قصة زائرة الليل
زائرة الليل
أنا كنت غاوي دخول الحمام بالموبايل و أقعد فيه بالساعات و بنسى نفسي ، بس
امبارح حصلت معايا حاجة غريبة جداً اول مرة تحصللي ، متعود اني افتح فيس
او واتس و اكلم اصحابي وانا بسمع اغاني بالهاند فري .. رغم اني كنت لوحدي
في الشقة بس سمعت صوت غريب جداً من برا الحمام بيقولي "وطي الاغاني
شوية" اتنفضت من مكاني و حوشت الهاند فري من ودني وانا مش مستوعب
الصوت اللي سمعته دة ، فضلت مركز لمدة دقيقة مفيش اي صوت تاني ،
اكتشفت انها تهيؤات وحطيت الهاند فري تاني وكملت اغاني ، بس الغريبة ان صوت
الاغاني فصل وسمعت في الهاند فري نفس الصوت ونفس الكلام اللي سمعته
برا "وطي الاغاني شوية والصوت بشع جدا ومرعب ، وانا ركبي بتخبط ف بعض
من الرعب ومش مصدق اللي بيحصلي دة وبفكر اخرج من الحمام ازاي ، لحد ما
قطع تفكيري صوت حد ماشي قدام باب الحمام ولابس
جزمة بكعب وبيمشي بطيء جداً ، انا حسيت ان قلبي
هيوقف من الدق المتسارع ، ووصل قدام باب الحمام ووقف ، في نفس الثانية
سمعت صوت سن سكينة معاه حادة جدا ، اترعبت اكثر وكنت بتمنى الموت
وانا مكاني .. فضلت مركز على الباب وواخد وضع الهجوم
لأي حركة هتحصل بس الصوت اختفى بالتدريج ومبقتش سامع حد بس فيه ظل
حد واقف من ورا الباب وكنت شايف الظل من تحت الباب ، جمدت قلبي وقمت
ناحية الباب وانا بمشى بدون صوت خطوات لحد ما وصلت عند الباب
وحطيت ايدي على الاوكرة ، بالتدريج بدأت احرك اوكرة الباب وانا ووشي بيطلع
سخونة جامدة وسامع صوت دقات قلبي و ايدي بتترعش ، وفجأة بدون مقدمات
فتحت الباب بأقصى سرعة و اتفاجئ بإضاءة شمس مالية المكان وصوت شباك
بيتفتح وصوت امى بتصحيني وبتقولى قوم سلم ع الضيوف
اييييه دة انا كنت بحلم ؟؟ معقولة دة حلم ؟! الحمد لله والله ، فرحت جداً انى
كنت بحلم ، مسكت الموبايل بتاعى بصيت فين لقيت الساعة 12:43 الظهر ،
شلت الموبايل فى جيبى وقمت من السرير دخلت الحمام آخد دش ، شغلت
الدش ونزلت تحتيه وفجاءة وبدون ای مقدمات سمعت صوت موبایلی بیرن ..
مشیت ناحية الشماعة ورا باب الحمام مديت ايدى ف جيب
البنطلون وطلعت الموبايل وهنا كانت الصدمة الأكبر ...
ملقتش ای مکالمة فائتة بس لقيت رسالة ، فتحت.
الرسالة لقيت مضمونها غريب جداً وفيه كلام مش مفهوم بيقول : " اتمنی" تزورنی
دلوقتى احسن من اني ازورك بالليل" فضلت افكر لمدة دقيقة ف الرسالة دى
وملقيتش ليها اى معنى ومش مجمع مضمونها ، خدت الرقم بتاع صاحب
الرسالة وحطيته في التروكولر جابلي اسم "أم تسنيم الخياطة" ، ايه دة مين
دى ؟ وليه بعتتلى رسالة ؟ ف وسط تفكيرى دة وانا واقف ف الحمام حسيت بـ
هوا ساقع عدا من ورايا بسرعة البرق ، رغم انى قافل شباك الحمام ، بصيت ورايا
بسرعة ملقتش اى حاجة ، شلت الموبايل في البنطلون و رجعت تحت الدش وجبت
الشامبو حطيته على شعرى وابتدا ينزل على وشى واضطريت اغمض عينى ، ف
نفس اللحظة سمعت الموبايل بيرن ، ماردتش عليه وكملت بس فجأة لقيت
الدش قطع مياه ، وانا مش شايف قدامى ومغمض عينى ، ونفس الهوا الساقع
بيعدى من جنبى بسرعة في اكثر من مرة وانا مرعوب افتح عينى لأني متأكد ان
فيه حد قدامی ، ابتديت اخبط ف حنفية الدش وافتح فيها جامد لحد ما اتكسرت
ف ايدى ولقيت الدش بينزل مياه قوية جداً ، حوشت الشامبو من عينى بسرعة
وانا باصص تحت واتفاجئ بالارض كلها دم ، صرخت وانا واقف من اللى شوفته
دة ومستغرب جه منين دة و
ازای حصل ، حسيت بألم فى كف ايدى اليمين بصيت
عليه لقيت جرح كبير وبينزل دم جامد ، تقريباً
لما كسرت حنفية الدش اتعورت ، كملت الدش بتاعى ولقيت الباب بيخبط عليا
مييين !!
يالا يا احمد خلص عشان تسلم ع الضيوف.
- طيب حاضر خلصت أهو. طلعت من الحمام على اوضتى جبت مطهر بيتادين
و شاش و ربطت ايدى كويس ولبست هدومي وكله تمام ، وطلعت الصالة عشان اسلم ع الضيوف واتفاجئ
ان مفيش حد !!
فين يا ماما الضيوف ؟
ما انت اتأخرت يا احمد والست زهقت ومشيت.
- يلا أحسن برضو ، بس مين هي دي أصلا ؟!
دى الست ام تسنيم الخياطة جيرانا الجداد خدوا
الشقة اللى قبالنا وهيسكن.....
ايييييه؟؟ ام مينن ؟؟؟ ام تسنیم؟؟
ايوة يا ابنى مالك هو اسمها وحش ولا ايه ؟
وحش ايه ياماما انا فيه رقم بعتلى الرسالة دى ع الفون والرقم متسجل بأسم ام تسنيم الخياطة على
التروكولر.
يعنى ايه يا ابنى مش فاهمة حاجة ، ثم الست دى
معندهاش موبایل اصلا وطول مانا قاعدة معاها
ما شوفتهاش ماسكة اي موبايل
يعنى ايه الكلام عايزة تقنعينى انه تشابه اسماء ؟؟
وارد والله ايه المانع.
طيب ياماما خلاص ، انا هدخل ألبس عشان نازل
الشغل.
- طيب افطر الاول وانزل
مش هتزفت يا ماما سيبيني ف حالي. دخلت اوضتى وانا مش مجمع الدنيا اللى
باظت دی و ازاى الاسم متشابه أكيد فيه حاجة غلط ، غيرت هدومى ونزلت من
البيت متجه للشغل ووصلت هناك
وعدى اليوم عادى و بالليل قررت اعمل عشا فاخر
صينية فراخ ف الفرن و اول ما ولعت الفرن سمعت صوت قنبله ف الشقه اللى جنينا
ايه ده ، طلعنا كلنا ناحية باب الشقة فتحناها لقينا المنظر اللى اترعبنا فيه كلنا ، باب
شقة الست دى مفتوح والشقة من جوة قايدة نار بشكل فظيع وكلها بتتحرق ،
والست جوة بتصرخ وكلها نار وبتتحرق وبتجرى ف كل مكان ومش عارفة تطفى
نفسها ، فجأة لقينا الست من كتر ما هي بتتحرق اتبخرت وبقت دخان بيطلع لفوق
تدريجياً لحد ما اختفت خالص ومبقاش ليها اى وجود ، والنار اللى ف الشقة
ابتدت تهدأ وتنطفى لوحدها براحة ، لحد ما هديت خالص ومبقاش اى اثر للنار دى
بس الشقة كلها اتردمت وبقت محروقة ، الشيخ قالنا اقفلوا الباب كويس وياريت
بعد كدة متدخلوش حد غريب بيتكم ، قولناله حاضر ، راح بصلی و قالی "وانت
يا أحمد .. لو عايز تحافظ على نفسك ووالدتك واخوك بلاش تشغل اغاني في
الحمام وتقعد فترة طويلة" قلتله حاضر ،
سلم علينا وبعدها مشى ، دخلنا جوة بنفسر اللي حصل
مع بعض وبنتكلم وكلنا مستغربين من اللى حصل ،
قمنا نصلى الفجر ورجعنا وكل واحد راح على اوضته ، دخلت اوضتي كان النهار
قرب يطلع ، قفلت موبایلی خالص وحاولت انام بس تفکیری مشغول باللي
حصل دة ومش قادر ابطل تفكير ، من ساعتها وانا مش عارف انام وكل ما انام
الاقى الست ام تسنيم الخياطة جتلى في الحلم وهى محروقة بتقولي ليه عملت
كدة ؟ ليه عملت كدة ؟.............
