أم الجماجم: لعنة چورچيت - حب في القبور (حلقة ١٠٢)

ضحكت ياسمين و تردد صدى ضحكتها في أنحاء القاعة المغلقة بإحكام و الخالية من البشر و وقف فارس ينظر اليها و لا يدري اأيضحك معها أم يبكي؟ و قال: شو بصير يا ياسمين شو؟!، فقالت:

شو يا حبيبي في اشي مش عاجبك؟!..

فقال: وين الناس وين..؟

فقاطعته و قالت: شو يا حبي انت ما بتغار عليّ؟ بدك حد غيرك يشوف وجهي معقول؟ انت ما عندك دم و لا بدك البس خمار و عباية يوم عرسي علشان الناس يقولوا انه فارس متجوز قردة علشان هيك مخبيها؟...

فقال فارس: و كل هالمصاريف و هالغلبة مش علشان يكون في ناس و مدعوين و أهلي يحتفلوا معنا؟!
فقالت ياسمين: فارس اطلع على كل الطاولات و شوف اذا امي موجودة على واحدة منهن؟

أخذ فارس يتلفت و يبحث بعيونه و كأنه يتوقع رؤية أم ياسمين، و قال لها: مش شايف .. فقالت: طيب اطلع على كل الطاولات و شوف اذا كانت اختي وردة موجودة على واحدة منهن..!؟

فنظر فارس بسرعة و قال: لا مش شايفها.

 فقالت: طيب يا حبيبي بتعرف ليش علشان 
امي واختي ما بقدروا يحضروا عرسي و اذا امي و اختي، مش موجودين مين حيهمني يكون موجود اذا كان واحد و لا ألف حيهمني، لا أهلك و لا أصحابك و لا أقاربك كلهم يا حبيبي ما بيسوا عندي بسمة صغيرة من أمي في يوم مثل هذا و امي مش عم تقدر تبتسم.

فقال: طيب ليش كل هذا؟ و ليش داعينا الناس ؟!

فقالت: ما حدا دعا حدا يا حبيبي و لا بتفكرني فاضية أشغل مخي بدعوة الناس، و أطمئن ما حدا بيعرف بهالحفلة إلا اذا انت داعي حد من وراي فهاي مشكلتك، أما ليش هالغلبة ...يا 
حبي علشان اليوم عرسي و لا تقلبلي اياه نكد و خليني مبسوطة و من حقي اشعر انك عملت لي اشي على مستوى بتحلم فيه أي بنت بتتجوز لأول مرة بعمرها و كمان علشان ما أشعر اني ناقصة عن الناس و بدك أحلى من هيك عرس يا فارس و الله
ما حلمت فيه حتى بأحلامك و عمرك ما راح تنساه الا اذا قلبك و جعك على اللي دفعته و خسرته .. اطلع فيّ حبيبي مليح و شوف اذا انا بستاهل و لا ما بستاهل.