عالم الجن المرعب
عالم الجن
فرح من افراح الجن
كان يا مكان في قديم الازل كان في واحد اسمه محمد بن الغريب من بلد عربية محمد كان متجوز اسيا وكانت حالته المادية وحشه أوي أوي ما علينا المهم في يوم من الايام جي رسول خبط علي باب محمد فا مراته فتحت صوتت ”ااااااااه“محمد جري يشوف في ايه لقي واحد ”شكله غريب طويل جدا ومخبي وشه وعينيه حمرا لون الدم وصوته صوته تقيل وخشن جدا ورجليه رفيعه شبه رجل المعزة ايوا شبه رجل المعزة“ محمد بصله برعب وقاله انت مين رد عليه الرسول بصوته الخشن ”قد مات عمك فارس وترك كل ثروته واملاكه لك“ وطبعا محمد اتصدم لأن عمه كان غني جدا وكان بخيل عليه اوي وبدأ يعيط من الفرحه ودخل جهز شنطته وودع اسيا مرراته بدموع الفرح وركب حماره وبدأ رحلته وهنا عدا 7 ايام ومحمد ماشي في طريقه في الصحراء ”اي دا انا توهت ولا اي وكمان المية خلصت والاكل كمان خلص والشمس حاميه جدا “ و محمد بدأ يهلوس وفجاة اغمي عليه محمد نايم علي الارض والليل ليل عليه ومحمد مش قادر يقف ”اي دا اي الصوت دا طبل وزغاريط دي ولا انا اتجننت خلاص“ محمد بدا يفتح عينه ”اي النور دا اي دا فرح في نص الصحراء“ ”ازااااي“ ”طب هما ممكن يكرمو عابر سبيل؟ انا اروح اسألهم علي ماية واكل وكمان علي الطريق “ محمد بدأ يجمع نفسه وقام من علي الارض وبدأ يمش ودخل الفرح محمد شاف ارعب منظر ممكن يشوفه بني أدم شاف بشر برجل معيز عاملة ترقص وتغني ”اكيد انا بهلوس من الشمس بس لا دي مش رجل بشر واي الاغاني دي مش دي طلاسم ولا اي دا" واحد من المعازيم ” اهلا اتفضل اتفضل انت عابر سبيل مش كدا“ محمد”ايوا وتايه بقالي كام يوم وحتي الميه والاكل خلصو ولقيت الفرح دا فا قولت اسألكم" الجن ”لا لا انا هساعدك انا هجبلك اكل وميه وهناخدك معانا بعد الفرح“ وابتسم ابتسامة خبث وشر محمد خاف قال جوا. دماغه ”انا اخد الاكل والميه وامشي دول ناس شكلها غريبة“ الجن” تعال يا عابر السبيل جبتلك اكل وميه“ محمد طبعا اتخض بيبص كدا لقي وليمة عشانه طب كل دا حصل ازاي وفي دقايق بس الجن”انت ضيفنا النهاردة ولازم نهتم بيك" محمد اتبسط جدا وراح قعد ولسه هياكل راح جي في باله سؤال راح سال الراجل قاله"هو انت شايف الي انا شايفه" الجن "لي انت شايف اي" محمد " شايف كل المعازيم برجول معيز حتي انت رجلك اي شبه رجل المعزة" الجن ضحك بهيسترية غريبة وقاله "لا خالص انت بس الي الشمس كلت دماغك" ومحمد قاله ممكن "وبيبص علي الاكل مغري جدا وشكله جميل ويفتح النفس ولا ريحته الي تخليك جعان حتي لو شبعان يلا بقي ومسك ورك فرخه وبيقول بسم الله ”اي اييي اييييييي فين الناس فين الفرح فين الاكل الي كان قدامي كل حاجه اختفت" محمد قلبه كان هيقف من الخوف وطلع يجري وفضل يجري ويجري لايام وفجاة اغمي عليه في الصحراء "اصحي يبني فووق يبني انت" محمد "اي دا انتو مين" احنا قافلة تجارية وكنا رايحين بلد قريبة من هنا ولقيناك بتموت المهم انهم شربوه واكلوه وقاعدو يتكلمو معاه "اي الي حصلك" محمد حكلهم الي حصل وكلهم اترعبو من الي سمعوه وصعب عليهم وخدوه في طريقهم وصلوه لحد بيته كانت الساعه 3 الفجر فتح الباب ودخل نام جمب اسيا مراته وغط في النوم من التعب صحي محمد علي صوت صويت ”ااااااااااااه" انت مين ونايم هنا لي محمد”في ايه يا اسيا مالك انا محمد جوزك“ اسيا ”محمد جوزي ازي محمد شعره مش ابيض وعيونه مش سودا انت مين‟ محمد اتخض من كلامها جري علي المرايا بيبص اتفزع "انت مين وانا شكلي فين" المهم قععد يتكلم مع اسيا وحكي الي حصل وهي بدات تفهم ولسه هتقوله علي حاجه الباب عمال يخبط لا يخبط اي دا حد عمال يرزع الباب محمد قام فتح لقي الرسول اللي جاله اول مرة ابو شكل مخيف ومرعب وصوت خشن قاله بصوت مرعب "اديك شوفت الي بيحاول يوصل للورث اي الي بيحصله" وسابه ومشي محمد عمال يفكر لي كل دا بيحصل وكل الي بيحصل دا عشان الفلوس اكيد لا في سر ولازم ادور عليه
