تزوجت من جن عاشق
القصة متعلقة بالجن العاشق و احنا سمعنا عن الجن العاشق كثير و لا يمكن لاحد انكار وجوده و مفيش اكثر من القصص اللي بتتكلم عن الجن العاشق و الجنية العاشقة ، بعضها حقيقي و البعض الاخر من وحي الخيال .
دي قصة حقيقة عن الجن العاشق و صاحبتها اسمها دينا و بتقول انا بنت عادية زي كل البنات و عايشة مع والدتي ووالدي و اخواتي الاثنين عبدالله و عادل و احنا عيلة مرتاحيين ماديا الحمدالله و بشتغل في شركة من الشركات الكبيرة و في يوم من الايام الشركة طلبت ناس جديدة تتعل و تتعين في القسم و جت مجموعة جديدة و كان منهم نبيل و نبيل كان انسان محترم و من كلامي اكيد انتو فهمتوا ان معجبة بيه و هو كمان معجب بيا و طلب ايدي ووافقت و حددنا ميعاد الجواز ، و الشقة اتجهزت و كل حاجة الحمدالله مشيت كويس لحد ما جي يوم الفرح و انا طالعة علي السلم في اول يوم ليا في البيت بمجرد ما باب الشقة اتفتح رجلي وقفت مقدرتش اتحرك لدرجة انه افتكر اني بدلع و قالي انتي عايزاني اشيلك زي الافلام قولتله انا مش بهزر انا رجلي وقفت بجد مش قادرة اقف و بعدين سندني و دخلني الشقة و حسيت ان مخنوقة جدا و قولتله انه يتصل ب امي و فعلا امي جت مخضوضة و قالت في ايه و قولتلها ان من اول مادخلت من باب الشقة و انا مخنوقة و نفسي مكتوم و رجلي و قفت و امي راحت عند عتبة باب الشقة و حطت ايديها عليها ف نبيل قالها في ايه قالتله يمكن يا ابني حد رشلكم حاجة و قعدت معايا شوية لحد ما هديت و طبطبت عليا و قالتلي يا بنتي ربنا يوفقك و يسعدك و ان شاء الله مفيش حاجة هتحصل .
و عدي يوم اتنين تلاتة و الحمدالله الحياة اتحسنت و رجعت شغلي و في يوم من الايام رجعت شغلي كنت تعبانة و دخلت نمت و صحيت علي نبيل بيخبط علي كتفي و بيقولي اصحي اصحي يا دينا ضروري و صحيت لاقيته قاعد جنبي و مبتسم فبقوله انت جيت امتي من الشغل ، قالي انتي اللي نمتي كتير من وقت ما جيتي من الشغل و انا مش هفضل قاعد لوحدي كدا انا عايز اتغدي معاكي احنا لسه عرسان المفروض قولتله حاضر انا هقوم اجهز الغدا و انا مجهزاه من امبارح بالليل مجرد بس هسخنه و نتغدي ، طلعت و كالعادة جهزت الغدا و هو ساعدني بالحاجات اللي يقدر عليها و كنا بنهزر و قالي في وسط الهزار مبروك علينا يا حبيبتي فقولتله انت لسه فاكر جاي تقولي مبروك دا انت مقولتليش مبروك غير ليلة الفرح قالي هو انتي نسيتي اللي حصل ليلة الفرح و قعدنا نضحك .
المهم القعدة كانت جميلة و حطينا الاكل علي السفرة و اتغدينا و دخلنا الاوضة نرتاح شوية و نمنا و صحيت من النوم علي صوت موبايلي بيرن رنات انا حاسة اني سامعاها من بعيد و حاولت اقوم و اقاوم علشان اصحي و صحيت مبصيتش بصراحة مين بيتصل لاني مكنتش مركزة و فتحت الخط ، الو مين ؟ نبيل مين ؟ رد انا نبيل جوزك يا حبيبتي ، قولتله انت خرجت امتي ؟ رد قالي انا بتصل بيكي من شوية مبترديش ليه عليا ، قولتله انت خرجت امتي ؟ رد قالي خرجت الصبح وقت الشغل و انا بكلمك بس عشان اقولك ان هتأخر و هتغدي مع واحد صاحبي علشان عنده مشكلة في العربية و هرجع كمان شوية ، و انا بكلمه بصيت جنبي علي السرير لاقيت نبيل نايم و فتح عينيه علي الاخر و ابتسم ابتسامة مرعبة مخيفة ، قولتله في الموبايل نبيل انت بتكلمني منين اومال مين اللي معايا في البيت دا و مين اللي اتغديت معاه و بعدها الخط اتقطع و بصيت في الموبايل نظرة خاطفة كان رقم نبيل فعلا فقومت نطيت من علي السرير ووقفت مش قادرة اتحرك قولتلته انت مين انت مين قالي انا جوزك ليا فيكي زيه بالظبط و يمكن اكتر ، انا جوزك من اول ليلة دخلتي البيت من اول ليلة رجلك تعبتك ووجعتك و انتي داخلة الشقة لان انا اللي كنت بستقبلك انتي مراتي .
نزل من علي السرير و بدا يتحرك ناحيتي و هو بيتحرك ملامح وشه اتغيرت اتغيرت كلها و ظهرله قرنين ووشه بقي لونه ازرق و بعدها اسود و عينيه بقيت حمرا زي الدم و صرخت ووقعت من طولي علي الارض و لما فوقت لاقيتني علي السرير و امي واقفة قدامي و منهارة من العياط قولتلها في اية فبتسمت و قالتلي مفيش حاجة يا حبيبتي دا من الفرحة و لسه الدكتور خارج دلوقتي مبروك يا حبيبتي مبروك انتي حامل ، قولتلها ايه ؟ حامل ؟ قالتلي ايوة حامل .
القصة ليها جزء تاني .
اتمنوا تكونوا استمتعوا بالقصة
