ليله فى المنزل المسكون
انا ادم شب ضايع طول النهار نايم و طول الليل بلعب قمار الغريبه انى بكسب عمرى ما خسرت فيوم حظى عالى زى ما بيقولو و تبدا حكايتى لما كنا بنلعب فيوم و الباب خبط اترعبنا كلنا و لمينا الكوتشينه و قام صاحب الشقه الى بنلعب فيها عشان يفتح الباب و دخل بعد شويه و معاه راجل عجوز لابس بدله شيك جدا و لابس ساعه اول ماشفتها عينى كانت هتطلع عليها و قعد قدامى على الترابيزه انا: ايه ياعم الحج انت انحرفت على كبر وله ايه ابتسم و قال
الراجل العجوز: بتعرف تلعب
انا: مش بس بعرف العب انا مبخسرش
الراجل العجوز: طب يله نلعب
و الغريبه انى خسرت فضلت العب و اخسر لحد لما فلست
الراجل العجوز: تلعب تانى
انا: انت خليت حيلتى حاجه
الراجل العجوز: عايز يبقا معاك فلوس كتير
انا: طبعا عايز
الراجل العجوز: انا ممكن اخليك مليونير
انا: ازاى
الراجل العجوز: ليله
انا:ايه
الراجل العجوز:فى بيت بيقولو عليه مسكون هتقضى فيه ليله ولو كملت الليله هديك 10 مليون دولار
وافقت وافقت بدون تفكير وتانى يوم رحت لعم سامى الراجل العجوز و ركبنا عربيته طلع حبايه من جيبه و قالى
سامى: خد دى حباية منوم
انا: ليه
سامى: انزل من العربيه و انسى كل الى قلتوهولك
انا: خلاص ياعم هخدها يا ساتر عليك
خدتها و فوقت بعد حوالى ساعتين مكنتش عارف انا فين المكان شبه صحراوى
سامى: خد المفتاح ده و انزل من العربيه ادخل البيت ده
نزلت و دخلت البيت بيت كبير فى حته مقطوعه البيت كان عباره عن ساحه كبيره فاضيه و فى سلم بيودى للدور التانى و الدور التانى كان عباره عن 4 غرف كل غرفه فيها سرير و شباك و كان فى غرفه فيها بلكونه اخترتها عشان ابات فيها و دخلت و نمت على السرير مسكت تليفونى بس ماكنش فى شبكه و مره واحده سمعت صوت صوت لام كلثوم اغنية قد رأى الحب سكرى خرجت من الاوضه عشان اشوف مصدر الاغنيه و كان الصوت جى من اوضه تانيه اول اوضه قدام السلم دخلتها كانت فاضيه و مفيهاش اى حاجه و رغم كده الصوت مستمر و مره واحده الاوضه بدأت تترج كان فى زلزال انا بصرخ و بنادى الحقونى و فقدت الوعى
و فقت فقت لقيت نفسى فى البيت ايوه ده بيت العيله القديم شفت ابويا قاعد وباين عليه ملامح التوتر و مره واحده سمعت صوت صرخه صرخه بصوت امى و خرجت وحده ست من اوضة امى وقالت
الست: مبروك يا عبده جالك ولد زى القمر
ابويا طلع يجرى على اوضة امى و مره واحده اتبدل المشهد كنت واقف فى اوضتى و امى شايله طفل الطفل ده كان انا و مره واحده فى دخان ملا الشقه امى قالت ينهار اسود حلة الرز وطلعت تجرى على المطبخ و سابتنى على الارض فضلت احبى لحد ما وصلت للبلكونه و اتعلقت فى الستاره لحد ما الستاره اتمرجحت بيا و البلكونه عندنا صورها واطى كنت هقع من البلكونه و فجئه ظهرت بنت بنت صغيره لابسه ابيض و شعرها طويل قوى نازل على وشها شالتنى و حضنتنى امى دخلت و شافت المنظر
امى: ايه ده انتى مين
البنت حطتنى على الارض و مدة كف ايدها نحية امى امى طارت طارت و اترزعت فى الحيطه انا كنت بتفرج اكنى بتفرج على فيلم 3d بس لما شفت كده تلقائيا جريت على امى حاولت افوقها
انا: امى امى ردى عليا
لفيت وشى لقيت البنت قصاد و شى بالظبط و قالت كلمه واحده بس حبيبى
و اتبدل المشهد مره تانيه و لقيت نفسى واقع على ارضية الاوضه فى البيت المسكون و سمعت صوت جرس جريت على تحت وفتحت الباب و كان سامى
سامى: اهلا بالبطل الشجاع نقول مبروك على الفلوس
وطلع من جيبه شيك و اداهولى و ادانى كارت
سامى: و ده الكارت بتاعى عشان لو حبيت ترجع هنا تانى و انا عارف انك هتحب
اخدت الشيك و الكارت و وصلنى بنفس الطريقه الى جبنى بيها
انا حاليا بقيت مليونير وده الى كنت بتمناه بس البيت ده فى سر و عندى فضول اعرفو انتم رايكم ايه اروح البيت تانى وله كفايه لحد كده. يتبع………..
تاليف
سعد اشرف
