شرح قصة رعب النداهه في مقال مخلص
اسم القصه النداهه
نبدأ بسم الله الرحمن الرحيم
وانا صغير كنت بروح عند جدتى فى قريه وكنت بقعد مع جدتى فترات طويله وكانت جدتى بتقعد تحكيلى على حاجات غريبه بتحصل ف القريه دى وكانت بتقولى لما تسمع حد بينادى عليك بليل متروحش
وانا كنت صغير وكنت مش مصدق حاجه لحد اليوم اللى غير تفكيرى خالص
فى يوم كنت خدت الاجازه بتاع اخر السنه وروحت عند جدتى وعدى اربع ايام جه اليوم الخامس واللى حصل فيه كل حاجه
البيت كله صحى من النوم بدرى وعشان كانو هيخبزو عيش كباقى الفلاحين، فكنت رايح مع مرات خالى عشان تجيب حاجات تولع بيها الفرن والحاجات دى فى حته بعيده ومفيهاش ناس، المهم انا اتأخرت فهى قالتلى انا هسبقك وانت تعالى ورايا، بعد شويه مشيت فلمحتها من بعيد وكانت بتمشى بطريقه غريبه اوى، نديت عليها بس هى مردتش عليا حته ولا بصتلى، سرعت مشيتى عشان احصلها،
لحد مبقيت ماشى جمبها كنت بكلمها مكانتش بترد عليا وكانت بصيتها ليا غريبه، فى الحقيقه انا خفت
بعدين وصلنا وهى متكلمتش ولا كلمه جبنا الحاجات دى وروحنا، وبرده مفتحتش بوقها بكلمه، بعدين اخيرا اتكلمت وقالتلى روح انت انا هروح اشترى حاجات، قولتلها آجى معاكى فقالتلى بصوت غريب جدا لأ، انا اتخضيت ومن خوفى من صوتها طلعت اجرى
روحت البيت لقيت جدتى قاعد وجمبها مرات خالى وأول مدخلت لقيتهم جريو ناحيتى وقالولى انت كنت فين
استغربت وقولت كنت فين ايه انا كنت معاكى وانتى قولتيلى دلوقتى روح انت
لقيتها استغربت وقالتلى انا فضلت مستنياك وانت مجيتشى فمشيت قولت انك مش هتيجى
قعدت اقولهم واحلفلهم انى كنت معاها وهى بتقول انها جايه من فتره كبيره
الاسئله اللى كانت ف دماغى وقتها اومال مين اللى كانت معايا دى؟
بعديها بيومين بليل كنت نايم ف اوضتى سمعت حد بينده عليا طلعت اشوف مين لقيت مرات خالى برا البيت وبتقولى اطلع افتحلى الباب، كنت لسه هروح افتح الباب لقيت مرات خالى نازله ع السلم وبتقولى واقف عندك تعمل اي
انا ساعتها حسيت ان لسانى وحركتى اتشلم طب مرات خالى اهى اومال مين دى اللى واقفه برا؟
من اليوم ده وانا روحت بيتى ولسه السؤال ده لسه بيدور لحد دلوقتى ف راسى مين دى؟ وليه كانت بتجيلى انا
