رواية الاميرة الخادمة للكاتبه مارو من الفصل الاول الي الثالث

الفصل الاول 

سندس بصدمه :فين لا يا عم عم زكريا مستحيل اروح هناك كفايه الكلام اللي سمعته عنهم في البيت اللي كنت بشتغل فيه 

زكريا برجاء :وافقي يا بنتي بالله عليكي 

سندس :لا يا عم زكريا انا عندي عيال عايزني اروح اشتغل عند ناس مش بترحم غلطه صغيره يطيروا فيها رقبتي 

زكريا :طب والعمل ايه دا لو مفيش خدامه راحت القصر بكره بالكتير رقبتي هطير اعمل ايه بس 

سندس بتفكير :اسمع يا عم زكريا روح انت شوف شغلك وانا هتصرف 

زكريا: ازاي يا سندس 

سندس: النهارده اخر النهار هشوفلك واحده 

زكريا :ماشي 

عند بطلتنا ليلي 

الباب يدق 

ليلي: ايوا جايه اهو 

ليلي :خير يا عطيه 

عطيه بخبث: ايه يا ست ليلي الايجار فينه ولا مش ناويه تدفعي 

ليلي :قولتلك اخر الشهر دا وفلوس هتكون قدامك امين 

عطيه :وماله نستنوا لاخر الشهر مع اني قولتلك ممكن تقعدي هنا من غير ولا مليم واحد 

ليلي :قولتلك فلوسك هتكون عندك اخر الشهر يلا من هنا يا راجل انت 

عطيه: انت اللي خسرانه بس اسمعي لو ما دفعتيش اخر الشهر دا تلمي جاحتك وتمشي من هنا 

ثم مشي 

ليلي وهي تغلق الباب قائله :راجل ملزق اعوذ بالله 

الباب يدق مره تانيه 

ليلي :يووووه الراجل دا مش هيتهد بقي اوف 

ثم تفتح الباب 

ليلي بابتسامه: سندس تعالي ادخلي ادخلي 

سندس: مابتساليش قولت اسال انا عامله ايه يا بت وحشتيني 

ليلي: والله انتي اكتر يا حبيبتي عامله ايه والعيال عاملين ايه 

سندس :الحمد لله يا حبيبتي بخير 

ليلي :تشربي ايه 

سندس: لا مش عايزه حاجه عايزاكي في موضوع كده 

ليلي :خير ان شاء الله 

سندس :جايلك في شغل 

ليلي بفرحه: شغل ايه 

سندس :في بيت عايزين خدامه 

ليلي :ياريت امته وفين 

سندس: هقولك ...…

في هذا القصر الراقي 

في غرفه يغلب عليها اللون الاسود يرقد هذا الرعد 

وخارج هذه الغرفه 

يقف هؤلاء الوحوش الثلاثه بتوتر 

فارس: مين هيضحي ويدخل يصحيه

ادهم :انا مش داخل ادخل انت 

فارس: ولا انا داخل انا لسه واخد علقه موت امبارح مش ناقص انا 🥲

ادهم نظر لجاسر قائلا :وانت يا بارد 

جاسر نظر لهم بسخريه ثم فتح الباب ودخل 

فارس :بطل يا بني والله بطل 

ادهم :فكرك هيطلع عايش 

فارس بتفكير :مااعتقدش 🤔🤔

في الداخل 

جاسر :رعد رعد قوم 

رعد وهو يسحب سلاحه من تحت المخده ويواجه ناحيه جاسر قائلا: انا مش قولت محدش يصحيني 

جاسر: في مشكله 

رعد :مشكله ايه 

جاسر ببرود: الرجاله اتمسكوا بالبضاعه

رعد بغضب: وانتو كنتو فين 

جاسر :قوم بس كده خلينا نتكلم ونشوف حل 

ثم تركه وخرج 

في الخارج 

فارس :قالك ايه 

جاسر لم يرد وتركه ونزل للاسفل 

ادهم: احيانا ببقي عايز اطلع سلاحي وافضيه في دماغ البارد دا فريزر ماشي يا جدع 

فارس: ابننا هنعمل ايه ابننا لازم ونتحملوه

ثم نزلوا خلف جاسر 

امام بوابه القصر 

ليلي بالانبهار :يانهار ابيض دا كله قصر كده من بره اومال من جوه عامل ازاي 

قالت جملتها وجاءت تدخل اوقفها الحارس قائلا بغضب: رايحه فين يا بت انتي 

ليلي :انا الخدامه الجديده 

الحارس :خليكي هنا هعطي خبر للبوص

ليلي: وماله يا اخويا 

بعد قليل جاء الحارس قائلا :ادخلي 

دخلت ليلي قائلا :يا حلوه يا ولاد ايه الجمال دا ثم دقت الباب 

فتح لها فارس قائلا: انتي الخدامه الجديده صح ادخلي ادخلي 

ليلي دخلت وفضلت متنحه فهي تقف الان امام ثلاثه رجال في غايه الوسامه

اول من تحدث ادهم قائلا بابتسامه: الله نسوان عندنا في القصر يا جماله 

جاسر :انتي اسمك ايه 

ليلي: اسمي ليلي 

فارس :طيب يا ليلي المطبخ علي ايدك اخر الممر دا أعملنا الغدا 

ليلي :حاضر ثم ذهبت باتجاه المطبخ

نتعرف علي شخصيات 

رعد شاب وسيم ٣٠ عاما قاسي عصبي مجنون هوايته سفك الدماء لا احد يقوي علي الوقوف امامه من كبار رجال الاعمال في العالم 

جاسر الفريزر شاب وسيم لا يقل وسامه عن رعد قاسي بارد جدا اقرب واحد لرعد ٣٠ عاما شريك رعد 

ادهم ايضا شاب وسيم جدا مرح جدا ولكنه حين يغضب يتحول الي شخص آخر ٣٠ عاما شريك رعد وجاسر ولكنه زير نساء 

فارس طيب بالنسبه لباقي الابطال وسيم ٣٠ عاما مرح يحب الضحك والهزار ولكن عند الجد اهرب من قدامه احسن شريك رعد

ليلي ٢٥ بنت بسيطه جدا طيبه وجميله جدا مرحه جدا يتيمه تخرجت من كليه الحقوق

الفصل الثاني 

ليلي بانبهار :دا كله مطبخ دا قد الشقه اللي قاعده فيها يا حلاوه يا حلاوه ثم اكملت محدثه نفسها "ايه يا حجه انتي جايه تنبهري هنا بس  اعملي للناس  لقمه ياكلوها انجزي" ثم بدات بعمل الغداء 

في الخارج 

ادهم :بس حلوه ليلي دي

فارس :لا بقولك ايه البت شكلها طيبه ومش حملك ابعد عنها 

ادهم :ايه ياعم انا بس هتسلي شويه 

جاسر: فارس معاه حق ملكش دعوه بيها 

ادهم بسخريه :الله الفريزر نطق يا جدعان والنبي كل واحد يخليه في حاله احسن 

فارس :براحتك ثم وجه كلامه لجاسر هو البوص اتاخر كده ليه يا عم 

جاسر :اهو نزل اهو 

رعد بغضب: ممكن افهم بقي ايه اللي حصل 

جاسر: البوليس كان عارفه بالمكان اللي هنسلم فيه البضاعه واتقبض علي علي ورجالتنا 

رعد :وايه اللي عرف البوليس بمكان التسليم ثم ضحك بجنون جعل كل من ادهم وفارس يرتجفون خوفا من القادم 

رعد سكت مره واحده عن الضحك  قائلا وقد تحول لون عيونه الي الاسود :جهزوا نفسكم عندنا زياره لمدحت القاضي النهارده 

فارس: بس مدحت القاضي في المستشفي من العلقه اللي فاتت 

رعد :ايه دا بجد يبقي لازم نزوره دا واجب ولا ايه 

جاسر بابتسامه: ولازم تكون زياره مميزه 

ادهم بمصمصه :ربنا يقدرنا دايما علي فعل الخير يا ولاد 

فجاه سمعوا صوت من المطبخ 

رعد وهو يضع يده علي سلاحه ايه الصوت دا 

جاسر: دي اللي الخدامه الجديده اللي بعتها عم زكريا 

رعد: اممممم بالنسبه لاجتماع النهارده ادهم وفارس هتحضروا الاجتماع وانت يا جاسر هتيجي معايا عشان تسليم البضاعه الجديده وبالنسبه للبت اللي جوه دي متخرجش من القصر 

ثم تركهم وتوجه ناحيه مكتبه 

في الداخل 

ليلي وهي علي وشك البكاء :يا ميله بختك يا ليلي دول عصابه يا لهووووووي يا لهووووي لا وكمان مش هخرج من هنا يا عيني علي شبابك يا اختي اللي ضاع يا صغيره علي الهم يا لوزه يا عيني عليكي يا اختتتتتتي

اتي فارس من خلفها وسمع ما قالت 

فارس وهو يكتم ضحكته: خلصتي الغدا يا ليلي 

ليلي وهي ترتجف: ايوا ايوا يا بيه دقائق بس واخلص 

فارس: ما تخافيش 

ليلي: هاااااا

فارس بابتسامه: عارف انك سمعتينا واحنا بنتكلم شوفناكي وانت واقفه بتصتني علينا دا تصرف مش كويس علفكره بس متخافيش طول ما انتي مطيعه وبتسمعي الكلام هتفضلي عايشه

ليلي وهي علي وشك البكاء :هو انتو ممكن تقتلوني 

فارس بابتسامه: اكيد ثم تركها وخرج 

ليلي: يا لهووووي يا لهههههوي منك لله يا سندس الكلب انتي دا انا لو شوفتك هنفخك ثم اكملت ببكاء دا لو عشت اصلا 

علي طاوله الغدا 

يجلس الاربعه منتظرين الغداء 

رعد :ما تشوف الزفته دي خلصت ولا لا 

فارس: ماشي 

في المطبخ 

فارس: ايه خلصتي 

ليلي: ايوا 

فارس: هاتي هساعدك

في الخارج 

رعد بغضب موجه كلامه لليلي: ايه دا كله تاخير 

ليلي اترعبت من صوته وهيئته: واوقعت ما بيدها علي رعد 

رعد بغضب فقد اصبحت عيونه كجمرات من نار:  انت غبيه يا بت انتي 

جاسر: خلاص يا رعد هي متقصدش ثم وجه كلامه لليلي لمي اللي وقعتيه دا وامشي 

ادهم: خف شويه علي البت دا لسه اول يوم ليها 

بعد تناول الغدا 

رعد :خلصوا مستنيكم في المكتب 

الجميع: تمام 

في المطبخ 

ليلي تبكي فهي لم تكن تقصد انا توقع الطعام فوقه 

اتي ادهم وراءها علي هذه الحاله 

ادهم: اوباااااا لا لا لا العيون الحلوه دي بتعيط ليه بس 

ما تزعليس هو رعد عصبي شويه احم لا كتير يعني بس انا بقي مش كده خالص 

ليلي: كنت هموت من الخوف والله اللي اسمه رعد دا المثال الحي للرعب

ادهم :هتتعودي هتتعودي المهم دلوقتي تعملنا قهوه كلنا بنشربها ساده 

ثم تركها وخرج 

ليلي: اومال يعني هتشربوها زياده ربنا ينتقم منكم 

في المكتب 

الباب يدق 

رعد: ادخل 

دخلت ليلي مريم وضعت القهوه علي المكتب ووقفت مكانها 

ليلي: تامروا بحاجه تانيه 

رعد: لا روحي انتي 

خرجت ليلي من المكتب وهي تتضع يدها علي صدرها قائله: الحمد لله كان قلبي هيقف يا ستار يارب 

استوووووووب

في المستشفي 

الباب يدق 

مدحت :ادخل 

ادخل رعد رأسه من الباب قائلا بابتسامه مختله :مدحت كده ياراجل في المستشفي وماتقوليش لا زعلان والله زعلان اوعى كده يا راجل خدني جنبك ثم نام بجانبه علي السرير قائلا مكانتش علقه وكام رصاصه كده خدتهم مني  نخسروا بعض عشانهم  يا راجل ولا ايه يا شباب 

الكل في صوت واحد ؛كده يا بوص

ادهم :احنا زعلانين منك يا مدحت كده يا راجل دا احنا اهل 

رعد: قوله يا ادهم قوله فجاه تغيرت نبره رعد ١٨٠ درجه قائلا بغضب مكتوم بلغت عن العمليه ليه ها 

مدحت بخوف :مش انا والله ما أنا 

رعد: تؤ تؤ تؤ محدش قالك أن الكذب حرام ولا ايه 

مدحت: والله ما عملت حاجه 

رعد :اومال مين 

مدحت بخوف :صل صلااح الراوى هو هو اللي بلغ والله ما ليا دخل 

رعد بابتسامه :جدع يا مدحت جدع ثم نظر حوله بس المستشفي هنا ممله اوى البدروم عندنا احلي بكتير 

اي رائك تكمل علاجك عندنا 

مدحت برعب حقيقي: لا لا يا رعد والله ما ليا دخل 

رعد خرج ثم أشار لفارس وجاسر بمعني هاتوه

عند ليلي في القصر 

ليلي محدثه نفسها: هما مش موجودين دلوقتي لازم اهرب ايوا لازم اهرب ايه هقعد هنا لحد ما اموت 

جاءت تخرج من الباب قائله طب هخرج ازاى من الحراسه دى كلها  جاءت تخرج من الباب اللي ورا 

قابلها أحد الحراس قائلا :رايحه فين 

ليلي: لا ابدا مش رايحه ثم قفلت الباب مره اخري 

ليلي: يارب ساعدني 

بعد مرور بعض الوقت 

سمعت ليلي اصوات سيارات تدخل من بوابه القصر 

لحظات وسمعت صوت أحدهم يصرخ قائلا سيبوني معملتش حاجه سيبوني 

ليلي: يا لهوووي مين دا 

دقائق ودخل كلا من رعد وجاسر وادهم وفارس وهم يضحكون بصوت عالي 

ادهم: هنعمل ايه مع صلاح 

رعد تطلع علي بيته انت وجاسر دقائق ويكون عندي 

ادهم وجاسر: تمام ثم خرجوا 

فارس: نادى علي البت اللي جوه دى 

فارس :تمام 

ذهب فارس باتجاه المطبخ 

فارس: ليلي تعالي 

ليلي بخوف: ايه هتموتوني 

فارس بضحك: لا مش دلوقتي تعالي تعالي 

ليلي :بالله عليك مشيني من هنا وانا والله ما هقول حاجه 

فارس بغضب: انجزي 

ليلي :حاضر حاضر 

عند رعد 

رعد بابتسامه موجه كلامه لليلي: هو انا مش قولت متخرجيش من القصر 

ليلي أوامت له قائله ؛ايوا 

رعد بنفس الابتسامه :اومال حاولتي تهربي النهارده ليه 

ليلي بخوف: انا انا بس 

رعد بغضب :انتي ايه انطقي

ليلي ببكاء انا اسفه والله مش هتكرر تاني 

رعد : اسمعي بقي بقولك ولتاني مره  بعد اللي سمعته وعرفيته البيت دا مش هتخرجي منه إلا في حاله واحده بس وهى موتك فاهمه 

ليلي :ببكاء فاهمه 

رعد وقد رق قلبه قليلا لها قائلا :امشي من قدامي 

بمجرد أن قال جملته كان ليلي في المطبخ تلعن حظها الذي اوقعها في بيت كهذا 

عند رعد وفارس 

رعد: ااااه اليوم كان متعب اوي هطلع انام وانت لما صلاح يجي اعملوا الواجب معاه تصبح علي خير 

فارس بابتسامه: وانت من اهله 

بعد ذهاب رعد 

ذهب فارس الي ليلي 

فارس: ليلي 

ليلي :ايوا يا فارس بيه 

فارس: الاوضه اللي في اخر الممر دا هتبقي اوضتك تقدرى تروحي ترتاحي واي حاجه تحتاجيها انا موجود 

ليلي أوامت له ولم ترد وذهبت باتجاه الغرفه اللي أشار لها 

فارس بشفقه بعد ذهاب ليلي: حظك وقعك في البيت دا وسط وحوش مش بيرحموا وبقي مكتوب عليكي تعيشي وسطهم بس وعد مني هحميكي ومش هخلي اي حاجه تحصلك 

عند سندس 

سندس محدثه نفسها بقلق: يا ترى البت ليلي مجاتش ليه لحد دلوقتي يكون حصلها حاجه" ايه يا اختي دلوقتي قلقانه عليها مش انتي اللي بعتها للنار بيديكي" 

عند ليلي محدثه نفسها :منك لله يا سندس منك لله هونت عليكي تعملي فيا كده دى انتي اختي وصاحبي وعشره عمرى تعملي فيا كده 

عند فارس وجاسر وادهم 

ادهم :ها هنعمل ايه معهم قالها وهو يشاور علي مدحت وصلاح 

فارس: رعد قال نعمل معاهم الواجب 

جاسر بابتسامه شر: بس كده بسيطه ثم ذهب باتجاه صلاح واخد يضربه 

الفصل الثالث 

في اليوم التالي 

في المطبخ 

فارس بابتسامه :صباح الخير يا ليلي 

ليلي :صباح النور اجهزلك الفطار 

فارس: لا عايز اتكلم معاكي شويه اقعدى 

ليلي :حاضر 

فارس :مساله وجودك هنا شي مش هنقدر نغيره لأن دا قرار رعد بس اللي عايزك تعرفيه اني هبقي دايما جنبك واي شي تحتاجيه اطلبيه مني اعتبريني اخوكي الكبير ينفع ده

ليلي: انا مش عايزه حاجه انا مش هقدر اعيش هنا  انت متخيل اني عايشه مع عصابه مافيا بيتكلموا في القتل وكأنه شئ عادي انا مانمتش من الخوف امبارح مش هقدر اعيش هنا ارجوك لو فعلا عايزني اعتبرك اخويا خرجني من هنا والله ما هقول حاجه انا عايزه اعيش بس 

فارس :ليلي سبق وقولت دا قرار من رعد مش هنقدر نغيره 

ليلي :ومين رعد دا عشان يتحكم في حياه الناس 

اتي رعد علي كلامها قائلا بمرح: بنصحك بلاش تعرفي مين رعد دا لانك لو عرفتيه هتكره اليوم اللي جيتي فيه هنا 

ليلي بشجاعه :اللي اعرفه أن مش من حقك تحبسني هنا اي كان انت مين  ممكن اوديك في داهيه 

رعد بضحك هستري قائلا :وااااو لا لا واااو عجبتني لا بجد عجبتني بتهدديني انا انتي مين اصلا عشان تتكلمي معايا بالطريقه لا لا متقوليش انا هقولك ليلي حمدي عبد التواب طالبه في كليه الحقوق والدك ووالدتك ماتوا في حادثه وبسبب ظروف حياتك مكلمتيش في الكليه لا دا الدنيا كمان ملطشه معاكي علي الاخر لدرجه انك تتحولى من طالبه في كليه الحقوق لمجرد خداااامه في البيوت هااا اقولك كمان اه وبسبب سندس صاحبتك جيتي اشتغلتي عندنا هنا بس كان لازم تعرفي أن اللي بيدخل البيت دا مش بيخرج منه غير علي قبره فلو يا حلوه عايزه تفضلي عايشه وتحافظي علي حياتك مسمعش صوتك غير بس تأمر بايه وحاضر غير كده لا واظن العيشه هنا احلي بكتير من الاوضه اللي كنتي قاعده فيها انا لحد دلوقتي بكلمك براحه وبهداوه بعد كده هي رصاصه واحده من سلاحى 

إنهى كلامه وخرج من المطبخ قائلا: جهزي الفطار فارس تعالي ورايا 

خرج ووراءه فارس 

ليلي بحزن: يارب ساعدني 

عند رعد وفارس 

رعد بسخريه: اعتبريني اخوكي ولو احتاجتي حاجه من امته الحنيه دي 

فارس: البنت غلبانه يا رعد سيبها في حالها خليها تمشي  

رعد بضحك: غلباانه اه ثم اكمل بجديه البت دي حته خدامه مش اكتر موجوده هنا عشان تخدمنا وبس غير كده كانت ماتت من وقت ما عرفت حاجات مينفعش تعرفها عننا بس اني اسيبها تمشي لا انسي 

فارس بحزن :البت دي بتفكرني بنيره اختي اوي فيهم شبه كبير اوي من بعض عشان كده حاسس بالمسوليه تجاهها مش اكتر 

رعد بحزن لتذكره تلك الطفله الجميله التي كانت ضحيه لاعمالهم والتي كانت سبب بهجه وفرحه في هذا البيت

رعد :اخرج يا فارس اخرج 

مساء في البدروم 

رعد وهو يلعب مسلاحه قائلا :كده يا صلاح كده انت عارف البضاعه اللي ضاعت دي بكام قولي دلوقتي اعمل فيك ايه هاااا قول 

صلاح بخوف: سامحني يا رعد سامحنى 

رعد: تؤ تؤ وقت السماح خلص خلاص 

في هذا التوقيت ليلي كانت تبحث عنهم لانه وقت العشاء 

ليلي :هما راحوا فين فجاه تسمع صوت صراخ اتي من الباب الخلفي للقصر 

ليلي باستغراب: ايه الصوت ثم تذهب باتجاه الباب 

عند رعد 

جاسر: اوووف خلصنا بقي انا جوعت 

رعد :أهدي بس ياجاسر دا مهما كان صلاح عشره عمر لازم يموت بطريقه شيك ثم وجه كلامه لصلاح الذي احتفت ملامحه من الدماء علي وجهه قائلا مش كده يا صلاح 

ثم يسمعون جميعا صوتا في الخارج 

رعد بابتسامه: البت دى بتلعب في عداد عمرها المهم وقفنا فين اه صلاح تحب نخلص بسرعه انت شايف اهو الشباب جعانين ولازم ياكلوا ثم وجه سلاحه ناحيه صلاح وفي اقل من الثانيه كان صلاح علي الارض جثه هامدة 

رعد بلا مبالاه وهو ينظف ملابسه قائلا: يلا يا شباب انا جعان اوى 

خرجوا امامه من البدروم 

خرج جاسر وتفاجي بليلي امامه نظر لها ببرود ثم تركها ومشي جاء بعده ادهم قائلا بسخريه: بتحطى نفسك في مواقف باااااايخه ثم مشي 

وبعده فارس القائل بلوم :مش بتحرمي بردو يا ليلي

ليلي وهي علي وشك البكاء :والله ما قصدى كنت جايه بس اقولكم أن العشا جاهز 

لم يرد فارس ولحق بجاسر وادهم 

جاءت ليلي لتلحق به ولكن أوقفها صوت رعد قائلا: استني عندنا 

ليلي بصوت مرتجف: نعم 

رعد وهو يلعب بسلاحه في وجه ليلي قائلا: بتعملي ايه هنا 

ليلي بخوف ممزوج بمرح: انى مشوفتش حاجه ومعرفش حاجه

رعد :لا يا شيخه 

ليلي: عيله وغلطت يا بيه 

رعد وضع السلاح علي دماغها 

ليلي بخوف اخذت تتحدث بسرعه: اخر مرة والله والله اخر مره مش هعمل كده تاني 

رعد بضحك علي منظرها قائلا: مجنونه ثم تركها ومشي 

ليلي بعد ما مشي وضعت يدها علي قلبها قائله: يالهوووووى كنت هموت ثم تذكرت ضحكه رعد قائله بابتسامه مافيا بس قمر ماكادت تكمل جملتها أتاها صوت رعد الغاضب قائلا: ليييييلي 

ليلي :ايوا ايوا جايه اهو 

هكذا مضت ٦ اشهر علي وجود ليلي في القصر لم تخلوا من غضب رعد وصراخه الدائم وتهديده لها بالقتل فقد أصبح ذلك روتينه اليومي وليلي اعتادت علي ذلك تقرب فارس من ليلي فهى تذكره بأخته الراحله الي حد كبير فقد اصبحت ليلي بئر أسراره ادهم معجب بليلي ويغير جدا من فارس هفي تهتم به كثيرا وهذا يضايقه جاسر علي وضعه فريزر باشا 

فارس: يا ليلي يا ليلي 

ليلي: ايوا 

فارس: فين الفطار جعااان 

ليلي :حاضر حاضر 

ادهم :يا ليلي فين القهوه بتاعتي 

ليلي :حاضر 

جاسر :ليلي اعمليلي قهوه 

ليلي: حاضر 

رعد :انتي يا زفته فين الفطاااار 

ليلي بغلب: حاضر حاضر اوووف دا الموت كان اهون يا شيخ من العيشه دى 

رعد: قولتي حاجه 

ليلي: لا لا بكح بكح 

رعد يتحدث وهو يوليها ظهره: خمس دقائق لو

الاكل مكانش جاهز هدفنك مكانك 

كل هذا وليلي تقلده بشكل مضحك فهي حفظت كل هذا الكلام والتهديدات 

ليلي: حاااضر كلها خمس دقائق والفطائر يكون جاهز اي اوامر تانيه 

رعد :لحد دلوقتي لا خدى الباب وراكي 

خرجت ليلي ووقفت علي الباب  قائله بهمسه: مصيبه تخدك 

فتح رعد الباب من خلفها قائلا بابتسامه: انا وانتى يا روحي ثم اقفل الباب في وجهها 

 

اللهم صل وسلم على سيدنا محمد

في المطبخ 

فارس بابتسامه: صباح الخير يا ليلي 

ليلي: صباح النور 

فارس: جهزي نفسك هتخرجي النهارده 

ليلي: بجد همشي من هنا 

فارس بضحك: هتمشي من هنا معانا هتسافري معانا 

ليلي بصوت عالي: نعم يا اخويا اسافر معاكم فين 

فارس: ايطاليا عندنا شغل هنخلصوا بس هنطول هناك شويه وهتيجي معانا معقول نسيبك لوحدك يعني 

ليلي: سيبوني لوحدي انا عايزاكم تسيبوني لوحدك انتو مالكم انا بحب اقعد لوحدي 

فارس: دا كلام بردو ميصحش نمشي من هنا ونسيبك 

هتيجي معانا 

اتي ادهم قائلا بمرح: ايطاليا هتعجبك اوي وبعدين احنا منقدرش نعيش من غيرك يا ليلي 

ليلي بردح :ليه يا اخويا متعرفوش تعيشوا من غيري طبعا لازم  تمرمطوا ليلي معاكوا كانت الخدامه بتاعتكم يعني احم احم ايوا انا الخدامه صح بس مش معني كده انكم تمرمطوني معاكم في كل حته كده حرام والله 

بصوا بقي انا مش هسافر معاكم هقعد هنا 

اتي رعد قائلا: ليلي اعمليلي قهوه اه صح جهزي نفسك هنسافر النهارده تمام 

ليلي: احم احم تمام 

ثم ذهب رعد 

نظر لها كل من فارس وادهم قائلين بصوت واحد: لا والله 

ليلي: ايه بتبوصلي كده ليه مش سامعين اتفضلوا عشان الحق اجهز نفسي يلاااااا

في مكتب رعد 

ليلي :القهوه 

رعد: حطيها عندك 

ليلي؛ حاضر 

وضعتها علي الطاوله ثم ظلت واقفه مكانها 

رعد باستغراب: واقفه عندك ليه 

ليلي: هو لازم اسافر معاكم 

رعد ببرود :ايوا

ليلي :بس انا مش عايزه اروح 

رعد ببرود: ماحدش سالك عن رايك اتفضلي 

ليلي بغضب: لا بقي لا بقي انا مش عابده عندك انا قولت مش هسافر يعني مش هسافر

رعد وقف ثم بدا بالاقتراب منها قائلا ببرود: قولت ايه مسمعتش 

ليلي بصوت منخفض: بقول لحضرتك ساعه بالكتير واكون جاهزه بس هو سؤال بسيط ملوش اي لازمه هو احنا هنطول في ايطاليا ؟

رعد :انتي قولتي ملوش لازمه هجاوب عليه ليه 

ليلي :ايوا صح ولا كاني قولت حاجه استمتع بالقهوه يلا سلامو عليكم 

ثم خرجت من الغرفه 

في طريقها الي المطبخ اخذت تحدث نفسها: كان مالي بالغلب دا بس يا ربي وفجاه تخبط في حد 

ليلي: ااااه يا اني ااااه يا دماااغي ثم رفعت راسها واذا به جاسر 

ليلي :هو انت اهلا فريزر باشا 

جاسر ببرود: اوعي من وشي 

ليلي: استني بس هقولك فريز باشا استني هقولك 

جاسر :عايزه ايه 

ليلي: سؤال محيرني من وقت ما دخلت البيت دهوون 

جاسر :ايه هو 

ليلي: انت كده علطول 

جاسر :كده ازاي يعني 

ليلي :مش بتضحك ابدا ابدا دا حتي رعد ابو قردان اللي جوه دا بيضحك انت مفيش خالص 

جاسر :هه ابو قردان مجنونه اعمليلي قهوه اوعي 

ثم ذهب 

ليلي: قهوه قهوه قهوه انتو قاعدين في عزا ولا ايه هههه عسل يا ليلي عسل 

في المطبخ 

ليلي تجهز القهوه لجاسر 

امامها يقف ادهم 

ليلي؛ ايه يا عم هتفضل واقف كده كتير ايه عايز قهوه انت كمان 

ادهم بابتسامه: مش هقول لا 

ليلي :ماشي ثواني وتكون جاهزه 

ادهم: ليلي هو في حد في حياتك 

ليلي: لا يا اخويا والله مفيش حد ولا سبت

ادهم :ولا كان في قبل كده 

ليلي: كااان لما كنت في الكليه 

ادهم: وايه اللي حصل 

ليلي: هه كان زميلي في الكليه كان بيقول إنه بيحبني وكده بس لما عرف إني علي قد حالي وماحلتيش حاجه بعد 

ادهم ضحك بسخريه فقد تذكر مشهد مشابه لما حكته ليلي حدث معه 

اتي جاسر قائلا ببرود: دا كله بتعملي القهوه 

ليلي :خلصت اهو اتفضل 

جاسر بابتسامه: شكرا ثم اخذ قهوته وخرج 

تحت صدمه ليلي وادهم 

ليلي بصدمه: هو شكرني دلوقتي ولا انا سمعت غلط 

ادهم بصدمه: بتهيقلي كده

ليلي: لا وابتسم كمان 

ادهم بصدمه: بتهيقلي كده بردو 

ليلي: إنه حدث تاريخي في القصر دا 

ادهم :هههههههههههههههه معاكي حق 

فارس: ايه مالكم ضحكوني معاكم 

ادهم بغيره: وانت مالك 

ليلي بضحك: هقولك 

فارس وهو ينظر لادهم :قولي 

ليلي :مش هتصدق جاسر قالي شكرا لا وابتسم كمان دا حدث تاريخي يا بني 

فارس بتهزري: جاسر بتاعنا 

مساءا 

تحركوا جميعا الي المطار 

امام الطائره 

ليلي: الااااه طياره خاصه يا حلااااااوه يا ولااااا

فارس :يلا يا ليلي هتفضلي واقفه عندك 

ليلي :جايه جايه شكلها هتبقي رحله فل