عالم الجن المرعب
عالم الجن
عالم الجن المرعب
الجزء الثاني
وطبعا عدا يوم ورا التاني وشهر ورا التاني وسنة ورا التانية ومحمد باله مشغول وعمال يفكر "يا ترا هما عملو معايا كدا لي دا حتي انا مأزتهمش" ومحمد دماغه هتفرقع من التفكير وفي يوم محمد قام من النوم مخضوض اسيا مراته " بسم الله الرحمن الرحيم في اي مالك يا حبيبي " محمد "حلمت بحلم مخيف حلم اي دا كابوس" اسيا
"احكيلي شوفت اي" محمد "خير اللهم اجعله خير حلمت بان في واحد عنده قرون ولونه احمر وعيونه ولسانه شبه عيون ولسان الافعي وعمال يجري ورايا ويضحك ضحكة غليظه تهز القلب من جوا" اسيا "سلم يا رب ها وبعدين" محمد"لقيت قدامي سيف مسكته ولفيت وشي لقيته بيجري نحيتي روحت حطيت السيف في بطنه وهو عمال ينزل دم وعيونه في عينيا وانا عمري ما هنسي قالي اي قالي((مهما حاولت الورث دا ورثنا احنا)) انا لحد دلوقتي مش عارف عمي سابلي ايه ورث انا لازم اتحرك حالا واروح افهم اي هو ورثي" اسيا" انا جايه معاك " محمد"لا طبعا دي رحلة خطر والله واعلم عمي يكون سايب ليا اي" اسيا"طب خلي بالك على نفسك وكل كويس" محمد "حاضر ياحبيبتي" وفعلاً محمد جهز حاجته و لقي ان في قافلة رايحة المدينه الي فيها ورثه حب يروح معاهم احسن من انه يروح لوحده ويحصل الي حصله تاني المهم بدات الرحلة ويوم ورا التاني وماشين في طريقهم والليل ليل اليوم التالت حل وي وصلو المدينه وقرارو خلاص هيستريحو بعد مشي 3 ايام المهم محمد كان مستعجل فا شكرهم وكمل طريقه لبيت عمه المتوفي وصل محمد وبيخبط علي الباب فتحتله ست اجمل من الجمال شعرها اسود طويل عيونها عسلي بتلمع بيضه بياض التلج جسمها متناسق اوي بتقوله "انت مين" محمد "انتي الي مين دا بيت عمي" الست "اي عمك؟ هو انت بقي محمد الوريث الشرعي" محمد “ اه انتي مين”
الست "طب ادخل وهحكيلك" وفعلاً دخل محمد وضايفته احلي ضيافة محمد " انا متشكر علي الواجب بس انتي مين؟ " الست " انا ابقي مرات المرحوم عمك" محمد " ايييييي ازاي وامتي دا حتي مقليش" الست طب خش نام وهحكيلك الصبح" محمد فعلاً كان هيموت وينام وفي دماغه تلاتين الف سؤال بس كان تعبان من الرحلة ودخل ينام علي الساعه 11 بليل كدا.
الساعه 3 الفجر محمد صحي"اي الصوت دا مين الي بيصوت دا هما بيعزبو حد ولا اي " محمد قام عشان يشوف الصويت والصراخ دا منين الصوت عمال بيزيد محمد لقي مصدر الصوت كانت اوضة الست محمد اترعب وبدا قلبه ينبض جامد من الخوف " اي الصويت دا هي بتعذب نفسها ولا ماسكه حد بتعذبه ولا اي" بس جمع شجاعته وراح خبط علي الباب"انتي كويسه يا مرات عمي " محمد سمع ارعب صوت ممكن تسمعه ودنه بيقوله"امشي خش اوضتك واوعي تخرج منها" محمد طلع يجري علي الاوضه وقفل الباب من الخوف وفضل مرعوب من الصوت لحد ما نام من الخوف وصحي مفزوع علي صوت واحده بتصوت اااااااااااااااه حرامييييييي محمد "في اي في ايي حرامي اي دا بيت عمي" الست"هو انت محمد طب مقولتش لي انك جي وجيت امتي ودخلت هنا ازاي" محمد"والله انا جيت بليل فتحتلي مرات عمي ونمت" الست" انت بتقول ايه اذا كان انا مرات عمك ومجتش هنا بقالي اسبوع" محمد "ايييييي امال الي فتحتلي امبارح دي تبقي مين" الست يبني البيت دا مفيهوش حد بقاله اسبوع" محمد قعد علي الارض "الي فتحتلي امبارح قالت انها مرات عمي وكانت بتصوت بالليل وانتي جاييه الصبح برضو بتصوتي وبتقوليلي انك مرات عمي انا دماغي هتنفجر" الست " اهدي بس هي ظاهرتك ولا اي؟ " محمد "هي مين دي" الست "مرات عمك" محمد" متجنينيش انتيي مش بتقولي انك مرات عمي بيقي الي كانت معايا بليل دي تبقى مين"
الست "مرات عمك برضو بس مش من البشر" محمد "مش من البشر ازاي جن يعني" الست "اه من الجن" محمد "انتي شايفة ان دا وقت هزار" الست" مش بهزر عمك اتجوز واحده من الجن " محمد مصدوم وي وشه شاحب "عمي طب ازاااي" الست "انا هحكيللك الموضوع بدا لما عمك اشتري كتاب سحر وبعد الكتاب دا الحال اتغير الفلوس بقت كتير اوي والمحلات كترت وبقينا من اغني الناس في المدينه بس عمك كان بيعمل حاجات غريبة يعني كان بيمنع نفسه عني و بيقعد في الضلمة كتير وشكله بيتغير وبيقول كلام غريب تقريبا طلاسم وانا حتي قعدت اكلمه قبل ما يموت مافيش فايدة برضو روحت سبتله البيت وروحت بيت اهلي قبل ما يموت بيوم جالي عند بيت اهلي وحكالي علي كل حاجه ان الكتاب سيطر عليه ولما حاول يبعد عنه قالي(( انهم هيأذوني ولو مارسنا الحب هتموتي عشان كدا انا كنت بحميكي وانا خلاص في اخر المشوار وهانت المهم عايزك تبلغي محمد ابن اخويا بوصيتي يلاقي الكتاب ويحرقه عشان ميحصلش الي حصلي مع حد تاني)) ومشي وبعديها عرفت انو مات مخنوق محمد"طب والكتاب دا. فين ولي عمي دخل الطريق دا" الست " مش عارفه وقالي قوليله(مع اول ضوء للقمر من شهر ميلادك هتلاقيه مستنيك)
