شقة الدور الرابع
قصة شقة الدور الرابع
بقلم رعب احمد سمير
يارب تعجبكم
مهما اتكلمت وقولت اللي حصل عارف ومتاكد اني ماحدش هايصدقني
دة انا الاول ماكنتش مصدقني لكن لما الموضوع اتكرر اكتر من مرة اتاكد اني في حاجة مش طبيعية
انا اسمي نور الدين شاب بدرس في جامعة تجارة وجنب الدراسة بشتغل
واهي بترزق
ابويا راجل ع المعاش لكنو شغال شغلانه بسيطة علي قد حالو امي ست الكل الحاجة شفيقة اهيا طول عمرها نفسها تطلع تحج لكن بحكم ظروفنا
الحمد لله علي كل شيئ واحنا قررنا ننادي عليها ونقولها ياحجة عندي اخت صغيرة في السن لسه عمرها ١١ سنه
ساكنين في اوضة صغيرة فوق سطح
سكن علي قدنا والحمد لله علي لسنا علطول اي حاجة بنقول الحمد لله
في يوم ابويا دخل علينا وهوا فرحان جدا قالي تعالا يانور وتعالي ياحجة وقعدنا
قالنا جايبلكم خبر حلو جدا
قولتلو ها يابابا فرحنا
قال وانا ماشي رايح علي الشغل شوفت اعلان شقة للايجار وبسعر مغري
مافكرتش بصراحة و كتبت الرقم واتصلت بيه وعرفت التفاصيل المطلوبة
وسعرها كان كويس جدا جداا
ولما قولتو علي ظروفي وكدة لقيتو قالي طيب انا عاوز اشوفك
واتقابلنا فعلا قعدنا في حته وشربنا حاجة وبدات احكيلة علي ظروفي والراجل من زوقو
قالي طيب ادفع اللي معاك والباقي كل شهر ادفع حاجة
لقيت امي فرحت واختي الصغيرة زي الهبلة عماله تتنطط وتسقف
وانا كمان ماكدبش عليكم فرحت
قولتلو طيب ايه احنا مش هانشوفها
قالي طيب قومو البسو ونروح نبص عليها
وفعلا لبسنا ونزلنا ووصلنا للشقة
المنطقة كويسة نوعا ما
البيت كان قديم شوية
باب حديد مقفول ابويا طلع المفتاح وفتح الباب
وطلعنا علي السلم
الشقة كانت في الدور الخامس
الادوار كلها تمام ساكنه وسامع صوت دوشة وعياال
ودي حاجة كويسة مش وحشة وصلت للدور الرابع باب مقفول وعليه تراب كتير دليل اني مافيش حد فيها
وطلعنا للدور المفروض بتاعنا
الدور الخامس
هوا الدور طالع علي شقة واحدة المهم ابويا فتح الباب ودخلنا
وفضلنا نتفرج عليها
هيا شقة حلوة وريحها حلو هيا اوضين وصاله وحمام ومطبخ
خلاص اتفرجنا عليها وامي كانت فرحانه واافقت عليها
وخلاص قررنا اننا هاننقل
ابويا قالنا طيب يلا نروح وانا هاظبطها مع صاحب البيت وان شاء الله هاننقل قريب
وفعلا روحنا عدي كام يوم ولقيت ابويا بيكلمني وانا كنت برا البيت
قالي تعالي البيت دلوقتي علشان هانلم العزال وننقل
روحت البيت وجبت عربية نقل العزال وبدانا ننزل الحاجة انا وكام واحد من الجيران
خلصنا واتحركنا بي العربية
وصلنا للبيت الجديد وبدانا في تطليع العزال بشيل الحاجة مع الناس وبطلعها
لكني وانا نازل شوفت حد من الناس اللي بطلع الحاجة واقفة عند باب الشقة اللي في الرابع ومقرب علي الباب وكانو بيحاول يسمع حاجة
انا شوفتو وباقولو انتا بتعمل ايه
قالي انا سمعت صوت جاي من جوة
والباب زي مانتا شايف كمية التراب وعش العنكبوت اللي علي الباب
انا بحسبها مقفوله ومافيش حد جوا لكني سمعت صوت حد جوة كان بيتكلم ولما قربت علشان اسمع لقيت الصوت وطي وكانو بيهمس وبعدها سكت
تقريبا عرف اني برا
قولتو ياعم صوت ايه
الشقة فاضية مافيهاش حد حتي بص فضلت اخبط علي الباب ومافيش اي حاجة حصلت
الموضوع عدي واحنا طلعنا العزال بتاعنا وكان يوم متعب جدا بصراحة
وبدات مرحلة تنظيف الشقة وفرشها
انا فرشت اوضي وقولت انا هنام علشان تعبان وهما يخلصو براحتهم
وفعلا نمت وصحيت اتعشينا وفضلنا قاعدين والامور ماشية تمام
في يوم صحيت من النوم كانت الساعة تقريبا ٢ بليل
دخلت المطبخ علشان اشرب
وانا بشرب سمعت صوت من شباك المطبخ صوت حد بيغني
نبرة الصوت وحشة واللي بيغني مستمتع بصوتو اللي زي الزفت وعمال يغني فتحت الشباك وبصيت زي ماقولتلكم الدور طالع علي شقة واحدة لو بصيت من شباك هاتشوف الناس اللي تحت
انا فضلت ابص فوق وتحت علشان اوصل للصوت دة جاي منين
ايه دة انا شايف اضاءة حمرا وخيال حد علي الحيطة عمال يتحرك
لا دي واحدة الخيال اللي شايفة بيقول انو واحدة شعرها الطويل المكلكع
لقيتها بتبصلي من الشباك زي ماتكون عارفة اني واقف ببص عليها
شوفت وشها ست عجوزة جلد وشها مكرمش شعرها ابيض
بصالي وكانها بتتكلم بتقول الحقني بس مافيش صوت طالع منها
انا ترجمت الجملة دي من حركة شفايفها
قولتها ايه عاوزة ايه محتاجة مساعدة
الغريب اول لما سمعت صوتي معرفش دخلت ولا اختفت
يادوبك اول لما رمشت بعيني مالقتهاش .
الموقف دة حصل وماكنتش مستوعب ولا فاهم دة بجد ولا
نزلت جري علي تحت فضلت اخبط علي الباب
ومافيش حد فتح .
طلعت لي شقتنا تاني دخلت اوضتي قعت علي السرير عمال افكر ايه اللي حصل دة
قولت لازم اقول لاابويا ع اللي حصل
ونمت تاني
صحيت الصبح قعدنا فطرنا وقعد اتكلم مع ابويا وحكيتلو علي كل حاجة والست اللي شوفتها دي ايه وتطلع مين اصلا
قالي معرفش اللي انا عارفو انها فاضية بس بردك هاسال صاحب البيت
خلصنا كلام وانا نزلت ادور علي اي شغل لحد لما اروح الجامعة
والحمد للة ربنا كرمني بي شغل كاشير في سوبر ماركت
روحت البيت لقيتهم قاعدين بيتفرجو علي التلفزيون
غيرت هدومي وقعت قولت لي ابويا شوفت صاحب البيت علي الموضوع اللي كلمت فيه
قالي اه كلمتو لكنو قالي ماتركزش مع الشقة زي باقي السكان
كانها مش موجودة
اذاي الكلام دة يابابا في حاجة غلط
يابني مالناش دعوة بيها اسمع كلامي وخلينا في حالنا
اكلت لقمة ودخلت انام
وصحيت الصبح نزلت روحت شغلي الجديد واليوم ماشي تمام
وخلصت ومروح
طالع علي السلم لقيت باب شقة الدور الرابع مفتوح
قربت من الشقة فتحت الباب ودخلت
الشقة كلها متفحمة محروقة عفش البيت متهالك ومرمي علي الارض
الحيطان كلها سودا من النار
لفيت في الشقة كلها ودخلت المطبخ مالقتش حاجة
قولت اطلع انادي ابويا ينزل يشوف الشقة وايه اللي فيها
طلعت الصاله علشان اخرج من باب الشقة
لكن الغريب اني مالقتش باب الشقة
الباب اختفي
فضلت اقرا قران كتير واستعيذ بالله
بدات احس اني بتخنق والنفس بيروح
ياجدعان الحقوني انا محبوس هنا
ابويا ياجدعان وماحدش سامعني
قعد علي الارض وانا مش قادر اخد.نفسي
وبدات اغيب عن الوعي .
ماحستش بنفسي غير وحد بيفوقني وانا واقع علي السلم قدام باب شقة الرابع
الناس طلعوني فوق دخلت قعت علي الكرسي لحد لما هديت
وحكيت لابويا ع اللي حصل
وطبعا ماصدقنيش
قولتلو انا ومتعصب يابابا انا دخلت الشقة وشوفتها
الشقة تقريبا حصل فيها حريقة لانها متفحمة
قالي يابني مش قولتلك مالكش دعوة بيها
بعد كدة لو سمعت اي حاجة او شوفت حاجة اجري من الدور دة
وماتقفش
قولتلو حاضر ودخلت انام
صحيت علي صرخة اختي وجاية عليا ومنهارة من العياط واترمت في حضني
في ايه ايه مالك
الحق الحق يانور في واحدة غريبة في الشقة
قومت بسرعة فين هيا
قالتلي كانت واقفة عند الشباك هنا
واحدة كانت شكلها وحش .
ماتخافيش ياحببتي مافيش حاجة تلاقيكي كنتي بتحلمي
او متهايللك
كنت لازم اقولها كدة علشان ماخوفهاش
روحي انتي نامي مع امك وابوكي
دخلت علي السرير قولت انا مش هنام
هافضل مستني يمكن يحصل حاجة
قومت دخلت المطبخ بصيت من شباك المنور علي الشقة اللي تحت
مافيش اي حاجة
لفيت لقيتها في وشي
لقيت واحدة شكلة مرعب جدا جلد.وشها متفحم واقفة مابتتحركش
ولا بتعمل اي حاجة وانا واقف في وشها وجسمي اتشل مش عارف اعمل اي حاجة .....
.
لقيتها ادتني ضهرها وبتتحرك خطواط بطيئة جدا
معرفش اللي انا عملتو دة صح ولا غلط
لكني مشيت وراها
لقيتها خرجت من باب الشقة
واللي معرفش كان مفتوح ازاي
المهم خرجت وراها نزلت تحت دخلت الشقة
وانا لسه هادخل لقيت الباب اترزع في وشي وملحقتش اخش
حاجة غريبة ومش فاهمها بس انا حاسس اني الست دي عاوزة تخليني اوصل لي حاجة
قررت اني ماحكيش لحد خالص واجمد قلبي وهافضل وراها لحد لما افهم
طلعت شقتنا
دخلت قعت شوية علي السرير ونمت وصحيت الصبح نزلت الشغل
والامور مستقرة تمام
وعدت الايام وروحت الجامعة والحمد لله مافيش اي حاجة
انا قولت الموضع خلص ومش هاشوف حاجة تاني
لكنة ماخلص تقريبا دي كانت مجرد بدايه
لان اللي جاي ماحدش متوقعة ولا حد يستحملو
فاارجوكم خلو بالكم طويل وانتو بتسمعونى
في يوم كنت مروح من الجامعة كان يوم دراسة مرهق كنت تعبان
دخلت انام علطول
وروحت في النوم
نووور يانور اصحي يانور وانزل انا مستنياك
صحيت من النوم علي الصوت دة
قومت خرجت برا ونزلت للشقة تحت
لكني شوفت ابويا كان داخل جوة
لسه هاتكلم وهاقول لا ماتخشش
لكني مالحقتش ابويا دخل والباب اتقفل
جريت.فضلت اخبط علي الباب كتير وماحدش فتح
فضلت انادي للناس الحقوني حد يلحقني
الجيران اتجمعو اي اللي حصل
ياجدعان ابويا جوه ابويا محبوس جوه
بتقول ايه جوه ازاي الشقة فاضية
كل اللي حصل دة وامي واختي ولا هما هنا
ماحدش سمع
سبت الناس واقفة وطلعت جري
صحيت امي ماما هوا بابا فين
قالتلي هوا لسه مكلمني وانو هايسهر في الشغل وممكن يطبق للصبح
لا هوا مش في الشغل هوا في الشقة اللي اتحت انا شوفتو وهوا داخل
طيب استني ارن عليه امي طلعت الموبيل ورنت عليه ماردش
رنت تاني الموبيل اتقفل
قلقنا اكتر بدات اتاكد اني اللي شوفتو حصل فعلا
طيب وبعدين هاعمل ايه
فضلنا قاعدين لحد.الصبح
علي امل ان ابويا هايجي لكنو مجاش فضلنا نتصل بيه والموبيل مقفول
فضلنا قاعدين والدنيا بدات تليل
سمعنا صوت ناس بتزعق ياجدعان براحه عليه
والباب بيخبط قومت فتحت الباب واحد قالي تعالا بعد اذنك والدك تعبان
ومحتاج يروح للمستشفي نزلنا كلنا وابويا نايم علي الارض
امي شافتو فضلت تصرخ
روحنا المستشفي والدكاترة عملو الازم وابويا نوعا ما بقا احسن
قربت منو قولتلو ايه اللي حصل شوفت ليه جوة
قالي ايه اللي حصل وجوة ايه
قولتلو جوة الشقة انتا مش دخلتها
قالي لا مادخلتهاش انا كنت راجع من الشغل تعبان وانا طالع اغمي عليا بس
توهت الموضوع علشان انا زهقت ليه انا لوحدي اللي باشوف كدة
طيب مانا اسال حد من الجيران
وفعلا روحت و طلعت للراجل اللي ساكن في السادس
وقولتلو علي الشقة دى واللي حصل من وراها
لكن الغريب انو قالي مالكش دعوه بيها
وكانها مش موجودة
نفس الكلام مافيش فايدة
ماحدش عاوز يصدقني
الشقة دى وراره ليله كبيرة وهاعرفو
نزلت شغلي تاني بعد لما اطمنت علي ابويا
خلصت شغلي متاخر روحت خت دش وكلت ودخلت علشان انام
نمت صحيت من النوم لقيت نفسي قاعد في مكان غير شقتنا
قاعد علي انتري وقدامي واحدة قاعدة ماسكه كتاب بقراء فيه
سابت الكتاب وقامت مشيت راحت المطبخ
وانا باصص عليها لقيت دخان كتير خارج من المطبخ والست عمال تصوت وتقول الحقوني
وفي اقل من ثانية لقيت النار كلها ماسكة في الشقة وانا واقف وحواليا النار ماسكة في كل حتة
وصوت الست سكت
وانا من حرارة النار والدخان مش قادر اخد نفسي فضلت انا كمان اصوت الحقوني الحقوني
قومت علي صوت امي وهيا بتقولي فوق يانور اصحي يابني
اعوذ بالله من الشيطان الرجيم ايه يابني كابوس ولا ايه
خد اشرب كوبايه المايه دي
قولتلها علي اللي شفتو في الحلم وان الشقة دي في واحدة ماتت محروقة فيها
انا متاكد وبكرا هاتشوفو
قرات قران ونمت تاني ماقدرتش اقوم اروح الشغل
صحيت متاخر فضلت قاعد اتفرج علي التلفزيون
قولت انزل اتمشي شوية لبست ونزلت فضلت امشي وامشي والوقت اتاخر اكتر
قولت اروح
وانا طالع علي السلم لقيت الباب بيتفتحلي
مافكرتش ودخلت الشقة تاني
لكن المرة دي لقيتها جديدة وكانها لسه مفروشة جديد
وواحدة ست شكلها حلو جدا قاعدة وبتشاور علي المطبخ
دخلت المطبخ لقيتها نفس الست اللي كانت برا واقعة علي الارض
والشقة حالها اتبدل تمام ورجعت لشكلها الاصلي المحروقة
ووحدة ست ميته قدامي علس الارض وجسمها محروق وجلدها واقع منظر ماحدش يتحملو
جاي علشان اخرج من الشقة لقيت حد واقف قدام الباب بيمنعني اني اخرج
الحد دة ابويا
ايوه ابويا واقف قدام الباب وماسك سكينة وكل لما اقرب منو يحوال يتهجم عليا بي السكينة
ايه اللي انتا بتعملو دة يابويا بتعمل ايه هنا مش قولتلك في حاجة غلط هنا
ابويا ماردش عليا
فتح بوقو وكانو بيصرخ وبقا يعمل صوت غريب مش مفهوم
ومسك السكينة ودخلها في عنيه الشمال خرج عينه وحطها علي كف ايدو
وفضل يقطع حتت من جسمه كتير ويرمى علي للارض
وانا واقف مصدوم من المنظر دة
ماتحملتش اللي بيحصل وفقد الوعي
فوقت لقيت الناس كلها ملمومه
كل اللي علي لسانهم لا حول ولا قوة الا بالله
ربنا يرحمة .
اذاي دة حصل
كان ابويا واقع علي الارض جنبي وميت
للاسف ماتحملتش الموقف وفقد الوعي
فوقت لقتني في المستشفي نايم علي السرير وامي قاعدة جنبي عماله تعيط
ماما ايه اللي حصل ابويا كويس
امي انهارت من العياط
قالتلي ابوك مات
قومت قعت ايه ازاي
لقوه واقع علي السلم قدام الشقة اللي في الرابع
في مي اختي
امي فضلت تبص لمين وشمال يامي انتي بت
يامي
قلبنا عليها المستشفي كلها ملقنهاش.
