شرح قصة رعب الجن العاشق( الجزء لأول )

الجن العاشق(الجزءلأول)

انا مريم بنت نفسها تحب عندي 17 سنه حكايتي بدأت لما بقيت اهتم بنفسي.

 وبلبسي وكنت ببص ف المرايا ف اليوم 100 مره وببص فيها من غير داعي عادي بحب ابص علي نفسي.

 بما اني اجمل واحده ف العيله شعري بني فاتح عيني خضرا رموشي طويله وملامحي حلوه .

جسمي حلو ورشيقه وكان المفروض بقيت كبيره بقا المفروض شاب يعجب بيا وبجمالي وبأخلاقي لكن اللي حصل عكس ده كله انا فضلت يجيلي عرسان كتيير ولما اقبل واحد منهم يسبني.

 لسبب مش فاهمينه لحد دلوقتي فلقيت ماما متضايقه وشايله هم جوازي ... الباب خبط .. رحت افتحه بقول مين.. (انا عائشه جارتكم اللي ف الدور التالت ممكن تفتحيلي يا بنتي) اتفضلي يا طنط نورتي هيا : بنورك ياحببتي.. 

انا مش هقعد كتير انا بس جايه عايزه اعرف قوليلي يا حببتي انتي ليه لسه متجوزتيش.

 لحد دلوقتي وانا شايفه عروسه جميله وتنفعي لابني اسامه هوا مش كبير اوي عنده 20 سنه يعني اكبر منك ب 3 سنين.

 بس وهوا مجهز شقته وكل حاجه جاهزه مستنيين موافقتك انتي ومامتك بس هاا قولتي اي يا بنتي. امي :بصي يا عائشه انتو بكره انشاء الله .

تشرفونا انتي وابنك وجوز حضرتك ونشوف لو البنت واففت ولا لا ماما دخلت نامت وسابتني لوحدي ف البيت لان اختي سحر مسافره وابويا توفاه الله من فرحتي بقا وقفت قدام المرايه.

 ساعتين او اكتر.. العب ف شعري شويه واجرب كذا تسريحه واحط مكياج وحاجات من دي فلاقيت ان المرايه محتاجه تتلمع .من غير تفكير.

 وبسرعه حاولت المعها بايدي حطيت ايدي ع المرايه نور البيت كله اتقطع حسيت اني مش قادره اشيل ايدي من ع المرايه و فجأه النور رجع تاني ولسه ايدي ماتشالتش من عالمرايه كأن جسمي اتصلب مش عارفه انطق ولا عارفه اشيل ايدي ببص علي يميني لقيت حاجه عمري ما اتوقعت اني اشوفها لقيت.....

كائن اسود سواد الفحم ميعديش رجلي ف طوله قصير جدا وعينه كأنها محروقه حمرا كداا وشبه رسمه عيون القطط بصتلها وانا ف بقي مليون حاجه عايزه.

 اقولها بس صوتي مش بيطلع لقيت نفسي بتكلم وبقول انت مين وكان بيخرج اصوات زي زئير كلاب وناس بتتكلم كلام مش مفهوم وصوتهم واطي جدا فغمضت عيني وبكل قوتي صرخت.

 صرخه رجت البيت كله فتحت عيني لقيته اختفي وايدي اللي ع المرايه متشرحه وبتنزل دم كتير والمشكله .

اني مش حاسه باي الم ومخدتش بالي الا لما بصيت عليها شلت ايدي براحه من ع المرايه لقيت امي جت ..

 مالك يا بنتي انا سمعت صويت انتي اللي صوتي دلوقتي ...

انا دلوقتي حرفيا مش عايزه اتكلم قلتلها انا عايزه انام عايزه استريح.

 طبعا منظر ايدي وهيا غرقانه دم قطعت قلب امي قعدت تسأل تسأل تسأل تسأل.

 وانا مش مركزه معاها ومش برد. قعدتني علي السرير.. 

عايزه اقولكوا ان المرايه قدامها السرير علطول ورجلي بتبقا ف وش المرايه حطيت راسي ع المخده متسألونيش ازاي بعد اللي حصل انا اللي عملته ف الوقت ده اني نمت الجزء التالت..

 جه اليوم التاني الساعه بقت 6:00 وطبعا قربت اخلص توضيب الشقه عشان العريس اللي جاي خلصت بعدها بساعه ودخلت اخد شاور...

 عايزه اقولكوا ان اكبر مرايه عندنا ف البيت مرايه الحمام مرايه ضخمه اخده مساحه الحيطه كلها من السقف للارض فأخدت الشاور لبست هدوم شيك 

 ومحترمه قعدت قدام مرايتي اللي ف الاوضه وبسرح شعري زي كل يوم...وفجآه اي ده.....؟