلادة شكلها حلو أوي أوي
شكلها قلادة لملكة أو لأميرة أو ل وصيفة المهم القلادة عجبتني ف أخدتها و مقولتش لحد بعدين روحت المكان اللي بنبات فيه خليني أوصفلك المكان يا دكتور
احنا كنا بنبات في فندق كدا وسط البلد وقريب جدا لموقع التنقيب بتاعنا هناك المكان علي شكل أكواخ كل كوخ بيبقي فيه حمام وفي كل كوخ بيبقي فيه إثنين من فريق التنقيب المهم أنا روحت تعبانة و مرهقة جدا وسهليه اللي معايا في السكن لسة مرجعتش كانت بتتمشي شوية في البلد أخدت شاور وبعدين فتحت الشنطة وطلعت اللاب توب والقلادة وورقة وقلم عشان أرسمها وفعلا رسمتها بدقة وبعدين قمت أعمل قهوة ورجعت لقيت الورقة متقطعة يا دكتور متقطعة صغير جدا لدرجة اني مفيش أي ملامح للرسمة اللي رسمتها لميت الورقة ورميتها بعد ما معرفتش اجمعها ولقيت سهليه راجعة دخلت ووشها مخطوف ولونه أصفر سألتها :-
مي:-في إيه يا سهيله!؟؟
سهيله:- لو قولتلك هتصدقيني ؟!!؟
مي :- مالك يا بنتي في ايه احكي وهصدقك يا ستي حتي لو قلتي إنك طلعتي القمر ها ايه اللي حصل بقي ؟!؟
سهيلة :- بعد ما سبتيني وقلتي انك تعبانة وعايزة تنامي أنا فضلت أتمشي لوحدي في القرية بعدين لقيت في كدا قهوة بس علي صغير المهم اول ما عديت من قدامها لقيت راجل عجوز قالي انتي تبع الناس اللي بتفتش علي اللعنه بصيتله بإستغراب قالي تعالي يا بنتي تعالي انا بصراحة فضولي جابني ورحت قعدت مع الراجل قولت له يا حج احنا بعثة بندور علي الحاجات الأثرية لكن لعنه إيه اللي حضرتك بتتكلم عنها ؟!!
الحج صالح :- بصي يا بنتي أنا إسمي صالح وبقالي هنا أكتر من 60 سنة اتولدت واتربيت هنا علي أرض سيوة وعارف حكاويها من قديم القدم واللي انتوا عايزين تفتحوه لو اتفتح هيلعن أهل البلد دي كلها ولو اتفتح مش هيتقفل غير لما ياخد 100 نفر في وشه
واحة سيوة الصفحة الثانية
سهيلة:- لأ فهمني براحة كدا يا حج صالح تقصد إيه وأنا قولتلك إحنا تبع بعثة أثرية مش أكتر وكل أوراقنا سليمة الحج صالح:- أنا مقصدش لا الأوراق ولا إني أشكك فيكم أنا أقصد المكان اللي بتدورا فيه مكان ملعون من زمن يعني يا بتي بدل ما تجيبوا لنفسكم الأذية وللبلد غيروا مكان التنقيب اللي بتقولوا عليه ديه
سهيلة :- نغيروا هههه إزاي دا إحنا أصلاً جايبن هنا وبعثتنا دي عشان المكان دا وصارفين ألوف عشان المكان دا إزاي يا حج بس هي مش بالساهل كدا
الحج صالح:- أنا قولتلك اللي عندي يا بتي واللي يحميكم ويحمينا و معنديش أكتر من إكده تعالي أوصلك يا بتي مينفعش تروحي لوحدك
سهيلة :- أنا قولتله مفيش داعي والله يا حج لكن أصر وطول ما إحنا ماشيين في الطريق شغال يقول أذكار ويستغفر وكأن في حاجة غريبة او هو بيشوف حاجة غريبة إيه رأيك بقي ليا حق أجيلك مرعوبة ولا لأ وكمان بصي بقي أنا مش عايزة أكمل ......
مي :- لأ طبعا ملكيش حق تخافي من إيه يا هبله وهو تلاقيه بيقول كدا عشان همن عارفين إن في أثار في الأرض دي وعايزين يخدوها لنفسهم وميرجعوش حق الدولة وبعدين من طريقة كلامه معاكي باين قوي إنه مش متعلم وبعدين مش عايزة تكملي ليه يا هبلة دا المكان مليان كنوز دا أنا حتي........
سهيلة :- إنتي حتي إيه يا مي .....
مي :- لأ ولا حاجة أنا يعني كنت أقصد إن حاسة إن في كنوز كتيير
سهيلة :- بصي هو كلامك مقنع لأي حد مشافش طريقة تعامل الراجل دا كان بيتكلم جد جدا ولا لما كنا ماشييين أنا بجد كنت هنهار
مي :- سهيلة بطلي هبل بلا هتنهاري بلا هزار وبعدين يعني هو أكيد كلامه هيبقي مقنع جدا يعني اللي يسرق هيقولك أنا حرامي بطلي هبل ونامي شوية معانا شغل كتير الصبح تصبحي علي خير أنا بقولها الكلام دا حسيت اني بكدب علي نفسي مش عليها بس أنا شفت حاجة حصلت قدامي وعلي فكرة أنا مؤمنة بفكرة الجن وكدا عشان كدا حسيت إن في حاجة غلط بس رغم كل دا نمت ...
سهيلة :- اصحي يا خم النوم إيه مشبعتيش نوم يلا يا مي يلا دا أنا صحيت. ورتبت الأوضة وجهزت الشنط
مي :- هاهاها أيوة أيوة صحيت اهو قومت غسلت وشي ولبست وفطرنا واحنا وطالعين الباب يخبط ويطلع عصام زميلنا شغال معانا برضوا
عصام:- صباح الخير اعتبروا إن امبارح كانت أخر ليلة تريحوا فيها
مي :- ليه خير إن شاء الله
عصام :- مدير البعثة قال إننا هنتقسم شفتات شفت الصبح وشفت بالليل عشان منقعدش كتيىر عشان الميزانية وانتوا عارفين الباقي بقي
سهيلة :- يا خي منه لله نفسي أعرف بيعمل فينا كدا ليه معاه ميزانية تكفيه سنة للبعثة وهو عايز يكروتنا الفلوس دي بتروح فين نفسي اعرف
عصام:- أنا جيت ابلغكوا ويلا سلام
مي :- يلا بينا أكيد مديرنا السكر هيعمل إجتماع كمان شوية أقسملك يا دكتور إني أنا وبقول الجملة دي وبقفل باب الأوضة شفتلك ست واقفة وعينها بيضا بتضحكلي أنا اترعبت ورزعت باب الاوضة حتي سهيلة اتخضت
سهيلة :- براحة يا بنتي علي الباب مش كدا , ليه صحابه دا
مي :- المهم رحنا ولقيناه فعلاً ناصب خيمة جديدة وعامل اجتماع ومجمع فيه كل اللي شغالين في البعثة
المدير :- بصوا بقي شغل المرقعة دا مينفعش إحنا هنا للشغل مش في رحلة وإحنا لغاية دلوقتي معملناش أي تقدم أو لقينا حاجة عليها القيمة لازم تشدوا حيلكوا يا أساتذة ومن النهاردة هيبقي في شفتين شفت الصبح وشفت بالليل
شفت الصبح هيبقي في سهيلة وعصام و.....
مي :- هو بيتكلم عن بتوع شفت الصبح وأنا مش معاه أنا مع ضل بيتحرك حولينا
المدير :- شفت بالليل هيبقي فيه مي و دينا وماهر
تمام يا أساتذة معانا يا أستاذة مي ؟؟!؟
مي :- مع حضرتك طبعا يا فندم
المدير :- تمام يلا كله يروح علي شغله وبتوع شفت الليل يروحوا يشوفوا الخرايط عايزين البعثة تلاقي اكتشاف عظيم
Sondos Elbana.
