قصة الجريمة 13 للكاتب اسلام احمد
الجريمة رقم 13
لا فاضل واحد بس والجريمة 13 تكمل متقلقش انا عارف مين الواحد ده وبكره او بعده بالكتير هيكون عندى .. سامع المكالمة دى من صحبي جمال واتصدمت جدا لان جمال ده كان بالنسبالي هو الصاحب اللي طلعت بيه من الدنيا ، كان قاعد في غرفة التمريض
وسمعته من علي الباب بتاع الغرفة لان كان مفتوح
شوية ، بعد ما خلص مكالمة في التليفون دخلت وقعدت معاه قلتله ازيك يا جمال ، قالي تمام الحمدلله
، وانت عامل ايه يا صالح ، تمام يا جمال ، عايز اسأله
عن اللي سمعته بس متردد ، وبعدين فجأة قلتله جمال انت مش بتخبي عليا حاجة وانا حاسس كده ان فيه حاجة مخبيها عليا ، قالي ليه بتقول كده يا صالح مفيش حاجة ، اخدت نفس عميق ورحت قايله جمال
انا سمعت المكالمة اللي لسه قافل فيها وسمعت كل اللي قلتله فلازم تفهمني حالا ً لاني انا مش قادر اصدق اللي سمعته ، قالي انت بتجسس عليا يا صالح ، قلتله علي فكره انا سمعتك صدفه بس دى مش مشكلتنا خلينا في اللي سمعته وإيه حكاية رقم 13 , قالي ملكش دعوة اللي سمعته وخليك في حالك يا صالح اديني بقولك اهو احنا اصحاب ومش عايزين نخسر بعض ، وسابني ومشي ، انا سبته يمشي وبعدين مشيت وراه من غير ما يعرف لقيته نزل من المستشفي
ومشيت وراه لقيته طلع التليفون ووقف وراح مكلم واحد وقاله ، إحنا انكشفنا صالح سمعنى وانا بكلمك
، جمال كان بيسمعه بعد ما قاله اني انا سمعت المكالمة ، لقيت جمال قاله إيه ! صالح هو الجريمة رقم 13 ، اول ما سمعت الجملة حسيت اني اتحطيت جوا تلاجة ...
روحت البيت وانا مصدوم ومش عارف انا في حلم ولا ده حقيقة ، جمال اللي كنت بقول هو صحبي اللي طلعت بيه من الدنيا طلع قتال قتلة لا وكمان عايز يقتلني ، فجأة لقيت بابا في وشي وبيقولي مالك صرحان في إيه ، قلتله لا مفيش حاجة انا جاى تعبان شوية من الشغل وهخش اريح شوية ، قالي طيب وراح دخل الغرفة بتاعته ، رحت ادخل الحمام اللي جمب غرفة بابا سمعت بابا بيتكلم في التليفون وبيقول ، هو راجع مصدوم من اللي سمعه منك وانت ازاى تكلمني وانت في الشغل ، وقفت اتصنت علي الباب ولقيت بابا كمل كلامه في التليفون وقال ، خلاص يا جمال هما اختاروا صالح يكون رقم 13 وانا لازم انفذ اللي قاله عليه اتصدمت أكتر ما كنت مصدوم
ولقيته كمل كلامه وقال ، مانا ضحيت قبله باخته وأمه
، هنا بقا كأن في نيزك وقع عليا من السما يعني ماما واختي مماتوش في حدثة ولا حاجة زى ما بابا فهمني ، الدموع نزلت من عنيا وانا بقول بابا اللي قتلهم وقلت كده لازم انتقم لامي واختي
رنيت علي جمال قلتله عايزك تجيني البيت حالا عايزك في حاجة مهمة جدا بخصوص الشغل وانا اسف اني زعلتك الصبح انا المفروض ما كنتش اتصنت عليك وانا اساسا مليش دعوة بحاجة ، قالي ولا يهمك انا مش زعلان ، قلتله المهم عايزك حالأ تيجيني البيت النهاردة ، بعد ما قفلت مع جمال ، بلغت الشرطة اني فيه جريمة قتل عندنا ، اول ما جمال جه قلتله جمال انا عارف ان بابا هو اللي كان بيكلمك وقلك تقتلني وعشان يخلص منك بعد لقيته مصورك وانت بتقتل
وانا لقيت الفيديوهات دى لو عايزها عايزك دلوقتي حالأ تاخد سكينة وتدخل تقتل بابا وانا هاديك الفيديوهات ، قالي يعني عادى اني ابوك يتقتل قلتله
، انا عرفت ان هو اللي قتل امي و اختي ، ، دخلت المطبخ جبتله السكينة وقلتله هتقتله ولا إيه ؟ واديتهالوا ودخل عند بابا اول ما سمعت بابا بيصرخ و بيقول ااااه
لقيت الباب الشقة بيخبط فتحت لقيت الشرطة دخلوا في الغرفة لقيوا بابا مقتول ولقيوا السكينه في أيد جمال ومغرقة دم والشرطة قبضت عليه.. وبكده يا اسلام اكون انتقم من اللي قتله امي واختي و10 اشخاص غيرهم بس ايه الجريمة رقم 13 ،و ليه عملوا كده هو ده اللغز اللي مش فاهمه !! بس مش عارف ليه لقيت علي شباك غرفتي مكتوب رقم 13 بالدم وده كان امبارح بس يا اسلام ودى كل الحكاية .
تاليف : اسلام احمد
فضلا منكم دعم جامد ب رأكت ، وشير للقصة ، ومنشن لصحبك ، واهم حاجة كومينتاتكم بملصق ورايكم . 
