ليله فى المنزل المسكون الجزء الثانى حب من الصغر

الحب الحب هو شئ غامض عندما تمتلك قلب حبيبك تصبح اسعد انسان فى العالم و عندما يحضر الفراق تملأ قلبك التعاسه كم انتم مساكين يا اهل الحب

انا ادم فكرنى بعد ما اخدت الفلوس و بقيت مليونير فضولى مريحنيش كنت عايز اعرف ايه السر طلعت الكارت الى اداهولى سامى و اتصلت بيه و رد عليا 

سامى: كنت عارف انك هتتصل 

انا: عايز اروح البيت 

سامى: بس كده نص ساعه و اكون عندك 

جالى و خدنى فى عربيته و ادانى قرص المنوم زى المره الى فاتت و فوقنى لما وصلنا و ادانى مفتاح البيت و مشى دخلت البيت و اول ما دخلت البيت سمعت نفس الصوت فاكرينه صوت ام كلثوم قد راى الحب سكرى طلعت على السلم و لقيت باب الاوضه الى دخلتها قبل كده مفتوح و الصوت جى من الاوضه الى بعدها دخلت الاوضه كأنى دخلت عالم تانى و المره دى شفت نفسى و انا طفل كنت فى ابتدائى و كنت خارج من المدرسه و كان ماشى ورايا محمود زميلى مشي ورايا لحد ما قرب منى و ضربنى برجله فى ضهرى الضربه كانت قويه جدا وقعتنى على الارض و لما وقعت اخد شنتطى و فتحها و اخد  كيسة السندوتشات بتاعتى و مشى و فجأه ظهرت البنت قدام محمود محمود اول ما شفها صرخ صراخ هستيرى و جرى وهو بيجرى جت عربيه خبتطه و البنت جت نحيتى و زى المره الى فاتت مقلتش غير جمله واحده بس حبيبى و مره واحده اتبدل المشهد و لقيت نفسى نايم على السرير فى الاوضه تلقائيا دخلت الاوضه الى بعدها اول ما دخلت لقيت نفسى واقف فى مكان غريب الارض لونها اسود و مافيش عليها تراب و السما صافيه و القمر لونه احمر احمر لون الدم و كان فى ناس لابسه عبايات عبيات سوده مغطيه جسمها بالكامل و مره واحده وقفو صفين قدام بعض و ظهر من وسطهم البنت البنت الى كنت باشوفها بس كانت اكبر بكتير رفعت ايديها و شالت شعرها الى كان مغطى وشها كشفت وشها و كانت اجمل بنت شفتها فى حياتى مادة ايديها ليا رحتلها و كنت عامل زى المنوم مغنطيسى وقفت جمى و خرج واحد من الى لابسين عبايات و جه نحيتنا و طلع قماشه بيضه و مسك ايدى و ربطها بالقماشه و مسك الطرف التانى و ربط ايد البنت و شاور ليها انها تتكلم 

البنت: انا عشق بنت محرز ملك قبيلة بنى محرز اعرض نفسى للزواج و اقبل قرانى من بشرى متبرئ من جنس بنى البشر و اعاهد بعهد الدم 

الراجل طلع خنجر وجرح ايديها جرح كبير القماشه اتحولت كلها احمر من دمها و بعدها جه وقف قصادى و طلع ورقه و ادهالى وشاورلى انى اقراها 

انا: انا ادم ابن عبده اقبل عرض نفس من نفوس بنى الجن و اقبل بقران عشق بنت محرز ملك قبيلة بنى محرز و اتبرئ من جنس البشر واتبرئ من من من ايه لا طبعا انا عمرى ما اتبرئ من دينى انا عارف انى عاصى بس عمرى ما اكفر بالى خلقنى

الراجل مسك القماشه و فك ايدى و ضربنى بالخنجر فى بطنى ضربه قويه و قعت على الارض و فقدت الوعى و كالعاده فوقت لقيت نفسى على السرير فى الاوضه سمعت صوت جى من الاوضه الى بعدها اخر اوضه و كان صوت الاغنيه طالع منها دخلت لقيت البنت او عشق قاعده على كرسى و جمبها جراما فون طفته 

عشق: يااااه ام كلثوم دى فعلا صوتها جميل 

انا: انتى 

عشق: اوعى تسالنى انت مين انت زكى و اكيد عرفت انا مين و من جنس مين و عايزه منك ايه 

انا: وانتى اكيد فهمتى انى مستحيل اوافق على حاجه زى كده

عشق: اوعى تكون فاكر انى زعلت لما رفضت الجواز بالعكس ده اهلى هما الى كانو غصبين عليا الجواز يا ادم هو نهاية اى قصة حب ممكن نفضل مع بعض منغير جواز 

انا: ياااه حتى انتم اخلاقو اتغيرت انا بقا مش موافق بجواز و منغير جواز 

لقيها مره واحده ملامحها اتغيرت و شها بقى احمر و عنيها بقت كلها سودا  و صوتها اتغير و قالتلى 

عشق: انت بتاعى فاهم 

و مره واحده فى دراع دراع اتلف على رقبتى من ورايا كان بيخنقنى ضربت الشخص الى بيخنقنى ده بكوعى فى بطنه و لفتلو طلع سامى ايوه سامى الراجل العجوز 

انا: انت الى جبتنى هنا انت الى عملت فيا كل ده انا هقتلك هقتلك 

سامى: ههههها ده لو لقيتنى 

وفجأه حسيت بضربه قويه جت على دماغى فقدت الوعى فقت لقيت نفسى فى مستشفى و متعلقلى محاليل و فى دكتور قدامى 

الدكتور: حمدالله على السلامه فى عربيه رمتك قدام المستشفى من اسبوع و خرج من الاوضه 

يعنى ايه يعنى كل الى شفتو ده محصلش انا تايه و مره واحده سمعت صوت ايوه هو صوت ام كلثوم قد رأى الحب سكرى.

 

                                                                                                      تأليف

                                                                                              سعد اشرف