نباش القبور رعب حقيقي مع المتعة

نباش القبور

الان موعدكم مع القصه الغريبه

انا فعلا حسيت اني مريض نفسي و انا بكتبها

اتمنا لكم قراءه ممتعه

---------------------

انتا بتعمل اي يا عزت؟

-نفس الجمله بسمعها منها كل مره

:ما انتي عارفه يا امال ولا لسه هتتعرفي عليا جديد

--

امال= ربنا يهديك

عزت= نامي يا مره مش عايز كلام

--

مشيت لحد الضيف الجديد و الظاهر ان اعماله في الدنيا مش كويسه

عشان القبر بتاعه حزين...

فتحت القبر و دخلت وسط الميتين و انا اتعود على المنظر ده

قربت من الضيف و قطعت رباط الكفن من عند وشه

و لما كشفت الكفن لقيته مفتح عينه

:هاهاها مالك خايف ...مش تخاف بكره تاخد على كده... حبايبك كلهم جمبك

قفلت عنيه بأيدي

وطلعت البنسه او الزراضيه زي ما بتسموها

و فتحت بوقه و خلعت 3 اسنان منه

و بعد كده لقيته فتح عينه تاني

:وبعدين معاك لو عايز تقول حاجه قولها هاهاها

طلعت من القبر و قفلت ورايا

هااااا و اخيرا خلصت ..و قربت.اخد الترقيه

ايوه بالظبط كده .. انا نباش قبور...مستغرب ليه على الاقل هما ميتين

و انا مش بقول اني ملاك بس هل انتو تقلو عن الشياطين ...ابدا

مشيت لحد الاوضه بتاعتي الي هيا في وسط المقابر و مقفوله بقفل محدش يعرف يفتحه غيري

دخلت و قفلت على نفسي

شكل الاوضه جدار عباره عن ارفف كتب ليها علاقه بالسحر

و السقف متعلق في رؤوس صقور و غربان و في نص الاوضه في الطبليه

و الطبليه هيا حاجه بنقعد حواليها و المفروض بيتحط عليها اكل بس انا استخدمتها استخدام تاني

قعد قدام الطبليه و طلعت اسنان الضيف

و صورة بنت جميله جدا... و بدأت اطلع الورق و اكتب عليه الطلاسم

و بكتب على ضهر صورة البنت

(توكلو بأسم الاعظم على مريم بنت ميرفت)

و بدأت اكتب الطلاسم على الورق و انا بقول بهمس

بحق الاسماء السبعه اطيعوني و نفذو امري و لكم ما شئتم

و كلام تاني من الافضل ليك مش تعرفه

و بعد كده خلصت الطلاسم الي على الورق و حطيت جواهم اسنان الضيف

و لفيت الورقه و طلعت بره الاوضه

و فتحت قبر الضيف تاني...امال انتو فاكرين انه كده خلاص هاهاها

و دخلت على الضيف و كشفت وشه...بس لقيته مفتح عينه و بوقه على الاخر كأنه بيصرخ

انا ايوه بشوف حاجات غريبه بس اول مره ده يحصل...بس كويس وفر عليا محاولة فتح بوقه

حطيت العمل جوه بوقه و دخلت ايدي لجوه الزور بتاعه...

و بعد كده طلعت من عند الضيف و قفلت القبر نهائي خلاص

اتصلت ب الشخص الي طلب مني اعمل العمل للبنت

عزت: الو المطلوب حصل

الشاب:تمام بكره هجيبلك باقي الحساب

قفلت معاه و روحت البيت

لقيت مراتي واقفه مستنياني

عزت: مالك في اي

امال: ابوس ايدك كفايه تعذيب في العايش و الميت كفايه...

عزت: ايوه و ماله ابطل هيا سهله كده و بعدين لو بطلت يبقا قدامي مصير واحد ...الجحيم

امال: ربنا موجود يا عزت و هيوقف معاك

عزت: ربنا؟ ربنا هيوقف مع حد كفر بي .. ربنا هيوقف مع حد بيعبد غيره افهمي بقا

امال: يعني اي بتعبد غيره يا عزت؟؟

عزت: يعني الي جه في دماغك

-

سبتني و مشيت نحيت السرير و نامت و هيا بتعيط

مره نكديه بس بحبها

طيب تعالو بقا احكيلكم انا مين

انا واحد امي و هيا في سن المراهقه غلطت مع واحد الي هو ابويا

و لما اهلها عرفو قتلوها بس عرفو متأخر

و لما دفنوها يشاء ربك اني اتولد في المقبره وسط الميتين

و كان الجزار داخل عشان يرحب بالضيف الجديد زي ما انا عملت النهارده

و لقاني مرمي و بصرخ

خدني و خرج من المقبره

اه صحيح الجزار هو التربي الي قبلي و الي رباني

خدني و كان عايز يقدمني قربان للشطان .. بس الشيطان مش قبل مش عارف ليه

او مكنش يعرف ليه ... فا قرر يربيني و يورثني الشغلانه

و فعلا و انا في سن ال10 سنين كنت متعلم حاجات يمكن انتا مش تقدر تستوعب اصلا انها موجوده

و اتعلمت اكتر من الجزار نفسه .. بدأت اشتري كتب اكتر و عملت الاوضه دي لوحدي

فجأه شاف الجزار اني خطر عليه و على كل الناس

و هو فعلا عنده حق ... و مع اول مقابله مني مع ملك من اقوى و اقوى ملوك الجان

طلب مني اثبات ولائي ليه

ركعت ليه و انا مش متردد لحظه... بس ده مكنش كفايه

طلب مني اقطع اجزاء من جسمي و ااكلها للكلاب

و نفذت الي طلبه... طلب مني امارس افعال مع الموتى و اطلعهم من القبور و نفذت

طلب مني اقتل كلب و قطه و اخلط دمهم و اشربهم و نفذت

و اخر حاجه طلبها هو الجزار مش خساره فيه

كتفت الجزار في الاوضه و بسكينه برده جدا دبحته

و من يومها و انا املك قوه محدش يقدر يتخيلها

هاهاهاها صدقوني و ده واحد في الميه من الي حصلي

الي انا اعرفه ممكن يخليك تشيب

و طبعا هتسأل و اي الي مخليك تشتغل تربي

عشان سهل عليا اوي اعمل السحر في اسرع وقت

مكنش بكدب لو قلتلك ان كل الميتين فيهم سحر

و اه مراتي اول مره تعرف اني سجد ل الشيطان

--

قطع تفكيري صوت التلفون

و كان رقم مجهول .. شكلهم ناس اغنياء..رديت

:الو مين معايا..

-مش مهم مين معاك المهم عايزين جثه لسه جديده جاهزه عندك

:انتا تقصد اي انا مش عارف انتا بتكلم عن اي...

-مش تخاف يا عزت انا جايلك من طرف ممدوح الي في كلية طب

:طيب بص تعلالي دلوقتي تعرف

-دلوقتي متأخر اوي

:خلاص تعاله في عز الضهر...احنا هنهزر

-خلاص جايلك جايلك سلام

-

و بعد عشر دقائق وصلت عربيه سوده المكان

اتحركت عليها و كان في اتنين فيها

واحد شكله الي كلمني في التلفون و التاني شكله مش طايقني اصلا

روحت سلمت على الشاب الي كلمني

عزت:اهلا و سهلا اسم الكريم اي

-كريم

عزت:هاهاها يا محاسن الصدف...و انتا اسمك اي

مش رد عليا و كان بصصلي بقرف بس رد كريم بسرعه

كريم: احمد... اسمه احمد يا عم عزت

عزت: طيب يا عم احمد مش تبصلي كده عشان مزعلش منك

احمد:و هتعمل اي يعني لو زعلت اتكلم على قدك يا راجل انتا

عزت:و ماله نتكلم على قدي...طلباتك اي يا استاذ كريم

كريم:معلش يا عم عزت هو بس...

عزت:طلباتك اي يا استاذ كريم

كريم: جثه مش عدت عليها يوم للتشريح

عزت: موجود

كريم:و الي انتا عايزه هدهولك

عزت:انا مش عايز فلوس يا استاذ كريم دي هدية مني ليك

و كنت بتكلم مع كريم و انا باصص لأحمد بنظرة غل

كريم:ربنا يكرمك يا راجل يا طيب و انا هقول لكل الطلبه عليك والله

عزت: تعالو ورايا

و مشيت لحد مقبره لسه مدفون فيها واحد الصبح و فتحت الباب و قلت

عزت: ادخلو هاتو الجثه الي على اليمين

بصو لبعض و كانو مفزوعين

عزت:معلش يا استاذ كريم ضهري تعبني

كريم:ح.ح.حح.حاضر ياعم عزت

احمد: حاضر اي انتا اتجننت عايز تدخلنا قبر

كريم: خلاص بقا هما دقيقه و خارجين

احمد:ماشي ياعم اما نشوف اخرتها

نزلو هما الاتنين..و انا نظري مش نزل من على احمد

و لما دخلو قلت ل كريم

عزت:ايوه صحيح نسيت اقولك...مقابل الجثه دي بديل

كريم:يعني اي بديل

عزت: يعني يا استاذ كريم الجثه في شنطة عربيتك اطلع و خدها و امشي

احمد: اي ده الحقني يا كريم

كريم:مالك يا احمد في اي

بداء ايد احمد تتشل و كلامه بطيئ و كان خايف اوي

احمد:مش عارف.. انا مش قادر اتحرك..س.س.ساعدني يا كريم

كريم: مش تخاف انا مش هسيبك

عزت: للاسف لازم تسيبه ...اصل انا عايز اشوف بجاحته هتعمل اي

حاول كريم يشيل احمد بس مستحيل ده يحصل

احمد:م.مت.متسبنيش يا كريم

كريم: ارجوك يا عم عزت ارحمه احنا اسفين مم.مش عايزين جثه خلاص

عزت: استاذ كريم قدامك خمس دقائق لو فضلت جوه مش هتطلع ابدا زي صحبك

فجأه كريم بص على احمد و هو بيعيط.. و سابو و طلع يجري على العربيه و خدها و مشي

عزت: شوفت بقا صحبك عمل اي

اتكلم و هو مش قادر يتنفس

احمد: ارجوك ارحمني ارجوك

عزت:الرحمه من صفات ربنا و انا مش ربنا ... و مش تخاف انتا مش هتموت مع ان دي حاجه تخوف اكتر

قفلت عليه باب القبر و مشيت و انا بضحك و سامع صوت صراخ الشاب المسكين

هاهاها هو الي استفذني يا جماعه ولا عشان انا غلبان يعني هاهاها

اكيد اكيييد اوي..انا بستمتع بكده مش هيكون اغلى من الي رباني و قتلته بأيدي يعني

و هو يستاهل الصراحه عشان يتعلم الدرس الاخير في حياته الاحترام

دخلت الاوضه و نمت

-

حلم

--

انا واقف في وسط المقابر قدام الاوضه

و لما دخلتها اتفاجئت انا قاعد و مراتي نايمه قدامي على الارض

و هيا مش قادره تتحرك زي مايكون بتحلم بكابوس و مش قادره تتحرك

و ظهر قدامي سيدي الجن الي سجد ليه

و كان بيقول حاجه انا مش سامعها

بس لقيت نفسي طلعت سكينه

و فتحت بطن مراتي...و طلعت طفل راسه فيها قرون

و حطيته قدام الجن

و فجأه لف الشخص الي هو انا لنفسي و انا بتفرج عليه

و طعن نفسه بالسكينه...

-----

هاااا

امال:مالك...مالك يا عزت

عزت:كابوس

امال: معلش يا حبيبي هيا مش اول مره

عزت: لا المره دي مش كابوس عادي

امال: يعني اي؟

عزت: يعني تجيبي اختبار حمل

امال: ازاي بس يا عزت ما انتا عارف اني مش بخلف

عزت:اسمعي الكلام

-

قومت من النوم و انا بفكر

انا مش اول مره احلم بكابوس بس انا عارف معنى الكابوس ده اي كويس اوي

كانت الساعه5 بعد العصر

اه معلومه عني...انا لما بسمع الاذان قوتي بتختفي و بكون ضعيف اوي كمان

اتصل بيا شخص غني بيدفن قرايبه هنا و قال ان اخو مات

و انو عايزني اغسله بنفسي لأنه ده كان طلب اخو

استغربت اوي من حكاية طلب اخو دي اشمعنا انا يعني

بس عادي مش اول مره اغسل ناس يعني

روحت عندهم و كنا بعد اذان المغرب بالضبط

و كانو مستعجلين يدفنو قبل ما الدنيا تكون ضلمه اوي فا دخلت علطول

-

--

انا بس الي في الاوضه مفيش حد رضي يخش معايا كانو خايفين

كانت اوضه واسعه و هو على تربيزه رخام ابيض

دخلت و بصيت في وشه...انا حاسس بحاجه غلط ده احساس عمره ما جالي

ما انا مش معقول هخاف يعني...

و فجأه و انا باصص في وشه فتح عنيه ...

اتكلمت و انا لسه باصص في عنيه

:اي ؟عايز تخوفني ولا اي ..

و عقابا للعمله الميت ده

حطيت عليه مايه مغليه على وشه و جسمه كله

كان بيطلع دخان...بس مش كترت عشان مش يبان للناس

و بدأت في تغسيله و انا بقول طلاسم

مش تستغربه ده فرصه جمييله جدا

اصل ليا طريقه معينه لتغسيل الموتى و بطلاسم معينه بتتقال

ده بقا بينفع في اعمال تقيله اوي اوي للناس المؤمنه يعني مش سهل يتعملهم عمل

بس الباشا ده فرصه حلوه للاستغلال

---

و انا بغسل في و في نص التغسيل حصل الي كنت خايف منه

اذان العشاء اذن

و انا كنت بقول طلاسم لساني اتشل و حركتي وقفت تماما...

و انا مفزوع جدا و انا باصص على الجثه و عنيا هتطلع من مكانها

عارفين ليه؟

عشان الجثه مسكت ايدي...و ايده كانت كلها كانت عباره عن جمرة نار بتحرق فيا

و فتح عنيه تاني ..بس المره دي حركها نحيتي و بص في عيني

ده مستحيل يحصل ازاي انتا ميت

الكلام ده كنت بقوله من جوايا

ولاكن اتفاجئت ان الجثه قامت قعدت و رد عليا بصوت يشيب حرفيا

(مهما تكبرت ايها الصعلوق..ستبقى عبد حقير و حسابك جحييييييم)

و بعد لما خلص بدأ يضغط على ايدي بقوه غريبه

و .. و انا ضعيف جدا و مستني الاذان يخلص

بس الوقت بطيييئ و انا هموت

و مع ضغط ايده.... ايدي اتكسرت زي الازاز من كتر الضغط عليها

و انا مش قادر اصرخ...و مسكني من رقبتي

و بداء يرفعني من على الارض...

ايده جمرة نار انا مش قادر اتنفس

و بداء يبصلي و عنيه بقت كلها بيضا

و مع نهاية الاذان فقد الوعي...

..

....

......

..........

فتحت عنيا لقيت نفسي في الاوضه و امال جنبي

عزت: هو اي الي حصل

امال: دخلو عليك لقيوك فاقد الوعي و...و و ايدك

عزت:اي ده؟؟ انا ايدي فين

امال:لما خدوك على المستشفى لقيو عضم ايدك كله متكسر بطريقه غريبه فا اتطرو يقطعوها

عزت:يقطعوها و انتي وفقتي ليه يا بنت ال...

امال: اهدي اهدي هما قالو ان لو مش قطعوها هيبقا في خطر كبير عليك

عزت: خطر اي؟ انا كنت هعرف ارجعها

امال: هترجعها ازاي بس بقولك العضم كله اتكسر زي الازاز...و. و في حاجه عايزه اقولهالك

عزت: خير يا وش السعد

امال: لما دخلو عليك في اوضت التغسيل ... لقيو الميت كان ماسك ايدك مكان الكسر

عزت: عارف ...هو فين ده انا هطلع...

امال: دفنو نا في المقابر بتاعتهم

عزت: كويس عشان حسابه معايا عصير

امال:حساب ميت؟ ده ميت يا حبيبي هو اي الي حصل اصلا معاك

عزت: ميت هاهاها ده انا هخليه يتعذب و هو ميت هو و اهلو كلهم

امال: هو اي الي حصل يا عزت

عزت: مش لازم تعرفي و قفلي عن الموضوع ده و مش تسألي في نهائي

امال: عزت فاكر لما قولت اعملي اختبار حمل

عزت: ايوه و اي النتيجه

امال: النتيجه معجزه يا حبيبي انا حامل

-افتكرت الحلم ... و عرفت ان جه وقت الترقيه

عزت: مبروك يا قلب عزت

امال: عزت كفايه بقا الشغلانه دي عايزين نعيش في امان يا حبيبي و توب و...

عزت: مش تخافي يا قلب عزت اوعدك مش هتحسي بزعل تاني خااالص

امال: بجد يا عزت

عزت: بجد

-

خرجت بره الاوضه و في طريقي للأوضة السحر بتاعتي

دخلتها و و قعد على الارض ... و بدأت التحضير

بأسم الملوك السبعه بأسم اسماء كل ملك من ملوك الجان ان تحضرو في الحال العجل العجل الساعه الساعه ااتوني مسرعين مسرعين مسرعين نخيش نهيش بروش عريش منظور بريش احضرو في الساعه الساعه العجل العجل الساعه الساعه العجل العجل

-

فجأه ظهر قدامي ...

عايز اوصفلكو شكله .. هو عباره عن هيكل عظمي

وشه كان في قرون طلعه من كل مكان في وشه

و عنيه جهنم و ليه ديل زي السيف

و طويييل اوي

ظهر و قال بصوته الي بيهز الاوضه كلها

(ماذا تريد يا خادمي المطيع)

:اريد طلب الترقيه سيدي

(الترقيه لابد من تضحيات و انت لا تستطيع القيام بها)

:استطيع سيدي زوجتي حامل و انا اعلم ما المطلوب جيدا

(حسنا قبل اتمام رابع شهر ستنفذ المطلوب و ستحصل على ترقيه غنيه جدا)

:حسنا يا سيدي سوف انفذ عن قريب

--و بداء يختفي و طلعت بره الاوضه و انا في كامل السعاده

انا اخيرا هاخد الترقيه...

انتو مش مفاهمين يعني اي ترقيه صح؟...

الترقيه ان قوتي و مكانتي هتزيد اضعاف اضعاف..و مش هكون عزت التربي

هكون مولانا عزت الي بيعمل معجزات ...الي بيشفي المريض و يعيش الموتى

هملك من العلم جرعه مش مع بني ادمن على الكوكب كله

روحت على الاوضه بتاعتي و لقيت امال نايمه

انا بحبك يا امال يمكن قلبي موجود علشانك...بس ده مش سبب يحميكي مني

انتي الي غلطي يوم ما وافقتي تتجوزيني..كنتي فكره يا مغفله

حتى لما عرفتي اني كافر مش قدرتي تبعدي عني...ليه كل الحب ده

كنتي مستعده تعيشي معايا في اي ظروف

حد يحب شيطان...

صحيت امال و انا بفكر في الكلام ده و باصص لها

قالتلي مالك

رديت مفيش بتوحشيني بس نامي يا حبيبتي

و نامت فعلا و هيا مبتسمه

و انا خرجت لطريقي لقبر محدد

القبر الي سجنت في الشاب المغرور... ايوه سجنته مش مات

دخلت القبر و قعد جمبه و هو زي المشلول مش قادر يتحرك

و السبب ان في اكتر من 5 عشاير كمله من الجن موجودين في

قعد جمبه و بدأت اتكلم..

*

عارف الي انتا في ده بسببك انتا

مبحبش اشوف حد بيتكبر عليا .. و انتا فيك تكبر فرعون

بس وقعت مع ابن شيطان مش بيرحم حد

اه شايف ايدي راحت بسبب غلطه و استغلوها كويس اوي

بس اوعدك انها مش هتتكرر تاني .. تصدق انك صعبان عليا اوي

اه قاعد وسط ميتين و مش قادر تتحرك

بعد ما كنت عايش ملك زمانك و بتتأمر و تفتري على الناس

بس خلاص كفايه عليك كده انا هعملك خدمه

انا هقتلك ياعم افرح بقا

*

و كل الي انا عملته كفنته بصعوبه شويه عشان ايدي

و كتمت نفسه و انا قاعد جمبه

و هو يا حرام بيحاول يتحرك مش قادر

انتا الي حكمت يا ابن ادم على نفسك بتكبرك انتو كده احفاد فرعون

هاهاهاهاهاهاهاهاها

...

خلاص قطع النفس و دي نعمه بالنسباله علفكره

طلعت من القبر و رجعت الاوضه

و نمت و انا بفكر في الترقيه

-

--

----

------

صحيت على قلم على وشي

صحيت مفزوع و لقيت ضباط كتير...و وراهم الشاب كريم صاحب احمد الي مات امبارح

اتكلم واحد من الضباط و قال (احمد فين يا عزت)

عزت:احمد مين بس يا باشا صلي على النبي بس

كريم:احمد صحبي الي انتا حبسته في القبر

عزت:انا؟ استغفر الله انا اقدر احبس نمله

كريم: ايوه والله يا باشا حبسه قدامي

عزت: طيب اذا كنت حبسته انتا سبته ليه و هو مش عرف يدافع عن نفسه يعني

كريم: لا يباشا الراجل ده معاه جن بيساعده كتف صحبي و هددني انه هيحبسني لو مش مشيت

عزت: طب ده كلام يخش العقل يباشا..جن اي و كلام فارغ اي حرام عليك يبني

اتكلم الضابط(مش عايز كلام كتير... تعاله يا يبني ورينا القبر الي حبس في صحبك)

خدنا لحد القبر الي احمد جواه او الي كان احمد جواه

طلب مني الضابط افتح القبر و فتحته فعلا

و لما دخلو كشفو الكفن من على الميتين

و لما جم على جثة احمد المتكفنه لقيو وشه متشوه تماما و ده لأني حرقته قبل ما اخرج امبارح

و سألني الضابط (هو ليه ده وشه متشوه كده)

رديت و انا باين عليا الحزن

عزت:الله يرحمه مات في حريق بتهم يا باشا الانبوبه انفجرت و هو الي كان في وشها

بص الضابط ل كريم بغضب شديد و قال(مسمحه يا عزت على الابلاغ الكاذب ولا تحب تقدم في بلاغ)

عزت:المسامح كريم يا باشا انا واحد اعرف ربنا و مش بحب ااذي حد

و رد الضابط و هو باصص على كريم (انا هعديهالك بس عشان خاطر ابوك بوس على دماغ عمك عزت)

و لما قرب مني عشان يبوس دماغي و هو باين عليه الغل

شديت من شعر راسه اتنين او تلاته منغير ما احد ياخد باله

و مشيو و انا كنت مستغرب من جرأت الواد ده .. الظاهر انه مش يعرفني كويس

فضلت قاعد مستني الوقت يعدي علشان ادخل اوضة السحر عشان ارد عليه

و جه الوقت و دخلت

قعد على الارض و قعد اعمله اعمال مش عمل واحد و كل عمل منهم مسلط عليه عشاير كامله

و قعد اعمل الاعمال دي 3 ساعات متواصله

و اخد الاعمال دي و روحت على قبر ...ايوه الجثه الي كسرت ايدي دي

دخلت و حطيت الاعمال جواها كالعاده

و طلعت و انا سامع انين من القبر بتاع الجثه

هاهاهاها معلش الاعمال كتير عليك شويه

طلعت و دخلت الاوضه و لقيت امال نايمه

قعد قدامها و حطيت ايدي على بطنها و قولت

*يا معشر الجن اسكنو داخل هذه الروح و انزعو القلب و اجلبو الشر داخلها كي يتسع قلبه و روحه للعارف و يتأهل للموروث ااتو مسرعين خادعين *

فجأه مراتي بدأت تتشنج بس مش قادره تصحي

قولت في عقلي

خلاص يا عارف انتا الاقوى انتا الاعرف هتكون اقوى من ملوك من الجن

قدراتك تفوق العقول

(تعدي الاحداث ل الشهر الثالث للحمل)

اهو انتا دلوقتي جاهز يا عارف عشان تكون عارف

و في نص اليل شلت مراتي الي كانت نايمه بطلاسم بحيث انها مش تعرف تفوق

و دخلت بيها اوضة السحر...و حطيتها قدامي على الارض

و جبت قطه سوده من الشارع و دبحتها و بدم القطه

غرقت وشي و رسمت طلاسم على بطن مراتي

الي كان العارف بيخبط و بيعافر عشان عايز يخرج

و بعد كده جبت سكينه و رسمت عليها طلاسم بالدم

و قعد قدام مراتي و بدأت اقول

*يا ايها الجان افتحو الابواب لترحيب ب السيد العارف يا معشر الجن في الطريق العارف مرسال الجان للارض *

و كل الي انا عملته بعيد في نفس الكلام و بالسكينه فتحت بطن مراتي امال

وهيا بتتعذب و مش قادره تدافع عن نفسها

و لقيت الجنين... كانت عنيه كلها سوده

و كان عنده سنان زي الموس و عنده قرون

طلعته و اتحرقت نحية سيدي الجن الي حضرته

و حطيته قدامه و سيدي الجن شال الولد و قال

(سوف تكون العارف سوف تعلم اشياء قد تكون معجزات بالنسبه للبشر ولاكن سيكون هذه ولا شيئ مما سوف تتعلم اما انت يا خادمي المطيع استعد لترقية المأمون ستكون في مكانه عاليه )

و اختفى مع الطفل الي هو ابني العارف

انا في كامل السعاده انتو عارفين ترقية المأمون يعني اي

يعني اقدر بكلمه واحده اشفي مريض و بنظره واحده اشل سليم

مشيت لحد البيت و لأول مره احس بزعل على مراتي امال

بس عادي الترقيه تستهال التضحيه برضه

نمت و انا مستني رسالة الترقيه من سيدي و نمت...

اهههههه

اي ده انا صحيت على سكينه في صدري..

و لقيت شخص شالها من صدري و طعني تاني...و تالت...و رابع

و لما بصيت على الشخص ده...ده كريم و وشه كله متشوه

انا مش قادر اتحرك انا بمو...بموت

قعد كريم جمبي و هو مبتسم و واضح عليه اثار السحر و قال

كريم*

امي كان نفسها تفرح بيا و تشوفني دكتور كبير

و كانت حياتي جنه مع اعز صديق ليا احمد

و من وقت ما شوفتك و انا حياتي اتقلبت جحيم

قتلت صحبي و خليتني مجنون

و اتسببت في موت امي من زعلها عليا ... و ابويا الي كان نفسه ابقا دكتور خليتو ضهرو مكسور و بقا يستعر مني بعد ما كان بيفتخر بيا

بس عادي كل ده هينتهي حالا

*

و قام كريم و لقيته شايل ازازه فيها سائل احمر

ده بنزين...

و غرق الاوضه بي و قبل ما يولع قولت

(كنت عارف ان دوري انتهى بس..بس لسه دور العارف)

و ولع في الاوضه ....

(بنبداء نشوف مشهد الضابط الي مسؤول عن القضيه مع رئيسه في الشغل)

الرئيس: ها اي الاخبار يا كمال

الضابط: لقينه جثتين يا فندم في الاوضه جثه ل التربي عزت و جثه لطالب اسمه كريم و الطب الشرعي اثبت ان قبل الحريق في 5 طعنات بالسكينه في صدر عزت يعني كريم طعنه بالسكينه و حرق الاوضه

الرئيس:و اي كمان يا كمال

الضابط: لقينه كمان يا فندم اوضه في وسط المقابر محروقه بشكل غريب و كان فيها جثة زوجة التربي عزت ...بس سبب الحريق مجهول الطب الشرعي اثبت ان في شخص طعنها و هيا كانت حامل

الرئيس:تمام اقفل القضيه يا كمال

الضابط: تمام يا فندم

----------------------------------------------------------

لكل نهايه بدايه جديده...

سوف تبقى الحياه اجيال توارث اجيال

و اذا النباش مات

فا العارف ماذال حي و البدايه اولها جحيم و اخرها جحيم اكثر بكثييير

------------------------------------------

بص ايها القارئ:

تعبت اوي في القصه فا نفسي اعرف هل تعبي جاب نتيجه ولا لا

مش طالب غير رأيك بس و شكرا لوقتك الذي لا يقدر بثمن

الوداع في القادم عزيزي القارئ