أم الجماجم: لعنة چورچيت - حب في القبور (حلقة ٧٥)
فرح فارس حينما تأكد انه نجح و لكنه لم يجرؤ على النظر الى ياسمين خوفا من أن تكون قد
علمت بأنه خرج في الوقت المناسب من القبر لإنه لم يحتمل أكثر و ليس من أجل أي شيء آخر و قال لها :ياسمين أنا انسان و انا في القبر فكرت و تخيلت أشياء كثيرة غصبن عني ….
قاطعته ياسمين و قالت: خلاص يا فارس أنا ما بدي أسمع سيرة القبور و اللي صار انت نجحت و خلاص تعالي نحكي في اشي ثاني و نفذ بقية شروط"خالتوا" علشان نقدر نعيش مثل كل الناس، انت مش متصور يا فارس قديش أنا فرحانة و سعيدة.
ابتسم فارس ابتسامة خبيثة و قال في سره: انجحت و ما حد الو شو فكرت وياسمين شو بدوا يعرفها في اللي أنا فكرت فيه و كمان أنا انسان و من حقي افكر في أشياء كثيرة و يمكن هلأ كتب لي أفكر هيك علشان أطلع في الوقت المناسب و سأل ياسمين:
حبيبتي ممكن افهم لمين هاي السيارة؟
ضحكت ياسمين و قالت:
أحسنلك بلاش تعرف …
فقال فارس: لا يا روحي صرتي مرتي و لازم أعرف كل اشي ..
فقالت ياسمين و هي تضحك:
أول اشي يا أستاذ فارس أنا مش مرتك، أحنا هلأ هنعيش فوق القبور و هذا يعني الشرط الثاني من شروط خالتو العجوز .. هعيش
معك بس ممنوع تلمسني و لا تشوف وجهي لمدة تسعين يوم و بعدها بنتجوز على طريقتك يا حبيبي و هيك بصير مرتك، أنا
مش واحدة لمتها من الشارع، أنا حفيدة جورجيت و لازم تتجوزني قدام كل الناس هيك الشرط، فقال فارس: شو يعني افهم انو
كل اللي سويناه و لسه لازم اتجوز مرة ثانية ؟!.
فقالت ياسمين: آه يا حبيبي احنا تجوزنا على طريقة العجوز و هلأ انت بتقدر
تعتبرني "خطيبتك" و بعد ٧١ يوم بتتجوزني مثل كل البنات الل اذا كانوا أحسن مني ...
فقال فارس :فش في الدنيا كلها حد
أحسن منك و هلأ شو بدنا نسوي...!!؟
فقالت ياسمين: ما بعرف انا هلأ راح أعيش معك و مش راح أروح و لا على محل، انت
مسؤول عني هلأ و أنا مسؤولة منك، لازم تطعمني و تلبسني و تسكني و تشممني الهوا مثل كل البنات هلأ أنا فاضية ألك.
فكر فارس قليلاً و قال :طيب أول شيء بنعملوا هلأ بنستأجر غرفة في فندق علشان تستقري في مكان واحد و نبدأ نخطط
حياتنا.
