شبح التكنولوچيا عاد ظام للأنتقام
مش عارف ابدأ منين
حكاية غريبه واحداث خارج حدود الخيال مين المؤلف ال يقدر يألف حاجه بالروعه دي وبالرعب ده
اكيد عرفتوه صح هو اساس كل شر اساس كل حسد منبع للذنوب
بيغيرك من حال لحال في ثانيه واحده ويا ويلك لو مشيت وراه
طولت عليكم مش كدا
انا احمد 21سنه من بلد حلوه جدا في الاسكندريه
طول عمري بحب الكمبيوتر واي حاجه لها علاقه بيه
مهووس بكل مايخص عالم البرمجه والشبكات
وحب غريب لعالم القرصنه الالكترونيه
بدات حكايتي لما خلصت الثانويه العامه ودخلت الكليه ال كنت بحلم بيها طول عمري كنت فرحان جدا
وسيبت اهلي وعشت لوحدي في القاهره
وكالعاده داخل الكليه جديد فالسه بتعرف علي اصحاب جداد
وانا شخصيه اجتماعيه شويه فمكنش صعب عليا اني اتعرف علي اصحاب
بدات الدراسه وبدات اهتم بجانب معين من دراستي
بدات اهتم بالجانب السيئ من دراستي بمعني اصح
كان تفكيري كله منصب علي تعلم كل ما يخص القرصنه الالكترونية والعالم الى كنت شايفة مشوق جدا
وفعلا كنت بتعلم حاجات كتير من اصحاب لي في الجامعه والمضحك في الموضوع ان بعد فتره قصيره مبقتش محتاجهم هما ال بقوا يسألوني عن ال عاوزين يعرفوه
اصلي كنت باحث وقارئ نهم اوي.
عملت جروب من ناس معيننين من اصحابي وبدانا نختار كل اسبوع موقع معين نحاول نعمل هاك علي الموقع ده وناخد منه برامج معينه ال احنا عاوزنها
وبعد فتره بدأنا نخش علي مواقع اكبر وناخد منها ال احنا عاوزينه وساعات كنا بنقفل او نبوظ الموقع او نكتب عليھ ال احنا عاوزينه
بس الصراحه انا مليت من الجروب ده اصل كانت مهاراتهم محدوده
واتخنقت منهم اصلهم في الفتره الاخيره كان كل حاجه بيتعلموها مني
فسبتهم ومبقتش اروح لهم خالص
واتشهرت في الكليه بتاعتي بين اصحابي بالموضوع ده
كنت ساعات بفضل بالساعات شغال علي مواقع معينه ومشهوره جدا عشان اجيب ملفات معينه
او برامج انا محتاجها
ذادت شهرتي اووي بقيت معرف اني مخترق مواقع بس مكنش حد يعرف اسمي الحقيقي كان الاسم ال الكل عارفني بيه في الناس ال هيحتاجوني اعملهم حاجه في المجال ده هو spider
دانا حتي اتعرفت في بعض الدول العربيه اه والنعمه الموضوع عجبني اووي
مره كلمني واحد من المغرب وطلب مني اني، اعمله هاك علي موقع اسمحولي مزكرش اسمھ واجبله من عليه ملفات وعرض عليا مبلغ كبير من المال فطبعا وافقت .
وكان له شرط اني مفتحش الملفات دي ولا اعرف فيها ايھ ولو فتحتها اعتبر ان الاتفاق لاغي
والغريب في الموضوع انه قالي انه هيعرف لو فتحت الملفات دي
المهم مهتمتش بالموضوع اوووي اصل المبلغ كان كبير ويزغلل العين فرصه مش هتييجي كتير
المهم دخلت علي الموقع وجبت الملفات دي دا حتي انا وجبت مع الراجل وقفلتله الموقع خالص ههه
واستنيت الراجل المغربي يتصل عليا عد يوم اتنين تلاته الراجل متصلش في اي حد كان بيلعب بيا ولا ايه
اسبوع عدي ومحدش اتصل
في يوم وانا راجع من الكليه وكل ال شاغل تفكيري الملفات ال علي الجهاز امسحها ولا لأ
مش عارف حاجه جوايا بتقولي افتحها ياعم شوف فيها اي هيحصل اي يعني
افتحها افتحها
وخلاص قرررت اني افتحها اول مروح وال يحصل يحصل
روحت الشقه بتاعتي ال انا عايش فيها لوحدي
ودخلت علي الاوضه بتاعتي علي طول وفتحت الكمبيوتر
وبدات افتح اول ملف
اي الكلام المكتوب ده اي اللغه دي لالا مش فاهم حاجه
فتحت ملف تاني نفس اللغه مش فاهم حاجه برضو
كل الملفات بنفس اللغه دي
دخلت علي الانترنت احاول اعرف اي حاجه عن اللغه دي
المكتوب كالاتي علي الصفحه الغريبه ال دخلت عليها
عرفت ان اللغه دي اللغه السريانيه.
بدأت ابحث اكتر واكتر عن اللغه دي لقيت كلام علي الانترنت شبه الكلام الموجود عندي في الملفات وعرفت ان اللغه السريانيه من اشهر اللغات في كتابه الطلاسم
فالموضوع شدني اووي وقررت اني لازم اعرف اي الكلام ال في الملفات دي او علي الاقل اعرف اترجم منه اي حاجه
وبالفعل عرفت اترجم من الملفات كذا جمله بعد عناء طويل
منها
(ستصبح منا مالم تكن قد اصبحت )
(دعنا نتحرر ستري جحيم الابالسه )
(نمجد اسمھ العظيم )
(ستصبح من خدامنا )
كلام غريب جدا علي واحد زيي ومحتطهوش في دماغي اوووي لحد وانا بترجم لقيت الكلام ال طالعلي بمعني
(وها قد تم فتح الباب من جديد استعد )
قولت لنفسي اهو كلام قديم ومفيش حاجه هتحصل يعني
ولقيت نفسي تعبت ولازم انام
فنمت ومفيش حاجه حصلت خالص
وروحت تاني يوووم الجامعه ورجعت علي شقتي
اول مفتحت الباب حسيت بتيار هوي ساخن
معرفش مصدره
وجسمي بدأ يعرق، بطريقه غير، طبيعيه
دخلت الاوضه بتاعتي وفتحت التكييف وشغلته علي الاخر
بس لسه الهوي سخن برضوا
وبعدين بقي في ايھ!
فتحت الكمبيوتر وبدات اشوف اي حاجه اعملها لقيته فصل بس
الكهربا شغاله في الشقه
قومت عشان اشوفه لقيته اشتغل تاني
وبدات الشاشه تتهز هزات غريبه وصوت حد بيتحرك علي السرير ال ورايا في الاوضه
ههههههههههههههههه انا عايش لوحدي والله عايش لوحدي هههه
ببص ورايا لقيت واحد شكله بشري جدا قاعد علي السرير
حط نفسك مكاني هتعمل اي
انا وقفت وساكت ومفيش، كلام ولا حركه
مش قادر او مش عارف
لحد متحرك وخرج في ديره ضوء اللمبه وبدات اشوف ملامحه
راجل سنه مابن 50و55سنه
ومبنطقش بيبصلي، بس
فضل علي الحال ده تقريبا دقيقه وبعدين بدأ يرجع علي السرير تاني
فبطريقه لا اراديه لقيت نفسي رايح وراه اشوف اخرتها معاه ايه
وصلت جنب السرير والراجل ده قاعد عليه
بس لا مش، هو لا لا شكلي بدأت اخرف والله بخرف مستحيل
دا شاب سنه ميعديش 23سنه
انا. انا قاعد علي السرير وواقف اتفرج علي نفسي
وانا بقي ال قاعد علي السرير بدات ابصلي ههههههه اه والله انا ببص لنفسي
خلاص انا اتجنيت
بعد مجمعت شجعتي ال جريت وسابتني
بدات اتكلم واقوله انت مين
كان الرد مش عارف اي اللغه دي بس دي مش لغه دي اصوات كتير في بعض مش فاهم حاجه
وفي لحظه لقيته نط من علي السرير عليا وقرب من ودني وبدأ يطلع الاصوات دي تاني
متحملتش واغمي عليا
حلمت بحاجات غريبه
زي اني في غابه وحاجات طويله جدا بتجري ورايه
وفي ثانيه الغابه تبقي صحراء والحاجات دي بتجري ورايا
وكل ما يوصللولي يلفوا من حوليا ويفضلوا يلفوا حوليا
ويثبتوا في شكل دايره حوليا
اي ده يارب اصحي اي الاشكال دي يارب، اصحي بقي يارب
لقيت كائن منهم قرب مني وانا اتخشبت مكاني خلاص مش قادرر اتحرك
وبدأ يصرخ في ودني بنفس الاصوات ال كان بيطلعها الكائن ال كان معايا في الارضه
وصحيت من النوم لقيت نفسي علي الارض والجو حر ايه ده
اي ال انا فيه ده دي مش اوضتي انا نايم علي تراب اذاي
ايه انا بخرج من حلم بدخل في حلم تاني
قومت لقتني في مكان واسع مليان خضره واشجار وفي ناس بتزرع
وناس شغاله عادي بنأدمين عاديين جدا
وعدي قدامي راجل لابس حاجه كدا فوق دماغه وعدي من قدامي بسرعه
انا منظره شدني الصراحه ومشيت وراه
دخل بيت في نص البلد وانا ببص من شباك البيت ده لقيت واحد نايم علي الارض والراجل ده عمال يقول في كلام والراجل ال علي الارض عمال يترعش
بيعمل اي الراجل ده وفي ثانيه الراجل الغريب ال كان بيقرأ قرب من الشباك وبصلي جامد
وشاور علي الباب
اشاره اني ادخل اول مدخلت من الباب، لقيته في وشي
ومبيتحركش
ببص علي الارض وراه لقيتني مرمي علي الارض انا ال كان بيقرأ
عليا الحاجات ال بيقولها اذاي مش عارف انا مبقتش فاهم حاجه خالص
طبعا صحيت من النووم بعد الحلم او الحلمين ال ذي العسل دول
مش عارف افكر ولا مركز وحاسس طول اليوم اني، متراقب
في حاجه علطول ماشيه ورايه بس انا مش شايفها .
علي الساعه 3كدا لقيت موبايلي برن برقم غريب والراجل المغربي بيتكلم وانا طبعا اول مسمعت صوته
تهزيق وشتيمه لحد مقالي اخرس قابلني بعد ساعه في المكان ده
وحدد المكان روحت لقيت راجل كبير في السن مستنيني
طبعا انا داخل عليه وباين عليا اني، متبهدل وحالتي حاله
وهو علي وشه ضحكه سخيفه جدا
زهقت وبقوله اي، ال بيضحك دلوقتي
قالي انت فتحت الورق صح
قولتله ايوه بس انا رنيت عليك كتير انت اختفيت مده كبيره
كنت اعمل اي، يعني
لقيت ملامح الراجل اتغيرت واترسم علي وشه ملامح غضب
وبدأ يهزقني ويقولي، انت غبي انت مبتفهمش انت عارف، بفتحك الملفات دي عملت في، نفسك وفينا ايه انت اطلقت شر كنا مسيطرين عليه لقرون،
وبدا يحكيلي عليه وعلي اهله وازاي الملفات دي اتسرقت منهم واتحطت علي الانترنت
وازاي هما كانوا مكلفين بحمايه الملفات دي
المهم ال فهمتوا اني، بقراه جزأ من الكلمات ال موجوده في الملفات
كدا انا كسرت حاجه شكل سجن كان محجوز فيه واحد من اكثر الجن شرا
وان الكلمات ال في الملفات لو اتقرأت كامله كدا بجدد العهد وبرجعه لسجنه
طبعا قولت سهله اروح اترجم الملفات كلها واقرأها
وطبعا الراجل قالي مظبوط ال انت بتفكر فيه انا بصتله
ومركزتش انه ازاي عرف انا بفكر في ايه
سبته وروحت وانا عارف انا هعمل ايه
فتحت الملفات وبدات اترجم واكتب ال بترجمه في ورقه
تقريبا كدا ترجمت نص الملفات وخلاص مبقتش، قادر تعب تعب،
لازم انام وخايف انام
من الاحلام الزفت ال انا بشوفها
فضلت اقاوم في النوم مش عاوزه يغلبي لك ان تتخيل ان النووم في الحظه دي تحول بالنسبالي كوحش خايف اقربله بس، ما باليد، حيله
نمت من النعب والارهاق، وهو هو نفس الحلم الكائنات بتجري، ورايا ولما توصل، تعمل دايره ويتقدم الكائن ويصرخ في، ودني، بالكلام الغريب
صحيت من النووم تاني، يووم علي، الساعه 6المغرب، تقريبا
صحيت علي، نيه اني، لازم ارجع بلدي واحكي، لاهلي، علي ال حصل
وبالفعل روحت بلدي
بس محكتش، عشان في اليوم ال روحت فيه محلمتش بحاجه ولا حسيت بحاجه
تاني، يوووم لقيت ابويا بيقولي، انت نتيجه امتحاناتك طلعت
امتحاناتي مكنتش مركز هيا طلعتوولا لأ
قولتله ثانيه واحده اشوفها
دخلت علي موقع الكليه وبجيب نتيجتي، لقيت نفسي ساقطوقي كل المواد
ازاي انا روحت المواد كلها وعارف اني حالل كويس اووي
ابويا طبعا عمال يقولي في اي وانا اقوله معرفش
اتصلت بدكتور من الكليه بقوله هو انا ساقط في كل المواد ازاي
الدكتور رد عليا عشان محضراش ولا امتحان يا استاذ احمد
محضرتش ولا امتحان
ايه الكلام ده
كلمت واحد صحبي لقيته بيرد بنفس الرد
ايه الكلام ده
جريت علي اوضتي وقفلت علي نفسي وبدات افكر افكر اي ال، بيحصلي بالظبط اذاي مروحتش اذاي
لقيت ابويا داخل عليا الاوضه وبيقولي انا اتصلت بالدكتور وعرفت منه اذاي، تسقط يا احمد
قولتله انا عاوز احكيلك علي حاجه بس ممكن تقول، عليا مجنون بس مش مهم المهم اني احكيلك
وحكيتله الموضوع من اوله لاخره لقيت ابويا اتعصب وبيزعق ويقولي اذاي متقوليش علي، حاجه ذي كدا
وفي ثانيه رفع تليفونه واتصل علي واحد تقريبا اسمه الشيخ توفيق
وعمال يقوله لازم تيجي لازم تيجي
اليوم عدي، طبعا وامي وابويا قاعدين جمبي وانا خايف انام طبعا لحد مأمي فضلت تقرأ قرأن جمبي لحد منمت وهيا قاعده جمبي
تاني، يوم جالنا الشيخ توفيق
وقعد معايا وطلب اني، احكيله علي كل حاجه بدات احكي ولما خلصت طلب انه يشوف الملفات دي
فتحتهاله علي الكمبيوتر وبدأ يقرأ فيها
وبدأت نظرته تتغير في، ثانيه وبيقولي، دي مخطوطه معموله عشان تحبس احد اشر الجن واسمه (ظام) المخطوطه دي اتعملت عشان تحبسه هو وخدامه
بس انت لما قرأت المخطوطه او قرأت منها جمل
خرجت خدامه او عدد منهم وهما ال بيعملوا معاك كدا
بدات اترجم في، لحظه يعني القرأه بتخرجهم
حكتله علي الراجل المغربي ال طلب مني اني اقرأ الملفات كامله عشان اجدد العهد
لقيت الشيخ بيقولي، بس انت كدا مش بتجدد العهد انت بتفرج عن)(ظام) مش اكتر الخدام بتوعه هما ال اوحولك انك لو عملت كدا كل حاجه هترجع طبيعيه
الشيخ خلص كلامه وبدأ يقرأ قرأن بدات احس بحر شديد اوووي
وفي ثانيه قومت وهجمت علي الشيخ وفضلت اضرب، فيه
وابويا بيحاول يشيلني من عليه
لما قومت من عليه ورجعت لوعيي بدأت اعتزر له انا مش عارف عملت كدا اذاي
الشيخ قال لابويا انا مش هنفع في الموضوع ده لازم نجبله الشيخ صلاح
ابويا مفكرش طلب منه يجيبه
الشيخ روح وانا في، اوضتي ابويا، خرج وسابني لوحدي شويه حسيت، ان في حد، معايا، في الاوضه
ببص جمب السرير لقيت حاجه مش عارف اوصفها بس مش انسان
هو حاجه كدا عامله ذي القرد بس فتحه الفم اكبر بكتير والسنان كبيره جدا
العين شكلها مرعب
وبيبصلي ومبيتحركش
وانا مركز، مع الكائن ده لقيت ابويا، داخل من باب الاوضه وفي ثانيه الكائن ده هجم عليه وفضل يقطع في، لحمه قدام عنيا
وانا مش، قادر اتحرك
عمضت عنيا من الخوف وبفتحها تاني لقيت ابويا داخل عليا الاوضه
ابويا داخل عليا ابويا ال كان في كائن غريب بيقطع في لحمه من شويه
ايه دا مش طبيعي
عدي اليوم الغريب، ده
وخالي الشيخ صالح تاني يوم وذلب اني، اقعد، معاه لوحدي
وبدأ يقرأ حاجات منها قرأن ومنها مش قرأن جسمي بدأ يرتعش
ويتقل بصوره غريبه جدا
حسيت اني، بيغمي عليا
وفي لحظه حسيت اني، بتسحب من جسمي انا واقف بتفرج علي، نفسي وانا قاعد علي الكرسي ونايم
الشيخ فضل يطلب مني اني، اتكلم انا مين
لقيتي اتعدلت علي الكرسي وبدات اتكلم بس، ده مش صوتي
وبدات اهدد واتوعد للشيخ والشيخ في لحظه معينه بيتحول من الصرامه الشديده ال فيه لحاله خوف هستيريه ومبقاش عارف يعمل ايه
وراح فاتح باب الاوضه وخارج جري
انا شايف كل ده وانا عامل شكل الطيف انا اشوف بس محدش يشوفني
بس ال قاعد علي الكرسي
بدأ يبصلي ويركز معايا زي ميكون شايفني
وابتسملي ابتسامھ وحشه جدا ابتسامه خارجه من الجحيم
وفي ثانيه حسيت اني بتسحب تاني وبرجع لجسمي
عدي شويه وقت علي مفوقت
ولقيت ابويا قاعد في وشي ومستنيني افوق
وبيقولي انت عملت ايه في الشيخ
والرد طبعا كان اني مش عارف ومش فاكر
بالليل في نفس اليوم فتحت الملفات وبدأت اكمل الترجمه بتاعتها
وانا مش عارف اي ال هيحصلي هيبقي اي مصيري الله اعلم
انا فقدت الامل في كل حاجه لازم اتصرف بنفسي
لازم انا ال اشوف حل للمشكله دي
خلصت الترجمه للملفات
وبدات اقرأها كلها
بعد مخلصت قرأتها حسيت اني بدوخ شويه بس استعدت وعيي بسرعه وحاجه بتتشكل اودام عنيا كائن ما
لا دا انسان بس اذاي لا لا مش معقول انا اكيد بخرف
قعد علي الكرسي وطلب مني اني اقعد علي الكرسي ال اودامه
وبدأ يتكلم .
ويقولي انا ظام جن كنت محبوس انا والخدام بتوعي لاننا اذينا عدد كبير من البشر وانت خرجتني او فكيت الطلسم ال كان معمول لحبسي
رديت عليه
انت دلوقتي هتأذيني بدأ يضحك يضحك وفي ثانيه سكت
وبصلي، وقالي الاذي لسه مبدأش لاما تكون عبد ليا وتنفذ كل ال انا عاوزه لاما هتشوف الاذي فعلا محدش هيقدر يمنع الاذي عنك
في ثانيه مش عارف، الرد ده جالي اذاي قولتله ربنا قادر
بصلي بنظره كلها غضب وبدأ ياحرك حركات هستيريه في الاوضه واختفي
وفي ثانيه سمعت صوت صريخ بره الاوضه وصوت نار
واصوات كتير متداخله اصوات خارجه من الجحيم
اصوات بتمثل الجحيم نفسه
حاولت اخرج اشوف في ايه مفيش مش قادر اتحرك
سامع ابويا بينده عليا ععوزني الحقه مش قادر
صوت امي بتنادي عليا وانا مش قادر
وفي ثانيه واحده كل حاجه سكتت
بحاول اتحرك
اتحركت فعلا جريت علي الصاله لقيته قاعد بره
وبيبصلي بصه كلها تحدي
وقال دي البدايه واختفي اه اختفي
بدأت ادور علي ابويا وامي مش لاقيهم في البيت
فضلت شويه سرحان لقيت الباب بيخبط وابويا علي الباب
دخل بقوله كنت فين قالي كنت بشوف الشيخ ال سابك وجري ده
فبقوله انا مش عارف هو كان بيجري ليه
لقيته بيقولي الله يرحمه بقي
بقوله ايه اذاي اذاي
قالي لما تنزل منها ركب عربيته وشكله عمل حادثه جامده اووي
قعدا علي الكرسي ال جمبي
وابويا قاعد قدامي ومبنتكلمش خالص
بس لاحظت ان ابويا بقي خايف مني اه والله ابويا خايف مني
انا مش عارف هيحصلي ايه تاني
نمت ونفس الاحلام مبتتغيرش الكائنات والراجل ال لابس حاجه علي دماغه
وصحيت تاني، يوم بس صحيت علي وجع شديد، في رقبتي
جريت علي المرايه لقيت مرسوم علي رقبتي رسمه غريبه اوووي
بس الرسمه دي بتوجعني لما احط ايدي عليها
روحت لابويا.
لقيته بيقولي، انا لقيت حل احنا هنروح للراجل ده واسمحولي مقولش اسمه عشان معروف عندنا في الشرقيه
رديت عليه وبقوله هيا خلاص وصلت للدجالين
لقيته بيقولي مش يمكن يكون عنده حل
رفضت رفض صريح
بالليل لقيت ابويا داخل ومعاه واحد شكله غريب
اول مدخل سلم عليا وكان عارف اسمي ومعلومات عني
وبدأ يتكلم معايا وهو بيتكلم معايا عنيه بتلف في الاوضه ذي ميكون شايف حاجه احنا مش شيفنها
وبدأ يقول كلام غريب جدا بدأت حراره الاوضه ترتفع
وظلال بتظهر وتختفي والاضواء بتترعش
وحرج من جيبه ازازه فيها سائل معرفش ده ايه وبدأ يرش في الاوضه
في اللحظه دي، انا بدأت اسمع صرخات في ودني ومبقت قادر فوقعت علي الارض اغمي عليا
لما فوقت لقيت الراجل بيسلم علي ابويا وماشي
بقول لابويا هو كدا خلاص قالي احنا هنروحله بكره وهو قال انه هيخلص كل حاجه بكره
تاني يوم ركبا العربيه انا وابويا وروحنه عند مدافن البلد بقوله احنا ايه ال جبنا هنا
لقيته بيقولي الراجل هو ال قال
لقينا لراجل واقف وجمبه واحد تاني شكله المساعد بتاعه وبيقولنا يلا
دخلنا المدافن
وانا هموت من الرعب اصلا احنا داخلين المدافن بعد العشا
فحتي لو مفيش حاجه دي لوحدها ترعب
راح عند تربه معينه وقال للراجل افتحها الراجل فتحها
الراجل دخل التربه المفتوحه فضل شويه جوه وقالي يلا تعال
انا قولت لأ استحاله مستحيل ادخل التربه لا لا
لقيت ابويا بيقولي معلش يبني استحمل عشان نخلص بقي
دخلت التربه
انا في تربه مدفون فيها ناس واكفان
انت عارف لما حد يقولك ريحه الموت
طبعا الدنيا ضلمه جدا مفيش غير لمبه قديمه ال هيا بالجاذ دي الراجل ماسكها في ايده
شاور علي مكان جمب جثه جوه المقبره وقالي نام جمبها بصيتله
ونمت فعلا لقيته عمال يتكلم يتكلم ويقول حاجات .
وانا مش فاهم وعاوز اخلص انا نايم جمب حثه جوه تربه
لقيت الرجل بينادي علي ابويا من بره وبيقوله ادخل
ابويا دخل
ادي لابويا سكينه وقاله قطع الكفن من علي الجثه ال جمبه دي
ابويا فعلا بدا يقطع في الكفن يقطع في الكفن
الرجل خد الكفن المتقطع وبالسكينه جرحني في ايدي وبدأ ياخد من الدم ال بنزل من ايدي ويكتب حاجات علي قماش الكفن
ويقول حاجات
وانا بسمع اصوات وصرخات
وفي لحظه باب التربه اتقفل علينا جوه
ونور اللمبه القديمه اتطفت
وبدأت اسمع اصوات واشوف كائنات غريبه بتهجم علي الراجل وعلي ابويا
وعمالين يقطعوا فيهم وانا ذي الميت مش قادر اتحرك
وفي عز ال بيحصل ظهر كائن كبير اكبر من الكائنات التانيه وعنده قرنين في مقدمه دماغه
وبدأ يقرب عليا
وسامع صوت في وداني بيقول لقت حان وقت موتك
في اللحظه دي بدات اقرأ قرأن اقرأ اقرأ
بدأ الكائن ده يرجع لحد مختفي والكائنات بدأت تختفي وانا بدأت ازحف لحد موصلت لباب المقبرهوحاولت افتحه لقيته اتفتح خرجت من المقبره
وبدأت اجري اجري اجري لحد مووقع من طولي
فوت لقيت نفسي في مستشفي وامي قاعده جمبي وشخص تاني معرفوش
امي حضنتني
والشخص ال جمبها بدأ يتكلم وبيسألني وانا اجاوب
اكتشفت ان ابويا مات فعلا
بدأت اعيط عياط هستيري
الشيخ ال امي كانت جيباه اسمه الشيخ احمد
بدأ يتكلم ويقولي انت خرجت من محنتك لما افتكرت ربنا ودعيته
قرب من ربنا يا احمد هو ال قادر يحميك
وسابني ومشي
انا كنت السبب في موت ابويا
خرجت من المستشفي شخص تاني بحلم بنفس الاحلام متغيرتش
ليه الموضوع منتهاش لحد كدا عشان انا لسه بشوف الكائنات دي حوليا والكائن الكبير لسه بيظهرلي
دا حتب هو جمبي دلوقتي وانا بكتب قصتي اه جمبي اصلي اتعودت علي وجودهم بقي خلاص
اتعودت علي اصواتهم .
بيقولي عليا مجنون بكلم نفسي وبكلم ناس مش موجوده
ولما اقولهم اورهملكوا يسبوني ويمشوا
ودا حتي انا كملت العهد معاهم هما قالولي انهم هياخدوني اعيش معاهم تحت الارض
احسن صح اصل انا عملت ايه بال فوق الارض اجرب ال تحت يمكن يطلع احسن
مش مصدقني صح
تعال المكان ده وانا اخليك تصدق تعال
مستشفي العباسيه للامراض النفسيه والعصبيه قسم (ج) عنبر 3
اسأل عليا هناك هيقولولك باش مهندس احمد افضل راوي قصص اصلهم مش مصدقني هما كمان او خشلي العنبر
بس بسرعه
اصلي نازل قريب
النهايه
دي كانت رساله احمد، من المستشفي بدن زياده في الاحداث
هو حب يوصلها وانا وصلتها
وشكرا .
