ما هو الجثوم أو الكابوس
(الجثوم أو (شلل النوم
:في البداية دعونا نتعرف علي ما يقال حول الجثوم
الجثوم عبارة عن حالة بتحصل للانسان اثناء فترة الاستيقاظ أو النوم .الانسان بيكون واعي في هذه الحالة ولكن غير قادرعلي التحرك أو الكلام وفي هذه الحالة يأتي شعور قوي بالخوف أو القلق أو التوتر حالة غريبة جدا من الصعب وصفها أو بمعني اخر بيكون احساس بأنك مربوط بالحبال .الانسان في هذه الحالة من الممكن أن يشعر بهلوسة سماعية أو بصرية !!! ممكن حتي يشوف حجات غيرموجودة !!
طيب هل في تجارب لحالات بتوصف جزء من الاحساس الي بيحصل في هذه الحالة ؟ انقل اليكم تجربتي مع الجثوم : تفاصيل الاحداث ( في يوم من الايام أنا كنت جالس في غرف والدي وكنت لوحدي وكنت مستيقظ ولكن كنت مستلقي لكن مش نايم فايق وواعي مع العلم أني مش بعاني من أضطراب نفسي أو أمراض هلوسة المهم الموضوع دا حصل في وقت الليل الي حصل اني كنت مستلقي مش متذكر هل انا كنت بفكر أ مجرد مستلقي في صمت المهم أني فجأة وأنا بنظر نظرات عشوائية لاحظت خيال أسود بيتحرك بسرعة شديدة جدا المهم أني أول مشفت الخيال دا تحرك بسرعة جدا وأنا بتلفت فجأة لقيت جسمي كأنوا مربوط حتي مش عارف أتحرك ولا حتي عارف اتكلم ولا أنادي علي حد حتي صوتي مش طالع المهم الاحساس دا استمر لفترة بسيطة وبعد كدة رجعت طبيعي وبالمناسبة الموضوع دا أتكرر معايا كذا مرة مع اختلاف فبعض الاشياء يعني مثلا اني اصحي من النوم فقلق شديد وبعد كدة يحصل الاحساس دا حتي لما بحاول اتحرك بالقوة بحس اني بتربط أكثر لكن في يوم حصل معايا الاحساس دا لكن كان مختلف تماما ولايمكن أنسي لان كان أول مرة يجيلي الاحساس دا بالطريقة دي الي حصل أني كنت طبيعي نايم في وقت الليل ولكن فجأة استيقظت حسيت بشئ غريب جدا حسيت أن قلبي متوقف حتي أني قولت كدة فنفسي ومكنتش قادر اتنفس واستمريت في محاولة أني اقاوم وفجأة !! شعرت بكهربة قوية فجسمي وبعدها رجعت لحالتي الطبيعية )
يدي مشتبكة ببعض أو تكون اليد في محازات اليد الأخري أو تكون اليد مرفوعة خلف الرأس .
من خلال تجربتي الي استفدتوا وبنصح بيه أي حد من الي مر بالتجربة دي ان الاحساس دا اذا شعرت بيه لا تحاول أنك تصارعه بقوة ولكن حافظ علي حالة الهدوء ولكن لا تترك نفسك ولكن حاول التخلص من هذا الشعور بهدوء يعني مثلا أنك لما تكون حاسس بربط في اليد حاول لما تيجي تحركها حاول تحرك الاصابع فالاول وحاول أنك تتنفس بهدوء ولا تترك نفسك حاول التخلص من هذا الاحساس لكن بهدوء
الخاتمة (مهم جدا)
وفي النهاية أحب أقول لأي حد قرأء المقال أن الي حصل معايا في أحداث القصة ( حقيقي)
وفي حاجة مهمة أعتبروها نصيحة أنك لما تحاول تبحث عن حاجة عايز تعرفها سؤاء فمجالك أو حاجة حابب أنك تقرأها وتتعرف عليها حاول أنك تتحري الدقة في البحث وكمان تتحري الصدق
وبالنسبة للمقالة دي تعتبر بداية هي محتواها قصة لأن فيها أحداث مهمة أنصحك تركز في التفاصيل
وفي النهاية أتمني أن يكون المقال قد نال اعجابكم
الكاتب:حسام الخطيب
